رواية اليتيمتان (الحلقة الرابعه)💜
💗💗 (اليتيمتان)💗💗
بقلم_ولاءيحيي
الحلقة (الرابع)
كمال :السلام عليكم
على بستغراب :دكتور كمال... اهلا وسهلا اتفضل
كمال يدخل ويبص لحكمت اللي عينها كلها دموع وحزن... وقف قدامها وبيشاور ليها برأسه... بيقولها ماتصدقيش.. وعلى واقف يبص عليهم ومستغرب...
كمال يبص لعلى :عم علي انا جي وطلب منك ايد حكمت...
يقف على مصدوم... وحكمت وفاطمة واقفين... ومحدش فاهم حاجة
على باستغراب :تطلب ايد حكمت!!!!! ازاي هو مش انت خطبته بنت عمتك وفرحك يوم الخميس
كمال بسرعه :لا والله يا عم علي انا ماخطبتش (ويبص لحكمت) انا ماخطبتش واللي هتجوز غيرك يا حكمت صدقيني
فاطمة :تعال اقعد يا ابني وفهمنا ايه موضوع....( يروح كمال يعقد... وتبص فاطمة لعلي اللي واقف مش فاهم حاجة) اقعد يا على لما نفهم... تعالي يا حكمت
حكمت راحت قعدت وعلى قعد وهو بيبص لوش بنته اللي مليان دموع
على بستغراب :اللي اول ... انا عاوز افهم في ايه بينك انت وحكمت
كمال :ما انا قولت لحضرتك يا عم علي انا طلب منك ايد حكمت وعاوزه اتجوزها
على : وهو اللي بيجي يتقدم لواحدة بيروح لأهلها لوحده كده من غير اهلوا ...
كمال يتنهد ويبص للأرض لثواني ويرفع عينه ويبص ليه
كمال :انا هحكي ليك كل حاجة يا عم صالح..
وبدأ كمال يحكي كل اللي حصل... وان اهله رافضين... وعاوزين يجوزه بنت عمته علشان البزنس وبس
كمال يتنهد بحزن :هو دا اللي حصل يا عم علي... لكن انا مش هتجوز غير حكمت... عم علي انا النهاردة خلصت امتحانات الحمد لله... وفاضلي بس سنه الامتياز.. وانا بشتغل ومعتمد على نفسي... ومش بشتغل في مستشفى صادق وبس... انا بشتغل في مستشفيات تانية... والحمد لله دكاترة كتير عاوزني اشتغل معاهم... انا ليا مرتبي اللي اقدر افتح بيه بيت.. بعيد حتى عن ورثي من ماما... يعني اقدر اشتري شقه وافرشها... انا عم علي عاوز اتجوز حكمت... قولت ايه
على يرفع الراسه ويبص ليه : قولت لا... انا ماعنديش بنات لجواز
كمال بحزن :ليه يا عم علي... بترفضني ليه
على :مش انا اللي برفضك يابني ... دول اهلك هم اللي رافضين بنتي... اهلك هم اللي شايفين ان انا وبنتي طماعنين فيك وفيهم... اهلك هم اللي مستقلين بنتي... وشيفينها متلقش بابنهم .... بس لا دا انا بنتي غاليه اوي... واللي عاوز يتجوزها لو مشلهاش على راسه من فوق هو واهله... يبقى ميلزمنيش... حتى لو بنتي هتفضل في بيتي العمر كله تفضل وانا هفضل شيلها في حبب عنيا... و تفضل في بيتي والا أن حد ينزل منها و من كرامتها... لو انت كبير وغالي في عين اهلك... فأنا بنتي كبيرة اوي في عين الدنيا كلها... اسف يابني ماعنديش بنات للجواز
كمال بحزن وعيون مليانه دموع :يا عم علي انا مليش دعوى باهلي... انا حكمت أغلى حاجه في الدنيا كلها عندي... مش هشيلها فوق راسي وبس.. انا هشلها جوه قلبي وعيني... وانا اوعدك واحلف ليك على كتاب ربنا اني هحافظ عليه وعمري ما هزعلها ابدا... ارجوك يا عم علي... متفرقش بينا...
علي :وأهلك يابني... هتعصهم.... انا ميرضنيش انك تخسر ابوك وتعصي أمره... (ويقوم على يقف) يابني انت وبنتي ماتنفعوش لبعض...
