يكفي ان يحبك قلبها❤ (الحلقه ١٥)❤❤
يكفي أن يحبك قلبها
بقلم_ولاءيحيي
الحلقه (١٥)
مايا دخلت وهي خايفه..... بس الكل رحب بيها ....معاد شريف اللي كان مضايق من وجودها... ومش مرتاح
امل تبص ليها بحنان : تعالي يا مايا غيري هدومك ... وحطي حاجتك في اوضتك..... وننزل علشان نتغدا سوا
مايا هزت راسها بحزن من غير صوت .... وقامت من غير ما تكلم ....والدموع مكتومه في عينها ... وبعد ما مشيت
شريف بغضب : ايه اللي جاب البت دي هنا
عمر بحزن : رحت الفيلا لقيتها لوحدها.... هسيبها لوحدها هناك يعني....واللي ارميها في الشارع.... هتقعد معانا لحد ما مامتها ترجع
شريف بغضب : تفضل معانا فين..... البت دي خطر علينا ....اخته وابوها ممكن يستغلوا ...... وبعدين هو بعد اللي ابوها عملوا معانا .....هنخاف علي عيالوا
ماجده بحزن : دي حتت عيله يا بني.... خطر ايه...دي البت يا حبت عيني مكسور نفسها
عمر بحزن : وبعدين هي ذنبها ايه في اللي ابوها عملوا...وخليك فاكر انها مهم حصل بنت خالك ... واحنا مش هنرمي لحمنا زي ما هو عمل
شريف بنرفزه : ما تشوفلها مكان تاني تقعدها فيه .... هو لازم في بتنا .....وبعدين البت دي عايشه حياتها غلط .... هتتحمل انت مسؤليتها ازاي ....
ريم بهدوء : ما عشان كده ربنا بعتكم ليها يا شريف..... علشان ربنا يصلح حالها....دي في الاول والاخر طفله وملقيتش اهتمام من حد...... والا كان فيه اللي يعرفها الصح من الغلط....وان شاء الله لما تعيش معانا حياتها هتتغير
شريف بضيق: حتي انتي يا ريم.... بعد العملوا فيكي ابوها واختها
ريم بابتسامه : انت قولتها ابوها واختها ...اللي عملوا وهيتعاقبوا على كل إلا عملوا .... واهو الحمد الله واحد منهم في السجن دلوقتي والباقي قريب هيتقبض عليهم.....لكن هي اعاقبها بذنبهم ليه ....دي ضاحيه ليهم ومظلومه زاي واكتر ....تقدر تقولي اللي عملوا فيها هي مين هيحاسبهم عليه ...( وتكمل بحزن )..دي تعتبر يتيمه رغم وجود ابوها وامها ...... واللي يتم صعب اوي يا شريف
شريف بابتسامه : عندك حق يا ريم
عمر يبص لريم بأعجاب وابتسامه : يسلملي القلب الابيض الطيب اللي كله حننيه ( ويتنهد بحب ) عقبال يا رب ما يحن عليا انا كمان ويسامحني بقي
ريم تبصله بغيظ وضيق : وبعدين بقى ..... انت ازاي تكلمني كده ....وبتكلمني ليه اصلا
عمر بابتسامه يغيظها : هو انا كلمتك..... انا بكلم شريف..... هو مافيش حد قلبه ابيض وطيب وكبير غيرك .....واللي انتي بتتلككي بقي وعاوزه تاخدي الكلام عليكي علشان تكلميني
ريم بعصبيه واقفت : وانا هتلكك ليه ... انا مالي بيك اصلا ..... انا لا عاوزه اكلمك واللي اشوف وشك اصلا (تشاور ليه بصابعها ) وانت ايك تفكر انك تتكلم معايا تاني
عمر و هو لسه مبتسم وبصص لعينها : حاضر
ريم تكسف وتضايق من نظرته وابتسمتوا
ريم بعصبيه: قولتلك ماتكلمش معايا
عمر بضحك : شوفتي انتي اللي بتتلككي اهو.... انا قولت حاضر وانتي اللي عمله تكلميني صح يا عمتو.
