الفصل ١٣+١٤ من قصة لست عاهرة .. بناء علي طلباتكم❤
لست عاهرة
الفصل ال 13+14الاخير
=============
لقد حان الوقت ان يموت احداً غيري ..؟؟
فهذا العام انا قد زهقت روحي كثيرا ولكن من سيموت غيري ..؟؟
أعتقد انه لا يوجد علي وجه الارض من هو احق بالموت اكثر من هذا الكلب الظالم صالح ، ولكنني سأكون ارحم منه ، سأقتله مرةً واحدة ، فأنا قُتلت مئات المرات ، مع كل نظرة بغيضة من عيون احدهم اموت معها ، وأنا لم ولن أكن استحق هذه النظره فأنا ...
"لست عاهرة"
اتخذت دنيا قراراً بقتل صالح ..!!
ولم تفكر فيما بعد قتله ، فالمهم لها هو قتله ثم يحدث لها ما يحدث فهي لم تعد تبالي بأي شئ ..!وبدأت في مراقبة كل تحركاته من خلال محطات التلفاز فهو اصبح من مشاهير المجتمع ..!
في فيلا اشهد ...
العلاقة بين أشهد ومهرة تحسنت ولو قليلا وبدأ يتعامل معها ويكلمها ولكن هذا لا يمنع وجود شرخ بينهم ولن يلتئم هذا الشرخ الا بعد مرور وقت او حدوث تغيرات تجعله يصفح عنها ..؟
ومن جهة اخري تفكر مهرة في إيجاد اي طريقة تحدث بها دنيا حتي تقص عليها كل الحقيقة وتوضح لها ان أشهد مظلوم مثلها وان كان لم يظلم احداً مثلها ، وتحاول ان تعتذر لها عن كل ما بدر منها لعلها تسامحها ...؟؟
صالح : ازيك يا حبيبتي ، هو انا لازم أرن عليكي عشرين مرة عشان تردي عليا ..؟؟
مبترديش ليه ..؟؟
مهرة : عاوز ايه يا صالح تاني ..؟؟
صالح : وحشتيني اوي يا مهرة وانا زعلان منك
عشان سيبتيني امشي من الفيلا ومجتيش معايا بس انا مسامحك ومقدر ان حبك لأخوكي هو اللي خلاكي تفضلي جنبه ، ومستنيكي عشان تيجي تعيشي معايا في بيتي ..؟ مع جوزك حبيب عمرك
صالح ..؟؟
مهرة : لا يا صالح خلاص مبقاش ينفع نعيش مع بعض تاني ، بعد اللي انت عملته في اخويا وفي دنيا ، انا مبقاش عندي ثقة فيك وعمري مهحس معاك بالأمان ..!!
انا كرهتك يا صالح انت فاهم ..؟ كرهتك ..!!
وياريت تطلقني وننفصل بهدوء ..؟
صالح : عاوزه تسبيني يا مهره ..؟؟
بس انا مش هسيبك ..؟
مش هسيبك غير لما اخد حقي ..؟
مهره : حقك ..؟؟
حق ايه اللي انت عاوزه مني يا صالح ..؟
صالح : حقي في ثروة ابوكي ..!! عمي
انا ساعدته كتير في ثروته دي ولو عاوزاني اطلقك
يبقا لازم اخد حقي الأول ..؟؟
أغلقت مهره الهاتف مع صالح بعدما طرق الباب الدكتور الذي كان يعالج والدها قبل موته ..؟؟
الدكتور : ازي حضرتك يا مدام مهرة والبقاء لله في الحاج فريد ربنا يصبركم ..
مهره : شكرًا يا دكتور
الدكتور : الدكتور أشهد موجود عشان أعزيه لاني كنت مسافر ولسه راجع ومحضرتش العزاء للاسف ؟؟
مهره : اه موجود يا دكتور اتفضل استريح وانا هناديلك عليه حالا .. بعد أذنك
اشهد. : ازي حضرتك يا دكتور
الدكتور :البقاء لله يا اشهد في الحاج معلش
متأخره شويه بس اسف كنت مسافرولسه راجع .!
