رواية اليتيمتان (الحلقة الثالثه)💜
💗💗 (اليتيمتان)💗💗
بقلم_ولاءيحيي
الحلقة الثالث
حكمت وكمال رحوا قعدوا على الكورنيش
حكمت بابتسامة : ادينا قعدنا يلا احكي بقى
كمال : حاضر يا حبيبتي ... بصي يا ستي حياتي كلها تتلخص في امي الله يرحمها و اختي ناديه...
حكمت باستغراب :وبابك
كمال بابتسامه حزينه :بابا كان زمان على طول مسافر.... كان بيجي كل فتره يقعد اسبوع او 10ايام بكتير ويرجع يسافر ...
حكمت :ويسافر ليه... انا اعرف ان جدك كان باشا واغنياء جدا... يعني ماكنش محتاج يسافر ويشتغل بره
كمال يتنهد بحزن :ما هو ما كانش مسافر علشان الفلوس... زمان وانا صغير ماما وبابا كانوا بيحبوا بعض اوي وميقدروش يبعدوا عن بعض...حتي لما كان يسافر يوم القاهرة... ماما كانت بتروح معاه علشان ماتبعدش عنه... كانت تسبنا قاعدين مع خالتي ويسافروا هم ... و كانت يومها خالتي تفضل تحكلنا قصة حبهم وازاي اتجوزوا.. كان بيتنا ايامها مليان حب وضحك ... بس في ليلة صحيت انا وناديه على صوت عياط ماما.... وشفنا بابا وخد شنطت سافروا ونازل.. وبيطلب منها انها تسامحوا ... وتتصل بيه علشان يرجع.... بس ماما ماقدرتش تسامحوا ابدا ... وعمرها ما طلبت منه انه يرجع.... حتى لو لما كان ينزل اسبوع علشان يقعد معانا ... كانت ماما بتبقى طول الاسبوع دا حزينه ومضايقه.. ومترجعش تضحك غير لما يسافر هو تاني
و لما كبرت شويه فهمت ان الأسبوع اللي بيجي فيه كل فتره كان مجرد شكل وصوره قدامنا وقدام النآس... بيمثلوا فيها انهم زوجين علشانا لما احنا بنسأل عليه... وعلشان كلام الناس اللي كانت مستغربه انه مسافر وسيبنا مع انه مش محتاج للسفر
حكمت :طيب ماعرفتش ايه اللي حصل ليهم والحب اللي كان بينهم راح فين
كمال بابتسامة حزينه : معرفتش..ومحاولتش اني اعرف
حكمت :ليه
كمال بعيون ملينا دموع :عشان ماكروهش... لان انا متأكد أن بابا جرحها اوي... وكسرلها قلبها...وعلشان كده ماقدرتش تسامحوا ..... فلو انا عرفت هو عمل فيها ايه... وتأكدت انه كان سبب دموعها... هكرهوا وعمري ما هسامحوا....(و يتنهد بحزن)
انا كنت دايما بسمعها بليل وهي بتعيط.... كانت تفضل طول اليوم بتلعب وتضحك معانا... بس اول ما ننام... أو نمثل أني نايم كنت اسمعها وهي بتعيط... كانت بتخبي حزنها عننا
وبتحاول تظهر لينا انها سعيدة (وييص لحكمت ويبتسم بحزن)اصل ماما يا حكمت كانت ست جميله اوي... مش بس في الشكل لا في طبعها وحياتها... كانت بتنشر السعادة علي كل اللي حواليها... ومابتحبش تشوف حد زعلان أو تعبان... كانت في العيد تدي اجازه لكل واحد ووحدة بيساعدها في البيت... وتقوم هي بشغل البيت كله.... كانت بترفض أن احنا نقول عليهم خادمين... كانت بتقول دول مساعدين... بيقومه بشغلهم وياخده مرتبهم... زي الدكتور لما بيساعد المريض... دي بتبقى شغلته وبياخد عليها مرتب
كانت في العيد تأخذني انا وناديه الصبح وتلف بينا على كل اللي كانوا بيشتغلوا في البيت ... و على ناس كانت بتساعدهم...علشان نعيد عليهم وعلى أولادهم...وكانت تسيبنا نلعب ونجري مع الولاد وهدومنا كانت بتتبهدل...كانت تضحك وتقولنا مش انتم انبسطوا مش مهم الهدوم ..
حكمت تمسح دموعها :الله يرحمها...
