رواية صديقي كن حبيبي الحلقة الاولي
🦋 الحلقة ١ 🦋
.
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
.
اول يوم فى سنة جديدة فى جامعة القاهرة كل مجموعة شباب وبنات متجمعيين وفى بعيد هنا اتنين بيتعرفو ببعض لاول مرة
فى بنت وولد بيكتبو اول حرف من اسمهم على غصن شجرة ومسكيبن ايد بعض وفى مجموعة بنات وشباب قسم فلسفة شكلهم معقديين بيتكلمو على تغيير المنهج
وفى كمان مجموعة بنات بيتكلمو على شاب وسيم واقف بعييد مع اصحابه
الشاب دة بياخد بالو من البنات انهم بيبصو علية وبيبدا
يفرد جناحاتو ويغمزلهم بطرف عيونو وفجاة بتيجى كورة من بعيد بتخبط الشاب دة فى دماغو والبنات بتضحك علية
والشاب من غير ما يشوف ميين الى حدف الكورة بيتعصب وبيصرخ
سليم / همسةةةةةة
والكل بيبص على بنت وقفة بعيد لبسة جينس وتيشيرت
زي الشباب و سليم بيجرى وره فى الجامعة و همسة بتضحك وبتجرى ووبتروح على بنت وولد قاعدين مع بعض بيتكلمو
و همسة بتستخبي ورهم
رحمة / يووة انتو الاتنين مش هتبطلو بقي خناق
سليم / مش هسيبك يا همسة
همسة / ولا تقدر تعمل حاجة
اشرف / فى اية تانى حصل اية
سليم / الهانم انا واقف فى حالى وفجاة الهانم ضربتنى بالكورة
همسة / قولهم كنت بتعمل اية يا حضرة الرومنسى
سليم / انتى مالك يا ارخم خلق الله
همسة / انت بتضحك على البنات بحبة العضلات الى فى دراعك دوول فاكر ان البنات تحت امرك
سليم / وانتى مالك انتى
سليم بيحاول يجرى وراها تانى و همسة بتضحك علية
همسة / انا بدافع عن البنات الى انا منهم من الى زيك
سليم بيبص لهمسة اوى وبينهار من الضحك عليها
سليم / هههههة بنات هو انتى من البنات هههههههة دة انا كنت ناسى والله هههههة
همسة / اية عوزنى زى البنات التافهة الى طول النهار قدم المراية وفى وشها مليوون لوون وتجرى عليك وتتمايع وتقولك سمسم سمسم
اشرف / بس خلاص كفاية بقي رحمة تعالى نشوف مكان تانى بعيد عنهم
رحمة / انتو الاتنين اصحاب من ٧ سنين
سليم / ٨ للاسف
همسة / لاسف للندم واية رايك انى مش عوزة اعرفك تانى
سليم / يكون كويس يا كابتن ماجد
همسة بتتعصب من الاسم دة و بتروح على سليم وبتمسكو من التيشيرت
همسة / قولتلك اكتر من مرة بلاش الاسم دة بيديقنى
سليم / كابتن ماجد كابتن ماجد كابتن ماجد
سليم و همسة بيبداو ضرب فى بعض هم الاتنين و اشرف
و رحمة بيبعدوهم عن بعض بالعافيه
همسة / خلونى اقتلو.
سليم / يامامى يامامى تصدقى خفت منك
اشرف / سليم تعالة معاي
همسة / النهاردة اخر يوم فى صداقتنا انا وانت ومش عوزة اعرفك تانى
سليم / ياسلام احسن حاجة قولتيها انا هكون اسعد واحد فى العالم لو مشفتكيش تانى
وكل واحد بيمشى فى طريق غير التانى
.
**********************************
.
