رواية احببت قاسي 💔الحلقة الاولي💔
🍁 الحلقة ١ 🍁
.
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
.
فى صباح مشرق فى القاهرة
ديمة / صباح الخيير على احلا اب فى الدنيا
احمد /صباح النور يا حبيبت بابا
واحمد بيشاور لديمة على المطبخ
ديمة / هى جوة
احمد / اة
ديمة / عصبية
احمد / اوى
ديمة / طبب خلينى اهرب احسن
واحمد بيضحك عليها
و لسة هتخرج بتتسحب
فايزة / ديمةةةةةة
وديمة بتحط اديها على دمغها
ديمة / روحتى فى دهية يا ديمة خلاص راحت عليكى
احمد / انا اتاخرت على المكتب سلام
ديمة / بابا استنى متسبنيش
واحمد بيضحك وبيخرج
فايزة / ديمة
وديمة بتبص ورها وبتشوف ولدتها وقفة ومسكة فى اديها معلقة الاكل الكبيرة
ديمة / ماما صباح الخيير يا حببتى انا اتاخرت سلام
فايزة / استنى هنا انا عوزة اتكلم معاكى
ديمة بتبص لولدتها بحزن
ديمة / ماما حببتى يا نور عينى الموضوع بسيط اوى مش محتاج انك تتعصبى
فايزة / يعنى اية مش محتاج انى اتعصب انتى عرفة انتى عملتى اية كسفتينى قدم مدام فاطمة امبارح انا قولتلك لازم تكونى فى البيت الساعة ٥ والناس استنوكى للساعة ٨ وانا بقولهم زمنها جاية كسفتينى يعنى زمنهم دلوقتى الله اعلم بيقولو علينا اية
ديمة / ماما انا قولتلك اكتر من مرة انا مش هتجوز بالاسلوب دة انا مش صغيرة
فايزة / انا الى غلطانة انا الى اديتك الحرية فى كل حاجة
ديمة بتروح على ولدتها وبتمسك اديها
ديمة / حببتى انتى ارتاحى بس ولما القى الشخص الى يناسبنى هجيبو هنا علشان تتعرفو علية
وفايزة بتبص لديمة
ديمة / خلاص اسفة مش هعمل كدة تانى
فايزة / بكرة فى النادى انا عزماهم على الغداء ولو عملتى اى حاجة قدمهم
ديمة /ماما انا مش حبة ازعلك منى بس انا مش هتجوز بالاسلوب دة ابدا
فايزة / خلاص خلينى اموت بحسرتى عليكى انتى بنتى الوحيدة
ديمة / ماما طب لية بتعيطى طب حاضر هروح معاكى بس لو معجبنيش
فايزة / هنرفضو طبعا
ديمة / خلاص انا موفقة انى اشوفو بكرة و بتبص على الساعة انا اتاخرت على سالى وبسمة اوى
فايزة / طب مش هتاكلى
ديمة / لا متاخرة باااى
فايزة مبسوطة اوى ان ديمة موافقة انها هتقابل العريس
.
**********************************
.
فى شركة كبيرة
موظف / استاذ خالد فيين الملف بتاع الارض الجديدة
خالد / انا مش ادتهولك امبارح
الموظف / لا مختهووش بسرعة شوفو المدير طلبو ولو موصلوش الملف هنروح فى دهية كلنا يلا
وكل الى فى المكتب بيدورو على الملف بسرعة والكل خايف اوى من المدير
خالد / الملف اهو الحمد لله
وفجاة
بيدخل المدير عليهم المكتب
والكل بيتصدم
خالد / حضرتك انا كنت جايب الملف المكتب انا
والمدير واقف وبيتكلمش وبياخد من ايدو الملف
فهد / لا عادى انا اجى اخد بنفسى الملف ولو عاوز كمان انا ممكن اخلصلك باقى شغلك انا ممكن كمان
خالد / انا اسف يا فندم مش هيتقرر تانى
فهد / مخصوم منك شهر
وخالد بيتصدم
وفهد بيبص للموظفيين الى فى المكتب
فهد / وانتو مخصووم من كل واحد فيكو ٣ ايام
ومفيش حد قدر يتكلم
وفهد بيخرج من المكتب وبيكون فى موظفيين وقفيين بيسمعو
والكل بيجرى على مكتبو و بيروح على مكتبو و السكرتيرة بتخبط علية
السكرتيرة / حضرتك فى ميعاااد كمان نص ساعة فى الشركة الرئيسية
فهد مبيرضش عليها وبيشورلها بصباعو انها تخرج
السكرتيرة / انا بفكر ان ممكن ناجل الميعااد ساعة كمان علشان الوقت
وفهد بيبصلها بغضب و بيخبط على المكتب جامد والسكرتيرة بتتخض وبتخاف اوى
فهد / انتى مييين علشان تفكرى الى زيك ينفذو وبس مش يفكرو يلا برااااة
والسكرتيرة بتخرج بسرعة
.