كمال يبعد وشه ويمسح دموعه ويرجع يبص لها: لما ماما ماتت... بابا رجع تاني... وبطل يسافر. فضل قاعد معانا رغم أنه من لما رجع مابيقعدش في البيت ولا بنشوفوا ....علي طول مشغول لحد بقيت عايش لوحدي
حكمت :ليه هي اختك فين
كمال ناديه بعد موت ماما تعبت اوي ... ومقدرتش تعيش في البيت... فخالتي طلبت من بابا انها تاخدها تعيش معاها في القاهرة... وتتدخل الكليه هناك ... وبابا وافق.. فسافرت مع خالتي وبقيت تيجي بس في الاجازة... علشان تشوفني .. مع اني عارف انها بتكره البيت من بعد موت ماما ..
حكمت :هي في سنه كام وكليه ايه
كمال : في تلاته آداب انجليزي.. (وييصلها ويبتسم) عارفه انا متأكد ان انتي وهي هتكونوا أصحاب جدا... فيكم حاجات كتير مشتركة
حكمت بابتسامة :أن شاء الله... لما تيجي تعرفنا على بعض (وتبص في ساعتها) يا خبر دا انا اتأخرت اوي
كمال يقوم يقف قدامها : مع اني مش عاوز اسيبك... بس هستحمل الفتره دي... واسيبك تروحي... بس اعملي حسابك بعد لما نتجوز مش هتخرجي من حضني ابدا
حكمت تشهق وتحط ايدها على وشها بكسوف وتمشي وتسيبه وهو يضحك اوي.. ويجري وراها
#بقلم_ولاءيحيي
💘💘💘💘💘💘💘💘💘💘💘💘💘💘💘💘
وفي فيلا سلوي...الباب خبط..
محمود :مدام سلوي فين
الخادمة :جوا يا باشا
ويدخل محمود يلقي سلوي قعده ومسكه مجلة في ايدها.. فيقعد على كرسي قدامها
محمود :خير يا سلوي... قولتي لي تعالي ضروري ليه
سلوي تسيب المجلة :طيب قول ازيك الأول.. دا انا بقالي تلات شهور ماشفتكش
محمود باستهزاء : فارق معاكي اوي شوفتيني أو لا... ما انا فضلت سنين بعيد عنك وعن ولادي ومراتي وكنتي انتي السبب
سلوي بنرفزه :يووووه مش هنخلص بقى... كل ما تشوف وشي تسمعني الكلمتين دول... وبعدين متعملش نفسك مظلوم وبرئ.. وان انا اللي ظلمتك ... انت اللي كنت بتخونها.. وكل يوم مع واحده.. وهي كانت نايمه على ودانها ومتعرفش بخيانتك ليها
محمود بغضب :قومتي انتي روحتي قولتي لها... وادتيها مفتاح المزرعة وخلتيها تيجي علشان تشوفني مع غيرها... ماكفكيش انك تعرفيها... لااااا لازم تخليها تشوفني بعينها مع واحده غيرها... خليتها ماقدرتش تنسى شكلي وانا معاها ومقدرتش تسامحني .. وبعدتتني سنين عنها وعن ولادي... لحد لما ماتت وانا بعيد ماتت من غير ما تسامحني... ليه عملتي فيا وفيها كده...
سلوي بضيق وصوت عالي :علشان كانت شايفه نفسها ولازم تتكسر ... كانت دايما عايشه في دور المرأة المثالية ...سيدة الخير الأولى..اللي بتساعد كل الناس.. الأم الحنينه الطيبه والزوجة اللي محافظة على جوزها و مش مقصره في بيتها والا مع جوزها... كان لازم تعرف انها عايشه في وهم وكدبه بتضحك بيها على نفسها وعلى الناس اللي حواليها ... كنت لازم اعرفها ان مش انا بس اللي جوزي خاني ورح اتجوز عليا ... والا ان انا اللي كنت مهمله في جوزي بسافري وخروجي... وكنت السبب انه يروح لغيري... كنت دايما تحسسني أن انا اللي مقصره في حق جوزي... فكنت لازم اعرفها ان انتي كمان جوزك بيخونك وبيسيبك وبيروح لغيرك كل يوم.... علشان تشوف هي كمان مقصره معاك في ايه وبتروح تدور عليه مع غيرها
محمود يقف بغضب :هي ملهاش ذنب هي فعلا ماكنتش مقصره معايا... انا اللي كنت خاين.. وشايف نفسي.. وأي بنت او ست تيجي قدامي.. عنيا تزوغ عليها... انا اللي كنت مقصر معاها مش هي
سلوي بضيق :وخلاص خلصنا... وهي ماتت... مش هنفضل طول عمرنا نعيد في اللي فات... وأقعد بقى وخليني اتكلم في اللي بعت لك عشانه
يعقد محمود بضيق :قولي عاوزه ايه
سلوي :كمال ابنك.. لازم يتجوز ماهي في أقرب وقت
محمود ينفخ بضيق :هو مش احنا اتفقنا... ان احنا هنستنا لما يخلصو كليتهم... وانك تخلي بنتك تقرب منه علشان يحبها
سلوي :ابنك بيحب واحده تانيه
محمود باستغراب :كمال بيحب!! ... مين دي اللي بيحبها
سلوي :بت جربوعه ماعرفش اتلم عليها منين... ماهي هي الي شافتها معاه النهارده...
