عين بتراقبني 👀
قصة (عين بتراقبني )
بشوف رسايل الفيس بوك
لقيت واحد باعتلي رسالة غريبة
فتحتها لقيت صور ليا في كل مكان ..وانا في الشغل ..وانا مع جوزي
وانا قدام عمارتنا .. وانا الكافيه مع صحباتي
مابقتش فاهمة أيه ده ؟
قلقت جدا ساعتها ..وقلبي فضل يدق فكرت اعمله بلوك بس المخذى مش هنا
هوا بيعرف يوصلي في كل الاماكن دي ازاي ؟
شوفت الصور وماردتش باي كلام معاه .. وقررت أعرف بدر جوزي بالرسالة الغريبة دي
بص فيها وقلق جدا عليا وقالي انتي مش هتخرجي من البيت تاني
وانا عيطت بصراحه من القلق مش عايزة افضل عايشة في رعب ومحبوسه
انا انسانه اجتماعية بحب اخرج واتفسح واشوف صحابي
مبقدرش اقعد في البيت اكتر من ثلاثة أيام .. المهم فعلا قعدت يومين مانزلش الشغل
وبعدها قررت انزل بعد ما بدر جوزي ينزل شغله من غير ما اعرفه
مابقتش مستحملة قعدة البيت بصراحة وعايزة اشوف روان صحبتي
واخرج معاها نغير جو بس المرة دي هخرج وانا في قمة الحذر وخدت معايه جهاز إلكتريك دا صاعق كهربي
المهم نزلت فعلا وروحت الشغل وقابلت روان وقعدنا في كافيه جنب الشغل
احساس وحش قوي لما تحس انك متراقب ..مهما قولت وقعدت اوصف فيه مش هيحس بيه غير اللي اتحط في موقف زي ده قبل كده
ان في حد بيراقبك وبيصورك في كل مكان وانت مش واخد بالك
المهم اتغدينا انا وروان وبعدها رجعت عالبيت وقلبي بدأ يتقبض من القلق
رجعت والحمدلله قبل ما بدر يرجع ..انا مش بخبي عنه حاجه بس هوا بيقلق عليا جدا
فضلت قافله الفيس بوك ..وقفلت النت عن الموبايل .. وروان كلمتني تطمن اني وصلت بالسلامة
وبعدها بدر رجع من الشغل واتعشينا سوى
وبعدها قبل ما انام الفضول واكلني ومش قادره ما افتحش النت
عايزة اشوف في جديد ..هل خروجي النهارده سبب ازمه ولا كانت مرة وعدت وخلاص
فتحت الصور اللي اتبعتتلي لقيت ان الصور كلها ملابسي مختلفه
يعني على اكتر من يوم وهوا بيراقبني ويصورني وبيمشي ورايه
انا زهقت بصراحه وقررت افتح الفيس اشوف حصل ايه ؟
فتحت الفيس ووانا قلقانه .. مافيش رسايل جت ..قلبي اطمن الى حد ما
حطيت الموبايل على الكومدينو جنبي وقبل ما انام سمعت صوت رساله عالفيس
عيني برقت مره واحده وقلبي بقى يدق بسرعه زي ما يكون في مصيبة
فتحت الرسالة لقيت....!
===============================================
فتحت الرسالة لقيت صور ليا النهارده ..
انا شفتها لقيت رجلي وجسمي كله بيترعش
مابقتش عارفه اعمل ايه غير اني انهر في البكاء
وصحيت بدر قام مخضوض قالي في ايه
حكيتله اللي حصل كانش عارف يهديني
ولا يزعقلي ويتخانق معايه عشان نزلت من وراه
هديت بعدها وبدر بدأ يبعت رسايل من موبايلي ليه ويشتمه ويهدده بالحبس
والتاني بيشوف الرايسل وما يردش
فضلت مكتئبة لحد ما نمت وتاني يوم معرفتش انزل وفضلت فالبيت اسبوع
لحد ما حالتي بدأت تسؤ ساعتها بدر قرر يخليني انزل
واخلي بالي ..وبقى يوصلني الشغل ويرجعني
وروان بقت تجيلي البيت كتير تقعد معايه تطمني
وبعد كام يوم لقيت رسالة منه بتقولي .. هقتلك
انا هتتجنن مين ده اللي بيراقب حد وبيصورا ويهدده بالقتل .. وانا اصلا ماليش اعداء
بدات افكر في اصحاب الجامعة .. كان في حد معجب بيا زمان ..