كمال يوقف بحزن ويبص على حكمت اللي دموعها مغرقه وشها
كمال :حكمت قولي حاجه...
على يبص لحكمت.. اللي ترفع عنيه وتبص ليه... وهو يشوف الحزن والألم في عينها
حكمت :مافيش كلام يتقال... اللي قالوا بابا هو الصح... (وتبص لكمال بدموع وحزن وهو يبصلها بألم ويمشي... وهي تقوم تجري على اوضتها... وعلى يعقد على الكرسي بنكسار وحزن )
على يبص لفاطمه :ليه يامي... ليه سيبتها تحب اللي مش ليها والا من توبه... ليه مقولتيش ليا... كنت لحقتها قبل ما قلبها ينجرح
فاطمة بحزن :القدر مافيش منه رجوع يا على... ربنا كاتب ليها تعيش الألم... وهو قادر يطيب قلبها... و الواد بيحبها بجد... ومجرح اكتر منها... انجرح من اهله اللي مابيفكروش غير في مصالحهم.. ومابيهموهمش سعادة ابنهم... وانجرح لما انت رفضته بسببهم
على بحزن :كنتي عاوزني اعمل ايه يام... قوليلي كنت أعمل إيه
فاطمة تنهد بحزن :العمل عمل ربنا... اللي مكتوب ليهم هيعيشوا...
حكمت فضلت تعيط في اوضتها... قلبها مجروح وحسه بالألم مش على نفسها بس... على حبيبها اللي عارفه انه ملوش ذنب
كمال فضل وقف على البحر... دموعه نزله.. فضل يدعي ربنا.. وقرر انه مش هيستسلم... وهيفضل ورا اهله يا يقنعهم... يا يقنع على... كمال رجع البيت الساعه 12:00 بليل مكسور وحزين.. وطالع لاوضته سمع صوة ابوه
محمود بغضب :اخير شرفت يا بيه ... انت كنت فين وميتردش على التلفون ليه
كمال يقف ويبص ليه بحزن:خير يا بابا...
محمود بغضب :كنت فين... اكيد عند النصاب وبنته... ايه جوزك واللي لسه... (ويبص ليه بغضب شديد) قسم بالله لو
(وقبل ما يكمل كلامه... كمال قطعه)
كمال بغضب :اطمن يا محمود باشا...اطمن... عم علي رفض يجوزني بنته ... قالي بنتي غاليه اوي... وانت وأهلك بفلوسكم واسماكم ومستشفيتكم متلقوش ببنتي... احنا اللي منستهلش ننسابهم يا بابا عارف ليه...علشان هم بفقرهم عندهم حاجه مش موجودة عندكم... عندهم قلب... بيحبوا بيه من غير أي شروط واللي حسابات عندهم كرامه وعزت نفس...عندهم امانه... ومبيعرفش يخونها... مبيعرفش يخونه يا بابا
ويطلع كمال اوضته ويسيب محمود واقف كله غضب وغيظ
وتاني يوم في المستشفى.. محمود قعد في مكتبه... فلباب اتفتح ودخلت سلوي... ومحمود رفع عينه وبصلها
محمود :خير يا سلوي... ايه اللي جابك
سلوي تعقد :جيت اشوفك عملت ايه مع الراجل ابو البت...
