يكفي ان يحبك قلبها❤ (الحلقه ١٤)❤❤
يكفي أن يحبك قلبها
بقلم_ولاءيحيي
الحلقه (١٤)
وهم واقفين بيتكلموا سمعوا صوت ضرب نار شديد....... بيقرب من سور الفيلا..... فكل صرخ..... وعماد وقف قدام هاله يحميها وهي مسكت قميصه من الظهر وخبت نفسها فيه ..... وشريف حط ايده علي راس نهي اللي نزلت قعدت في الارض...... وعمر بيقرب من ريم علشان يخبيها بس ريم جريت بسرعه علي ساندي وهاجر اللي صرخوا وحضنتهم وخبيتهم في حضنها... وعمر روح وراها جري وشد الترابيزه وقلبها وحطها قدامهم ويحميها بيها ..... وقرب من امل وحسن شدهم ورا الكنبه..... وصرخ علي ماجده وتقي..... اللي كانوا جوه الفيلا وخارجين يجرو علي الصوت فصرخ عمر علشان يفضلوا جوه ميخرجوش..... وطلع جري لبره الفيلا ..... وريم شافته فصرخت وهي بتنادي عليه عشان يرجع..... بس هو خرج
عمر خرج لقي الحرس اللي علي الفيلا بيضربه نار علي العربيات .... اللي بيضربوا عليهم وعلى الفيلا نار.... و طلعوا يجروا ..... ولقي واحد من الحرس..... انصاب في رجله
وقف ضرب النار..... وعماد خرج يجري يشوف عمر
وشريف دخل الكل جوه الفيلا.... ماعاد ريم اللي طلعت تجري علشان تطمن علي عمر
عماد جري علي الحارس النصاب.... وريم كانت بتجري علي عمر اللي لف لقها قدامه..... وجوه عينيها خوف وقلق وهي بتبص عليه كله وبتطمن انه سليم.. فبتسم وقرب منها
عمر بابتسامه : ماكنتش اعرف انك بتحبيني وبتخافي عليه اوي كده..... لواعرف اني هرجع اشوف الحب في عينك كنت انا اللي أجرتهم يضربوا عليا نار
ريم بغيظ من نفسها علي مشاعرها اللي ظهرت غصب عنها
ريم بغضب وغيظ : ومين قال اني خايفه عليك..... انا كنت خارجه اشوف حد من الحرس جري ليه حاجه
عمر بابتسامه ويقرب منها : علشان كده جيتي جاري عليا و انتي عماله تنادي على اسمي
ريم بنرفزه : انت مغروره وغلس .....
ودخلت وسابته .... وكان شريف خارج..... وشافها وهي دخله غضبانه زي الاطفال..... وعمله بتبرطم وتشتم نفسها على غبائها
شريف بقلق : ايه اللي حصل حد جري ليه حاجه
عمر يفتكر ضرب النار فيبص حواليه : هااااااا مش عارف
شريف بتريقه : مش عارف لا طمنتني (ويروح يقرب من عماد )خير يا عماد
عماد: بسيطه الحمد الله رصاصه في رجله واتصلت بلاسعاف وجاي دلوقتي
يقرب واحد من الحرس : اتفضل يا عمر باشا كانوا ر رابطين الورقه دي في طوبه ورموها وهما بيجروا
عمر خد الورقه.... وقرب منه شريف وعماد يقرأ اللي مكتوب ( دا انذار وتحذير ...... الرصاص النهارده انضرب من بره الفيلا .... بعد كده هيضرب علي كل اللي جوه الفيلا..... وممكن يضرب علي اخوكي وهو بيتمارن .....او علي البت الصغيره وهي بتلعب بلكلب بتعها او علي البت المجنونه.....او ينضرب عليهم كلهم ويموته ......فاتنزلوا احسن بدل ما تندموا )
عمر بغضب شديد : ابن................. ماشي كلها الصبح وتبقي في السجن.... وساعتها وريني هتعمل ايه
