الحكايه فيها عشق❤الجزء الثاني من الحلقه 21❤

الفصل الواحد والعشرون
الجزء الثانى
.........فى الشركه..............
يدخل عليهم ادهم بثقة ولكن يبدو على وجه الشرود والتعب
ادم بضيق.....كل دا يا ادهم احنا مستنينك من بدرى
ليجلس ادهم على مكتبه بتعب......معلش اتاخرت
نظر له حمزة بدقه......مالك تعبان ولا اى ؟!!
وضع يده على مقدمة رأسه يدلكها بلطف....دماغى مصدعه تقريبا داخل على دور برد
ثم نظر لهم بدقه .........ها فى اى ؟!!
آدم........هو ايه اللى فى اى منا قلتلك شروق سابت البيت امبارح وعايزينك تدور عليها
نظر له باهتمام قائلا بهدوء مصطنع.....هى شروق دى متجوزه ؟!!
أومأ برأسه موافقا ليتابع......ايوا ومخلفه بس جوزها متوفى
ادهم : بنتها اسمها اى ؟!!
حمزه : اسمها عشق بس انت بتسال الاسئله دى ليه ؟!!
أظلمت عيناه ليتجاهل سؤاله ويردف بجمود : اى اللى مشاها من البيت ؟!!
تردد ادم قليلا ليقص عليه ماحدث
ضرب ادهم المكتب بقبضته بقوه افزعتهم ليرتدو للخلف قائلا بغضب :-
- يعنى هى كدا بقى ؟!!!
حمزه بفزع......هتموتنى ناقص عمر انا عارف اهدى انت كمان
ادم بجديه : الله اعلم انا لازم الاقيها واسمع منها هى مشيت بسببى والصراحه ميبانش عليها كدا ابدا من ساعة ماجت هى وبنتها
حمزه وهو يضربه فى كتفه ......هو اللى اتسرع وطردها معندوش مخ بقى نعمل اى بقى غباء
تذكر ادهم عندما جاء بملفها ليبلغه ادم انها لديه فى فيلته و فى نفس هذا الوقت اختفت ابنته...!!!
ليقاطع شروده صوت حمزة يقول :-
- اى ياعم الحج انت روحت فين ؟!!
اغمض ادهم عينيه بقوه ليستند بمرفقيه على المكتب قائلا :-
- هو انت مسالتش عليها اما جت ؟!! او اسم جوزها ؟! او كانت عايشه فين او اى حاجه ؟!!
ادم : لا بس شوفت بطاقتها واتاكدت انها بنت عمى اشمعنى
تنهد ادهم قائلا : طيب مش بتقول فى صور ليها فى حضن راجل مين الراجل دا ؟!!
ادم : وشه مش واضح
فكر ادهم قليلا ليقول ......فين الصوره دى
أخرجها ادم من جاكيته ليعطيها له قائلا :-
- اهى ؟!!
نظر لها ادهم بدقه لتتسع عيناه بعدها غير مصدقا ما يراه ثم نظر لهم ليقول بذهول :-
- دا انا اللى فى الصوره !!
حمزه وادم بصدمه.......انت بتقول اى ؟!!!
ادهم......زى ما سمعت كدا
ادم.....ازاى يعنى ؟!!
ادهم.....وانا فى الحفله خبطت فيها من غير قصد بس مين اللى صورنا وبعتلك الصور دى ؟!!
حمزه........اكيد حد بيكرها ؟!!
ادم.......طيب والصور التانيه ؟!!
ادهم باهتمام....في الصور دى ؟!!
ادم......الصور فى البيت بس مين اللى يكون عمل كده
نظرو ثلاثتهم لبعض فى حيره وعم الصمت بينهم !!!
.............................................................
..........فى منزل ادهم الوحش .............
تجلس شروق على سجادة الصلاة والدموع تنهمر على وجنتيها بهدوء ثم سجدت لتبكى قائله :-
"انت تعلم وأنهم لا يعلمون يارب اظهر الحق يارب انت عارف انى عمرى ماكدبت او كنت قصدى افرق بينهم يارب احمينى منه يارب وسامحنى ف انت الغفور الرحيم ثم انهت صلاتها لتمسح دموعها وقد شعرت بالراحه كثيرا لتخرج من الغرفه وهى تحاول الابتسام حتى لا تشعر عشق بشئ لتنظر لها عشق قائله :-
- انا كحانه
نظرت لها شروق بحيرة ثم قالت.....هشوفلك حاجه تاكليها ياحبيبتى
وتوجهت بعدها نحو المطبخ لتصنع الطعام لعشق
...............................