اشهد : الدوام لله يا دكتور ولا يهمك ..!!
الدكتور : كنت عاوز أسألك علي حاجه يا أشهد؟
اشهد. : اتفضل اسأل ..؟؟
الدكتور : هو الحاج عمل العمليه قبل ميتوفي ولا
توفي اثناء العمليه ..؟؟
اشهد : عمليه ايه ؟ الحاج معملش عمليات وانت
عمرك مقولتلنا انه كان محتاج عمليه اصلا ..!
الحاج مات في البيت ...!!
الدكتور : ازاي يا اشهد الحاج كان محتاج عمليه
ضروري جدا وانا اخر مره كنت عندكم
بلغت صالح باشا بكده وهوه قالي ان
أنتم هتعملوها بس بره مصر ...!!
اشهد. : انت بتقول ايه يا دكتور ؟؟ انت متأكد
من كلامك ده ..؟؟
الدكتور : طبعا متأكد واسأل صالح باشا حتي .؟
اشهد والغضب سيطر علي صوته :
ماشي هسأل صالح باشا ...!!
شكرًا يا دكتور نورتنا .،!!
ولم يمضي علي مغادرة الطبيب للفيلا ثانية واحده حتي صرخ أشهد بأعلي صوته :
مهره ..يا مهره ..؟؟
مهرة. : في اي يا صالح بتزعق كده ليه ..؟؟
اشهد : عرفتي ابوكي مات ازاي ..؟؟ ابوكي كان
محتاج عملية ضروري والكلب ابن الكلب
جوزك كان عارف كده ومقلناش عشان
يخلص منه !! عشان يدخل مكانه المجلس
ثم نظر اليها بغضب وبنبرة شك أكمل كلامه :
كنتي عارفه الموضوع ده كمان يا مهره ..؟
شاركتي في قتل ابوكي ...؟؟؟
مهرة بكت وصرخت وقالت له :
لا يا اشهد !! والله العظيم لأ ..!!
مكنتش اعرف حاجه !!! حرام عليك ده
كان ابويا انا كمان!! بطل تشك فيا بقا
قولتلك انا خلاص فوقت وعرفت ان صالح
مجرم وكمان بفكر ازاي اخلص منه ..؟؟
انت لازم تساعدني يا اشهد عشان
أخلص من المجرم ده ..؟؟
واشتد بكائها ومن ثم أرتمت داخل أحضانه منهاره ..!!
ضمها أشهد لصدره وبحب وحنية قال :
هخلصك منه يا حبيبتي هخلصك منه
وهخلص الناس كلها من شره والخلاص
هيكون قريب !! قريب جدا ..!!
أشتد كره أشهد لصالح أكثر وأكثر بعد علمه بأنه كان سبب في موت والده وانه ايضاً يريد الاستيلاء علي ثروتهم في مقابل ان يترك أخته ويطلقها ، فملئ الحقد والغل قلبه وقرر هو الآخر قتل صالح ...!!
في منزل دنيا :
الوضع كما هو لم يتغير ، دنيا لا تفكر بشئ سوي كيفية التخلص من صالح وبأسرع وقت ممكن ،
عبير التي تبدلت وتدمرت حياتها بعدما كانت علي وشك الزواج من حبيبها ، الان تجلس حزينة وليس بيديها شئ لتفعله ، فقط تتذكر ذكرياتها الجميلة مع كريم وتبتسم ثم تتذكر ما حدث لهم هي وشقيقتها دنيا فتبكي ، وبينما تائهه بين الذكريات تفيق علي رنين هاتفها ..؟؟؟؟
كريم يتصل بها ؟؟؟
وبدون تردد وبأقصي سرعه أمسكت بهاتفها وأجابت عليه وعندما سمعت صوته ومع اول كلمه بدأت تبكي :
كريم :أزيك يا عبير ..؟؟
وحشتيني جدا وانا اكتشفت اد ايه انا بحبك ومش قادر أعيش من غيرك ..!!
أنا اسف يا عبير سامحيني ..؟؟
عبير ومازلت تبكي :
ملوش لازمه الكلام ده يا كريم خلاص كل
واحد منا راح في طريقة ..!!