همسة فى البيت ومسكة الكورة وبتلعب بيها فى الاوضة وبتدخل ولدتها والكورة كانت هتخبطها
هالة / اية يا بنتى الى انتى عملة دة
همسة / اسفة يا ماما ماخدتش بالى
هالة / انا مش عرفة امتى هتعقلى بقي
همسة بتدايق
هالة / يلا العشاء جاهز
همسة بتخرج مع ولدتها وبتشوف ابوها على السفرة
وماسك كتاب بيقرا فية و بتروح على ابوها وبتبوسو
عزت / كنتى فيين من ساعة مارجعت مشفتكيش
همسة/ بس كنت مديقة شوية
عزت / فى اية انتى و سليم متخنقيين برضو
همسة / انسان مسفز انت مشفتش يا بابا هو عمل اية معايا هو
هالة / بلاش كلام على الاكل يلا كولى
همسة / انا مش جعانة هروح اشوف رحمة
هالة / لا مش هتخرجى غير لما تاكلى الاول
عزت / هالة سيبى البنت تعمل الى هى عوزاة
هالة / دلعك فيها دة هو الى هيبوظها
همسة بتروح على ولدتها وبتبسها
همسة / فى اية يا لولو انتى زعلانة لسة منى
هالة / نفسى اشوفيك زى باقى البنات
همسة / ماما انا كدة ومش هتغير انا مرتاحة كدة وكمان مش انتى كان نفسك فى ولد انا اهو ابنك وبنتك فى شخص واحد
همسة بتبوس امها وبتضحك و هالة بتضحك
هالة / مجنونة
همسة / انا هروح رحمة ومش هتاخر
.
**********************************
.
همسة بتجرى على تحت بسرعة وبتخرج من العمارة وبتدخل العمارة الا قدمهم وبتطلع وبتخبط على الباب وفى واحدة بتفتح الباب
زينب / همسة تعالى ادخلى
همسة / فيين رحمة
امل / يعنى هتكون فيين فى اوضتها طبعا
همسة بتروح على اوضة رحمة وبتدخل و رحمة كانت بتتكلم
فى التليفون وبتتخض
رحمة / همسة خضتينى بحسبك ماما
همسة / انتى مش هتبطلى بقي مبتشبعوش طول النهار فى الجامعة وطول الليل فى التليفون
رحمة / الى زى اشرف دة لو سبتو خمس دقايق على بعض
عيونو هتروح هنا ولا هنا
همسة / والله اشرف طيب وانتى ظلماة
رحمة / انتى الى طيبة يا همسة ومفيش زيك ابدا انتى معندكيش اى تجارب فى الحياة
همسة / المهم هتيجى معايا بكرة النادى
رحمة / لا شلينى من دماغك خالص
همسة / لا بليييز تعالى معايا فى مطش مهم اوى مع جامعة المنصورة وان شاء الله هجيب فيهم ٦ صفر
رحمة / لا االاا ابدا
همسة / بلييييز
رحمة / ماشى بس دى اخر مرة اروح معاكى
همسة بتجرى على رحمة وبتحضنها اوى و رحمة بتضربها بالمخدة و همسة بتجرى وره وبيضربو بعض بالمخدات
وبيضحكو و همسة بتحدف رحمة بالمخدة والمخدة بتيجى فى سليم اول ما بيدخل من الباب و سليم بيبص لهمسة اوى وبيتعصب
سليم / مكفكيش الى عملتية فى الجامعة جاية تكملية هنا
همسة / اعملك اية دماغك هى الى عوزة تتضرب
سليم بيمسك المخدة بيضرب همسة بيها بقوة وبغضب والمخدة بتيجى فى همسة و همسة بتتكعبل فى السجادة وبتقع جامد و رحمة بتجرى عليها
رحمة / همسة انتى كويسة فيكى حاجة
همسة بتبص لسليم اوى ودموعها بتنزل و سليم بيحس بالندم و همسة بتجرى على برة بسرعة
رحمة / همسة همسة استنى همسة
رحمة بترجع لسليم ومديقة اوى
رحمة / انت اخويا بس احب اقولك انك غبى
رحمة بتروح على اوضتها ومديقة و سليم بيجرى على برة
ورى همسة وبيلحقها قبل ما تخرج من العمارة