محمود :معملتش حاجه... الراجل رافض
سلوي بستغراب :رافض ايه
محمود :رافض يجوزهم... لما عرف اني مش موافق... وكمال راجع آخر الليل غضبان.. بس يومين وهيهدي
سلوي بابتسامة :رفضوا... طبعا هيقبلو ليه من غير فلوس ومستشفى.. هو عينه كانت عليهم ...رجل بيفكر... مش زي ابنك غبي... المهم كده هنجوزه هو وماهي يوم الخميس.. ابدا اجهز
محمود :اصبري يا سلوي... احنا لازم نهدي ونرجع نكسب كمال... وخالي بنتك تقرب منه وتوقعه ... (ويرجع بظهرو لورا وييصلها بتريقها) مهو مش معقول حتت لا بت رحت واللي جت تعرف تعلقوا بيها وتخليه يجري وراها علشان يتجوزها ... وبنتك متعرفش... دي البت طلعة اشطر من بنتك... عرفت تنفذ أمور ابوها صح... واللي شكلك انتي اللي كبرتي.. ومعرفتيش تعلمي بنتك ازاي توقعي رجاله... صحيح دا انتي بقالك سته شهور متجوزتيش.... ايه فقدتي سحرك
سلوي تضحك اوي بغرور.. وتحط رجل على رجل :لا وانت الصادق ابنك هو اللي اهبل وفقر زي أمه... وغاوي يعيش مع الناس الزباله... تقول ايه ورث الأصل الواطي من أمه.... لكن لو على سحري فهو عمره ما بيختفي
محمود بتريقها :البركة في عمليات التجميل اللي بتسافري ليها كل 9شهور
سلوي بغضب : على الأقل عمليات التجميل يترجعني لطبيعتي... الدور و الباقي على اللي مبيرجعش... وخلي شكلنا وحش اوي قدام حتت بت سكرتيرة... دفعت ليها فلوس قد كده علشان متفضحكش... بلاش يا محمود تلعب معايا احسن اللعب معايا مش في مصلحتك..... وبطل بقى... وخلينا في شغلنا احسن... الراجل ابو البت دي لازم يترفد ... ويبعد عن المستشفى... علشان ميخليش بنته تلعب على ابنك مره تانيه... هاتوا هنا ورفده وهددو علشان يحرم
محمود :عند حق (ورفع سامعه التلفون واتصل بشؤون الموظفين)ايوه يابني... في ممرض في العمليات اسمه على صالح... ابعتو يجيلي مكتبي حالا... (يسكت محمود ثواني ويبص لسلوي بستغراب) استقال!!!!!
#بقلم_ولاءيحيي
💘💘💘💘💘💘💘💘💘💘💘💘💘💘💘💘
وفي بيت على
فاطمة يصريخ :يالهووووي... استقلت ليه
على : كنتي عاوزني استنى ايه يامي لما هم اللي يرفدوني ... لا وعلى ايه امشي انا بكرامتي .... الله الغني عنهم وعن شغلهم
فاطمة بحزن :وهنعمل ايه يا على.... هنصرف منين
على :متقلقيش يام ربك بيفرجها.... انا رحت قدامت في مستشفى تانية... والحمد الله لقيت دكتور عارفني كنت اشتغلت معاه فيه العمليات قبل كده... شكر فيا... وشهادة الخبره اللي اخذتها من المستشفى... فشغلوني مرتب أصغر ايوه بس كمان ساعات الشغل أقل... وحاسنين صاحبي قالي هيجبلي شغل... آخر النهار هاروح أدى حقنه لناس في بيوتهم ...و اركب محليل...و اهو هتمشي.... وربك هيفرجها يام
فاطمة بحزن :ربنا يفتحها في وشك يا على يابني
على بيبص حواليه :هي حكمت فين... مش سامع حسها يعني
فاطمة بحزن :في اوضته.... البت زعلانه اوي يا على... اوعي انت كمان تزعله واللي تقولها كلمه كده واللي كده
على يتنهد ويقوم يقف :ازعلها ! هو انا بقدر اشوفها زعلانه يام لما انا اللي ازعلها ... هو انا عندي غيرها... ياريت بأيدي حاجه بس ادي الله وادي حكمته ... كاتب عليها تحب اللي مش ليها...
ويدخل على يشوف حكمت... يلقيها قعده على السرير سكته وحزينه عينه حمره زي الدم من كتر العياط... قرب منها بحزن ويقعد جمبها
على : عارفه يا حكمت... ايه أصعب حاجه مره عليا من بعد رقدة امك السنين دي كلها (حكمت تبص ليه) اني اشوفك حزينه وشوف دموعك دي وميبقاش في أيدي اني اشيلها عنك... اوعي تفتكري اني مش عارف ولا حاسس انتي تعبانه ازاي وحسه بايه... (ويبص للأرض بحزن) وعارف أن زمانك بتقولي... ان لو ليكي اب غيري.. يكون دكتور واللي
حكمت تحط ايدها على بؤه
حكمت :متكاملش يابابا.... (وتمسك ايده وتبوسه) انا عمري ما اتمنى يكون ليا اب غيرك... اه انا تعبانه... وقلبي بيوجعني بس فتره والتعب هيقل وهيبقي كويسه ...في كتير حبه وحبهم مكاملش وعاشوا حياتهم وقلبهم طاب ورجعوا يحبوا تاني.... القلب ممكن يحب مره واتنين... وممكن ميحبش تاني خالص بس بينسى ونعيش... لكن اللي مانقدرش نعيش من غيره هي الروح... وانا روحي حته منك يا بابا... لو بعد الشر جرى ليك حاجه... انا اموت
على يبتسم ويضمها لحضه ودموعه تنزل وهي كمان عيطت كتير في حضنه
#بقلم_ولاءيحيي
💘💘💘💘💘💘💘💘💘💘💘💘💘💘💘💘
فات شهر... كمال وحكمت ميعرفوش حاجه عن بعض... وعلى بدأ شغله الجديد... وآخر النهار بيروح لناس يديهم حقن اوي يعلق لهم محليل ... أما كمال فمبيرحش مستشفى صادق... وكل يوم يرجع البيت متأخر... ومحمود كل يوم يقول هيتحسن ويرجع بس ما بيرجعش... وفي يوم كمال راجع بليل
محمود بزعيق :واخرتها... هتفضل كل يوم تخرج من الصبح وترجع آخر الليل.... ومبترحش المستشفى....كل دا ليه عشان حتت بت بنت
كمال بزعيق :بابا.... لو سمحت.... مافيش داعي تجيب سيرتها هي خلاص بعدت زي ما انتم كنتم عاوزين...