ريم واقفت متغاظه ...لما لقيت الكل عمل يضحك... وعمر عمل يبصلها .....فتعصب وغضبت زي الاطفال. ومشيت وهي متغاظه وطلعت شقتها
عماد بضحك : والله انتم عاملين واللي العيال الصغيره
عمر بضحك : مافيش غير الطريقه دي اللي نفعه مع دماغه النشفه..... بس عسل وهي متغاظه(ويتنهد بحب ) هتجنني
ماجده بابتسامه : ربنا يهديكم ياعيال
في شقة الهرم ميرنا قعده تعيط ف سمر دخلت عليها
سمر : ايه النكد دا ....هو انتي هتفضلي تعيطي ليل ونهار .....ما خلاص ليله وعديت
ميرنا باستهزاء : اه ما هي بقيت سهله عندك ....ما انتي بقيتي تختاري الزبون اللي تقضي معاه الليله
سمر تفرد جسمها علي السرير : لازم اختار .....وانشن صح ....وشوف مين اللي هاقدر استفيد منه.....وافضل ادلعوا واخده علي الحنين ....علشان يعملي اللي انا عاوزه
ميرنا باستغراب : وانتي عاوزه ايه منهم فلوس.( وتبصلها بتريقها ) واللي فكره انه ممكن يتجوزك
سمر باستهزاء : جواز ايه بقي ما خلاص (وتبصلها بشر )انا عاوزه يساعدني في اني اخد حقي وانتقم من ريم وهاله ....ورجع اسمي وسمعتي ...وبعدها اسافر بره البلد دي
ميرنا باهتمام : هتاخدي حقك وترجعي سمعتك ازاي
سمر بغضب : هجيب ريم وهاله هنا .....مهم لازم يعيشوا اللي عيشته .....ويشربوا من نفس الكاس اللي شربتوا ....(وتبصلها بشر) هجيبهم هنا ويتعمل عليهم مزاد.... زاي ما اتعمل علينا واسمع صريخهم بوداني .... وههرب ليلتها ... وابلغ عنهم ... ويتمسكوا هنا .... وساعتها هقدم بلغ اقول ان ريم كانت عاوزني اشتغل معاها ... ولما رفضت اتبلت عليها ... و اللي ساعدها حازم اللي شغال معاها واني ماقدرتش اقف قدامهم ... فهربت خوف منهم
ميرنا بابتسامه شر : يا بنت اللي ايه ....
سمر بصتلها : ايه عجبتك الفكره
ميرنا بغيظ : طبعا ....وهساعدك ....انا كمان عاوزه انتقم منها هي وعمر..... اللي ضيعني وضيع فلوسنا .... وسجن بابي ....