.........فى الفيلا.............
عمار ينظر لرقيه بغضب قائلا :-
- مين بقى الاستاذ دا و واقفه معاه ليه ؟!!
رقيه..........دا رائد زميل ادم منا قولتلك
تنهد عمار ليردف بعدها وهو ينظر لملابسها قائلا باستهزاء :-
- اى اللى انتى لبساه دا ؟!!
نظرت رقية لملابسها الرياضيه قائله وهي تعدل نظارتها :-
- مالها مش فاهمه ما هى زى الفل اهى ؟!!
عمار باستهزاء......هو انتى مبتشوفيش البنات بتلبس اى ؟!!
رقيه بمرح....... اكسيوزمي بقى انا فى البيت وعلى رأى المثل البلد اللى محدش يعرفك فيها شلح واجرى فيها✋😂
عمار بلامبالاه.....هههههه المهم خالتو قالتلك انى عايز اتقدملك مش كدا
اومات برأسها موافقه قائله :-
- ايوا قالتلى
عمار باهتمام.....وانتى رايك اى بقى ؟!!
رقيه بكثوف.....موافقه بس انا عايزه اسالك سؤال عشان اقطع الشك في الكمين
عمار....سؤال اى ؟
رقيه باهتمام......انت عايز يتجوزنى ليه ؟!
عمار.......عشان بحبك
اغمضت عينيها عدة مرات لتسقط بعدها مغشيا عليها....😂✋
عمار بخضه وهو يحاول إفاقتها.... رقية مالك فى اى ؟!!
توجهت نحوهم شذى وهى ممسكه بظرف لترى رقيه فاقده الوعى فتنظر لعمار بخضه قائله :-
- اى اللى حصل فى اى
عمار......روحى شوفى حاجه نفوقها بيها الاول
دخلت شذى الفيلا لتعود بعد قليل وبيدها ازازه برفان ليأخذها عمار ويستخدمها لافاقة رقيه فتفتح هى عينيها ثم تجلس قائله :-
- فى اى
عمار......انا كنت بكلمك لقيتك فاجئه وقعتى
تذكرت رقيه لتبتسم بشده قائله....اه افتكرت
شذى باهتمام......يعنى انتى كويسه دلوقتى
رقيه بسعاده......جدا جدا جدا
شذى.....طيب تعالى عشان عاوزاكى ضرورى
وقف عمار ليقول قبل ان يذهب.........طيب همشى انا بقى دلوقتى و هبقى اجى بعدين
رقيه بسعاده.....تمام
لتتابعه بعينيها حتى خرج من الفيلا لتضربها شذى بغيظ قائله :-
- مشى خلاص يا ست الحبيبه ركزى معايا بقى
نظرت لها رقيه قائله......اى فى اى
اعطتها شذى الصور قائله.......الصور دى لقيتها على الترابيزه جوه دى صور شروق شوفتيها
نظرت لها رقيه قائله بعدم فهم....اه شوفتها امبارح ليه ؟!!
شذى......الصور دى انا اللى مصورها لشروق وكانت على موبايلى اصلا
صدمت رقيه لتقول بغضب.......الله يخربيتك وجايه تقولي دلوقت
شذى بحزن......ما انا مخدتش بالى امبارح منهم
رقيه .......فالحه طول عمرك بس الصور دى مين اللى بعتها ؟!! او خدها من تلفونك وبعتها ل ادم ؟!! وليه عايز يبين قدامنا ان شروق مش كويسه ؟!!!
نظرت لها شذى بحيره.....مش عارفه ؟!!
ضربتها رقيه على رأسها بغيظ قائله......لازم تعرفى مش كانت على تلفونك يبقى انتى الوحيده اللى هتعرفى مين ؟!!
نظرت لها شذى بحيره شديده لتفكر من الذي اخذ تليفونها واخذ صور شروق ؟!!
