رواية حب بعد عذاب الحلقة العاشرة
( حب بعد عذاب)
~آلَحًلَقُهّ آلَعٌآشُرهّ~
اوصل امير حور ونور الي الجامعه ونزلو من السياره ليدخلو الجامعه
- انسه حور
وجدت حور من يناديها فنظرت خلفها فوجدت انه معيد بالجامعه فنظرت حور الي امير وجدته نزل من السياره ليرا من هذا
ذهب المعيد الي حور وقال: صباح الخير انا اسف جدا يا انسه حور اني وقفتك بس كنت عاوز اسأل حضرتك علي حاجه بس
- وحضرتك عاوز تسألها علي ايه وانا اجاوبك عليه
كان هذا صوت امير الذي جاء من خلفهم
قال المعيد: وحضرتك مين معلش عشان تتدخل
امير: انا ابن عمها وحضرتك
المعيد وهو يمد يده ليسلم عليه: اه اهلا انا شهاب معيد هنا في الكليه
امير: اهلا بحضرتك ممكن اعرف حضرتك عاوز منها ايه
شهاب بتوتر: بصراحه انا ك كنت عاوز رقم والدها بس
امير بهدوء خارجي عكس ما يوجد داخله: وعاوزه ليه
شهاب بتوتر: يعني ك كنت هروح ليه ع عشان اا اطلب ايديها
تفاجأت حور ونور ولكن تفاجأء امير اكثر وقال بغيظ كبير يحاول يخفيه: بس حور متقدملها عريس وهيقرأو الفاتحه كمان يومين
صدمت حور وقالت نور بدون وعي لحور: الكلام دا صحيح هيقرأ فتحتك من غير ماعرف
حور بصدمه: مش لما اعرف انا الاول
شهاب بصدمه: انت بتتكلم جد
امير بجديه: وههزر ليه
شهاب بحزن: اه اه الف مبروك يا انسه حور ثم ذهب شهاب واستدار امير لهم فقالت حور بدهشه: ايه دا ايه اللي انت قولتو دا حقيقي
امير: لما تروحي هفهملك حل حاجه
حور بغيظ طفيف: لا لازم افهم
امير وهو يرتدي نظارته ويذهب: هفهمك لما تروحي سلام
وذهب وتركهم
حور بغيظ: دا ايه البارد داا دا هيشلني قريب
نور بدهشه: هو اللي انا سمعته دا حقيقي
حور بغيظ منها وهي تضربها: امشي قدامي يلاا مش ناقصه غبائك هي امشي
ودلفو الي الجامعه
~~~~~~~~~~~~~~~
عند امير
كان امير يقود سيارته ويفكر كيف استطاع هذا الشهاب ان يتجراء وينظر الي حوريته اجل حوريته فلقد اعترف لنفسه بانه يحبها وقرر انه لن يذهب الي العمل بل سوف يذهب لأبيه لإقناعه بان يطلب يد حور له
وبالفعل انطلق الي المنزل لمقابلة والده وعندما وصل وجد والدته في غرفت الصالون تقراء في كتاب الله فقال
امير: السلام عليكم يا امي امال فين بابا
نعمه: وعليكم السلام باباك في المكتب بس ايه رجعك بدري كدا
امير وهو يتجه ناحية غرفة المكتب: مفيش بس عاوز بابا في موضوع
ثم اتجه نحو غرفة المكتب ودق الباب فأذن منصور للطارق فدلف امير والقا السلام
امير: السلام عليكم يا بابا
منصور باستغراب: وعليكم السلام اسه مروحتش الشركه لحد دلوقت ليه
امير: لا انا روحت وصلت حور ونور الجامعه وبعدين جيت ليك عشان عاوزك في موضوع كدا
منصور بتساؤل: وموضوع اي دا بقاا
امير بتوتر: ااا احم اانا عاوز اااا
منصور باستغراب لتوتر ابنه فهذه اول مره يراه هكذا: في ايه يا امير مالك بتتهته كدا ليه
امير بتوتر وكلام سريع: بصراحه يا بابا انا عاوز ةتجوز حور
