رواية الحكايه فيها عشق ❤الحلقه الاولي❤

المقدمة :
الحكاية فيها عشق
فيها قلب بينجرح
فيها طير محبوس حزين
بيحلم يوم يطير
كسر حدود كتير كتير
خاف من اسمه يصدقه
خاف يحلم ينكسر
واجه عافر عاهد الزمن
حط حلم يحققه
ساب مشاعره تبعثره
ساب حكايته تعلمه
ان عمره ف يوم يحب
الحكايه فيها عشق
------------------------------
الشخصيات :
شروق : بنوته ذات العيون الخضراء الساحرة والبشره البيضاء ، متوسطة الطول ، بريئه جدا وشرسة في نفس الوقت ، دمها خفيف وقت اللزوم بس في الجد حدث ولا حرج محدش يعرف يوقفها ، والدتها اتوفت بعد ولادتها مباشرة وبعد كدا ابوها اتجوز بس للأسف مخترش الزوجه اللى تنفع تكون ام لبنته وداقت شروق العذاب والاهمال من كل اللى حواليها واتخطبت اكتر من مره بس مكانش فى حد مناسب ليها لحد مالقت حب حياتها وهو حازم جارها اللى كان هو الامل الوحيد بالنسبالها عشان تخلص من مرات ابوها وبقالهم 3 سنين مخطوبين وبتحبه جدا وخلاص هيتجوزو
حازم: شاب عادى جدا من اسره بسيطه وهو جار شروق اتقدم لخطبتها بناء على رغبة والدته ثم ببرائتها وروحها المرحه جعتله يغرم بها بسهوله بعد ذلك ..وهو شاب ذات بشره قمحيه وعيون سوداء ويعمل فى إحدى المولات التجارية
ادم : شاب جذاب جدا ، ووسيم ايضا ،طويل القامة، ذو شعر كثيف مائل الى اللون البني، والعيون السوداء الساحرة، والجسد الرياضي ، فهو جذاب لدرجة ان بنات كتير يتمنه انه يكلمهم ولكنه يتقى الله في تصرفاته خوفا على اخواته البنات وخاطب علياء بنت خالته
علياء : بنت خالة ادم وخطيبته لا شريره ولا طيبه لكنها فتاه موجوده فى كل اسره غنيه ضايعه مفيش اب مفيش ام مفيش اهتمام حنان احتواء وده كله بيولد السلبيه وممكن تعمل الشر وهى مش حاسه لانها متعرفش الخير من الشر
كريمة : والدة ادم وهى سيده طيبه القلب وربة منزل وكل ما يهمها هو سعادة أبنائها وعندما توفى زوجها قامت بتربيتهم تربية حسنة وتعليمهم أفضل تعليم حيث أنها رفضت الزواج من بعده لتتفرغ لهم
شذى : اخت ادم وهى بنوته رقيقه وهاديه ، خفيفة الظل وتمتاز بالجمال الشرقي الهادئ، قصيرة القامة بيضاء البشرة ذات العيون البنيه الساحره
رقيه : اخت ادم وعكس شذى تماما فهى ذات شخصيه قويه مسترجله يعنى من الاخر ، ذات البشره البيضاء والعيون الزرقاء الساحره التي تخفيها تحت نظارتها القيمة وهى في كلية طب بيطرى وتعشق الحيوانات جدا
عمر : اخو ادم تالته ثانوى بيحب التمثيل والكوره وشقى جدا
عمار : اخو علياء وابن خالة ادم ذات شخصيه جذابه ويكون دكتور فى الجامعه
وبكدا خلصنا الشخصيات وباقي الشخصيات هعرفها ف الروايه ان شاء الله
…………………………..
الفصل الاول
* حبيبى هل ستتركني ف أنا فى حبك اصبحت متيما 💖👌*
فى منزل بسيط في إحدى المناطق الشعبية ندخل إحدى الغرف يوجد فتاه نائمه كالملاك على الفراش دخلت أشعة الشمس تداعب عينيها بقوة حانية رفعت بطانيتها بانزعاج لتختبئ أسفلها من تلك الأشعة المتسللة بخبث كامن فى ازعاجها
ثم مرت ثواني حتى سمعت صوت من الخارج يصدح بإسمها بصوت مرتفع قائلا:
- انتى ياست هانم مش كفايا نوم بقى ، اخلصى قومى شوفى وراكى اى انتى مش نايمه فى فندق هنا يادلعدى !!!