محمود :وانت هتفضل معوج كده لأمتي... تقدر تقولي بتروح فين كل يوم من الصبح لبليل
كمال :بروح شغلي
محمود باستغراب :شغلك شغل ايه دا...
كمال :هيكون شغل ايه... وهو حضرتك ناسي اني دكتور... انا استلمت التكليف بتاعي في مستشفى الجامعة... وبشتغل في مستشفى دكتور سعيد
محمود بغضب :انت اتجننت... بتشتغل عند الناس وسايب مستشفى بتعتك... انت اكيد جرى في مخك حاجه
كمال بغضب :المستشفى خاليهالك مش هي دي اللي رفضت جوازي علشانها... خدها انا اني مش عاوزها...متلزمنيش... اديها لعمتي... أرضى بيها طماعه... مش هي عاوزه تجوزني بنتها علشان تستولي على المستشفى.... وانت عارف وموافق... خلاص خدوها ومش لازم جوز. (ويبص له بغضب) نفسي اعرف ايه الشي اللي هي مسكه عليك مخليك خايف انها تكشفوا... وعلشانه ساكت واقبل كل اللي بتعملوا فيك.... ايه هو اللي عملته وخايف أن احنا نعرفو وسييها تتحكم في حياتنا
محمود بغضب رفع ايده ويضرب كمال قلم قوي... جت معاه صوت صرخه
#بقلم_ولاءيحيي
💘💘💘💘💘💘💘💘💘💘💘💘💘💘💘💘
💖اليتيمتان 💖
#بقلم_ولاءيحيي
البارت الخامس
محمود بغضب رفع ايده ويضرب كمال قلم قوي... جت معاه صوت صرخه
ناديه بصريخ :كمااال
ونزلت تجري على كمال اللي اتفاجاء بيها... فبص لابوه نظرت عتاب ورح اخد اخته في حضنه
كمال بابتسامة يرسمها :حبيبتي حمدالله على السلامه... انتي رجعتي امتى وليه مقولتيش انك راجعه
نادية بدموع حطت ايدها على خده اللي صوابع محمود كانت علمت عليهم... وبصت لابوها بكره وضيق
ناديه بدموع : ممكن اعرف ايه سبب اصوتكم العاليه...وايه اللي يخليك تمد ايدك على اخويه
محمود بضيق من نظرات بنته فهو حاسس انها بتكرهو... ودا مضايقة..
محمود :اسألي اخوكي... خليه يحكي ليكي... وياريت تعقليه
ومشى وسابهم ورح مكتبه وقفل عليه وهو مضايق ومخنوقه
نادية بحزن :مالك يا كمال
كمال بابتسامة ياخذها ويقعد ويقعدها في حضنه :سيبك مني وقولي لي جيتي امتى وليه مقولتليش اجي اخذك من عند خالتي
ناديه بابتسامة :قولت أعملها ليك مفاجأة... كنت عاوزه اعرف صوتك ليه متغير الفترة اللي فاتت... قولت هاجي بنفس علشان متلحقش تداري اللي فيك
كمال يقعد ويبعد عينه عنها:َجيتي لوحدك ازاي
ناديه تلف وشه بايدها علشان يبصلها:جيت مع مدحت.... كان جي يشوف عمتو وماهي.... قولي مالك ومتهربش بعينك مني
كمال ابتسم بحزن وبدأ يحكي لناديه كل حاجه... وهي فضلت تسمعوا... وبقيت شايفه معلم وشه اللي بتتغير على حسب اللي بيحكيه... لما كان بيحكي عن حبه وازاي اتعرف على حكمت... كان بيبتسم وعينه تتملي بدموع شوق ليها
ولما بيحكي عن محمود وعمتهم... الغضب بيملي عنيه...