كريم : لا يا عبير انتي عارفه ان طريقي هوه
طريقك وعارفه اني عمري مهسيبك ..!!
ومتزعليش مني علي طريقة كلامي بس انا
كنت في حاله غضب وضغط من كل اللي
حواليا مكنتش عارف بقول ايه ..
عبير : لا يا كريم ده حقك واي حد مكانك كان
هيعمل زيك واكتر ..!!
كريم : اي حد اه لكن انا لأ يا بت !!
وضحك ليجعلها تبتسم وأكمل :
انا كريم حبيبك ، كريم الجدع أنا اللي هبقا جوزك ولا ايه حبيبتي ، طب والله العظيم بحبك ومقدرش استغني عنك ، خلاص بقا بطلي عياط وسامحيني ..؟؟
عبير الابتسامة ملأت وجهها مع تساقط دموعها بغزارة وقالت :
يعني انت مش هتسيبني ..؟؟
وهتكمل معايا ؟؟ يعني لسه عاوز تتجوزني؟
وازداد بكائها واكملت :
وحشتني اوي اوي يا حبيبي ...!!!
كريم :طبعا هكمل معاكي ، وانتي كمان واحشتيني جدا يا حبيبتي ، وبطلي العياط ده بقا انتي عارفه اني مبحبكيش تعيطي ولا تزعلي
خلاص بقا يا بت مش ناقصة كئابة انا
هاجي عندكم النهارده عشان اشوفك
ولما اجي قبل اي حاجه عاوزك تفهميني
ايه اللي حصل مع دنيا بالظبط ومين اللي
كان معاها في الفيديو عشان اكيد في لغز منا عارف دنيا مش ممكن تعمل كده بمزاجهاابدا
البت الجدعة اللي باعت غوايشها عشان
تساعدني مش معقول تعمل كده ...!!؟
قرر كريم العودة لعبيربالاخص بعدما عرف منها ان دنيا مظلومة ، ولم يهتم لكلام الناس ولم يستجيب لضغط أهله وبعض أصدقائة بأن يتركها ولا يعود اليها بسبب سيرتها السيئة هي وشقيقتها
وأسقط كل كلامهم خلف ظهره وقرر البقاء معها والزواج بها ، وكان دائماً يرد علي منتقديه ان هذه البنات أصيله وقد ظلوا بجانبه في محنته فلن يكون أقل منهم شهامة وهو الرجل وهن بنات ، ولابد ان يظل بجانبهم بمحنتهم ،، فهم ليسوا بالسوء الذي يقال عنهم ..
في منزل دنيا :
طرق كريم الباب وفتحت له عبير ...؟؟
مع اول نظرة في عيونها انكسرت عيني كريم خجلا من موقفه السابق وظل صامتاً ولم ينظر الي عبير لدقيقة ثم رفع رأسة واقترب منها وقبل رأسها وقال لها :
كريم : وحشتيني ، متزعليش مني ..؟
عبير : خلاص يا كريم مش زعلانه وأهم حاجه انك رجعت بعد معرفت أننا مظلومين ومش ممكن نعمل حاجه غلط وانت عارف دنيا كويس ..!!
كريم : نادي عليها يا عبير عشان تيجي تحكيلي كل حاجه ..؟!
عبير : مش هينفع لان ماما متعرفش حاجه وأخاف تسمعنا ودنيا بتحكيلك ..؟
كريم : متعرفش ..؟
أزاي ..؟؟ يعني هي متعرفش ان دنيا مظلومة ..؟
لا مينفعش يا عبير لازم دنيا تيجي وتحكي كل حاجه قدامنا انا وامك عشان نقدر نتصرف ونجيب حقها وكمان لازم امك تعرف الحقيقة اياً كانت مهو مش ممكن تفضل فاكرة ان بنتها ..؟؟
ادخلي يا عبير نادي عليهم هما الأتين يلا ..
جلسوا جميعا وبدأت دنيا في سرد كل ما حدث معها بالتفصيل ، وكانت تسيل دموعها مع كل مشهد تقصه عليهم ..!!