محمود :هتلاقيها واحده بيتسلي معاها يومين... ولاحب ولا حاجه
سلوي باستهزاء :ابنك ملوش في التسليه... للأسف مش طالع ليك... طلع لأمه.. ابنك بيحب البت دي وعاوز يتجوزها
محمود :وانتي عاوزني اعمل ايه... ما بنتك اللي ماعرفتش تخليه يحبها
سلوي بغضب :محمود... ابنك مش هيتجوز غير ماهي بنتي... والبت اللي يعرفها دي لازم يبعد عنها... لا كدا يا هايعرف مين السبب في ان امه يجيلها سكته قلبيه و تموت
محمود بغضب :انتي ايه يا شيخه... ماعندكيش رحمه... عاوزه تخسريني ولادي كمان... هو انتي مش اخدتي ربع المستشفى اللي بانيها بفلوسي علشان تسكتي ومتكلميش في الموضوع ده تاني ...ما تسبينا في حالنا بقى وابعدي عن ولادي(وسابها وهيمشي بس صوتها واقفه )
سلوي :لو ابنك مابعدش عن البت دي واتجوز ماهي... الصور اللي امهم شافتها... والمكالمه اللي كانت بتكلمها قبل ما تقع ميتا... هيتبعتوا لكمال وناديه.... سامعني
محمود يرجع ويقف قدامها بضيق :عاوزني اعمل ايه
سلوي بابتسامة خبث : اخويه حبيبي.... اقعد نتغدا سوا وانا هاقولك نعمل ايه
#بقلم_ولاءيحيي
💘💘💘💘💘💘💘💘💘💘💘💘💘💘💘💘
حكمت روحت وكانت مبسوطه اوي... و هي في اوضتها دخلت فاطمة
فاطمة :بتعملي ايه يا حكمت
حكمت بابتسامة :مافيش يا تيتا... كنت بغير هدومي
فاطمة تعقد على السرير وتبتسم :هاااا مش ناويه تحكي لتيتا... ايه اللي مفرحك الايام دي كده
حكمت بابتسامة وارتباك :عادي يعني يا تيتا.... انا عاديه اهو
فاطمة مسكت ايدها وقعدتها قدامها :لا مش عادي يا تيتيه... انتي متغيره وفيه حاجة بتحصل معاكي.... بس مدام هتخبي عليا يبقى الحاجه دي غلط
حكمت بسرعه :لا والله يا تيتا انا معملتش حاجة غلط... (وتتنهد وتبصلها) انا هحكي ليكي
وبدأت حكمت تحكي لفاطمة...من اول مقابلتها لكمال... لحد اللي حصل النهاردة
حكمت :هو دا كل اللي حصل بظبط.... واتفقنا انه يكلم ابوه بس بعد لما يخلص لامتحانات
فاطمة بقلق :قوليلي يا حكمت... انت فعلا بتحبي كمال
حكمت تكسف اوي وتهز رأسها بايوه
فاطمة :بتحبيه علشان هو كمال الغني ابن صاحب المستشفى
حكمت تقطع كلامها :لا والله يا تيتا.... انا في لاول لما كمال جابلي الموبايل... وحسيت انه بيعوضني عن الحادثه بالفلوس.... راحت رجعت الموبايل ورفضت أن يكون في بنا اي علاقه... بس لما جي الكليه لعندي... وعرفت منه انه كان بيقف بساعات على أول شارع حارتنا علشان يشوفني... حسيت انه بيحبني... ولما بقى يجي ليا الكليه كل يوم... وبدأت اتعامل معاه.... نسيت انه غني نسيت هو ابن مين اصلا ... كمال يا تيتا بيتعامل زينا بظبط.... محستش معاه انه من طبقه غير طبقتنا... واللي بيحاول يتباها بفلوسه... أو حتى يظهرها... لبسه عادي عربيه عاديه.... أكله وشربه طريقة كلامه معاملته مع أمن الجامعة أو الشباب اللي بيشتغلوا في كافتريا الجامعة.... كمال يا تيتا شاب عادي زي شباب حارتنا... الفرق الوحيد اللي بينا وبينهم... انه متعلم ومثقف... ودا مش محتاج فلوس علشان نوصل
فاطمة بابتسامة :هو باين عليه انه ابن حلال... بس افرضي يا حكمت ان ابوه رافض
حكمت تسكت شويه وتبصلها بحزن :مافيهاش فرض يا تيتا.... لو ابوه رافض.... فأنا كمان هرفض وبعد عنه
فاطمة تحت ايدها على خدها بحنان :ربنا يكتبلك الخير يا حكمت.... ويرزقك بيه لو هو خير ليكي
حكمت بابتسامة :يارب يا تيتا
#بقلم_ولاءيحيي
💘💘💘💘💘💘💘💘💘💘💘💘💘💘💘💘
وفي فيلا صادق رجع كمال وكان طالع على اوضته
محمود :كمال
كمال يبص وره باستغراب :بابا... خير حضرتك راجع بدري النهارده
محمود :قولت اجي اتعشا معاك... بقالنا كتير ما قعدناش واتكلمنا سوا
كمال بابتسامة تريقة : هو مش بقالنا كتير واللي حاجه... احنا اصلا عمرنا ما قعدنا واللي اتكلمنا سوا... بس عادي اتفضل نتكلم انا تحت امرك
محمود :طيب تعال نتعشي
كمال :انا اتعشيت بره... بس ممكن اقعد مع حضرتك وانت بتاكل
ويعقد علي السفرة ومحمود بياكل وكمال قعد جمبه
محمود :اتعشيت بره مع مين ...