سمر بصدمه : ابوكي اتسجن
ميرنا باستهزاء : ايوه اشهروا افلاسه واخدوا الشركة والفيلا ..... يعني مبقاش عندنا اي حاجه....خدوا منا كل حاجه ...... وكل دا عشان خاطر البت الزباله بتاعته .....يسجنا كلنا علشانها
سمر بغيظ: رييييم..... كل دا بيتعمل علشان خاطرها طب ليه ....هي فيها ايه زياده عنا .....هم مفكرنها احسن مننا .....طيب انا لازم اخليها تبقي زينا..... وتتفضح هي وهاله..... اللي كانت عمله نفسها صحبتي....وفي الاخر غدرت بيا علشان تنقذها
ميرنا بابتسامه شر : وانا معاكي قوليلي نعمل ايه ....ومين اللي يقدر يساعدنا
سمر باستهزاء : يعني قررتي تفضلي هنا .....وهترضي بالبيحصل
ميرنا باستهزاء : هو انا بقي قدامي حل تاني ....انا خلاص مليش مكان غير هنا ....ومامعيش حتي فلوس اهرب بيها ....وانا مش ممكن هتسجن
سمر بابتسامه :واحنا هنا هنقدر نعمل فلوس كتير .... اكتر بكتير من اللي كانت عند ابوك .... ومش هنعمل فلوس وبس لا هنعمل نفوذ مع الناس الكبار اللي في البلد ... اللي يقدروا يساعدونا ...الشقه دي مش بيجيها اي حد ...كتير من اللي ليهم سلطة وكلمه في البلد بيجوا هنا ..... تعالي نحط ايدنا في ايد بعض... وننتقم منهم .... ونكبر سوا ...ونبقي من سيدات المجتمع
ميرنا بشر : اتفقنا.... قوليلي نعمل ايه
سمر تنام علي السرير : بليل لما نشوف الزباين..... هقولك مين تختاري .....ونعمل ايه
في الفيلا عبد الحميد ..... الكل قعد في الجنينه
عمر : هي ريم فين من بعد الغدا مشفتهاش
تقي : كانت بتصلي.... وبتلبس علشان خارجه
عمر بضيق : خرجه راحه فين
عماد: هتروح تطمن علي عم صالح في المستشفي... وانا هروح معاها ...وهرجعها متقلقش
عمر بخبث : طيب ما تسابق انت يا عمده ....ونقولها جالك شغل ....ومافيش غيري يوصلها
عماد بضحك : لا يا عم ماقدرش
عمر بضيق : ايه ياض الغلاسه دي ....ماتقدرش ليه بقي ان شاء الله
عماد بابتسامه : احسن تزعل مني .... وتعرف اني بساعدك .وانا ليه مصلحه عندها ممكن تبوظهالي
عمر : هي مش هتعرف انك بتساعدني ....... هنقولها اتصلوا بيك من المستشفي وعندك شغل
امل بضحك : وهو يعني لو مشي..... انت فاكر انها هترضي تروح معك.... دي هتروح مشي والا تركب معك
عمر بضيق وغيظ : هو انتم كلكم عليه ليه ما تساعدوني شويه....و تقولوا ليه اعمل معاها ايه
حسن بابتسامه : انا ممكن اساعدك ...وقولك تعمل ايه
عمر يقوم يبوسه : حبيبي يا ابو علي.... هتساعدني ازاي ...قول
حسن : طنشها ....وكبر دماغك منها ومتحاولش تكلمها ..... وساعتها هي اللي هتيجي تصالحك
تقي بضحك : انت كده بتساعده.... دي واللي هتعبروا
عمر بغيظ :انت عاوز تلبسني في حيطه يا حسن .....وانا اللي فكرك حبيبي وهتساعدني
حسن بضحك : طب والله زي ما بقولك..... ريم اختي وانا عارفه.... لما بتحب حد مابتقدرش يفضل زعلان منها ....او متكلموش....
عماد : طيب ما هو بيحاول يصالحها....وعاوز يكلمها وهي اللي مش راضيه.....
حسن بضحك :ما هي كده بتحب تحسس اللي قدامها بغلطوا....اصلها بتعمل معايا كده..... لما اعمل حاجه تزعل مني ...... افضل اصلحها وقعد بالايام اتحايل عليها تكلمني ....وهي مترضش..... ولما اسكت وبطل اصلحها...واطنشها ومحاولش اكلمها ....القيها تيجي هي تكلمني ...وتكون نسيت انها زعلانه مني
عمر باهتمام : بس دا ممكن معك انت علشان اخوها
حسن :لااااا هي كده حتي مع اصحابها ....... طب جرب ولو مانفعش.... هي عيد ميلادها كمان اسبوع .....ابقي صالحها فيه
عمر بابتسامه : ايه دا بجد عيد ميلادها كمان اسبوع
حسن : ايوه جرب انت الاسبوع دا تطنشها .... ولو متصالحتوش ...ابقي صالحها في عيد ميلادها
تقي بغيظ : حسن انت كده بتتقفه معاه علي اختك
حسن بابتسامه يبص لعمر : هي اختي وحبيبتي..... ولو عمر ماكنش حس بغلطوا..... ماكنتش هرضي ان اختي ترجع ليه .... بس كلنا بنغلط ...وهو اعتذر ....