تبكي مع كل لحظة غدر وظلم تتذكرها وهي التي لم ولن تنسي اي لحظة لتتذكرها ، حتي جعلتهم جميعاً يبكون معها من قسوة ما تعرضت له ، وهنا نهضت أمها ودموعها علي وجنتيها وضمتها الي صدرها كما لم تكن ضمتها من قبل ، وكانت دنيا في أشد الحاجه لهذه الضمة من صدر أمها فمن الممكن ان تكون هذه أخر مره تدخل الي حضنها
لانها تنوي قتل ال طالح ..!!
أمها : ليه يا بنتي محكتليش كل ده من الاول ..؟ليه استحملتي كل الظلم ده لوحدك ..؟
ليه خلتيني انا .. أمك أشك فيكي وانا عارفه بنتي كويس ليه يا حبيبتي ليه ..؟؟
الكلب ده لازم يموت !!
قوليله فين مكانه يا بنتي وانا اجيبلك حقك واشفي غليلي ..!!؟
كريم : لا يا ماما سيبيلي انا الموضوع ده انا راجلكم وانا احق بيه الكلب ده ..!!؟؟
هنا نهضت دنيا وصرخت فيهم وقالت لا :
محدش يعمله حاجه ولا يقربله ..؟؟
مش عاوزه حد يتأذي منكم تاني !!
كفايه اللي حصل ومنه لله !!
ربنا هيجبلنا حقنا بس ابوس أيديكم محدش يودي نفسه في داهيه ...!!!
ومن داخلها تقول لن يأخذ ثأري غيري انا ، فأنا أحقكم به ، وانا بالفعل ميته فلن يضر بشئ اذا أعدموا من هو ميت فلن يشعر بشئ ، لن يقتله سواي انا فقط ..!!!
كريم لم يقتنع بكلام دنيا ويفكر جديا بقتل صالح بعدما سمع وعرف كل ما حدث منه ...!!
أشهد يستعد بالفعل لقتل صالح للثأر لموت والده ولما حدث لدنيا وليريح أخته مهره ويبعده عن طريقها ويريح الناس اجمع من شره ..!!
ودنيا تقول انها أحقهم بقتله لانها تحتسب نفسها ميته بالفعل ..!!!
يا تري صالح هيقتل فعلاً .؟؟
ولو هيقتل مين هيقتله ..؟؟
دنيا ولا كريم ولا أشهد ..؟؟
وهل من الممكن ان تعود دنيا لأشهد ..؟؟
#لست_عاهره
#محمود_زغلول
لست عاهرة
الفصل ال 14 (الأخير)
===•===•===•===•
في فيلا اشهد ...
الوضع اكثر هدوئا من اي يوم مضي في اخر بضع ايام ...!!
ولكن هذا هوا الوضع الظاهر "الوضع الخارجي"
لمهرة وأشهد !!!
ولكن داخل عقولهم وضع اخر تماما ..؟؟
فتدور معارك شرسه بين الأفكار فيما بينها ..!!؟؟
فأشهد كل ما يفكر فيه هو كيف يقتل صالح بطريقه تجعله يتلذذ بعذابه قبل ان تفارق روحه جسده فهو قد اتخذ قراراه بقتله مسبقا إنما الطريقة هيا ما تنقصه ..!!
فداخله حقد وغل وكره لهذ ال طالح يكفي لإحراق المحيط القطبي الشمالي المتجمد ..!!
ولا يبالي لما سيحدث له بعد قتله ..؟؟
يسجن او يعدم او حتي يقطع أربا ..!! فهذا لا يشغل باله مطلقا ..؟؟ إنما كل ما يشغله ان يجهز نهائيا علي صالح ويشفي غليله ولو قليلا ..!!
