قصة

يا عم انت مودينا فين عمال تلف حوالين السور بقالك ساعه ومش عارف انت عاوز توصلنا لأيه بدماغك دي اللي هتودينا في ستين داهيه ..

يا علاء متخافش انا بدور على فاتحة ندخل منها .

ندخل فين انت اهبل يا جدع انت..

 ال ندخل ال

 انت مش شايف البيت عامل ازاي دا حتى ورق الشجر نشف ومات من الرعب ومفيش غير العنكبوت هو اللي لسه عايش ويا عالم العنكبوت ده حكايته ايه .

يا علاء مضحكنيش هندخل نجيب كتاب الطلاسم بتاع الساحر اللي مات من 100 سنه .

بص شوف الحطب اللي هناك ده انا كل مره باجي عاوز اشيل الحطب انا متأكد ان ورا الحطب فتحة بتدخلنا للبيت .

هترتاح لما تشيل الحطب وتتأكد ان مفيش فتحه في السور وماعتش تجبنى  هنا تاني 

اه ..

طيب يالله شيل معايا .

حاسب في صوت كلاب صغيره تحت الحطب ولو امهم جت دلوقتي هتقطعنى شيل بسرعه قبل ما امهم تيجي .

بوص الفاتحه اهيه انا كنت متاكد ان في فتحه تحت الحطب .

رايح فين يا مجنون .

هجيب الكتاب واجي بسرعه تعالى معايا يا علاء .

لا يا عم انا هستناك هنا ...

لا انت ولا هو هتدخلوا البيت .

بلال سمعت حد بيتكلم ...؟

اه مين ده ...!

نور الكشاف كده عند الشجرة اللي هناك دي 

في حد قاعد عند الشجرة 

انت بتكلمنا يا حاج ..

ايوه بكلمكم انتم عاوزين تدخلوا البيت المهجور ليه هيفدكم بأيه ...!؟

انا والله منا عاوز ادخل ولا عاوز اجيب الكتاب بس اعمل ايه صاحبي ومش هسيبه لوحده مهما حصل .

طالما صاحبك انصحه ان اللي بيعمله غلط 

وقبل ما تجيب الكتاب مش تعرف صاحب الكتاب مات ازاي وحصل له ايه .

مات علشان غبي معرفش يقراء الطلاسم صح ومعرفش يستخدمها صح .

وانت بقا اللي هتعرف تقرائها صح وتستخدمها صح ...

الطريق ده ملوش غير نهايه واحدة بس هتموت كل يوم ميت مره وهتعمل كل حاجه عاوزها الجنيه ..

انا هسخرها ليه وهتعمل اللي انا عاوزة بس 

قبل ما تخليها تعمل اللي انت عاوزة هتكون عملت حاجات كتير هي عاوزها .

ايوه كده فهمه يا عم الحاج دا انا تعبت والله معاه ومش عاوز يرجع عن اللي في دماغه .

طيب ما تسيبه يدخل لوحده وارجع وانفد بجلدك من العذاب اللي هتشوفه ..

لا كله الا اني اسيبه لوحده دا صاحبي الانتيخ يا حجوج وعشرة العمر اسيبه يدخل لوحدة مستحيل طبعا .

بلاش يابني السكه دي خد صاحبك ورجع .

يالله يا علاء الراجل عجوز وخواف وبيخرف .

استنى بس يا بلال انا جاي معاك .

شايف يا علاء باب البيت عامل ازاي تحفه الراجل صاحب البيت كان صاحب مزاج عالي .بيقولوا مات  99 واحد قبل كده قدام الباب ومحدش عرف يرجع تاني 

ليه ....؟

بص الاسهم الموجودة في السقف

لو حد حاول يفتح الباب اكتر من مره بتنزل عليه الاسهم دي وتسحبه لفوق 

طيب وانت هتعمل ايه يا فالح خلينا نرجع وبلاش نحاول نفتحه .

