رواية احببت قاسي💔 الحلقة الثالثة💔
🍁 الحلقة ٣ 🍁
.
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
.
فى الليل
فهد سهران بيشتغل فى الاب توب بتاعو وجودى بتخرج من اوضتها وبتروح علية
جودى / فهد تحب اعملك قهوة
فهد / لا مش عاوز
جودى / خلاص هجبلك عصيير
فهد / متعمليش حاجة غير لما اطلبها منك روحى نامى يلا
وجودى بتدايق اوى وبتمشى
فهد / استنى هاتيلى مياء
وجودى ابتسمت وبتجرى بتروح تجبلو مياة
جودى / اتفضل
و بيشرب وبيديها كوبية المياة وجودى وقفة بتتفرج علية
فهد / انتى هتفضلى وقفة كدة كتيير يلا روحى على اوضتك يلا
وجودى بتتخض وبتجرى على اوضتها وبيخرج اسامة بيشوف جودى خايفة وبتجرى
اسامة / حرام عليك شوف بغضبك المستمر جودى كانت خايفة ازاى
فهد / متتدخلش انت ومش انت الى هتقولى اعمل اية ومعملش اية
اسامة / هتفضل لامتى هتحاسبنا على الى حصل زمان
وفهد بيتعصب اوى وبيضرب التربيظة بايدو وبيرمى كل الى عليها على الارض وبيروح لاسامة وبيمسكو من التيشيرت بتاعو بعصبية ولسة هيضربو بس بيوقف ايدو وبيبعد اسامة عنو بعنف واسامة بيقع على الكرسى
اسامة بيروح على فهد
اسامة / فهد انا اسف انا
وفهد بيطلع على اوضته بسرعة وبيقفل الباب جامد واسامة مدايق اوى
.
**********************************
.
فى الصباح
عبد العزيز بيتكلم فى التلفون
عبد العزيز / ماشى يا ابنى بس النهاردة يوم مهم جدا فى حياة الشركة مش عاوز اى غلطة ممكن تاثر علينا
فهد / كمان ساعة هيكونو هنا فى الشركة متقلقش يابابا
.
**********************************
.
ديمة وسالى وبسمة معاهم اولاد الملجا وبيجرو فى جنينة وبيلعبو وفرحنيين اوى وديمة بتمسك يوسف بالكرسى بتاعو وبتجرية قدمها وفرحانيين اوى وبتلف بية والاولاد بيجرو وراها
.
**********************************
.
سراج اخو ديمة فى الشغل
سراج / حضرة الاميين سلم القضية دى للنيابة
وبيجيلو تلفون
سراج / ريم صباح الخير
ريم / انت ازاى تمشى من غير ما اشوفك
سراج / حببتى شفتك تعبانة قولت اسيبك تنامى
ريم / انت فاهم عملت اية
سراج / عملت اية
ريم / انا كدة هتطر انى مش هشوفك غير الساعة ٨ باليل لحد ما حضرتك تخلص شغل يعنى هتحرم منك الوقت دة كلو
سراج / خلاص يا حببتى اية رايك النهاردة لما ارجع نروح انا وانتى نتعشا برة
ريم / بجد
سراج / اكييد
والباب بيخبط على سراج
سراج / حببتى اقفلى دلوقتى هكلمك بعديين عندى شغل
وسراج بيقفل مع ريم.
.
**********************************
.