اما مهرة فتفكر في طريقة ما لإظهار برأة دنيا امام الجميع لتستعيد شرفها وتسترد كرامتها وتعود لرفع رأسها أمام العالم اجمع ..!! لعلها تصفح عنها وتسامحها فيستريح قلبها ويسكن ضميرها وعندها من الممكن ان تغفر دنيا لاشهد وتسامحه ..!!؟
وبالفعل مهرة توصلت الي فكره من الممكن ان تصل بها لشئ ولكن قررت عرض الفكره علي اشهد اولا قبل تنفيذها ...؟؟؟
وقاطعها رنين هاتفها..؟؟؟
صالح ؟؟؟
مهرة. : ايوه يا صالح عاوز ايه ..؟؟
صالح : عاوزك يا حبيبتي وعاوز حقي ..؟؟
مهرة. : انا كنت خلاص عمري مهفكر ارجعلك
تاني بعد كل اللي حصل بس انا اكتشفت
النهارده حاجه عمرها مخطرت علي بالي
ولا كنت أتوقع انها تحصل ودلوقتي للاسف
ممكن أفكر اني اجي أعيش معاك ..؟
صالح : واكتشفتي ايه بقا يا ست مهره اللي عشانه ممكن تغيري رأيك وتعيشي معايا ..؟
مهره : اني حامل يا صالح ...؟؟؟
صالح : بجد يا حبيبتي انتي بتتكلمي جد
وطار فرحاً؟؟ طب تعالي بقا عيشي
معايا وننسي كل اللي فات وطفلنا يتولد
ويتربي وسطنا !! انتي عارفه كويس انا
بحبك اد ايه يا مهره ..؟؟
مهرة : للاسف يا صالح انا كمان لسه بحبك
ولازم ابني او بنتي تتولد تلاقي ابوها وأمها
بس لازم تتغير يا صالح عشان اقدر أعيش
معاك تاني ...؟
صالح : هتغير وهعمل كل اللي تطلبيه بس تعالي
انتي وحشتيني أوووي يا مهرة ..!!
مهرة وقد دخل عليها أشهد واستمع لها وهي تقول لصالح :
حاضر يا صالح انا هجيلك مهو لازم برده
الطفل اللي في بطني ده يكون له أب ..؟
أشهد : بتكلمي صالح ؟؟ وطفل ؟؟ انتي حامل
من الكلب ده وكمان كنتي مخبية عليا انك
حامل وكمان كنتي هتروحيله تاني من غير
متاخدي رأيي ..؟؟؟
ويحدث نفسه ويقول :
يااااه ده أسوء خبر سمعته في حياتي ؟؟ يعني انا بأيدي هيتم ابن اختي وهقتل ابوه ..؟؟
بس مش مهم مهو صالح لازم يمووت ..!!!
مهرة : أهدي بس يا اشهد انا كنت لسه هحكيلك
عن كل حاجه حالا ...؟؟؟؟؟
في منزل دنيا..
دنيا اكثر راحة نفسية من ذي قبل لانها علي الاقل أخبرت أمها انها مظلومة وان كل ما حدث لها كان رغما عنها فإرتاح بال أمها لتأكدها ان بنتها ليست سيئة السلوك ولكن تبدل الإحساس لامها بإلاحساس بالظلم وهو أشد من الإحساس بالعار لا العار هو ما نفعله بإرادتنا وعلينا تحمل عواقبه اما الظلم فهو ليس لنا دخل فيه يحدث لنا
رغما عنا وبدون حتي ان يأخذ لنا رأي..!!
الأهم في الموضوع انها استعادت حضن أمها فهيا في الأيام الماضيه افتقدته وكانت في أشد الحاجه اليه...!!!
ومن ناحية اخري كريم عاد لعبير وهذا اكثر شئ
أسعد دنيا فهيا لم تكن ستتحمل ذنب اخر وهو ضياع مستقبل اختها الوحيده بسببها حتي ولو كان ليس بإرادتها ولكن كان بسببها...!!
والآن هيا في انتظار اللحظة المناسبة "لتذبح"
صالح ..؟؟ نعم فقد قررت ذبحه وهيا التي لم تذبح فرخة من قبل ولكن هيا "ذُبحت" منه ....!!
في فيلا اشهد ...