كمال بتنهيده:هو دا كل اللي حصل
ناديه بغضب :انا بجد مش عارفه ابوك دا ايه مابيحسش
مش كفايه كل اللي عملوا السنين اللي فاتت... مش كفايه موت ماما بسببه
كمال : شششششي... وطى صوتك... وبعدين يا نادية احنا مش قولنا بلاش نتكلم في الموضع دا تاني
ناديه بضيق :مش قادره يا كمال مش قادره انسى صوتها قبل ما تموت... وهي بتصرخ والا الصور اللي كانت مرميه جمبها لما دخلنا عليها... انا بكرهه بكرهه اوي يا كمال
كمال ياخذها في حضنه :الله يرحمها.. متنساش يا ناديه ان احنا وعدنا ماما أن احنا نخالي بالنا منه ... ومنسبوش لوحده ونسامحوا
ناديه بحزن : نسامحو على ايه واللي ايه... المهم سيبك منه... وقولي ناوي تعمل ايه
كمال يتنهد :مش عارف يا ناديه... عم علي رافض... مع اني بروح ليه شغلوا الجديد كل يوم تقريبا... وبفضل اترجي فيه انه يوافق... بس بيرجع يرفض ويقولي مقدرش اكون سبب في أنك تبعد عن ابوك أو يغضب عليك
ناديه :طيب ليه مقولتش له.... أن ابوك اصلا مش موجود في حياتني... واللي بيفكر فينا
كمال بابتسامة حزينه : اقوله ايه يا ناديه بس... اقولو ان ابويا سيبنا طول عمره ومشغول في نزواته... مقدرش مهم كان دا ابويا مقدرش اقلل منه قدام اي حد
ناديه :طب وحكمت... محاولتش تقنعه هي
كمال بحزن :من يوم ما رحت بيتهم ... مشفتهاش بروح أقف تحت بيتهم علشان اشوفها... بس مابتظهرش... واكتر من مره اطلع على السلام وابقى هخبط بس برجع انزل... خايف اشوف خيبة الأمل في عينها وهي بتبص ليا... انا كنت مفهمها أن بابا مش ممكن هيرفض... كنت فاكره هيحاوله يعوضنا عن اللي عملوا وهيدور على سعادتنا ... وهيقف جمبي لما يعرف اني بحبها
ناديه باستهزاء :دا لما يبقى اب وبيحس باولاده... قولي هي حكمت عنوانها ايه
كمال بستغراب :ليه
ناديه بابتسامة :هروح اشوفها وتعرف على البنت اللي خطفت قلب اخويه... واطمنك عليها مش هي وحشتك برده
كمال بابتسامة :وحشتني اوي اوي... (ويبص لناديه) بجد هتروحلها
ناديه بحب :اول ما النهار يطلع هروح ليها... ورجع اطمنك
كمال يبوس اخته :متشكر يا ناديه... متعرفيش قد ايه وجودك جمبي ريحني... قوليلي بقى انتي... ايه اخبارك مع مدحت... لسه رافضه
ناديه تتنهد :ما انت عارف انا كنت رافضه مدحت ليه...
كمال : وانا قولتلك كتير أن مدحت غير عمتي وماهي... دا رح يعيش مع ابوه ومراته لما ماقدرش يمنع تصرفاتهم ساب ليهم البيت واسكندريه كلها... (ويسكت ثواني ويبصلها) استنى هو انتي قولتي كنت رافضه... معنى كده انك وافقتي
ناديه بابتسامة : ايوه... مدحت فضل ورايا لحد ما اقنعني ... وقدر يثبت ليا انه غير عمتي... قالي كلمتين هم اللي اقنعوني... قالي زي ما انتي وكمال ملكمش ذنب في عمايل محمود... انا كمان مليش ذنب في عمايل امي... وقالي الناس مش بتختار أهلها... فقتنعت... هو جي المره دي ومصمم يخطبني
كمال بفرحه يحضن اخته :مبروك يا حبيبتي... الف مبروك...