كمال :مش مع حد
محمود :و لما كنت لوحدك... بتاكل بره ليه.. ماترجع تأكل في البيت....
كمال :هتفرق ما في ايه لما اكل في البيت ما برده هاكل لوحدي.... على الأقل وانا بره بلقى ناس حواليا بيتحركو بيشغلوني فمابحسش بالوحده .. لكن في البيت مش هلاقي حد...وهفضل افتكر ماما وناديه لما كنا بناكل على طول سوا
محمود يتنحنح بضيق : الله يرحمها وانا مش حابب انك تفضل كده لوحدك.... علشان كده انا راحت لعمتك سلوي النهارده .. وخطبتلك ماهي.. واول ما تخلصوا امتحانات هتتجوزها على طول ...
كمال بغضب :مين اللي قال لحضرتك اني عاوز اخطب ماهي.... ازاي حضرتك تتصرف في حاجه تخصني من غير ما تقولي
#بقلم_ولاءيحيي
محمود بغضب :انا ابوك واعرف مصلحتك
كمال :أبويه من امتى
محمود :هو ايه يا ولد.... اللي من امتى
كمال :من امتى احساس أنك أبويه وصلك.... ما انت طول عمرك سايبني انا وماما واختي لوحدنا ومسافر... حتى لما رجعت... فضلنا لوحدنا... احساس الابوه دا جالك أمتي ومصلحتي آيه اللي تعرفها...... هو انت تعرف عني ايه اصلا تعرف ايه هي أحلامي... تعرف أن انا بحب وان في انسانه في حياتي.....طيب تعرف مواصفات البنت اللي انا عاوزه كمل حياتي معاها ... واللي هي بعيده كل البعد عن مواصفات ماهي
محمود بغضب :حب ايه وكلام فارغ ايه..... واحلامك هي المستشفى اللي انا بانتها... وكل يوم بتكبر... واللي هتكون ملكك ليك من بعدي.... لازم يكون كل سهم فيها ملكك.... علشان كده لازم تجوز ماهي.... وأسهم سلوي اللي في المستشفى تكون تحت ايدك.... هي دي لازم تكون أحلامك... ومواصفات شريكة حياتك
كمال يقف قدامها بغضب :لا دي أحلامك آنت مش انا...