بس ايه العبط ده هيجي بعد دا كله ويراقبني ويصورني ويهددني بالقتل
قفلت الفيس خالص مابقتش أفتحه .. وبعد فترة فتحته لقيت صور ليا انا وبدر مبعوتالي تاني
صور جديدة من كام يوم .. مابقتش عارفه ده عايز مني ايه بعتله كتير عايز مني ايه
وبتعمل كده ليه؟؟ ما ببيردش .. عليا بعدها يقولي عايزة تخلصي مني موتي نفسك
انا مابقتش فاهمه حاجه خالص .. ومستغربه من كمية الغل والحقد دي
لحد ما بقيت اقوله من زهقي وكرهي لعيشتي .. لانه فعلا كرهني في عيشتي
قولتله اقتلني تعالى واقتلني .. بعدها ماردش عليا
قلقت بس حسيت بالقوة .. لما تتخلي عن كل شئ حتى حياتك ومايكونش عندك حاجه تخسرها
ساعتها بس بتحس احساس رهيب بالراحه والقهوة لان القوه مش بالتملك والتمسك
القوه في التخلي والترك .. بعدها بكام يوم فضل مختفي برده بقيت انزل من غير جوزي
وروان بقت تيجي كل اسبوع .. وفي مرة بعتله رسالة وروان عندي فالبيت وكانت في الحمام
كل ما ابعتله رساله موبايل روان يطلع صوت رساله .. كل ما ابعت اسمع عندها
قلبي دق وقلقت جدا .. طلعت ومكست موبايلها فتحت الصور لقيت صوري وصوري مع بدر
روان ؟؟! ازاي انا ماخدتش بالي كل ده عمرها ماكنت معايه في الصور اللي بتتبعتلي
بس ازاي اعز صديقة ليا تعمل معايه كده .. روحت جيبت سكينة من المطبخ واتصلت ببدر
طلعت روان من الحمام شافتني ماسكة موبايلها عيطت .. قولتلها انتي يا روان انتي اللي كنتي بتيجي تهديني
وتطبطبي عليا .. انتي يالي عمري ماقصرت معاكي في حاجه
راحت معيطه ووقعت على الارض تبكي .. ليه ..ليه يابنتي تعملي كده .. ومع صحبتك ؟ دانتي لو مريضة مش هتعملي كده ؟
بصتلي وقالتلي انتي السبب .. انا ؟!
ايوه انتي .. عارفه بدر زمان كانت مين بتحبه ؟
بدر ايه ؟ وزمان ايه ؟
الكلام ده من خمس سنين ونسيناه اصلا .. انتي نسيتيه انا مانستهوش ولا عمري هنساه .. انا كنت بحلم اتجوزوا
شاب شيك وغني ووسيم ..وانتي اعز صحباتي طلبت تعرفيني عليه قومتي تلوفي عليه انتي
وتقوليلي صحاب .. وانتي ساكته دا كله ليه .. كنت عماله اقنع نفسي انه خلاص مش مهم
بس مش قادره انسى اللي عملتيه واول ما جاتلي فكره اخليكي تتعذبي فيها ما اترددتش عشان انفذها
انا كده خدت حقي منك .. غوري بقى انتي وهوا واشبعوا ببعض
انا من عصيبيتي موبايلها اللي في ايدي رميته على الحيطه اتكسر عشرين حته
وقومت مزعقه فيها تطلع برة البيت وفضلت اعيط بدر كان جه بعدها بربع ساعه وحكيتله
كانش مصدق اللي حصل .. وفضل يقولي المهم اننا اطمنا خلاص والتهديد راح
بدر كان عايز يبلغ البوليس وانا مارضتش .. كنتش عايزة اشوفها تاني قدامي
لاني لو شوفتها تاني هقتلها المرة دي .. مش عارفه هي بتحقد من ساعتها
ولا بتتلكك وخلاص عشان غيرانه مني ..أوحش حاجه في الدنيا لما يكون اللي فاكره قريب
يطلع أقسى عليك من الغريب.. وفعلا ولاد الاصول جدعان معاك من أول يوم صحوبية
وقليل الاصل هيفضل ندل لو عاش معاك مية سنة
النهاية
بقلم_عمر_ليمونه
بشوف رسايل الفيس بوك
لقيت واحد باعتلي رسالة غريبة
