اومينيس🙄الجزء السابع🙄

#اومينيس7
: وإن جندنا لهم الغالبون!
الشخص اللي بره ده كان بيطمن بابا وقاله الايه دي شكله الشيخ ربيع وكلامه ايات من القرءان وطاقه ايجابيه بس مش هو الشيخ ربيع..
-افتكرررته كنت عااارف والله شكله مش غريب عليا !!
=مين اللي افتكرته يا نائل هو في حد معانا تاني هنا ولا ايه ؟
-تقصدي اولاني، اللي بره ده فعلا مش الشيخ ربيع من اول م دخل وانا شاكك فيه لان الهاله بتاعته مش زي هالة البشر خالص بعيدا عن هيئته البشريه لانه يقدر يتشكل براحته رغم انه خطر عليه بس دي من سماته المخاطره الهيبه والثبات ف المعارك
والله زمان يا ضرغام!!
=مين ضرغام ده ؟،فهمني مش فاهمه حاجه! ؟
-ضرغام بيكون ...
ميمونه لسه بتتكلم قاطعها صوت الشخص اللي بره اللي المفروض انه الشيخ ربيع فجأه بصيت لقيته جمبنا وبابا واسلام واقفين وراه عند الصاله
=ضرغام واكون قائد جيوش الملك محرز لو يهمك تعرفي
يااااااااا حبيبي ، من شويه بنت الوسواس باين وادي قائد جيش من الجن مفيش ملايكه بالمره م اهي ظاطت
-اسلااام , مبيتبلش في بوقك فوله انت ابداا!!
= تقصد ان واحده من بنات الخناس كانت هنا من شويه,  الوضع اصبح تخطر مما نتخيل الملك محرز كان عنده حق الخدام وملك العمار قوتهم مش هتكفي المعركه بين قوي غير متكافئه كان لازم نتدخل والا الخراب هيعم ع الكل !
الباب خبط.. راح بابا يفتح المره دي الشيخ ربيع فعلا بس معاه واحد صاحبه تقريبا ده ابراهيم صاحبه وفي ايده كتاب غريب بني قديم وصندوق خشب صغير
الشيخ ربيع اتفاجيء من شبيهه اللي واقف قدامه ده بس صاحبه ضحك " كنت عارف انك هتسبقنا علي هنا عشان كده عملت حسابي وجبت الطلبات بنفسي قولت اكيد هيكونوا ملهيين فيك وهينسوا يجيبوا الطلبات "
اهلا يا سيد ابراهيم حالا بلغوك
=انت عارف مبيخبوش عني حاجه
دخل الشيخ ربيع ومعاه ابراهيم صاحبه اصبح كلنا في الصاله متجمعين الشيخ ربيع وضرغام وابراهيم وانا وبابا واسلا.. فين اسلاام!
اسلااام بتعمل عند الباب هناك رايح فين ؟
هه لا ده انا كنت هقفله اكيد مكنتش هخلع يعني ده نش اسلوبي طبعا انتي عارفه
=المشكله اني عارفه ،مفيييش فايده
-ابغي اجولك انك مهضوم بس استحي
=مش وقته يا ميمونه ابوس جناحاتك
ودلوقت الخطه هتكون كالاتي وبدأ ضرغام يشرح الخطه بالتفصيل ووزع الادوار وكان بيشاركه ابراهيم وكأنهم معرفه قديمه وكل واحد عارف التاني هيقول ايه وطريقه تفكيره اما نائل وميمونه فكانوا اقترحوا كل واحد يجيب حراس من الجن انواع مختلفه كل واحد ليه قوته اللي ربنا ميزه بيها عشان يساعدونا تحسبا لاي حاجه منضمنش لما المارد يحضر ممكن يجيب ايه معاه وبالفعل الحراس وقفوا علي زوايا الصاله علي شكل مكعب في كل زاويه اتنين في الجزء العلوي والسفلي شكلوا درع