انا لا تهمني المستشفى واللي الأسهم واللي كل اللي بتملكوا.... انا كل اللي يهمني اني اعيش مع الانسانه اللي اختارها قلبي.... الانسانه اللي لما اختارتها...فأنا متأكد وعارف انها تنفع تكون ام أولادي.... (وينظر لهو لأول مرة نظره كره وغضب)زوجه لو خنتها وطلبت مني اني ابعد ...ابعد وانا مطمن انها عمرها ما هتفكر ترد ليا الخيانه.... اني هابعد واعيش حياتي ونزواتي وانا عارف انها بتربي ولادي ... وهتفضل محافظه على اسمي لآخر يوم في عمرها... زوجه رغم غلطاتي كل يوم في حقها.... عمرها ما تقول كلمه غلط في حقي قدامي ولادي ... وهتفضل محافظة على اسمي وشكلي كأب.... حتى لو كان الدور الأب دا دور شكلي لأنه مابيقومش بأي واجب منهم ....زوجه تعرف تمثل قدام الناس انها سعيده علشان تحافظ على شكلي وشكل ولادي .....هختار أم تضحك في وش ولادها.... وتخبي دموعها وجرحها لحد لما يناموا.... علشان ميسالوهاش بتعيطي ليه.... زوجة تفضل شيله اسمي لآخر يوم في عمرها.... حتى لو جوزها مني كان جواز فاشل .... انا يوم ما هختار زوجه.... هختارها زي امي يا دكتور محمود .... (ويديه ظهره ويرجع يبص ليه ) مع ان انا عمري ما هكون زيك
ويطلع كمال لاوضة.... ويقعد محمود على الكرسي بغضب... ويرفع سماعة التلفون ويكلم سلوي... يبلغها رفض كمال. ويحكي ليها كل اللي قالوا
سلوي بغضب : ابنك فاكر انه بكلمتين دول هددك هو لازم يتأكد انه لو منفذش كلامك هتحرموا من كل حاجه
محمود بضيق :هحرموا من ايه ما كل حاجه اصلا باسمه وبعدين ... كمال ما بيفكرش في الفلوس زينا... واللي أن كل دا ورثه من أمه... غير أنه هيبقى دكتور شاطر... واسمه هيكبر في فتره قصيره...يعني مش هيفرق معاه
سلوي :اعمل بس اللي اتفقنا عليه ولو صمم على كلاموا وقتها... يبقى الحل مش هيبقى من عند كمال.... الحل هيبقى أن البت هي اللي تختفي من طريقه... بس لازم قبل ما تختفي تديله قلم ودرس يخليه ينسى احلامه الورديه... ويعرف أن مافيش حاجه اسمها حب... وان الحياه فلوس وبزنس ومكانة اجتماعيه وبس
محمود : يعني هتعملي ايه
سلوي : نفذ انت بس.... وبعدين نعرف مين البت دي... وهقولك هنعمل ايه
#بقلم_ولاءيحيي
💘💘💘💘💘💘💘💘💘💘💘💘💘💘💘💘
مرت الايام عادي ووصلوا أبطالنا لآخر يوم في الامتحانات... كمال بيكلم حكمت في التليفون الصبح قبل الامتحان
كمال :معلش يا حبيبتي... لازم اروح المستشفى بعد الامتحان على طول... في اجتماع ضروري... لازم احضرو... ومش عاوز ازعل بابا لاني هفتحوا النهارده في موضوعنا
حكمت بزعل يداريه :ماشي يا حبيبي المهم تخلي بالك من نفسك وطمني لما تخلص امتحان
كمال :طيب ممكن اعرف حبيبي زعلان ليه... ومتقوليش مش زعلانه... عشان قلبي بيقول انك زعلانه... وقلبي مابيكدبش عليا
حكمت بابتسامة :مش متخيله اني هخرج من الامتحان ومش هشوفك... اخدت اني اشوفك قدامي بعد ما اخلص... (وتبتسم) حسه أن زي الطفلة اللي في ابتدائي بتخرج تجري تدور على ابوها... عشان تطمن انها جاوبت صح...
كمال يبتسم :معلش سماح المره دي... المهم يلا سلام عشان ادخل الامتحان... وانتي ركزي يا حبيبتي
حكمت :حاضر... ربنا معك يا حبيبي
وتقفل حكمت وتدخل الامتحان... وكمال كمان دخل... وبعد ساعتين خرج كمال من الامتحان بيجري
ماهي :كمال.. كمال.. انت رايح فين... انكل مستنينا في المستشفى
كمال وهو بيجري :اسبقيني انتي انا عندي مشوار مهم هخلصه وهاجي
وجرى كمال وساب ماهى واقفة هتجنن... فيقرب منها واحد
سيف يخبث :قولتلك كمال مش هيقدر جمالك... ولا هيقدر يسعدك... بس انتي مصممة تجري وره هو... وسيبه اللي بيحبك
ماهي بدلع :طيب ما انا كمان بحبوا ... بس هو مش عارف يفرق بين الحب والوقت الحلو اللي بنقضيه سوا... وبين البزنس... حبيبي المستشفى كلها لازم تكون في ايدي ودا مش هيحصل غير بجوازي انا وهو... فهمت يا بيبي
وتمشي وتسيبه وقف وهو يبتسم بخيث
سيف :فهمت يا قلب البيبي
#بقلم_ولاءيحيي
💘💘💘💘💘💘💘💘💘💘💘💘💘💘💘💘
وعند حكمت كانت خلصت امتحان وعماله تتصل بكمال بس هو ما بيردش... وكانت مضايقة ومخنوقه
حكمت :يووووه مش معقول كل دا في الامتحان...اكيد رح المستشفى الاجتماع الساعه 2...كده يا كمال مش قولتلك طمني...