...........................................................
...........فى المساء.............
يدخل ادهم منزله ليجده يعم بالهدوء الشديد فيرى شروق جالسه امام التلفاز فينظر لها بجمود وارهاق قائﻻ :-
-واضح انك اندمجتى بسرعة ف الشقه
شروق بضيق.....مش بمزاجى والله البركه فى حضرتك
تجاهل حديثها ليقول......عشق لسه نايمه
رمقته شروق باستغراب....وانت عرفت منين انها نايمه
ضحك ادهم ليقول :-
-خمنت
نظرت له بعدم تصديق ليجلس هو أمامها ويبدو على وجهه التعب ليردف بجمود ....سامعك تقدرى تحكى دلوقتى.... خدتى بنتى ازاى ؟!! و ليه كدبتى على آدم واهله وقولتهم انها بنتك ؟!!!
شروق بذهول..... وانت عرفت منين ؟!!
ادهم بجمود وغضب...انا اللى بسأل وانتى عليكى انك تجاوبي مش قلتى اعرف قبل ما احدد العقاب اتفضلى عرفينى
تنهدت شروق لتقص عليه كل ماحدث وهو يتابع حديثها باهتمام شديد الى ان انتهت فنظرت له لتجده ينظر لها بغموض
ادهم..... اه يعنى انتى عايزانى اصدق حتى لو كﻻمك صحيح ليه مرجعتهاش ﻻهلها ؟!!
شروق بغضب....عايزنى ارجعها لواحد زيك يبهدل فيها واحد اناني اتجوز وجبلها مرات اب تضربها وتبهدلها ليه شايفنى حيوانه زيك !!!
اسكتتها نظراته التى تريد الفتك بها ليتوجه نحوها ليرفع يده عليا لتغمض عينيها بخوف شديد ليتراجع ويبتعد عنها مكورا يديه بغضب وهو يحاول السيطرة على انفعاﻻته
فتحت عينيها بخوف لتراه يعطى لها ظهره فتنهدت براحه ليقول هو بجمود وغضب :-
-كل اللى قولتيه دا مايغفرلكيش اى شئ عندى ﻻن انا متجوزتش وﻻ زفت انتى اللى غبيه ثم نظر لها ليقول بغضب وهو يشير بيده قائﻻ بقسوه :-
-بس اللى غفرلك ان بنتى رجعتلى سليمه و انك تقربى ﻻدم صاحبى بس عقابك هتخديه نظرت له بعدم فهم ليردف بعدها......
-انتى خطفتى بنتى وعقابك السجن
شهقت بصدمه وفزع ليستكمل حديثه ببرود قائﻻ :-
-او اعاقبك انا بطريقتى بكره احب اعرف رايك هتختارى اى ؟!!
ثم توجه نحو غرفته وهو يشعر بالتعب الشديد !!!!
اما شروق جلست تنظر امامها بصدمه وﻻ تستطيع التفكير الى ان غفت مكانها وبعد مده من الوقت استيقظت على صوت عشق الباكى ففتحت عيونها ونظرت لها بفزع قائله...فى اى ياحبيبتى ؟!!
تحدثت عشق بسرعه ولكن لم تفهم منها شئ فربتت على يدها لتهدئها قائلة :-
-اهدى ياحبيبى عشان افهم فى ايه
امسكتها عشق من يدها لتتوجه نحو غرفة ابيها فتنظر شروق بصدمة لتجد جسد ادهم ملقى على ارضية الغرفه وعشق تبكى جوارها
عشق ببكاء...بابا ميت
توترت شروق بشدة لتتوجه نحوه وتفحصه ثم رفعت يديها بتردد لتتحسس جبهته لتجد حرارته مرتفعه بشده ثم لفت انتباهها مفاتيح المنزل جواره فنظرت له بتفكير شديد قائلة لنفسها هل تهرب من هذا السجن قبل ان يسجنها هو صباحا ام تنقذه فكرت كثيرا ثم........
..............
يتبع!!!!!!
ياترى شروق هتعمل اى هتهرب وﻻ هتساعده هتفكر بعواطفها وﻻ هتستخدم عقلها المرادى ؟!!
😍😘