اما الشيخ ربيع وابراهيم فبدأوا يرسموا نجمه سداسيه وحطوا في كل خانه من النجمه شمعه بحيث اصبح ست شمعات شكل لهبهم زي حلقه ناريه وبدأ ابراهيم يرسم طلاسم وتعاويذ في قلب النجمه بدم ومحدش يسألني دم ايه ده لان انا نفسي مجرؤش اني اسألهم
باب كان واقف بعيد مدينا ضهره فجأه بص للشيخ ربيع وقاله " هما هنا وبيسألوا عن موقعهم اللي لازم يقفوا فيه
رد عليه ضرغام وقاله لحد هنا وانا هتفاهم معاهم تعالي اقف علي اول شمعه شمعه والشيخ ربيع علي التانيه راندا علي التالته وابراهيم علي الرابعه وانا علي الخامسه واسلام علي السادسه
-لا اسلااام ميين انا هقف اتفرج من بعيد مليش في الرعب ليا في الافلام الرومانسيه بس شكرا
لسه هتكلم لقيت ضرغام بص علي اسلام اخويا وعنيه نورت فجأه اسلام نط من مكانه لعند الشمعه بتاعته فورا وقاله " بهزر يا مبروك اييه مبتهزرش!! "
ضحكت ،متجيش غير بالعين الحمرا انت
كلنا اتمركزنا حول اماكنا وبدأ ابراهيم يقرا من الكتاب اللي في ايده " سمنرال اشركون اصف ره ال ياك تكرير اصف اشكوم... "
بدأ المكان يتهز ويتهز مع كل كلمه بيقولها ابراهيم المكان كان بيتزلزل حرفيا وصوت زئير خفيف بدأ يظهر ويعلي ويعلي مخلوقات غريبه بدأت تظهر وتجري مبنلمحهاش بس بنلمح حركتها لحد م النجمه بدأت تتوهج كأنها نار من غير دخان بيتخللها ضوء النار تعلي وفجأه ظهر من نصها سحابه كثيفه من الدخان بدأت تعلي ريحتها وحشه جدا بدأت تتشكل علي هيئة كائن شديد السواد كله شعر ليه مخالب اطول من من صوابعه نفسها عنيه مشقوقه بيغلي فيها براكين دم ونار انيابه بشعه كأنها بتقطر سم نازل علي النجمه تحته بتزيد نارها اكتر واكتر ‘ للحظه قولت دي نهايتنا بس الغريبه ان الكائن ده في مكانه مبيتحركش كأنه مقيد بس مفيش قيود بيبص لكل واحد شويه بغضب وفجأه لما عينه جت علي ضرغام بدأ يضحك بهيستريا ضحكات غضب واستهزاء..  " حقا ! هل تعلم أنك حكمت عليهم وعلي قبيلتك منذ الان بالاعدام لم اعتقد أنك بهذا الغباء يا ضرغام لتشرك نفسك في معركة كهذه ، إن الحرب ليست حربك فلماذا تتدخل مع الانس رغم انك تعلم انهم اصل كل المصائب التي حلت علي عالمنا! "
-لم استدعيك لابرر لك موقفي وفر علي كلانا الوقت واخبرني ما الذي احضرك لهذا البعد السنا نفيناك من قبل! 
ضحك المخلوق ضحكه واحده عاليه فزعتنا كلنا وبص لضرغام وقاله.. " ذكرتني بالذي مضي قد كانت ايام عقيمه تلك التي لم اعرف بها قيمة قدراتي إلي أن تعرفت علي سيدي الجديد والذي من شأنه أن يمحوك وقبائلك بملوكها جميعا بحرف منه وربما تعلم جيدا عن من اتحدث ولكن من اجل الايام الخوالي سامنحك فرصة للاختيار ابقي معي ودعك من هؤلاء الحمقي فإن مصيرهم الفناء عاجلا ام اجلا اما انت فابقي لتتنعم بالسلطه والقوة والخلود!  "
-لا زلت علي عميانك لا خلود الا للواحد القهار عد لررشدك ان سيدك هذا يستغلك ليس الا ،
-
: عد من حيث اتيت والا لاضطررت هذه المره للجوء لما هو ابعد من النفي يا..  صديقي!