متخفش زي ما لقينا الطريق الصح من البدايه هنلاقي زرار الفتح..

 اللي متعرفوش 99 واحد نطوا من على السور بداءو غلط .. 

بلال هو ايه ده شكله غريب شوف كده 

جدع يا صاحبي هو ده الزرار قرن الغزال تسحبه لتحت يفتح الباب .

طيب لو مفتحش هنموت صح

 اه ..

طيب ارجع انت لورا شويه 

وانا هسحب قرن الغزال لتحت مستحيل اسيبك تموت لوحدك...! 

شوفت..

 الباب فتح شايف العظمه والفن مش بقولك كان راجل صاحب مزاج .

بلال جسمي قشعر وانا خايف العنكبوت مالي البيت وحاسس انهم بيبصوا علينا ومراقبنا 

متخفش احنا خلاص بقينا جوه البيت 

فاضل نجيب الكتاب ونخرج من هنا 

طيب دور انت في الجامب ده وانا هدور في الجامب ده ..

بلال تعالي كده هو ده الكتاب .

استنى ...

ايه يا عم بتعلي صوتك وتصرخ ليه خوفتنى متحطش ايدك على الكتاب ..!

ليه ..

لو حتيط ايدك على الكتاب هتبقى مسؤول عنه وعن فك الطلاسم ..

برافوا ..برافوا انتم وصلتوا في الوقت المناسب متخافوش بتترعشوا ليه 

انا دارين بنت ملك الجان خادمة الكتاب 

علاء علاء    .....

 انا مش قادر اتكلم خرجني من هنا ..

نخرج ايه بس حد يسيب الجمال ده ويخرج ..

انت بلال صح 

ايوه وده علاء صاحبي وعشرة العمر واجدع واحد في صحابي وبيحبني بيخاف عليه ..

عاوز الكتاب وخادمة الكتاب صح 

ايوه ...

طيب تعالى قرب احضني واعطيني قبلة الحياة لما تحضني وتبوسني كده هتدخل روحي جواك 

بس كده دي طلباتك 

بس كده دي طلباتي في اسهل من كده

وانا ايه هتفرج لا هحضن ولا ابوس ..!

استنى بس ...

ومرت دقايق 

كده تمام 

خد السكينه دي واقطع لسان علاء صوته بينرفزني 

بس ده صاحبي 

هو ولا انا ...!

لا انتي  ..!

بلال هتقطع لسان صاحبك علشان الجنيه 

انا هقطع لسان اي حد يقول عليها جنيه دي حبيبتي وروحي .

اهو لسان علاء اتفضلي 

يالله اعطيني حضن تاني 

هههه حضن تاني انت طماع قوي 

لا انا بحبك قوي قوي ..

طيب خد البلطه دي علاء من شويه كان عاوز يحضني اقطع دراعاته الاتنين

اهيه دراعات علاء 

 افتح الكتاب بس قبل ما تفتح في كتاب تاني عوزاك تحرقه بخاف منه يرديك حبيبتك تخاف ..

معقول في حاجه تخوفك 

 الحاجه الوحيده اللي بتخوفني 

وممنوع عليه اني المسه 

فين وانا احرقه 

لو حرقته كل حاجه بتفكر فيها هعملهالك من قبل ما تطلبها ..!

فين وانا احرقه  ..؟ 

هناك جمب صاحبك ..!

مالك بتفرفر ليه كده 

هو ده مستحيل احرقه مستحيل احرقه 

بتصرخ ليه يا بلال ..

خد صاحبك وأمشي من هنا يا علاء لسه جواه حاجه طيبه .

انت مين 

انا اللي عملت كل حاجه غلط وفي الاخر طاردتني من جنتها ..

في ايه مش فاهم حاجه 

مش مهم تفهم انا فهمت يالله يا صاحبي نمشي من هنا ..

والكتاب

ملعون ابوه كتاب 

بقلم 

بلال شنب 

عاشق امراه من عالم اخر 

شجرة الصفصاف