ناديه بابتسامة :عقبالك انت وحكمت يا رب
#بقلم_ولاءيحيي
💘💘💘💘💘💘💘💘💘💘💘💘💘💘💘💘
تاني يوم الصبح محمود قعد في مكتبة في المستشفى بيشتغل ... اتفتح المكتب ودخلت سلوي... فرفع عينه وبصلها اوي
محمود :شايف رجلك اخدت على المستشفى اليومين دول
سلوي تقعد :ولسه هتشوفني اكتر... انا قولتلهم يجهزو ليا مكتب هنا... اصلي قررت أدير الأسهم بتاعتي واخد بالي منهم
محمود باستهزاء ويقوم من على المكتب ويجي جمبها... وينزل جمب ودانها ويقولها
محمود :تاخذي بالك منهم هم... واللي من العريس الجديد... ايه خايفه عينه تزوغ على ممرضه كده او كده
سلوي بصتله اوي :لحقت تعرف... برافو مستواك اتحسن كتير عن الاول يا محمود
محمود يقعد قدامها :وانتي مستواكي كل مره في النازل... بقي مالقتيش غير فني الأشعة وتجوزيه... دا عيل أصغر من عيالك
سلوي بابتسامة :مضايق عشان عيل أصغر من عيال حبني... وانت كل لعبك بقى مع اللي 40 وفيما فوق
محمود بضيق :انتي مش مكسوفه من نفسك... افرضي حد في المستشفى عرف يقولوا ايه... انتي مبتفكريش ابدا....طب خافي على اسمك حتى يا بنت صادق باشا
سلوي بلا مبله:بقولك ايه وفر دروسك دي لنفسك... انا جي النهارده علشان اقولك ان مدحت عاوز يخطب ناديه بنتك
محمود يقف بزهق :يووووه... هو انتي ماعرفتش تجوزي بنتك لابني دلوقتي هتلفي علشان تجوزي ابنك لبنتي
سلوي :لااااا.... انا مليش دعوى بالموضوع دا خالص.... انا مبشغلش تفكري بمدحت ومسقطه من حساباتي ... دا هو اللي قالي... دا حتى قال ان هو اللي هيكلمك... انا بديك فكره بس... لكن جوازت ماهي وكمال دا شي مفروغ منه هيحصل هيحصل ... انا بس سيبك انت وابنك تدلعوا برحتكم... بس مش هصبر عليكم كتير... المهم هتقول لمدحت ايه
محمود باستغراب : و اشمعني ناديه اللي ابنك عاوز يتجوزها لو انتي ملكيش دخل بالموضوع
سلوي باستهزاء وهي بتقعد على المكتب قصاده
سلوي :قال ايه بيحبوا بعض... شوفت الزمن ابني انا يحب بنت امل... بس عادي ما اصل مدحت طالع متخلف ورجعي لابوه... المهم خلصنا من الموضوع دا بسرعه علشان يمشي من هنا ... انا مش عاوزه يفضل لزق في اسكندرية بحجة بنتك... هتوافق قوله وخليهم يلبس دبل و يمشي ... هترفض تقول لا ومع السلامه ارجع لابوك... ماشي
(وتقوم تقف وتمشي ناحية الباب)
محمود باستهزاء :طبعا عاوزه يمشي علشان ميفضلش يقولك رايحه فين وجيه منين... و اللي لبسه دا مش للي في سنك ... وتبقى مصيبه لو وصل له خبر الجوازه الجديدة
سلوي تبصله بابتسامه مستفزه :برافو عليك هو كده بظبط... (وتفتح الباب) بجد بقت مبهوره بذكائك
وتخرج وتقفل الباب ومحمود يبص للباب بضيق وغضب
محمود :انا هعرف ازاي اردلك اللي بتعمليه واللي عملتيه زمان... (ويفتكر نظره ناديه... اللي فيها شبه كبير من امها... ونظرت عينها فكرته بنظره عين امل بعد ما اكتشفت خيانته)
#بقلم_ولاءيحيي
💘💘💘💘💘💘💘💘💘💘💘💘💘💘💘💘
وعند حكمت كانت قعده فلباب خبط راحت تفتح... لقيت بنت جميلة... وشها هادي مريح واقفه قدمها...