عماد بابتسامه : انا رائي جرب طريقة حسن يمكن تنفع
ماجده : لا تجرب والا حاجه ......انت سيبها شويه لحد ما النفوس هتهدي..... بلا طرق بلا لعب عيال
امل بابتسامه :طيب اسكتو بقي ....احسن ريم نزلت
ريم تروح عليهم ..... وعمر اول ما شافها طلع التلفون...... وفضل يلعب فيه وطنشها ...
ريم بابتسامه : يلا يا عماد انا جهزه
عماد بابتسامه و بيبص علي عمر اللي بدا ينفذ الخطه
عماد : وانا جاهز يلا بينا
ريم تستغرب ان عمر مش مهتم انها خارجه ...والا بيص عليها
ريم بغيظ وهي بتبص لعمر وبصوت عالي :انا خارجه....حد عاوز حاجه من بره
امل تكتم ضحكتها : سلامتك يا حبيتي
ماجده بابتسامه : ابقي سلامي علي الحج صالح ..والحاجة زينب
ريم بغيظ اكتر لان عمر مش مهتم : حاضر يا عمتو ....سلام عليكم
الكل يرد ماعاد عمر : عليكم السلام ورحمه الله وبركاته
ريم تمشي مع عماد خطوتين وهي مضايقه
عمر بصوة عالي : عماد
ريم تبتسم وتدري ابتسامته و تلف تبص عليه وهي راسمه الضيق علي وشها بص تلقي عمر مديها ظهره لسه وباصص لتلفون
عماد بيكتم ضحكته : ايوه يا عمر
عمر وهو مديهم ظهره بس مشغل كاميرات التلفون وشايف ريم منه : متتاخرش علشان عندنا ماتش كوره النهارده ....
عماد يضحك اوي : ماشي
وريم تجز علي سنانها بغيظ وتخرج بغضب وعماد ماشي وراها وهو بيضحك ...وبعد ما خرجوه
عمر بضحك : شكل طريقتك .....هتنجح يا حسن
تقي بغيظ تبص لعمر: بس متزودهاش احسن والله هقولها
امل بابتسامه : ربنا يهديكم.....انا هطلع اشوف البنت اللي من وقت ما جيت وهي حبسه نفسها في اوضتها
في العربيه ريم قعده سرحانه وبتفكر
عماد بابتسامه : بتفكري في ايه
ريم بابتسامه : والا حاجه
عماد يبتسم وهو فاهم انها مضايقه من عمر
عماد : مردتيش عليه يعني .... في موضوع هاله
ريم بابتسامه : هي قالت انها هتكلم اهلها النهارده..... وهتبلغني المعاد بليل...
عماد بفرحه : متشكر اوي يا ريم
ريم بابتسامه : متشكر علي ايه..... مش انت قولت اني اختك ....وهاله اعز صحباتي...... ويارب يكملكم علي خير ويسعدكم
عماد بابتسامه : يارب.... وعقبالك
ريم بصتله وابتسم ....وسكتت لحد ما وصله المستشفي ودخله وطمنوا علي عم صالح..... زينب كانت عاوزه تروح تجيي حاجات من البيت...... فعماد اخدها يوصلها وريم فضلت مع عم صالح....
