قصة عمار البيت الجزء اللي قبل الاخير
عمار_البيت
الجزء_اللي قبل الاخير
اول ما شوفتهم بدأت ارجع لورا بهدوء وبخوووف خفت اصرخ ياذونى .. فضلت بصالهم وبرجع واحدة واحدة قلت لحد مبعد شوية وبعدين اجرى فضلوا باصنلى ومبتسمين وانا برجع ..مرة وحدة خبط فى حد بضهرى
لفيت مرة واحدة واديتهم ضهرى عشان اشوف خبط فمين لقيت الراجل الى كان نايم جمبى ع السرير ومكتفنى باصصلى ومكشر وقرب منى وقال ..موهين..
هل اوصلتى لها الرساله ؟
هل نبهتيهم بسرعة الرحيل ...
معكم سبع ليالى ...
موهينى .. زعفرانة فليبدأ العبث..
فضلوا ال3 يضحكوا بصوت عالى قعدت اصرخ اصرخ النور قطع واغمى عليا ..
فوقت بعد نص ساعه وعاصم جمبى ..
لما لقانى بدأت افتح عينى قالى سارة سارة سمعانى ..اى الى حصلك انا لما النور قطع ملقتكيش جمبى ع السرير قلت اطلع ابص عليكى انتى والولاد عشان خفت تكونوا خايفين لقيتك ع الارض
اى حصلك...
رحت قمت اتنفضت وحضنت عاصم وفضلت اعيط واقولة موهينى زعفران سبع ليالى
لازم نمشى من هنا للزم نسيب البيت دة بسرعة..
راح زقنى بعيد عنة وقالى انا عارف ان من زمان وامك مش راضية ع الشقة دى وفضلت طول فترة الخطوبة تقرفنى ع اغييرها ودلوقتى بتكملوا المسلسل مش كدة .. بانوا ع حقيقتكم .. ع فكرة فلوس الغربة يا دوبك يكفوا مشروع صغير نصرف منة ع الولاد ..
متحلموش باكتر من كدة..
وقام سابنى وطلع برة ..
كنت مرعوبة اقعد بالاوضة لوحدى قعدت اعيط اعيط اعيط ..فجأه عاصم رجع الاوضة وفتح الباب ودخل وقرب منى وحضنى وقالى ماتزعليش مقصدش انا متوتر شوية اليومين دول ..
وهو حاضنة كنت شامة ريحة شياط طالعة من عاصم ...لوحت رقبتى كدة وبصيت علية من الجمب لقيت ودانة طويلة ...دة مش عاصم ...دة العفريت..
قعدت اصرخ واحاول افك نفسى منة برضو مش قادرة وفضل يضحك بودنى بصوت مرعب ...
قالى عرفتينى هاهاهاهاهاها... امامكم سبع ليالى فليبدا العبث ...
وقام اختفى ...
رحت طلعت جريب ابص ع عاصم برة .. لقيتة نايم جمب سليم رحت طلعت ع السرير جمب ادم عشان افضل معاهم ف الاوضة ..
طول الليل منمتش ومستنية النهار يطلع عشان اسيب اخد عيالى واسيب البيت وامشى ..
طول الليل كنت شايفة زى شخص اسود نايم ع الارض ولية ديل كبير ... مش عارفة شخص اسود ولا حصان كل م ابص واركز يختفى..
طلع النهار رحت اتصلت بماما وحكيتلها الى عاصم قاله والى حصل..
ماما قالتلى اهدى بس شكلكوا خدتوا عين بيقولوا راجعين من الخليج مجملين محدش عارف الى فيها
هغير واجيلكوا احل الدنيا .. متتتكلميش لحد ماجى..
فعلا ماما جت عاصم رحب بيها وعاملها كويس
مرضتش تسمع منى قالتلى منتى حكيتى بالموبايل ادينى فرصة اسمع منة..
حكالها وقالها مقصدش المعنى اللفظى والله كنت متعصب ومضغوط بسبب القاعدة بالبيت والقرار المفاجأ بتاع سيبان الشغل والرجوع لمصر ..
عموما انا اسف يا سارة وادى راسك ابوسها ..
شديت نفسى منة ومرضتش مش لانى مش عاوزة اتصالح لا الانى خايفة ليكون العفريت الى بيطلعلى
راح قال لماما بنتك عندك عقليها لحد مرجع ونزل عاصم ..
ماما قالتلى فى اى ..قعدت اعيط واحكيلها .. بان ع وشها الرعب .. ندهت سليم .. وادستة ورقة وقالتله ارسم زعفرانة صحبتك.. رسمها زى ما وصفتهالها بالظبط
حطة اديها ع قلبها وقالتلى قومى البسى ولبسى الولاد حالا..
هنروح للشيخ محمد الى بمسجد على ابن ابى طالب
اكيد عندة الحل ..
قلتلها حل لاية ..
قالتلى اسمعى الكلام قومى بسرعه عقبال مكلم عاصم وافهمة واقولة يحصلنا.
فعلا رحنا كلنا للشيخ والولاد استنوا برة مع اخويا ودخلت انا وعاصم وماما...
ماما بدأت الكلام وقالتله احنا قاصدينك بخدمة يا شيخنا ..
قالها تؤمرينى يا حجة تحت امرك
قالتلة الامر لله وبدات تحكيلة الى بيحصل
قاطعها وقالها معلش الى شاف واتتعرض للنواقف يحكيلى احسن ...
حكيتله الى حصل
سال عاصم شوفت حاجة من دى قالة لا ..
قال طيب فى احتمالين الاول انك ملموسة يا سارة وفى جن لابسك
اتخضيت اوى وعينى لحمرت وبدأت تدمع .. قالى اهدى اهدى ...
سالتة ماما طيب والحل التانى...
قالها متتسرعيش خلينا بالحل الاسهل ...
بصلى وقالى ماتقاقيش خالص انا هفهمك هعمل اى بالظبط والمتوقع يحصل ..
ان شاء الله خير
لصى يا سارة انا هديكى كوباية ماية مقرى عليها تشربيها وهقرأ بعض من الايات القرءانية بشكل معين لو حسيتى بحاجة بتخنقك او انك عاوزة تقومى تاذى حد او ان صوتك تخن او ان كبس عليكى النوم حاولى تدينى اشارة بسرعة عشان الحق اتعامل معاه.
قلتله معاه مين... قالى الى هيبقى ماسك او لابسك..
بدأت ارتعش وخفت جدااااا
عاصم هدانى وقالى ان شاء الله مش هيكون فى حاجة..
ادانى الشيخ كوباية الماية و وشربتها وبدأ يقرا قران ... ومرة واحدة عاصم قام وقف وصوتة طخن وعينة برقت لينا جامد وكشر وشة وبقى شكلة مرعب وبداء ينزل دمن من مناخيرة ..وقام هاجم على الشيخ وحاول يقتلة
....يتبع😍😍
عاوزه رايكم عشان انزل الجزء الاخير😍😍
التعليقات على الموضوع