حكمت بابتسامة :افندم
ناديه بابتسامة :انتي حكمت
حكمت باستغراب :ايوه انا
ناديه بابتسامة :لاااا دا كمال طلع خايب اوي معرفش يوصف كويس... قالي انك حلوه.. مقالش انك حلوه وزي القمر
حكمت بابتسامة :ناديه
ناديه تحضنها وتبوسها :ايوه يا حبيبتي... ازيك عمله ايه
ناديه حضنتها زاي ما يكونه أصحاب من سنين... وحكمت لما شافتها حست انها شافت كمال... فحضنتها اوي على قد ما هو وحشها...
ناديه حست بيها فابتسمت في ودنها :انتي كمان وحشه اوي
حكمت بعدت وابتسمت بكسوف... وهم واقفين خرج على من الاوضه
على :مين اللي بيخبط يا حكمت
حكمت واقفت مش عارفه تقوله ايه... وفاطمة خرجت من المطبخ تشوف مين... ناديه حست بارتباك حكمت فدخلت وقربت من على بابتسامة
ناديه :انا ناديه يا عم علي... اخت كمال
على باستغراب :اهلا وسهلا يا بنتي... اتفضلي
تدخل ناديه وتسلم على فاطمة وتقعد معاهم
ناديه بابتسامة :انا جي يا عمي على... اقولك حاجه كمال مقدرش يقولك عليها
وبدأت ناديه تحكي لعلى علاقتهم بابوهم... وازاي انه مابيفكرش غير في نفسه وطمعان في المستشفى الان اكتر الأسهم باسمها هي وكمال ... وازاي انه ظلمهم طول عمرهم... وأنه عاوز يستغل كمال ويجوزه ماهي علشان ياحطوا ايدهم على الأسهم ... وان عمتهم بتساعده لأنها هي كمان عاوزه تحط ايدها على الأسهم...
ناديه كانت بتحكي بدموع وعلى وفاطمة وحكمت فضلوا يسمعوا...
ناديه بدموع :هي دي علاقتنا بدكتور محمود صادق... ممكن تسميها اي حاجه غير أنه علاقة اب وأولاده... انا مقدرتش استحمل وهربت وراحت اعيش مع خالتي في القاهره... لكن كمال من كتر حبه لماما... بينفذ وصيتها وجي على نفسه ومستحمل يعيش في ظلمه وتحكمه... ياعم على انت خايف انه يعوق ابوه... طيب هو مش فيه عقوق آبناء زي ما فيه عقوق أباء ... مش هو المفروض انه يعلمنا ويرينا... ويحفظنا القرآن... ويكون بار بينا واحنا صغيرين علشان نكون بارين بيه لما يكبر...طيب هو معملش اي واجب من واجباته في حقنا... ورغم كده عمرنا ما عصيانه ليه أمر... بس لما يبقى عاوز يجوز اخويه واحده (وتسكت كسوف) علشان بس يستولى على فلوسه... ومش مهم عنده سمعة ابنه واللي شرفه... يبقى دا ينفع يكون اب... عم علي انا هسيبك تحكم ربك وقلبك... واللي يرضيك اعملوا... بس احب اقولك كمال بيحب حكمت... وهيفضل كل يوم يجي قدم بابك يتقدم لها... ولا هيزهق واللي هيمل...
(وتقوم تقف) انا همشي ومتشكره جدا انك سمعتني يا عمي
وتخرج ناديه وتخرج معاها حكمت وعلى الباب وقفت تسلم عليها
حكمت بصوت واطي :ناديه ممكن اطلب منك طلب
ناديه :طبعا يا حبيبتي
حكمت بابتسامة :عاوزه اشوف كمال بكرا... (وتحط وشها في الأرض) بكرا عيد ميلادي... وهو نفس اليوم اللي قبلت فيه كمال ... عاوزه اعملو مفاجأة... ممكن تساعديني
ناديه تضحك وتحضنها :طبعا يا حبيبتي... دا هيفرح اوي... كل سنه وانتي طيبه وكل سنه وانتم مع بعض... بصي انا هكلمك بكرا اقولك هتتقابلوا فين وامتي... وهكون جهزت ليكي كل حاجه... هاتي تلفونك
حكمت بابتسامه : خدي رقم التلفون الأرضي... كلميني عليه
وتأخذ الرقم... وتمشي ناديه بعد ما اتفقوا سوا... وتدخل حكمت البيت
فاطمة :ايه رائيك يا على
بقلم_ولاءيحيي
💘💘💘💘💘💘💘💘💘💘💘💘💘💘💘💘
التعليقات على الموضوع