صالح بقلق : مالك يا ريم شكلك مضايق هم لسه بيهددوكي
ريم بابتسامه : لا يا عمي الحمد الله..... اتقبض علي واحد منهم الصبح في قضيه تانيه..... وارتحت منه عقبال الباقي
صالح ببتسامه : ان شاء الله يا بنتي....( ويبصلها باهتمام ) بس انتي في حاجه تانيه شغلاكي
ريم بضيق : انا عاوزه اخد رائيك في حاجه يا عم صالح
صالح يتعدل ويبصلها : قولي يا بنتي
ريم حكيت لي عم صالح .....كل اللي حصل من عمر وموقفه منها وقتها..... وندموا واعتذاره بعد ما فهم الحقيقة .... وانها مش عارفه تسامحوا....وفي نفس الوقت مش عارفه تبعد عنه
ريم بزعل ودموع : وهو اللي سجن خاله ...علشان ينتقم منهم ويبعده عني ...ومش سايب الباقي بيدور عليهم ...وعمل يعتذر ليا طول الوقت ...بس انا زعلانه منه اوي يا عم صالح ازاي يشك فيا وهو المفروض عارفني وعارف اخلاقي
صالح يبصلها ويبتسم : قوليلي يا ريم انتي تعرفي حدثه الإفك( رييم باستغراب هزت راسها ب لا فصالح ابتسم) دي حادثة حاصلت في عهد النبي محمد .....قام بافتعالها المنافقون.....وذكرت في القرآن الكريم ......بشكل مفصل في سورة النور ......وربنا ظهر فيها الحق وحكي كل ما لحق بأم المؤمنين عائشة رضي الله عنها فيها من ظلم وأذى.......زمن ايام الرسول صلى الله عليه وسلم ......كان خارجاً مع السيده عائشة التي أصابتها القرعة انها هي ال هتروح مع الرسول في أحد غزواته الرسول صلي الله عليه وسلم كان من عادات انه لو خرج في أحد غزواته.... يعمل قرعة بين زوجاته .....وال تطلع في القرعه هي ال تروح معه .....وفي الغزوه دي وقعت القرعة على عائشة ......وبعد أن انتهت الغزوة ...كانو المسلمون عيشين في خيم ، فخرجت السيدة عائشة لحاجتها..... ووهي في الطريق وقع منها عقداً كان بتاع أختها كانت استعارته منها وهترجعه تاني .....بس هي مخادتش بالها انه وقع لأنّ العقد كان رقيقاً ....ولما أرسل الرسول صلى الله عليه وسلم.... بمنادي ينادي في الناس علشان يجهزو عشان يمشو..... السيدة عائشة اكتشفت ان العقد ضاع .... فرجعت بسرعه إلى المكان الذي الذي فقدته فيه عشان تدور عليه ......في وقتها الناس ال كانت بتشيل الركب بتعها .....افتكره انها موجوده جوها الهودج ...فشلوه ومشيو ....ومخدش بالهم انه خفيفي لان النساء ايامها كانو رفيعين جدا ....لانهم كان بياكلو بس ال يسكت جوعهم ....وكمان السيده عائيشة كانت صغيره في السن ومكنتش جسمها كبير.... فلركب بتعها كان بيبقي خفيف وهي موجوده فيه......ولما رجعت السيده عائشه للمكان ال كانو قعدين فيا بعد ما لقيت العقد ... ملقتش حد في المكان ولقيته فاضي فقعدت مكانها علي الارض ولفت نفسها بلعبايه ال كانت لبسها....وافتكرت انهم هياخده بالهم انها مش موجوده فهيرجعو ليها ... ووهي قعده نامت ... ومصحيتش غير علي صوة ...الصحابي صفوان بن المُعَطَّل وهو بيقول إنا لله وإنا إليه راجعون......انها عائشه زوجة رسول الله صلى الله عليه وسلم.......هو لما شافها عرفها ... لانهم كانو بيشوفه النساء قبل نزول سورة الحجاب .... واول ما شافها اديها ظهره ....ونزل الجمل بتاعه وقربه منها .... وهي ركبت ... من غير لاتكلمه وال هو كلمها .... ومشي بلجمل لحد ما لحق جيش الرسول صلي الله عليه وسلم ..... ولما الناس شافت السيده عائشه مع صفوان اتكلم عنها ..... وطبعا المنافقون وكل ال فيه حسد وكره في نفسه ....لقي انها فرصه وبقي يتكلمه عنها بكل كره وحسد ونفاق ..... والكلام وصل لرسول الله صلي الله عايه وسلم ..... بس فضل ساكت ومتكلمش..... بس كان زعلان وحزين من الكلام ال بيتقال في حق السيده عائشه ....والوحي ايامها اتاخر .... ومنزلش علي الرسول الله .... فقرر انه يسأل الصحابه ويستشارهم ... فشارو عليه بانه يفارقها ..... والسيده عائشه في الفتره دي تعبت تعب شديد.... وطلبت من الرسول انها تروح بيت اهلها ... وخصوصا لما حست بجفاء ال بقي بين الرسول صلي الله عليه وسلم وبينها .....