مهرة تجهز نفسها وتملأ حقائبها بالملابس وكل ما ستأخذه معها للانتقال للعيش مع صالح في منزله بعد مفاجأتها له بإنها حامل ...؟؟؟؟
أشهد : خلاص يا مهرة هتمشي وتروحي تقعدي
مع الكلب ده في بيت واحد ..؟؟
مهرة : اه يا اشهد منا عرفتك كل حاجه انا
مضطره اروح أعيش معاه ..؟؟
أشهد : انتي حره يا مهره بس خدي بالك من
نفسك ولو حصل اي حاجه كلميني ..!!
علي قهوة بلدي ...
كريم :ايه بقا رأيكم في كل اللي حكيتهلكوا ده ..؟؟
والكلب ده ممكن نعمل معاه ايه ؟؟
وقبل متردوا عليا اعتبره ان البنت دي أختكم وقولولي انا ممكن اعمل معاه ايه لآن البنت دي فعلا في مقام اختي وانتوا صحابي وأخواتي عشان كده بطلب منكم تساعدوني ....؟؟
- ياااه يا كريم !!! اللي زي ده لازم يتقتل ..!!
رد الثاني وقال :
= لا القتل رحمة وهنروح في داهية في واحد ابن ...؟؟ ده لازم يعيش ميموتش ..؟؟بس يعيش متعذب ..؟؟؟ يعني ممكن مثلا نقطعله رجله او لسانه او حتي نقطعله .....؟؟؟
كريم : هوه ده بالظبط اللي انا عاوز اعمله انا اول معرفت اللي عمله في دنيا قولت لازم يموت ..!!
بس لما هديت شويه وفكرت قولت موته هيريحه وانا مش عاوز اريحه ولازم يتعذب زي معذب البنت المسكينة دي وفضحها ودمر حياتها ...!!!
في منزل صاااالح ...
مهرة طرقت الباب وصالح فتح لها واخدها في حضنه ومن ثم وضع يده علي بطنها ليداعب طفله المنتظر ..!!
صالح : وحشتيني اوي يا مهره ازاي جالك قلب
تسيبيني امشي لوحدي وكنتي رافضة
تيجي تعيشي معايا وانتي عارفه ان انا
عملت كل ده عشانه احنا الاتنين وعشان
مستقبلنا ومستقبل ولادنا ...!!!
مهرة : وحشتك ..؟؟ طب وحقك ؟؟ مش عاوز حقك
انت مش قولتلي انك موافق تطلقني بس
تاخد حقك ..؟ حب ايه بقا ....!!؟
صالح : واقترب منها ومسك يديها وقال :
انتي واللي في بطنك اهم عندي من اي
حاجه في الدنيا وبعدين لو علي الفلوس
جايه جايه هتروح فين ..؟؟؟
وحاول ان يداعبها ويلمس جسدها ولكنها اعتذرت بحجة انها متعبه وترغب في النوم ...!!!
وفي اليوم التالي وهو ميعاد المؤتمر الشعبي لأهل الدائرة النائب عنها صالح للاحتفال بفوزه بمقعد المجلس وطبعا كل اهل الدائرة علي علم بميعاد هذا اليوم ..!!
ويعلم ايضاً بهذا المؤتمر أشهد ودنيا وكريم وكلا منهم وعلي حدي قد اتخذ قراره بتفيد مخططة في هذا اليوم ولكن من منهم سيكون الأسرع ..؟؟؟؟؟
أرتدي صالح ملابسه الأنيقة وقد أعدت له مهره الإفطار وفطر ونزل ليركب سيارته مسرعا ليلحق بمؤتمره واتجه الي طريقة ..!!؟
وعندما غادر صالح شقته بدأت مهره في تفتيش كل شبر بالشقة ، تبحث عن اي شئ قد يساعدها في إدانة صالح وإظهار الحقيقة ، وبعد بحث شاق بالفعل عثرت علي دليل ...؟؟؟
عثرت علي الكاميرات التي تم تصوير دنيا بها في الشقة المشبوهه ، وفتحت المقاطع الموجوده بهذه الكاميرات ، وبها تسجيلات لكل ما حدث بالشقة صوت وصوره ، وكل من شارك بالجريمة موجود بالمقاطع ، حتي صالح وأشهد ..!!!!