وتخرج حكمت من الكليه وهي مضايقة وبصه لتليفون وبتكلم نفسها... بس تسمع البنات والناس حواليها
بنت 1: شكله حلو اوي
بنت اتنين :شوفتي الرومانسيه بالونات وغزل البنات... يا بختها
شاب 1: شوفت اهو اللي زي دا اللي بيخلي البنات تتنطت علينا... وتقولك انت مش بتعملي حاجه تفرحني
بنت 3:بدل ما بتعيبوا عليه اتعلموا منه... أن ما فيه مره فجاتني بباكو لبنان حتى
شاب 1:قابل يا عم ابتدينا اهو
حكمت كانت بتسمعهم... فبتبص حواليها علشان تشوف بيتكلموا عن مين... لقيت كمال وقف مبتسم ليها ومسك في ايده بالونات كتير وعمود غزل البنات.... ضحكت اوي وفرحت وجريت لعنده
حكمت بضحك :ايه اللي انت عمله دا يا مجنون
كمال بضحك :مستني بنتي
حكمت تقرب منه بفرحه :ربنا يخليك ليا يا حبيبي... انا بحبك اوي يا كمال
كمال يتنهد بحب ويبصلها : لا والله العظيم ما ينفع كده... خدي امسكي...
يديها البالونات وغزل البنات ويسبها ويرجع يجري
حكمت بستغراب: كمال مالك.... انت رايح فين
كمال يبص عليها وهو بيجري :رايح لابويه... اقوله اني عاوز اتجوز بكرا.... لا بكرا ايه النهارده.... هجيبه واجيلكم...(وبصوة عالي) هاتجوزك يا حبيبتي.... بحبك يا حكمت
الكل بقى بيبص عليهم ويضحك والبنات اللي حواليها بقى يحسدوها... وهي فضلت وقفه تبص على كمال وهي مصدومه... لحد لما اختفى من قدمها... وشافت نظرات اللي حاوليها... فتكسفت وأخذت تاكسي بسرعه وروحت وهي في منتهى السعادة... ومستني تليفون من حبيبها يبلغها امتى هيجو... وبقيت عماله ترتب وتنظف البيت... وفاطمة بصلها وخايفه سعادتها تنطفي... وبتدعي ربنا يحميها ويحقق ليها احلامها
#بقلم_ولاءيحيي
💘💘💘💘💘💘💘💘💘💘💘💘💘💘💘💘
كمال وصل الاجتماع ودخل اوضة الاجتماعات بسرعه.... كان الكل موجود وهو متأخر نص ساعة... أول ما دخل استغراب وجود محامي ومدير المستشفى وبعض الموظفين
كمال :اسفه على التأخير
محمود بضيق :ايه اللي اخرك انت مش عارف ميعاد الاجتماع
كمال :حضرتك عارف اني كان عندي امتحان
سلوي باستهزاء :ما ماهي كانت بتمتحن معاك... وجت في ميعادها...(وتبص ليه وترسم الحنان) انت خلاص يا كمال كلها كام شهر وهتتخرج. لازم تتعلم أن أي تأخير من الدكتور بيموت المريض
كمال يبصلها ويبتسم : هو دا اجتماع واللي غرفة عمليات يا عمتي...(و يبص لكل) وبعدين انا جيت اهو بس شايف ان مفيش حاجه مهمه...وانتم عاملين تضيعوا الوقت في الكلام بره الاجتماع..
سلوي بغضب تضرب على الترابيزه : انت ازاي يا ولد تكلمني كده.... وايه عمتي اللي بتناديني بيها دي....
كمال بتريقه :هو حضرتك مش عمتي بردوا واللي دي اشاعه
سلوي لسه هترد بس محمود زعق
محمود بغضب :خلاص... اسكتوا خلاص يا كمال (يرفع كمال ايده يستسلم ويرجع ظهره لورا وهو بيبص لسلوي بابتسامة مستفزه) اقعدي يا سلوي خلينا نتكلم في المهم
(تعقد سلوي بغيظ وهي بتتوعد لكمال)
محمود :طبعا كلكم عاوزين تعرفوا سبب الاجتماع..... وسبب المكافأة اللي اتصرفت النهارده للمواظفين ... انا اقررت تعين كمال نائب مدير المستشفى ...والقرار دا بقدمهما ليه هديه بمناسبة خطوبته الخميس الجاي على ماهي وطبعا كلكم معزومين
الكل بدأ يبارك وكمال قعد مصدوم ومش فاهم حاجة وبيبص لابوها باستغراب ... وسلوي بتبص له بابتسامة خبيثة... وماهي قربت منه ومسكت دراعه
ماهي بدلع:حبيبي يا كمال...دي احلى مفاجأة في حياتي
كمال يزق ايدها ويقف بغضب
كمال بزعيق : ايه اللي بتقوله دا يا بابا... فرح مين اللي الخميس الجاي...