وخرج الرسول صلى الله عليه وسلم إلى المسجد وألقى خطبة في الناس ...يستنكر فيه ما وقع منهم من كلام في حق زوجته وعرضه ..... وبعده رح ل السيده عائشه علي بيت أبي بكر رضى الله عنه..... ولما رأها قال لها: (يا عائشة، فإنه بلغني عنك كذا وكذا، فإن كنتُ بريئة فسيبرئك الله، وإن كنتُ ألممت بشيء فاستغفري الله وتوبي إليه، فإن العبد إذا اعترف بذنبه ثم تاب تاب الله عليه ) [صحيح البخاري]، فردت عليه قائلة بأنها لن تتوب عن ذنب لم تقترفه...... وأنّها واثقة من برائتها......وتلت قوله تعالى: (فَصَبْرٌ جَمِيلٌ وَاللَّهُ الْمُسْتَعَانُ عَلَى) وبعدها
نزل الوحي على الرسول صلى الله عليه وسلم ليبين براءة السيدة عائشة رضى الله عنها وكان ذلك في سورة النور:(إِنَّ الَّذِينَ جَاءُوا بِالْإِفْكِ عُصْبَةٌ مِّنكُمْ ۚ لَا تَحْسَبُوهُ شَرًّا لَّكُم ۖ بَلْ هُوَ خَيْرٌ لَّكُمْ ۚ لِكُلِّ امْرِئٍ مِّنْهُم مَّا اكْتَسَبَ مِنَ الْإِثْمِ ۚ وَالَّذِي تَوَلَّىٰ كِبْرَهُ مِنْهُمْ لَهُ عَذَابٌ عَظِيمٌ*لَّوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْرًا وَقَالُوا هَـٰذَا إِفْكٌ مُّبِينٌ*لَّوْلَا جَاءُوا عَلَيْهِ بِأَرْبَعَةِ شُهَدَاءَ ۚ فَإِذْ لَمْ يَأْتُوا بِالشُّهَدَاءِ فَأُولَـٰئِكَ عِندَ اللَّـهِ هُمُ الْكَاذِبُونَ*وَلَوْلَا فَضْلُ اللَّـهِ عَلَيْكُمْ وَرَحْمَتُهُ فِي الدُّنْيَا وَالْآخِرَةِ لَمَسَّكُمْ فِي مَا أَفَضْتُمْ فِيهِ عَذَابٌ عَظِيمٌ*إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّنًا وَهُوَ عِندَ اللَّـهِ عَظِيمٌ*وَلَوْلَا إِذْ سَمِعْتُمُوهُ قُلْتُم مَّا يَكُونُ لَنَا أَن نَّتَكَلَّمَ بِهَـٰذَا سُبْحَانَكَ هَـٰذَا بُهْتَانٌ عَظِيمٌ*يَعِظُكُمُ اللَّـهُ أَن تَعُودُوا لِمِثْلِهِ أَبَدًا إِن كُنتُم مُّؤْمِنِينَ*وَيُبَيِّنُ اللَّـهُ لَكُمُ الْآيَاتِ ۚ وَاللَّـهُ عَلِيمٌ حَكِيمٌ*إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ۚ وَاللَّـهُ يَعْلَمُ وَأَنتُمْ لَا تَعْلَمُونَ*وَلَوْلَا فَضْلُ اللَّـهِ عَلَيْكُمْ وَرَحْمَتُهُ وَأَنَّ اللَّـهَ رَءُوفٌ رَّحِيمٌ)
خلص عم صالح كلامه .....وبص لريم
عم صالح بابتسامه :اهو دا ياريم حصل لام المؤمنين..... و الكل شك فيها... واتكلموا في حقها ... وقالو لرسول يسبها حتي ابوها ابو بكر الصديق ابوها .. ولما ربنا ظهر الحق...... رجعت لحياتها طبيعيه.....وقالت ان دا كان اختبار من ربنا.....و براءتها ظهرت باعظم طريقه سوره في القرآن الكريم ...... وانتي ربنا ظهر برائتك علي طول ...و اهو بيرجع حقك و انتي بتقولي عمر ابن حلال ومتدين وكويس..... يبقي انسي وسامحي واستخايري ربنا واتوكلي علي الله..... سامحيه يا ريم