سليم / همسة استنى
همسة / ابعد عنى مش عوزة اتكلم معاك
همسة لسة هتعدى الطريق وفى عربية جاية من بعييد كانت هتخبطها سليم بيشد همسة بسرعة على الرصيف
سليم / فيكى حاجة
همسة بتبصلو اوى بخوف مخضوضة
سليم / اسف مكنش قصدى
همسة مبتردشة علية وبتبص فى الاتجاة التانى
سليم / همسة بليييز بليييز اسف وانتى كمان غلطى فيا
همسة / عندك حق انا اسفة
سليم / اصحاب
همسة / طول العمر
سليم بيخبطها فى كتفها وبيغظها و همسة بتجرى وره وبيضربو فى بعض هم الاتنين وبيضحكو اوى و سليم بيشلها وبيجرى بيها وبيوقعها على الارض و همسة بتصرخ وبتجرى وره و سليم بيجرى وبيلعبو هم الاتنين
سليم / خلاص استسلام خلاص تعبت
وبيقاعدو جمب بعض على الرصيف
سليم / انتى الوحيدة الى بكون معاها بطبعتى من غير حاجة
انتى صحبتي الوحيدة الى عمرى ما ابعد عنها ابدا
همسة / وانت كمان انت صديقى الصدوووق
سليم بيخبطها و همسة بتخبطو و سليم بيشوف بنت وقفة على الرصيف التانى
سليم / وااااو اية دة دى وقعة منيين
همسة / انت رايح فيين
سليم / خليكى انتى هنا خلينا نشوف رزقنا بقي
سليم بيروح للبنت وبيبدا يعاكسها ويشاغلها وبيجى ولد من وره ضخم اوى وبيمسك سليم من التيشرت بقوة
الشاب / انت بتعاكس خطبتى
همسة بتشفهم بتجرى على سليم بسرعة هو والشاب
همسة / ابعد ايدك عنو
الشاب بيبصلها اوى
همسة / قولتلك ابعد ايدك عنو حرام عليك دة اخويا هو مريض عندو هبل فى دماغو بص بص علية كويس هو مريض
سليم بيبص لهمسة و همسة بتغمزلو وفعلا سليم بيعمل نفسو مجنون و الشاب بيسيب سليم و همسة بتاخد سليم
همسة / شكرا جدا يلا يا سليم خلينا نمشى يلا يا حبيبى هجبلك شوكولاتة
سليم و همسة بيبعدو بسرعة والشاب بياخد خطبتو وبيمشو
و سليم و همسة بيبصو لبعض وبيضحكو اوى
.
**********************************
.
فى الصباح
همسة بتخرج من اوضتها بسرعة وباين عليها متاخرة
همسة / ماما انا همشى احسن متاخرة اوى
هالة / يابنتى براحة انتى على طول مستعجلة كدة طب كلى حاجة
همسة / معلش يا ماما سليم و رحمة مستنيني تحت سلام
هالة / يابنتى استنى استنى
همسة بتجرى بسرعة على تحت و سليم و رحمة وقفيين قدم العمارة
رحمة / اتاخرتى لية كدة
همسة / ماما عطلتنى شوية
سليم / هتقفو ترغو كتير هنتاخر اكتر يلا خلونا نمشى
**********************************
بيروحو على الكلية وفى عربية كانت هتخبط همسة و سليم بيبعد همسة بسرعة و بيتعصب
سليم / انت مبتشفش ولا اية
وبتنزل بنت جميلة اوى
رانيا / اسفة جدا حصلك حاجة
همسة / لية هو انتى كمان عوزة يحصلى حاجة
سليم متنح للبنت اوى
رانيا / قولتلك اسفة وكمان انتى الى ماشية فى نص الطريق
سليم / فعلا همسة هي الى مش ماشية مظبوط احنا الى اسفيين.
همسة / سليم
سليم بيسيب همسة وبيروح لرانيا وبيسلم عليها وبيعرفها علية
رحمة / همسة يلا سليم مش هيحضر المحاضرة دى يلا
همسة / بس
رحمة / همسة خلاص همسة يلا
رحمة بتاخد همسة وبيمشو و سليم واقف بيتعرف على رانيا
وردة ✍️
التعليقات على الموضوع