حب من النظرة الاولي 💕الحلقه الرابعه و الاخيره💕
…‗_●♥ حب من النظرة الآولى♥●_‗...الحلقة الرابعة
بقلم_سلمى_محمد
رقية من شدة الالم مكنتش قادرة تتكلم ومالت عليه بكل جسمها: أاااه
هشام بخوف : مالك يارقية .. ماااالك ماتنطقى
مش بتتكلم فرفع وشها لاقها غايبة عن الوعى وهو بيشلها حس بشىء دافى لامس صوابعه فبص لاقى رقية هدومها غرقانة دم فقال بخوف: رحمتك يارب .. رحمتك يارب وطلع بيها جرى على اقرب مستشفى
هشام بقلق: طمنى يادكتور
الدكتور : نزيف جامد والحمد لله قدرنا نوقفه .. بس هى محتاجة عملية
هشام برعب: عملية أيه .. أنت مش قولت النزيف وقف
الدكتور : المدام كانت حامل وحصل ليها اجهاض ومحتاجة عملية لتنضيف الرحم
هشام بعدم تصديق : قول كلام غير كده
الدكتور بتأكيد: المدام كانت حامل فى تلات شهور تقريبا و كانت حامل فى توأم
هشام بصدمة : حااامل .. أجهااااض وكانو توأم وعينيه ابتدت تدمع
الدكتور : أنت تحمد ربنا عشان مراتك كانت ضعيفة والحمل ولو كمل الحمل معاها كانت هتتعب أوى وهتولد أطفال مريضة
هشام بحزن : الحمد لله على كل شىء .. المهم أنها كويسة
الدكتور : هى كويسة وحالتها مستقرة والعملية
هشام : أعملها يادكتور
لما فاقت رقية من البنج وعرفت أنها أجهضت دخلت فى نوبة بكاء هسترية
هشام وسميرة حاولو يهدو فيها .. مفيش فايدة
والممرضة أضطرت تديها حقنة مهدئة وبعد مانامت
سميرة بقلق: هتبقا كويسة صح
الممرضة بهدوء: هى أتصدمت ودلوقتى هى نايمة هترتاح وبعد ماتفوق هتكون صدمة الخبر قلت بالتدريج
سميرة بحزن : يارب
وهشام كان ساكت قاعد بالقرب من رقية والحزن على وشه
وخرجت رقية بعد كام يوم من المستشفى
هشام وهما على باب الشقة ببتسامة : نورت شقتك ياعروسة
رقية وهى بتضحك بالعافية : عروسة مرة واحدة .. دى منظر عروسة بردو
هشام : أنا حر أشوفك عروسة ولا مش أشوفك عروسة أنا حر
رقية بضحكة : هندخل ولا هنفضل وافقين على الباب
هشام بحب : لا طبعا هندخل
وتمر الأيام والشهور بينهم في ود وحب
وفى يوم رجع هشام من مكتبه مبسوط أوى
رقية بفضول : خير
هشام بسعادة : كل خير .. النهاردة جات ليا قضية كبيرة وأخدت جزء من أتعابها كمان
رقية بسعادة: أنت محامى شاطر وان شاء الله تفوز القضية وتبقا مشهور ..
هشام : قوليلى أجيب ليكى أيه بمناسبة أول قضية كبيرة ليا
رقية : عايزه عربية
هشام بدهشة : عربية !!