ديمة / يوسف يلا علشان نروح نركب مركب وبكدة اكون حققت اخر امنية انت بتتمناها
يوسف / بجد يعنى هنروح نركب مركب وهلمس المياة بايدى
بسمة / اكييد يلا بينا
سالى اخدت الاولاد على التوبيس وديمة بتاخد يوسف وبيركبو وبيروحو على شط النيل و بينزلو
ديمة / يا ولاد انتو افضلو هنا مفيش حد يتحرك ماشى
وديمة وسالى وبسمة بيروحو وبيشوفو المراكب متزينة بالورد والالوان الجميلة
سالى / اللله حلوة اوى
ديمة / يا مركبيى
والمركبيى بيروح لديمة
ديمة / احنا عوزين مركب علشان الاولاد
المركبى / اسف يا انسة
ديمة / استنى اسف اية
المركبى / المراكب دى محجوزة
بسمة / يعنى اية محجوزة
ديمة / بص انا هديك كل الى انت عوزو بس هى ربع ساعة
دول اطفال وانا وعدتهم انهم هيركبو مركب النهاردة مفيش مراكب تانى
المركبيي / يا انسة متخلنيش اتصرف معاكى تصرف ميعجبكيش خلينا نشوف شغلنا احسن الضيوف ربع ساعة وهيوصلو
ديمة / انت قولت ربع ساعة احنا مش عوزيين اكتر من ربع ساعة
المركبى بيمشى وبيسبها
ديمة / استنى استنى
وديمة بتروح علية
ديمة / طب ممكن تدينى نمرت الى ماجر المركب دى
والمركبى بيطلع كارت من جيبو وبيدية لديمة
وديمة بتتصل بالشركة ومفيش حد بيرد و بتجرب تانى ومفيش حد بيرد
ديمة / الو اهلا لو سمحت انا عندى مشكلة ممكن نستعيير المركب بتاع حضرتك ربع ساعة بس اة بس دوول اطفال يتاما والنهارده لازم افرحهم يعنى حضرتك موافق
ديمة / هيييييية موافق خلاص انا كلمتو وهو وافق
المركبى / مدام الباشا موافق خلاص اركبو
و بتجرى على التوبيس وبتنزل يوسف والاولاد
بسمة / انا مش مصدقة انك قدرتى تقنعية بالسرعة دى
ديمة / ميين قالك انى اقنعتو مفيش حد اصلا رد عليا
سالى /انتى اتجننتى افرضى وصل دلوقتى
ديمة / متخفوش هم ربع ساعة بس ياا بسرعة
بسمة / سالى ديمة هتودينا فى دهية
وبيروحو يركبو المركب وبيرقصو وفرحنيين اوى ويوسف ديمة بتخلية يلمس المياة بايدو وبيفرح اوى و بيعيط
يوسف / انا دلوقتى لو موت هموت وانا فرحاان شكرا
ديمة / موت اية الى بتتكلم علية انت لسة صغير
يوسف / لا انا كبير عندى ١٦ سنة دلوقتى
ديمة / ماشى يا عم الكبير يا مركبى خلينا نرجع كفاية كدة
الاولاد بيزعلو
الاولاد / لا لا لاااا لسة شوية ونبى ونبى علشان خطرنا
يوسف / خلينا شوية كمان
بسمة / لا بس احنا لازم نرجع كفاية كدة
يوسف / لا خلينى عشر دقايق بس قبل ما نرجع خلينى اشبع من ريحة المياة مش عارف هقدر اشمها تانى ولا لا
.
**********************************
.