اقترب صالح من الصوان المحدد للمؤتمر الشعبي!!؟؟؟
كريم يركب دراجه بخاريه هو وأصحابه ويقفون علي مسافة ليست بالبعيدة ينتظرون وصول صالح؟؟؟
وعلي مقربه من كريم يقف أشهد وينتظر وصول صالح أيضاً ...؟؟
دنيا موجوده بالفعل وسط الحشد الشعبي وايضاً تنتظر وصول صاااالح ...؟؟؟
وصل صااالح بالفعل ونزل السواق وفتح له باب السيارة ..؟؟
ونزل صالح ومشي وسط هتافات اهل دائرتة ...؟؟؟
نزل كريم من علي الدراجه واقترب وبيده سلاح ؟؟
اشهد اخرج شئ من جيبه واقترب ..؟؟
دنيا خرجت من وسط الحشد وتحمل أيضاً شيئا بيديها واقتربت ...؟؟؟
وهنا سمع الجميع صوت دوي إطلاق نار هائل من مكان مجهول وعلي أثرة تفرق كل الجمع ..؟؟
وحاله من الهرج والمرج قد سيطرت علي المشهد!؟
صالح علي الارض غارقا في دمهائه وعلي وشك ان يفارق الحياة ويقف حوله بعض الناس يحاولون إسعافه لكن دون جدوي ..!!!
كريم عاد الي أصحابه بكل هدوء وركبوا دراجتهم وغادروا المكان من دون ان يري دنيا ...!!!
دنيا تسير باتجاه صالح وبيديها سكيناً ولا تهتم لحالة الهلع التي تسيطر علي المكان وعشرات الأشخاص الذين يقفون حوله ويحاولون إسعافه
تتجه اليه حتي بعد رؤيتها له وهو مصاب بعدة طلقات نارية ويلفظ أنفاسه الأخيرة ولكن أحدهم أوقفها وسحب بسرعه السكين من بين أيديها وخبئه حتي لا يراها احدا ، وأمسك بيديها ليوقفها عن ما كانت تنوي ان تفعل ..!!؟؟
نظرت دنيا بسرعه لتري من الذي سحب من يدها السكين ..؟؟؟؟
وإذا هوه اشهد ..!!
قائلا لها ؟
خلاص هوه مات؟؟
نظرت اليه دنيا نظرة طويلة كلها عتاب وبها تساؤلات كثيرة..؟؟
وهنا نزلت دموعها وسالت علي وجنتيها..!
! فمد يده محاولا ان يمسح دمعتها عن خدها ..؟؟ فدفعت يده من عليها وازاحتها عنها ثم اعطته ظهرها وتركته وغادرت المكان ....!!!
ومن بعدها غادر هو الاخر ...؟؟
والكل يتسأل من الذي اطلق النار علي صالح وقتله من ...؟؟؟
- ايوه يا مالك باشا "مالك شداد" نفذنا العملية وكله تمام وصالح راضي اعتبره في تعداد الموتي ..؟؟
مالك شداد : هههههههههه اخيراً ناري بردت وخلصت من الكلب اللي سوء سمعتي وسمعة بنتي وسرق مني كرسي البرلمان اتفوووووه عليك
يا صالح يلا في ستين الف داهيييييية ....!!!
في فيلا أشهد ...
يدخل صالح الفيلا يجد مهره جالسه في انتظاره وعلامات السعادة علي وجهها وقالت له ...؟؟
مهرة : انا لقيت كل الفيديوهات اللي صالح
صورها لدنيا وفيها ما يثبت ان دنيا تعرضت
لخطة دنيئة من صالح ولازم الفيديوهات دي
تنزل علي النت عشان كل الناس تعرف ان
دنيا مظلومة ...!!!!
اشهد : صالح أتقتل يا مهرة ...!!؟
مهرة. وقد ذهبت ابتسامتها عن وجهها وقالت له
الله يرحمه يا اشهد بس اوعي تكون انت
اللي عملتها يا اشهد ...؟؟
اشهد : كان نفسي انا اللي اقتله بأيدي وإخلصك
واخلص الناس من شره بس مش انا اللي
قتلته هوه أتقتل قبل منا أوصله ...!!