رقية : عربية ليك عشان ترتاح من تعب الوصلات وتوفر فى وقتك ومجهودك
هشام أتبسط من كلامها فقال : أنا بقول حاجة ليكى مش ليا
رقية بحب : وانا وأنت واحد
هشام بحب : ربنا يخليكى ليا
رقية : ويخليك ليا
واشترى هشام العربية وكسب القضية وأوضاعهم المادية بقيت أحسن من الاول
وهشام بالتدريج بقا معروف وفى يوم فى مكتبه المتواضع جاه ليه عميل مهم ( نائب فى مجلس الشعب)
هشام : عايز ملف القضية وتحكيلى كل حاجة بالتفصيل
سيادة النائب مدحت : أبنى برىء وملتزم وملهوش فى الحشيش
هشام : أبنك برىء بجد ومن غير كذب .. أنا لما هراجع القضية هعرف أذ كان برىء ولا لآ
مدحت : والله برىء .. المنافس اللى هيقف قصادى فى الانتخابات الجاية هو السبب .. عايز يشوه سمعتى وأسقط فى الانتخابات
هشام : أنت عارف ان الشخص اللى هيقف قصادك معروف بنزاهته وسمعته الطيبة ولو اللى بتقول عليه حقيقى .. هيبقا صعب عليا أثبت تورطه
مدحت بتوسل : أنا واحد صديقى هو اللى وصانى بيك وقال عليك محامى شاطر أوى وكسبت ليه قضية كانت صعبة أوى وفرص نجاحها معدومة
هشام : أها أفتكرت قصدك البشمهندس عبد الفتاح
مدحت : أيوه هو
هشام : أنا هراجع ملف القضية ولو شوفت أبنك برىء هترافع عنه وأن شاء الله يطلع برائة
مدحت : أجى لحضرتك أمتى
هشام : أنا هتصل بيك
وبعد ماراجع أوراق القضية كويس أكتشف أن أبن النائب برىء واتصل بمدحت وبلغه بقبوله القضية
ورجع البيت وهو فى قمة سعادته
رقية : أنت عارف علطول بحب اشوفك كده .. بحس أن فى خبر حلو هتقوله ليا
هشام بسعادة : أنا همسك قضية مهمة أوى ولو كسبتها حياتنا هتتغير 360 درجة
رقية بسعادة : يارب تكسبها وأنا كمان عندى خبر حلو
هشام : أيوه .. باين عليه يوم الاخبار الحلوة
رقية ببتسامه : أنا حامل
هشام بسعادة : أخيرااا بقيتى حامل وبهزار قال ده أنا يئست أنى أبقا أب
رقية بزعل : يعنى وهو التأخير كان بأيدى
هشام بحب : أنا بهزر ياحبى .. ماأنا عارف والدكاتره كلهم قالو مفيش حاجة تمنع الحمل عندك ونشيل موضوع الخلفة من دماغنا والحمد لله ربنا أكرمنا من كله
واشتغل هشام فى القضية بهمة ونشاط
رقية وهى قاعدة مع أبوها وأمها
رقية بسعادة وكانت ماسكة الحرنان : بص يابابا هشام أسمه فى الجرنان ومكتوب عليه كلام حلو
عبد العزيز بفضول : ورينى كده ومسك الجرنان
سميرة : أقرا بصوت عالى
عبد العزيز: المحامى الشاب هشام مصطفى يتولى قضية أبن النائب مدحت المتهم بحيازة كمية كبيرة من الحشيش وبعد ماخلص قراية
رقية وهى مبسوطة : أنا قولتلك يابابا هشام محامى شاطر وهيبقا ليه مستقبل واعد فى المحاماة
سميرة : هشام شاطر وذكى وأن شاء الله هيكسب القضية
رقية لما عرفت أنها حامل فى بنتين توأم زعلت
رقية وهى زعلانة: بنتين ياهشام
هشام بعدم تصديق: أنتى زعلانة بجد .. أنتى المفروض تحمدى ربنا على البنتين .. البنات رزقهم واسع وربنا هيكرمنا وابواب الدنيا هتفتح لينا برزق البنتين دول
رقية بتكشيرة : الحمد لله
هشام : هزعل منك يارقية وفكى التكشيرة دى من على وشك واحمدى ربنا على النعمة اللى أنتى فيها .. فى غيرك مش طايلها
رقية : حمدها وشكرها بس أتصدمت شوية
وجاه ميعاد الولادة ورقية وولدت بنتين أيه وأيات وبعدها بكام يوم كسب هشام القضية وبعدها بفترة أشترى شقة جديدة وعفش جديد وبعدها بسنة أشترى مكتب وعمله مكتب محاماة وبقا مكتب مشهور وشغل معاه محامين
واتعود هشام كل اسبوع يعزم رقية في الكازينو المفضل
هشام : ساعة يارقية بتلبسى
رقية : خلاص جهزت .. يلى بينا نمشى
هشام : والبنتين صاحين ولا نايمين
رقية : نايمين وماما نامت معاهم
هشام ضم رقية فى حضنها جامد وبحنية قال: طب يلى بينا عشان نلحق السهرة من أولها
وهما قاعدين فى كازينو خمس نجوم على النيل
هشام بمكر: تشربى أيه ياحبيتى
رقية ببتسامة كبيرة: أشرب بردو .. أنتى جايبنى هنا عشان أشرب
هشام ببتسامة : أيوه
رقية ببتسامة : أشرب أسكلوب بانيه
هشام : هههههه فين أيام زمان
رقية بضحكة : هههههه ده كان زمان
هشام للجرسون وبصوت عالى سعيد : نشرب أتنين أسكلوب بانيه
تمت
بقلم سلمى محمد
التعليقات على الموضوع