فتحتها لقيت صور ليا في كل مكان ..وانا في الشغل ..وانا مع جوزي
وانا قدام عمارتنا .. وانا الكافيه مع صحباتي
مابقتش فاهمة أيه ده ؟
قلقت جدا ساعتها ..وقلبي فضل يدق فكرت اعمله بلوك بس المخذى مش هنا
هوا بيعرف يوصلي في كل الاماكن دي ازاي ؟
شوفت الصور وماردتش باي كلام معاه .. وقررت أعرف بدر جوزي بالرسالة الغريبة دي
بص فيها وقلق جدا عليا وقالي انتي مش هتخرجي من البيت تاني
وانا عيطت بصراحه من القلق مش عايزة افضل عايشة في رعب ومحبوسه
انا انسانه اجتماعية بحب اخرج واتفسح واشوف صحابي
مبقدرش اقعد في البيت اكتر من ثلاثة أيام .. المهم فعلا قعدت يومين مانزلش الشغل
وبعدها قررت انزل بعد ما بدر جوزي ينزل شغله من غير ما اعرفه
مابقتش مستحملة قعدة البيت بصراحة وعايزة اشوف روان صحبتي
واخرج معاها نغير جو بس المرة دي هخرج وانا في قمة الحذر وخدت معايه جهاز إلكتريك دا صاعق كهربي
المهم نزلت فعلا وروحت الشغل وقابلت روان وقعدنا في كافيه جنب الشغل
احساس وحش قوي لما تحس انك متراقب ..مهما قولت وقعدت اوصف فيه مش هيحس بيه غير اللي اتحط في موقف زي ده قبل كده
ان في حد بيراقبك وبيصورك في كل مكان وانت مش واخد بالك
المهم اتغدينا انا وروان وبعدها رجعت عالبيت وقلبي بدأ يتقبض من القلق
رجعت والحمدلله قبل ما بدر يرجع ..انا مش بخبي عنه حاجه بس هوا بيقلق عليا جدا
فضلت قافله الفيس بوك ..وقفلت النت عن الموبايل .. وروان كلمتني تطمن اني وصلت بالسلامة
وبعدها بدر رجع من الشغل واتعشينا سوى
وبعدها قبل ما انام الفضول واكلني ومش قادره ما افتحش النت
عايزة اشوف في جديد ..هل خروجي النهارده سبب ازمه ولا كانت مرة وعدت وخلاص
فتحت الصور اللي اتبعتتلي لقيت ان الصور كلها ملابسي مختلفه
يعني على اكتر من يوم وهوا بيراقبني ويصورني وبيمشي ورايه
انا زهقت بصراحه وقررت افتح الفيس اشوف حصل ايه ؟
فتحت الفيس ووانا قلقانه .. مافيش رسايل جت ..قلبي اطمن الى حد ما
حطيت الموبايل على الكومدينو جنبي وقبل ما انام سمعت صوت رساله عالفيس
عيني برقت مره واحده وقلبي بقى يدق بسرعه زي ما يكون في مصيبة
فتحت الرسالة لقيت....!
===============================================
فتحت الرسالة لقيت صور ليا النهارده ..
انا شفتها لقيت رجلي وجسمي كله بيترعش
مابقتش عارفه اعمل ايه غير اني انهر في البكاء
وصحيت بدر قام مخضوض قالي في ايه
حكيتله اللي حصل كانش عارف يهديني
ولا يزعقلي ويتخانق معايه عشان نزلت من وراه
هديت بعدها وبدر بدأ يبعت رسايل من موبايلي ليه ويشتمه ويهدده بالحبس
والتاني بيشوف الرايسل وما يردش
فضلت مكتئبة لحد ما نمت وتاني يوم معرفتش انزل وفضلت فالبيت اسبوع
لحد ما حالتي بدأت تسؤ ساعتها بدر قرر يخليني انزل
واخلي بالي ..وبقى يوصلني الشغل ويرجعني
وروان بقت تجيلي البيت كتير تقعد معايه تطمني
وبعد كام يوم لقيت رسالة منه بتقولي .. هقتلك
انا هتتجنن مين ده اللي بيراقب حد وبيصورا ويهدده بالقتل .. وانا اصلا ماليش اعداء
بدات افكر في اصحاب الجامعة .. كان في حد معجب بيا زمان ..