وفى عربيات كتير بتقف قدم الشاطئ بتاع النيل وبينزل فهد من اول عربية وبينزلو اجانب من العربيات وفهد بيتكلم معاهم وبيحاول يشرحلهم قد اية مصر جميلة وانهم هيكونو مبسوطيين بالرحلة دى وبيدخلو وفهد بيتصدم لما مش بيكون المركب واقف وبيتعصب اوى
السكرتيرة / انا من ساعة مكلمة المركبى وقالى انو مجهز كل حاجة و
فهد بيبصلها اوى بعصبية والسكرتيرة بتخاف وبترجع خطوة
و بيبص على النيل وبيشوف المركب بتاعو من بعييد
السكرتيرة / دى المركب هى دى بس ازاى تتحرك
و بيتاسف على الى حصل للالمان وبيرجعو للعربيات
السكرتيرة / المركب رجعت يافندم
و فهد بيرجع يقف على الشط ومتعصب اوى والمركب بتقف
وبينزل منها الاولاد وديمة وسالى
فهد بيروح على المركبى وبيخدو بعيد
فهد / انت ازاى اتجرات وتعمل كدة
المركبيي / حضرتك الى ازنتلهم انهم يركبو لحد ما حضرتك توصل والله مليش زمب
فهد بيبص لسالى وديمة والاولاد بغضب شديد
بسمة / ديمة رحنا فى دهية اكيد هيطلبلنا البوليس
وفهد بيروح عليهم
سالى / يلا يا حبيبى روحو على العربية
وبسمة لسة هتكلم فهد بيحط ايدو قدمها انها متتكلمش
وفهد بيعتزر للضيوف تانى وبيركبو فى المركب وسالى وديمة وبسمة بيمشو وبيركبو الاتوبيس وديمة مش متطمنة خالص
ديمة بتبص على فهد وبتشوفو واقف بيتكلم فى التلفون ومتعصب اوى
ديمة / انا لازم اروح اعتزرلو واشرحلو الى حصل
سالى / استنى احسن تقعى فى مصيبة
ديمة / لا انا ضميرى مش هيسبنى
وديمة بتروح لفهد وبتخبط على ضهرو
وفهد بيبصلها اوى بغضب
ديمة / انا اسفة على الى حصل انا الى كدبت على المركبى وقلتلو
و لسة هتكمل فهد بيمسك اديها بعنف شديد
و بتتالم
فهد / بتعتزلى انتو كلكو كدة كدابيين
وديمة بتخاف منو اوى
ديمة / سيب ايدى
فهد غضبان اوى
فهد / انتى مين الى سمحلك تعملى كدة انتى اتفة من انى اصلا اتكلم معاكى يلا روحى من هنا
و بيحدفها بعيد وديمة مش قادرة تاخد نفسها
ديمة / انت انت ازاى تكلمنى بالاسلوب دة انت
وفهد بيرجع يمسك اديها
فهد / روحى من هنا يلا يااااااالا
وديمة بتجرى على الاتوبيس بسرعة ومسكة درعها وباين عليها الخوف اوى
ديمة / خلونا نروح من هنا
والاتوبيس بيتحرك
بسمة / ديمة فى اية مالك انتى كويسة
ديمة / انا لا مفيش بس حسيت بدوخة
سالى / اكيد هو اتعصب عليكى صح
ديمة / لا انا بس ديخة شوية
وديمة بتقاعد لوحدها ودموعها بتنزل ومتاثرة اوى بكلام فهد معاها
.
**********************************
ديمة بتروح على البيت وبتروح على اوضتها وبتنهار من العياط وبتفتكر فهد وعيونو وهو بيكلمها وبتبص على اديها بتشوف علامات صوبعو معلمة على اديها وبتعيط وبتروح على الحمام بسرعة وبتغسل اديها مكان ما هو كان مسكها وبتعيط اكتر
.
**********************************
.
فهد فى الليل بيرجع القصر
سعاد / حمدالله على السلامة ثوانى والاكل يكون جاهز
فهد / مش عاوز انا تعبان عاوز انام
سعاد / تحب اجبلك حاجة للصداع
فهد بيبصلها بغضب
فهد / لو انا محتاج حاجة اكيد مش هطلبها منك انتى
سعاد / متنساش انك بتكلم امك
فهد / مش عاوز اسمع الكلمة دى تانى انا امى ماتت من زمان
و بيسبها وبيطلع على اوضته واسامة بيوقفو
اسامة /فهد كنت عاوز اتكلم معاك
فهد / بكرة خد ميعاد من السكرتيرة وتعالة الشركة
اسامة لسة هيتكلم و فهد بيمشى وبيسيبو و بيدخل على اوضته ومدايق اوى وبيفتكر وش ديمة وهى مرعوبة منو وبيتعصب اوى
فهد / ازاى وحدة حقيرة زى دى تحرجنى قدم ضيوفى بالطريقة دى .....
وردة ✍️
التعليقات على الموضوع