الفتاة وهي تتأفف بحنق شديد وهى مغمضة العينين
- ابو شكلك ياشيخه طيب والله منا معبراكى خليكى جعري كدا من هنا لبكره وابقى شوفى مين هيعبرك
وفجأة تدخل عليها سيدة يبدو عليها الغضب الشديد قائله :
- انتى يا حيوانه انا مش بنده عليكى فزى قومى يازفته
رفعت الفتاه بطانيتها بهدوء وملل قائله بصوت نائم :
- يانعم خير على الصبح عايزه منى ايه يا مرات ابويا ؟!!
- مش قولتلك قبل كدا بلاش مرات ابوكى دى ياللى تنشكى .... خلاص يااختى ابوكى اللى فرحانه بيه اهو مات وخلصنا ولولا كلام الناس كنت رميتك ف الشارع بعده يالا قومى غورى من هنا شوفى سي الاستاذ خطيبك خلص حاجات الفرح ولا لا خليكى تنكشحى من هنا بقى وتروقيني من قرفك دا خلينى اتجوز بقى واشوف حالي بعيد عنك
شروق بصوت منخفض...
- اللهى تنشكى ف معاميع معاميعك ياشيخه واشوف جنازتك قبل جوازتك يارب توب عليا من القرف دا يارب🙄😏
صباح وهى تحاصرها بعينيها
- بتبرطمى تقولى ايه يابت انتى سمعينى
شروق وهى تقف أمامها و تشيح بيدها قائله :
- مبقولش يالا هوينا بقى خلينى اغير هدومى واروح اشوف خطيبى
- ماشى يا بنت فتحى بس يكون ف علمك هو اسبوع واحد وتغورى من هنا، تعرفى الاستاذ بتاعك الكلام دا اسبوع وتكتبو الكتاب والا هطردك من هنا وملكيش حاجه عندى سامعه😣
شروق بغضب وصوت مرتفع بعد ان نفذ صبرها
- ما خلصنا بقى هى لبانه ف بوقك كل يوم نفس الموال ... يا شيخه ده يوم الهنا يوم ما اغور من خلقتك وبعدين كلها كام يوم واتجوز ومش هتشوفى خلقتى تانى
صباح...مسسسم ماشى يا اختى اما نشوف بس علله مايطفش زى غيره ماطفش لغاية ما عنستى ياعانس
وخرجت من الغرفه بهدوء
شروق وهى تنظر اتجاها بحنق
- غورى نكدتى عليا ف اول اليوم منك لله ياشيخه مش كفايا معرفتش انام طول الليل ... وبتنهيده .....يا ترى فيك اى ياحازم وبقلق وهي تتذكر كلماتها ومعاملة حازم لها في الفتره الاخيره...هو ممكن حازم يفكر يسبنى او يخونى ثم نفضت هذه الافكار من رأسها.....الله يسمحك ياشيخه هتخلينى أشك في الواد منك لله
* تررررن تررررن *
يرن هاتف شروق بالنغمه المخصصه لحبيبها حازم فتتوجه نحوه بلهفة شديدة وتضغط على زر الإيجاب قائله
- اى يا حازم دا قلقتنى عليك انت فين من امبارح
حازم.....معلش ياحببتى جيت من الشيف متأخر ونمت
زفرت شروق بارتياح شديد ثم قالت بغضب :
- انت بتستهبل يعنى ولا بتستهبل انا عايزه افهم ؟!🤔😏
حازم بضحك شديد......بستهبل ولا بستهبل اى الفرق الجامد دا طيب بسم الله الرحمن الرحيم الاجابه رقم 2 😂✋
شروق بضيق.....وليك نفس تهزر كمان !؟
حازم......خلاص بقى يا شوشو اخر مره مش هتتكرر تانى
شروق بحيره....ماشى ياحبيبى ...حازم هو انت ممكن تسبنى ف يوم من الايام
حازم......اسيبك !!!