بس ايه العبط ده هيجي بعد دا كله ويراقبني ويصورني ويهددني بالقتل
قفلت الفيس خالص مابقتش أفتحه .. وبعد فترة فتحته لقيت صور ليا انا وبدر مبعوتالي تاني
صور جديدة من كام يوم .. مابقتش عارفه ده عايز مني ايه بعتله كتير عايز مني ايه
وبتعمل كده ليه؟؟ ما ببيردش .. عليا بعدها يقولي عايزة تخلصي مني موتي نفسك
انا مابقتش فاهمه حاجه خالص .. ومستغربه من كمية الغل والحقد دي
لحد ما بقيت اقوله من زهقي وكرهي لعيشتي .. لانه فعلا كرهني في عيشتي
قولتله اقتلني تعالى واقتلني .. بعدها ماردش عليا
قلقت بس حسيت بالقوة .. لما تتخلي عن كل شئ حتى حياتك ومايكونش عندك حاجه تخسرها
ساعتها بس بتحس احساس رهيب بالراحه والقهوة لان القوه مش بالتملك والتمسك
القوه في التخلي والترك .. بعدها بكام يوم فضل مختفي برده بقيت انزل من غير جوزي
وروان بقت تيجي كل اسبوع .. وفي مرة بعتله رسالة وروان عندي فالبيت وكانت في الحمام
كل ما ابعتله رساله موبايل روان يطلع صوت رساله .. كل ما ابعت اسمع عندها
قلبي دق وقلقت جدا .. طلعت ومكست موبايلها فتحت الصور لقيت صوري وصوري مع بدر
روان ؟؟! ازاي انا ماخدتش بالي كل ده عمرها ماكنت معايه في الصور اللي بتتبعتلي
بس ازاي اعز صديقة ليا تعمل معايه كده .. روحت جيبت سكينة من المطبخ واتصلت ببدر
طلعت روان من الحمام شافتني ماسكة موبايلها عيطت .. قولتلها انتي يا روان انتي اللي كنتي بتيجي تهديني
وتطبطبي عليا .. انتي يالي عمري ماقصرت معاكي في حاجه
راحت معيطه ووقعت على الارض تبكي .. ليه ..ليه يابنتي تعملي كده .. ومع صحبتك ؟ دانتي لو مريضة مش هتعملي كده ؟
بصتلي وقالتلي انتي السبب .. انا ؟!
ايوه انتي .. عارفه بدر زمان كانت مين بتحبه ؟
بدر ايه ؟ وزمان ايه ؟
الكلام ده من خمس سنين ونسيناه اصلا .. انتي نسيتيه انا مانستهوش ولا عمري هنساه .. انا كنت بحلم اتجوزوا
شاب شيك وغني ووسيم ..وانتي اعز صحباتي طلبت تعرفيني عليه قومتي تلوفي عليه انتي
وتقوليلي صحاب .. وانتي ساكته دا كله ليه .. كنت عماله اقنع نفسي انه خلاص مش مهم
بس مش قادره انسى اللي عملتيه واول ما جاتلي فكره اخليكي تتعذبي فيها ما اترددتش عشان انفذها
انا كده خدت حقي منك .. غوري بقى انتي وهوا واشبعوا ببعض
انا من عصيبيتي موبايلها اللي في ايدي رميته على الحيطه اتكسر عشرين حته
وقومت مزعقه فيها تطلع برة البيت وفضلت اعيط بدر كان جه بعدها بربع ساعه وحكيتله
كانش مصدق اللي حصل .. وفضل يقولي المهم اننا اطمنا خلاص والتهديد راح
بدر كان عايز يبلغ البوليس وانا مارضتش .. كنتش عايزة اشوفها تاني قدامي
لاني لو شوفتها تاني هقتلها المرة دي .. مش عارفه هي بتحقد من ساعتها
ولا بتتلكك وخلاص عشان غيرانه مني ..أوحش حاجه في الدنيا لما يكون اللي فاكره قريب
يطلع أقسى عليك من الغريب.. وفعلا ولاد الاصول جدعان معاك من أول يوم صحوبية
وقليل الاصل هيفضل ندل لو عاش معاك مية سنة
النهاية
بقلم_عمر_ليمونه
أزال أحد مشرفي المدونة هذا التعليق.
ردحذفأزال أحد مشرفي المدونة هذا التعليق.
ردحذف