مهره : الحمد لله ان انت ملحقتش المهم عاوزين
ننشر الفيديو اللي يثبت برأة دنيا ..؟؟
اشهد : اكيد لازم ننشره عشان يتردلها اعتبارها
وتسترد كرامتها قدام كل الناس حتي لو
بعدها اتسجن انا ؟؟ مش مهم ؟؟ المهم
نرجعلها ولو جزء من حقها ....!!!
مهرة : لا يا اشهد في طريقة واحده أنك تخرج
من تهمة اغتصابها بعد عرض الفيديو
انك تتجوزها ..!!! وكده كده احنا مش
هنعرض غير الجزء اللي فيه اتفاق صالح
مع الست والاتنين اللي خدروها قبل انت
متدخل الشقه ...!!
اشهد : ويا تري دنيا هتوافق بعد كل اللي
حصلها بسببي واللي حصل مني ...؟؟
في منزل دنيا نفس اليوم ليلاً....
الفرحة تعم المنزل ولو قليلا بعد خبر مقتل صالح
وان لم تكتمل الفرحة بعد لعدم إثبات برأة دنيا ..!!
عبير : دنيا .. دنياااا ؟؟ تعالي بسرعه شوفي
الفيديو ده والسعادة تملأ وجهها ..؟؟
دنيا : فيديو ايه تاني يا عبير ..؟؟
عبير : تعالي بس بسرعه يلا ..؟؟
فيديو نشر علي النت يظهر كل ما حدث بين صالح وأعوانه وتخدير دنيا وإفاقتها قبل دخول اشهد ..!!
وفي اخر الفيديو يظهر اشهد بنفسه ويقص كل الحكاية وعلي الملأ يطلب منها ان تسامحه ويطلب الزواج منها ....!!!!
بكت دنيا بدموع الفرح وقد ظهرت برأتها امام جميع الناس واحتضنتها أمها وهي تبكي والسعادة عمت علي المكان كله وانتشرت الزغاريد في البيت وفي المنطقه اجمع من الجيران والمحبين والأصحاب والكل سعيد ببرأتها واستعادة حقها وكرامتها ..!!!!
وهنا طرق باب شقتهم ...؟؟
اشهد ومهرة في بيت دنيا ..!!؟؟
وحالة من الصمت سيطرت علي الجميع عند رؤيتهم أشهد ومهره بمنزل دنيا ..؟؟
كريم وعبير اتجوزوا وعايشين مبسوطين ..!!
أشهد ودنيا كملوا اخر سنة ليهم في الكليه واتخرجوا وبقوا دكاترة ...!!
الشرطة قبضت علي مالك شداد بتهمة قتل صالح
مهرة علاقتها باشهد رجعت زي الاول وأحسن وطبعا موضوع الحمل ده خطة بينها وبين اشهد عشان ترجع لصالح ويثق فيها وتجيب الفيديوهات..!!
- لو سمحت ممكن كلمة يا آنسة دنيا ..؟؟
= آنسة ..؟؟
نعم عاوز ايه يا استاذ ..؟؟
- كنت عاوز بس اقولك كلمة ممكن ...؟؟
= وأنت تعرفني منين عشان تكلمني ولا توقفني بالطريقة دي وانا ماشية بالروب كده في قلب"الصاله "هاه تعرفني منين..؟
- مهو انا قلتلك ميت مره لازم تريحي نفسك عشان ابني اللي في بطنك ولا انتي عايزه تموتيلي الواد
حزمبل ..؟؟
= حز ايه ..؟؟
اشهد : شيبسي وكاراتيه
دنيا. : قلبظ بجنية
أشهد : احمر بانيه
دنيا : سفره وانتريه
تمت بحمد الله
حبيت انصر الخير في الاخر عشان عارفكم عاطفيين ومش ناقصين نكد ..!!
لست_عاهرة
محمود_زغلول
التعليقات على الموضوع