ريم تبتسم وتقرب منه وتبوس راسه : ربنا يخليك ليه يا عم صالح ......انا ابويه مات.... بس ربنا عوضني بيك..... انت اللي دايما بتريح قلبي وطمني..... وتوجهني لطريق السليم
صالح بدموع : ربنا يعلم انك بنتي اللي مخلفتهاش .....وبتمني اليوم اللي اشوفك سعيده ومرتاحه في بيتك.... وتجبيلنا عيال كتير .....و يقوله ليه يا جدو قبل ما موت
ريم بابتسامه : ربنا يديك الصحه ويباركلي في عمرك..... وتشوف عيالي وتجوزهم كمان...
وفي الفيلا امل طلعت.... لقيت مايا قعده وعمله تعيط فقربت منها واخدتها في حضنها
امل بحنان : الجميل بيعيط ليه
مايا تمسح دموعها : انا اسفه خلاص مش هعيط تاني
امل تمسك وشها بين ايدها بحنان : يا حبيبتي انا مش زعلانه منك.... انا زعلانه علشانك.....مش عاوزه اشوفك زعلانه والا اشوف الدموع في عينك الجميله دي..... عاوزكي تكون مرتاحه ومبسوطه معانا..... زي ما احنا مبسوطين بيكي وسطينا
مايا بحزن : يعني انتم مش زعلانين ..... اني هنا بعد اللي بابي وميرنا عملوا
امل بابتسامه : يا حبيبتي..... بابكي دا اخويه وانا بحبوا اوي زي ما بحبك انتي وكمان..... وبحب ميرنا( وتبصلها بحزن ) بس هم غلطوا وكل اللي بيغلط لازم يتحاسب..... لكن انتي بنتي وحبيبتي ( وتاخدها في حضنها بحنان) هزعل منك ليه ..... طيب انتي عارفه انا مبسوطه اوي انك جيتي تعيش عندي انا طول عمري نفسي اخلف بنت بس جبت ولدين.....عارفه زمان كنت كل ما اشوف مديحه بتسرح لتقي وهاجر.... ابقي نفسي في بنت ليا.....و انا اللي البسها وقعد اسرح لها شعرها وتبقي صحبتي وبنتي.( وتبصلها بحب )..... ايه رائيك بقي تبقي انتي بنوتي( وترفع وشها ليها وتبتسم) وانا عمتوا يعني زاي مامي
مايا باستغراب :بس انا مامي عمرها ما تكلمت معايا كده والا سرحت لي شعري
امل بحزن : بس انا عاوزه ابقى ماما مختلفه عاوزه اسرح شعرك واحضنك وتبقى بنتي وصحبتي
مايا بفرحه : انتي طيبه وجميله اوي يا عمتو
امل تحضنها : وانتي حبيبتي وبنتي وصحبتي..... وعارفه ايه احلي حاجه سمعتها منك دلوقتي ( مايا تبصلها) كلمة عمتو.... اجمل من كلمة انطي بكتير
تضحك هي ومايا..... اللي لاول مره تحس بمعني وجود ام في حياتها ......و لاول مره حد ياخدها في حضنها