منصور بدهشه: قولت ايه عاوز تتجوز حور
امير بتوتر: اهاا
منصور بسعاده: الحمد لله اخيرا ابو الهول نطق
امير بدهشه: ايه داااا هو انا مفضوح اوي كدااا
منصور بابتسامه: لا دا انا بس اللي بعرف اقفشك انما انت بالنسبه للباقي لوح تلج
امير: جرا ايه يابابا مش لدرجة لوح تلج يعني
منصور بتأكيد: لالا وصلت للوح التلج
امير وهو يغير الموضوع: ماعلينا انا هروح انده عمي محمد وعمل مصطفي وتطلبلي حور تمام
منصور بابتسامه: تمام
ذهب امير واحضر اعمامه محمد ومصطفي وعندما جلسو بالمكتب قال محمد
محمد بتساؤل: وادينا جينا وقعدنا اهو ياعم امير ايه الموضوع المهم دا بقاا
امير بتوتر: بولهم يلا يابابا
منصور بضحك علي توتر ابنه وقال: مفيش ياسيدي بس امير عاوز يطلب ايد حور بنتك
محمد بصدمه: حور بنتي انا
منصور: امال بنتي انا
محمد بتوتر يحاول ان يخفيه ولكنه ظهر بصوته: اا ماهوو في كدا مشكله
امير باستغراب: مشكلة ايه ياعمي
محمد بهدوء: في عريس تاني متقدم لحور
امير بصدمه: ازاااي ومين دااا
محمد: هقولك
"فلاش باك"
كان محمد يجلس في غرفته يقراء كتاب عندما رن هاتفه وكان المتصل حمزه فرد محمد وقال: السلام عليكم ازيك ياحمزه عامل ايه
حمزه: وعليكم السلام الحمد لله ياعمي وانت وخالتي عاملين ايه
محمد: احنا الحمد لله بخير ايه فينك مبتظهرش ليه
حمزه: مفيش الشغل بس واخد وقتي
محمد: طب ابقا تعالي خلينا نشوفك
حمزه: بإذن الله ياعمي المهم كنت عاوز خضرتك في موضوع كدا
محمد بتساؤل: موضوع ايه ياحبيبي
حمزه بتوتر: بص انا عارف انو مينفعش علي التلفون بس قولت اعرفك قبل ماجي بكرا لاني مسافر اسكندريه انهاردا مع كريم
محمد بتساؤل اكبر: قول ياحمزه مش مشكله علي التلفون تلي التلفون يلا قول
حمزه بتوتر: اااا بصرااحه كنت عاوز اقولك ان هاجي انا وماما ونور بعد بكرا عشان اطلب ايد حور
محمد بدهشه: حور بنتي
حمزه: ايوه ياعمي
محمد بهدوء: طبعا تشرف يابني البيت بيتك بس الرأي رأي حور في الموضوع دا
حمزه بتأكيد: اكيد ياعمي بس كنت عاوز اعرف حضرتك موافق عليا ولااا
محمد: بص ياحمزه انت راجل واي حد مكاني ميرفضكش وانا عن نفسي مش رافض الفكره بس الموضوع كلو في ايد حور
حمزه بأمل: خلاص انا هاجي بعد بمرا اتقدم رسمي
محمد بابتسامه: تيجي بالسلامه ياحبيبي
"بااااااک"
امير بصدمه: يعني حمزه هو اللي طالب ايد حور قبلي
محمد بهدوء: بص يابني الموضوع دا مش في ايدي لما حور ترجع من كليتها انا هفاتحها وهقولها عليكو انتو الاتنين وهي تختار الانسب ليها وكويس ان انتوالاتنين من سن بعض
امير: تمام ياعمي انا ماشي
~~~~~~~~~~~~~~~~~~~
عادت حور من الجامعه واخذها ابيها ليخبرها بالأمر وكان رد فعلها هو
حور:............
~~~~~~~~~~~~~~~~~~~~~~~~~
بًقُلَمًيَ # ~روٌنِآء سِلَيَمًآنِ~ #
~~~~~~~~~~~~~~~~~~~~~~~~~
التعليقات على الموضوع