سلوي تقف قدمه :فرحك انت ... ايه ماسمعتش
كمال بغضب بس يبتسم :لا سمعت... وموافق اني اتجوز الخميس الجاي... بس مش هتجوز بنتك... هتجوز البنت اللي بحبها
سلوي تبص على المواظفين اللي يييصوا عليهم فقربت منه بغضب وهي بتخبط المكتب
سلوي بغضب :انت الظاهر اتجننت... انت بترفض تجوز بنتي انا
كمال بتحدي :لا طبعا يا عمتي.....انا برفض اتجوز غير البنت اللي انا بحبها...
محمود يقف ويبص للموظفين :اتفضلوا دلوقتي كل واحد على مكتبة
يخرج الموظفين من المكتب وتقف ماهي بغضب
ماهي بغضب :انت ازاي ترفض انك تجوزني... وقدام كل الموظفين...
كمال بعصييه وغضب :انا مطلبتش اني اتجوزك علشان تيجي تحاسبيني... روحي حاسبي اللي اخدوا القرار دا من دماغهم ومفكرين أن احنا آلات هنفذ أمرهم
محمود بغضب :انت ازاي تجرأ انك تعصيني وتكسر كلمتي قدام الناس اللي بيشتغلوا عندي ... الظاهر اني ماعرفتش اربيك
كمال يبصلها بغضب : تربيني... (ويضحك باستهزاء) هو فعلا انت مربتنيش بس دا لأنك ماكنتش فاضي لينا... كان عندك نزوات أهم
محمود يقرب منه بغضب ويرفع ايده كان هيضربوا بس واقف وهو ضامم كفه بغضب
كمال وقف قدامه :اضرب وقفت ليه.... (ويتنهد بضيق) انا اسف اني غلطت في كلامي... بس حضرتك اللي مصمم انك تخسرني... وانا بحاول اني افضل محافظ على الجزء اللي باقي جويا... فارجوك متحاولش انك تجبرني على شيء انا مش عاوزه... لان انا عمري ما هنفذ اللي بتطلبوا مني... انا مش هتجوز غير البنت اللي بحبها... وعاوز حضرتك تيجي معايا نخطبها
#بقلم_ولاءيحيي
تقعد سلوي وتبصله بضيق :وتبقى مين دي بقي اللي بتفضلها على ماهي... وعاوز ابوك يخطبهالك... اقعد كده وعرفنا بالبنت اللي عاوزها تشيل اسم صادق باشا...
(وتبص لمحمود) اقعد يا محمود واسمعوا احنا المهم عندنا سعادة كمال..ولو سعادتة مع البنت دي يبقى مافيش مشكله روح اخطبهالوا... وانا هروح معاكم... اقعدي يا ماهي يا حبيبتي.. عشان نعرف مين هي عروسه كمال
يعقد محمود وماهي جمب سلوي... وكلهم بيبصوا على كمال... فقعد قدامهم وعرفهم... مين هي البنت اللي بيحبها... وابوها بيشتغل ايه
محمود يقف بغضب :لا دا انت اكيد اتجنن.... انت عاوزني انا محمود صادق... احط ايدي في ايد تمرجي بيشتغل عندي... وانا اللي مفكر انك بتحب بني ادمه عليها القيمه... وعلشان كده متمسك بيها ورافض بنت عمتك
كمال بضيق :حكمت احسن بني ادمة... وانا عمري ما هلاقي احسن منها... وليا الشرف اني احط ايدي في ايد موظف بيشتغل ويتعب ويكسب بشرف ...عشان يربي بنته ويعلمها ويعالج مراته #بقلم_ولاءيحيي
سلوي يتريقه : شرف!!! شرف ايه دا اللي بتكلم عنه وهو معلم بنته ورسملها خطه عشان توقعك بيها ... اوعي تقولي انك صدقت الفيلم اللي انت حكيته بتاع خبطت العربية والصدفه اللي جمعت... ابن صاحب المستشفى وبنت الممرض... لااااا متقولش انك عبيط و علي نيتك لدرجة دي...(وتحط ايدها على ايدها وتمثل الطيبة) دول لعبه عليك يا كمال . طمعانين في فلوسك يا حبيبي...