**********************************
.
ديمة وقفة مع بسمة وسالى مستنين تاكسى
سالى / شفتى يا بسمة خالد جبلى اية
بسمة بتشوف الخاتم الى فى ايد سالى
بسمة / يجنن يا سالى
ديمة / يلا انتى وهى فى تاكسى اهو
ديمة / تاكسى
وبيروحو بيركبو التاكسى
سالى / ديمة فى حفلة فى النادى بكرة اية رايك نروح نحضر
بسمة / انا عن نفسى اكيد هروح مقدرش مروحش ااااة
ديمة / ارحمى نفسك شوية هتفضلى تجرى وراة فى كل حتة
بسمة / اعمل اية بس
بسمة / على العموم انا مش هعرف اروح معاكو ماما عزمة ناس على الغداء فى النادى بكرة وانا مطرة انى اروح انا وعدتها
بسمة / ههههههة عرييس برضو
ديمة / اااة عريييس يختى
بسمة / انا مش عرفة طنط فايزة بتفكر ازاى بس مفيش حد
دلوقتى بيفكر بالاسلوب دة
ديمة / ماما اهم حاجة عندها انها تجوزنى وبس
سالى / يلا وصلنا
وبينزلو هم التلاتة قدم ملجا للاطفال والاطفاال بيجرو عليهم وفرحنيين اوى وديمة بتلعب معاهم هى وبسمة وسالى
والاطفال بيلعبو و ديمة بتبص فى الساعة
ديمة / بسمة انا لازم امشى دلوقتى انا وعدت ماما انى مش هتاخر برة
بسمى / بس النهاردة عيد ميلاد يوسف
ديمة / يااربى انا ازاى نسيت طب يلا بسرعة خلينا نجهز الحاجة قبل ما الاولاد يحسو بحاجة يلا
و بيتسحبو على الملجا وبيجهزو حفلة صغيرة
ديمة / انا هروح اجييب يوسف والاولاد
و بتخرج وبعد شوية بترجع ومسكة طفل صغيير على كرسى متحرك ومعاها الاولاد كلهم
ديمة / عيد ميلاد سعيد يوسف
والولد مش فرحان و الاطفال فرحنيين
ديمة / يوسف انت مش فرحان
يوسف / لا انا مش عاوز عيد ميلاد
ديمة / طب انت عاوز اية
يوسف / وهتنفزيلى طلبى
يوسف / انا نفسى اخرج من هنا واشوف الناس والشوارع ونفسى اركب مركب والمس المياة بايدى علشان مش هعرف المسها برجلى
وديمة بتروح علية وبتحضنو اوى ويوسف بيعيط وديمة بتعيط
ديمة /انا هحقق كل امنياتك مبسوط كدة
يوسف / وعد
ديمة / اكيد وعد
ديمة / يا اولاد عندى ليكو مفاجاة اخر الاسبووع هنخرج كلنا وكمان هنركب مركب وهنلعب بمناسبة عيد ميلاد يوسف
والاولاد فرحنين اوى ويوسف سعيد اوى وديمة بتبصلو
اول مرة تشوفو فرحان اوى كدة من زمان هو على طول حزين ووحيد
بسمة / انتى مجنونة
ديمة / لية
سالى / مدام ليلى هتوافق يا هبلة
ديمة / وانا هعمل اية دلوقتى
بسمة / انتى هتجيبى اخرنا ان شاء الله
ديمة / خلونا نفكر نعمل اية علشان نقنع مدام ليلى تخلينا نخرج بالاولاد
بسمة / الحل الوحيدة اننا نمووت احسن ......
وردة ✍️
الرواية جميلة😙😙😙😙😙
ردحذف