=اذا فلقد اخترت جانبك منذ البدايه فلا تندم يا ضرغام
لحظه واحده لحظظظظه واحده معلش سيده مين وايه اللي بيحصل ده فهمنا يا ضرغام ؟
=ابراهيم اجمع تعويذة الحرق وانتي يا راندا رتلي ايات العذاب
فهمنننني الاووووول بقولك
مش وقته
هفهمك انا يا راندا اهدي بس دلوقت اسمعي كلامه مفيش وقت
مش هعمل حاجه يا نائل غير لما افهم
ضرغام ده كان صديق لامارد ده من زمان جدا كانوا في الحرب سوا والمعارك جنبا لجنب لحد م في يوم تمرد عليهم واختار الجانب الآخر القدره والسلطه واحقيه الملك جانب الظلام مكنش ب ايد ضرغام غير انه يطيع اوامر الملك محرز الحق لا يعلي عليه وفعلا دخل في معركه ضد اعز اصدقائه لكنه مقتلهوش اكتفي بإنه ينفيه لحد م لقيه سيده الجديد وعقد معاه صفقه يرجع كملك ويرأس القبيله اللي اتنفي منها في مقابل انه يساعده علي فك اللعنه بتاعته ويرجع لعالم الانس يستحوذ علي جسد واحد منهم عشان يكمل كتابه اللي هو نيكرونوميكون  كتاب الموتي وينتقم من المارد اللي قتله بإبادة قبيلته تماما من عالم الجن ولو ده حصل الحرب مش هتفرق بين انس او جن ظالم او مظلوم
-انت بتقول اييه بس اللي كاتب الكتاب ده بشر والبشر لما بيموتو مبيرجعوش تاني
=محدش جاب سيرة انه يرجع هو هو ده قرينه يا راندا ومحتاج زي وعاء جسم جديد عشان يستقبله عبدالله الحظرد كاتب كتاب الموتي وهو حي خطر وحتي بعد م مات خطر
والمفروض دلوقت نمنع البوابه تتفتح لان المارد ده بقوته دي سهل جدا يفتحها ويستدعي القرين وقتها كلنا هنروح في داهيه ويكون فات الاوان عشان كده اسمعي كلام ضرغام وابدأي حالا في التلاوه المارد ده لازم يتحرق قبل م يتمكن من البوابه
فجأه ابراهيم بص لضرغاام " احنا مش اتفقنا انك هتنفيه! ؟"
=فات الاوان يا ابراهيم علي النفي لازم.. لازم يتحرق
-التعويذه من غير اسمه ملهاش لازمه يلزمنا اسمه عشان تكمل
=اسمه.. اسمه ناصو... 
لسه مكملش ضرغام كلامه وفجأه المارد انفجر ضحك وسمعنا صوت كركبه كبيره هرجله كتير وزحمه بس مش شايفين حاجه.. كل حاجه حوالينا بدأت تتهز والشموع لهيبها بيضعف والمارد بدأ يعلي صوته اكتر واكتر " هلاككم الان عفوا قد احضرت معي بعض الصحبه اتمني ألا تنزعجوا ‘ دمروووهم الااااااااااان!!!  "
-يدمروا مين الله يخربيييتك داحنا لسه مجددين العفش لو فاكر بالزعيق وعنيك الحمرا دي هخاف منك يبقي عندك حق انا فعلا خوفت خرجوووني من هناااااااااا مش قادر اتنفسسسس
=متبصش يا اسلام عليه سد ودااانك
بدأ الشيخ ربيع يقرا ووالدي فضل يقرا معاه ابراهيم بيدور ع التعويذه بس كلنا سمعنا صراخ فجأه وكأن القيامه قامت الدروع اللي مشكلينها الحراس بدأت تبهت واضح ان الحراس بدأوا يشتبكوا مع الكائنات اللي امرها المارد ده يلزمنا اسمه بس وكله ينتهي انطقه يا ضرغام انطقه بالله عليك
- بدأت اقرا انا كمان وفي قلبي رعب الدنيا كله مش سامعه حتي صوتي وانا بقرا بس لسه بقرا واعلي صوتي اكتر واكتر اللي مش طالع من كتر أصواتهم فجأه سمعت صرخه مميزه استحاله اتوه عنها.. ده صووت... صووت بابااا!!!
يتبع