كمال يبصلها ويسحب ايده :مش كل الناس زيك يا عمتي... عاوزين يكوشوا على كل حاجه... ويأخذ اللي ليهم واللي مش من حقهم
سلوي تقف بغضب :لاااا دا انت زودتها اوي.... انت عجبك اللي بيقوله ابنك يا محمود
محمود بغضب :لا طبعا...اعقل يا كمال وشيل الهبل اللي في رأسك دا... لو مش عاوز تجوز ماهي متجوزهاش.... بس ابعد عن البت بنت الممرض دي
كمال يقف قدامه: يا بابا لو سمحت... انا بحب البنت دي... وهي اللي هكمل حياتي معاها... فلو بتحبني بجد وعاوز تعوضني.... وافق وتعال معايا وانا بخطبها
محمود بغضب :تخطب مين... دا لا يمكن يحصل ابدا.... انا مش موافق يا كمال
كمال بحزن :وانا اسف يا بابا انا مش هسيب حكمت... وهروح اخطبها من عم علي
ويمشي خطوتين يواقفه صوت محمود الغاضب
محمود بغضب : لو عملت اللي في رأسك ... هحرمك من كل حاجه وهاخد منك المستشفى ...
كمال يبصلها :انت ليه مفكر أن كل اللي بيربطني بيك هو الفلوس والمستشفى ... انا مش عاوز فلوسك ولا املاكك احرمني منهم.... بس انا عاوز أبويه ومحتاجه جمبي.... ارجوك يا بابا... احرمني من كل حاجه... بس تعال معايا
محمود بغضب :مش هيحصل يا كمال.... مش هواقف انك تجوز البت... ومش هقبل ادخلها بيتي
كمال يتنهد بحزن :وانا هتجوز حكمت يا بابا... ومش هبعد عنها #بقلم_ولاءيحيي
ويمشي كمال ويفتح الباب ويخرج... ويقف شويه وبعدها يمشي... وطول ما هو ماشي الكل بيبارك ليه... وهو مش بيرد على حد... وراح للعمليات وفضل يدور على... على ووقف واحد من اللي بيشتغلوا معاه
كمال :بقولك... هو عم علي فين
الممرض بابتسامة :لسه ماشي يا دكتور اخد المكافأة... وفضل يدعيلك ربنا يتم عليك بخير انت والدكتوره ماهي .... وروح يفرح أهل بيته ويخليهم يدعولك.... ربنا يسعدكم يا باشا زي ما فرحتنا.... ويرزقكم بالزوريه الصالحه
ويمشي الممرض وكمال وقف... وتخيال على وهو بيقول لحكمت... انه هيتجوز ماهي... فجري بسرعه خد عربيه ومشى
وفي مكتب محمود
ماهي بغضب :انتم هتسكتو.... وتسيبوه يروح يتجوز الجربوعه دي ويفضلها عليا
سلوي بهدوء :اهدي يا ماهي واقعدي... كمال مش هيتجوز غيرك... متقلقيش انا عارفه هرجعوا يعتذر منا ازاي
محمود بغضب :هتعملي ايه يا سلوي
سلوي :هقولك بس عاوزه اعرف... انت معانا واللي مع ابنك
محمود بغضب :معاكم طبعا... انتي فاكره اني ممكن أوافق على الجوازه دي....
سلوي بابتسامة: يبقى متفقين... أول حاجة تعملها الصبح تبعت تجيب ابو البت دي هنا
#بقلم_ولاءيحيي
💘💘💘💘💘💘💘💘💘💘💘💘💘💘💘💘
وفي بيت حكمت.... على رجع وهو شايل أكياس وحاجات كتير وروحت حكمت اخذتها من ايده
فاطمة :ماشاءالله... ايه دا كله يا على... جيبت الفلوس منين دا احنا آخر الشهر
على بابتسامة :ربك فرجها يام... (ورح قعد وحكمت بتشيل الأكياس ودخله المطبخ) الدكتور محمود صرف شهر مكافأة لكل الموظفين... بمناسبة خطوبه ابنه الدكتور كمال على بنت اخته الدكتورة ماهي
حكمت سمعت كلامه وقعت الأكياس من ايدها... وكل اللي فيها اتبعتر على الأرض...
على يقوم بسرعه :ايه دا يا حكمت مش تاخذي بالك يا بنتي...
حكمت واقفه عنيها كلها دموع.. وفاطمة قعده بتبص عليها بحزن
وهو بيكلم الباب خبط.. ف راح فتح الباب
كمال :السلام عليكم
على بستغراب :دكتور كمال... اهلا وسهلا اتفضل
كمال يدخل ويبص لحكمت اللي عينها كلها دموع وحزن... وهو وا
قف قدامها وبيشاور ليها برأسه... بيقولها متصدقيش.. وعلى وقف يبص عليهم ومستغرب...
كمال يبص ل على :عم علي انا جي وطلب منك ايد حكمت...
يقف على مصدوم... وحكمت وفاطمة واقفين... وماحدش فاهم حاجة
تفتكروا ايه اللي هيحصل.. وياتري على هيوافق... وسلوي الخبيثة ناويه تعمل ايه... نعرف في حلقه بكرا ان شاء الله
بقلم_ولاءيحيي
التعليقات على الموضوع