شروق.....ايوا
حازم بقلق ونبرة خوف بسيطه.......اى اللى خلاكى تقولى كدا ؟!😮
شروق بحنق .......مرات ابويا
حازم بضحك......هههههههه سيبك منها انا عمرى ماهسيبك ويلا يا هانم البسي وانزلي عشان نشوف فضلنا اى نجيبه للشقه
شروق .....قشطه هلبس وارن عليك تنزل سلام
حازم.....سلام يا قمرى
شروق بتنهيدة عشق...ربنا يديمك ف حياتى ياحبيب عمرى 😍😘
ثم قامت وتوجهت نحو المرحاض اعزكم الله لتتوضأ ثم صلت فرضها ولبست ملابس بسيطه عباره عن عبايه سوداء بسيطه وحجاب باللون الذهبى وبرغم بساطة ملابسها الا انها كانت شديدة الجمال ثم توجهت للخارج لمقابلة خطيبها
..................................
فى القاهره فى احدى القصور الفخمه التى اتسمت بطراز معين تدل على الرفاهية والغنى الفاحش وخاصة تلك الحديقة الغنية بالثمار والأشجار المختلفة وتلك الحمام او مايطلق عليه البسين الملحق بذلك القصر الفخم والذى صمم برسم هندسى دقيق كلها اشياء تدل على النعيم
يجلس شاب عيناه باللون الاسود وبرونزي البشره وجسده رياضى تبرز منه عضلاته ويبدو من هيئته قوة شخصيته ينظر لوالدته بملل وغيظ شديد......وبعدين ياماما !!
كريمة بجدية.......ولا قابلين هتدور على بنت عمك وتجبها هنا تعيش معانا انا كنت سامعه انها مخطوبة يعنى هتلاقيها متجوزه دلوقتى وعندها عيال كمان ، نفسى اشوفها يابنى
ادم بهدوء.....ياحبيبتى هو انا قولت لا منا دورت عليها فى القاهره ومش لقيها وانتى مش عارفه عنوانها ذنبى انا اى بقى قوليلى !!
كريمة بصرامة......ادم البنت ملهاش حد من بعد ما اهلها توفوا ولولا تعبى كنت دورت عليها بنفسى متتعبنيش بقى معاك يابنى ثم انت عارف ان دى وصية ابوك الله يرحمه ولازم تنفذها😏🤚
* مين ده اللى مزعلك يا كرمله قوليلى وانا اظبطه *
يقولها شخص من خلفها بمرح
كريمه بضحك.....هههههههه اى يابن الهبله اللى انت عامله فى نفسك دا !!!
عمر وهو ينظر لملابسه بفخر ويظبط عمته قائلا بلهجه صعيديه
- اى رأيك يامه ...(عمر كان لابس جلبية صعيدى وعمه )
كريمه بتريقه.......امه بقى اخر الزمن امه روح غير هدومك دى ياموكوس يابن الموكوسه ؟!
ادم بضحك شديد.........ههههههههههههههههههه شكلك مسخره😂😂
عمر بغيظ وهو يتجه نحوهم ويجلس.....خلصتو تريقه
ادم وهو يحاول السيطره على ضحكته ثم نظر له بجديه مصطنعه قائلا :
-اى اللى انت عامله فى نفسك دا مش تركز في مذاكرتك احسن😒
عمر وهو يخلع عمته بغيظ.....يادى ام المذاكره بقولك ايه انت عارف انى غاوى تمثيل فكك بقى من جو المذاكره دا
آدم بغضب.....عمر اتكلم عدل😠
عمر بضحك ......اسفين يا دكتور وبعدين ايه المشكله يعنى اعتبرها هواية ياسيدى
ادم بجديه......هوايه تمام وماله بالنسبه للتقدير بقى وضعه اى من وجهة نظرك
عمر بضحك.........فله شمعه منوره😅😉
كريمه تضربه على دماغه.......اتكلم عدل يازفت
عمر وهو يضع يده على راسه بوجع.....ايدك تقلت يا كرمله براحه شويه الله
* ههههههههههه تستاهل عشان تبقى ترخم عليا تانى ياعم كازانوفا *
يقولها شخص من خلفه
يبص عمر يلاقى..................
....................................................................

روايه_الحكايه_فيها_عشق