وصلت ريم الفيلا .... وكانت مرتاحه ومبسوطه ......وناويه تصالح عمر.....واول ما دخلت الجنينه.... لقيت عمر قعد مع ماجده وساندي وهاجر فارحت ليهم
ريم بابتسامه : سلام عليكم
الكل: عليكم السلام ورحمه الله وبركاته
عمر يقف وهو مكشر : انا خرج شويه يا عمتو ..... ويلف ويخرج..... وهي كانت هتنادي عليه..... بس لقيتوا مشي من غير ما يبص عليها..... فسكت وزعلت وكشرت زي الاطفال
وعمر مشي وابتسم لانه حس بيها .....وشفها وهي بتبصله
وفي شقة الهرم كانت سمر بتجهز هي وميرنا لسهره.... وهم في دماغهم خطه وعاوزين ينفذها
ميرنا : هااا يا سمر هنعمل ايه
سمر : انا عرفت من البنات.... ان فيه واحد مهم جدا جي النهارده اسمه فايز.....هو بيجي كل اول شهر ......وبيقولوا فايز دا رجل جامد جدا و أيدوا واصله..... ورجلته كتير وفي كل مكان ...... وكل الناس التقيله في البلد لما بيعوزه يكلموا في شغل او يساعدهم في تنفيذ مهمه ......بيجي هنا و يكلموا علشان يحميهم..... او ينفذها هو ليهم..... فايز دا بقي هو اللي هيساعدنا ....واحنا لازم نخليه يختار واحده فينا .....واللي يختاره لازم تكسبوا ....وميخرجش من عندها
غير وهو اخر انبساط..... مرتين تلاته يجي فيهم علشانها ..... ساعتها نطلب منه... اللي عاوزينه ....ونخليه يجيب ريم وهاله هنا بطريقتوا ( وتضحك بشر وخبث) وهنا بقي اللي بيدخل مبيخرجش.... ما انتي عارفه...وكله بيعمل زينا ويستسلم في الاخر
ميرنا بابتسامه خبيثة : والاسمه فايز دا....معرفتيش بيحب ايه ....ومين هم البنات اللي بيعجبوا
سمر بضحكه : تعجبيني وانتي مركزه وعاوزه توصلي...... لما البنات يجوا ابقي اسأليهم بس من غير ما يلاحظوا...... وعلي فكره فايز دا غني اوي اوي..... وكلمته مسموعه ووصله لفوق اوي وعنده نفوذ كتير ...... يعني ولو عجبتيه هيخرجك من هنا ويجيبلك. بدل فيلات ابوكي اللي اخدها عمر ..... قصر ويكون ليكي لوحدك..... وريني شطارتك انت بقى
ميرنا بابتسامه وثقه : اعتبريها تحت امرنا ( ميرنا كانت عارفه انها غير كل البنات الموجودين...... فهي المفروض انها بنت ناس... واخده علي الفلوس والعز.... وجميله وبتتعامل باسلوب شيك عنهم كلهم .... وبتعرف تكلم لغات كويس...... ومنسيتش الكلام اللي تقال ليها من ناني بعد ما دخلت اول مزاد اتعمل عليها...... وانها اغلي بنت واعلي سعر وصلت ليه بنت عندها من زمان ..... ودا زود ثقتها....في ان المدعو فايز هيختارها هي)
نعرف الحلقه الجايه ونشوف مين فايز واذا كانت خطة سمر الجديده هتنجح المره دي وال لا
التعليقات على الموضوع