عماد بغيظ : انا اتصلت علي هشام وهو جي دلوقتي
وصلت عربيه الاسعاف واخدت الحارس..... وعمر اتصل وطلب حراسه اكثر
شريف : يلا ندخل نطمن الناس اللي جوه
ويدخله يلقوا الكل قاعدين جوه الفيلا..... وريم مقعده ساندي في حضنه الانها كانت خايفه وبتعيط ....وحسن حاطط راسه علي كتفها وهي حطه ايدها علي خده وبتحاول تطمنه ..... وهاجر حطه راسها علي رجل ماجده اللي عماله تقرا قران علشان تهديها ونهي وهاله قاعدين خايفين.... ومش عارفين هيروحو ازاي
(ويدخلوا الشباب التلاته)
امل بقلق : خير يا ولاد حد حصل ليه حاجه..... ايه صوت الاسعاف اللي كان بره دا
شريف يعقد جمبها : متخافيش ياماما ... الحمد الله بسيطه واحد من الحارس جت رصاصه في رجله..... والاسعاف اخدته
ماجده : ومين اللي عمل كده.... ماعرفتش
عمر بضيق : هيكون مين يعني يا عمتي......بس اطمنوا الصبح هنخلص من دا كله
نهي بقلق : احنا هنمشي يا ريم
شريف يبصلها :هتمشي ازاي دلوقتي.....لا انتم هتخليكم هنا النهارده.... باتوا مع ريم في شقتها ..... والصبح نوصلكم
هاله بخوف : ماينفعش اهلنا....مش هيرضوا وزمانهم قلقانين علينا
ريم بابتسامه : انا هتصل اكلمهم واستأذن منهم .... انكم تفضله عندي الليله دي
ماجده : وابقي اديني التلفون..عشان اكلمهم انا كمان وطمنهم ...واستأذن ليه
نهي بابتسامه : مافيش داعي يا طنط ...احنا هناخد تاكسي و هنروح علي طول
شريف بيبصلها جامد ويبرق : خالص بقي يا نهي اسمعي الكلام
نهي بكسوف وتبص للارض : حاضر
شريف يضحك اوي : شوفتوا شطوره ازاي ... وبتقول حاضر ... عسل اوي
نهي تكسف اوي ....والكل يضحك .....وامل تضربوا علي رجله علشان كسفها
بعد شويه وصل هشام .....و امل اخدت ساندي وطلعت بيها عشان تنيمها..... وماجده اخدت هاجر وحسن ودخلوا بيهم الاوضه يتفرجوا علي التلفزيون..... علشان ينسوا اللي حصل
وقعد كل من عمر وشريف وعماد وهشام.... بعد من رجال الشرطه ....اللي جم يحققوا في حادثه ضرب النار
ريم ونهي وهاله وتقي كمان كانوا قاعدين معاهم .....وبعد اللي معاينه اخدوا اقولهم.... و واخدوا الرساله اللي اترمت من العربية
هشام : واضح انهم كانوا بيخوفكم علشان تتنازلوا
عماد : واضح كده ... واهو برساله اللي معك يبقي دليل ان ابراهيم بيهدد ريم علشان ....تنازل.... وكده النيابه هتحبسه
هشام بضيق : للاسف معندناش اللي يثبت ان ابراهيم هو اللي ورا الواقعه دي ....وخاص ان فيه اسماء تانيه في القضيه وليها مصالحه ان البلاغ يتحفظ
عمر بغضب : عموما هو بكرا هيكون عنده مصايب اكبر.....ويبقي يقعد بقي يخطط ويرسم وهو في السجن.... ويوريني هينفذ ازاي
ريم تبص لهشام:و في حاجه كمان حصلت النهارده قبل ضرب النار ...وكنا هنيجي لحضرتك
هشام بهتمام : خير يا دكتوره ...ايه الحصل
ريم : جيه اتصال لدكتوره هاله من سمر.... بتهددها فيه انها مش هتسكت.... وهتنتقم مننا وتفضحنا
هشام : وفين الرقم اللي اتصالات منه
هاله : علي تلفوني
عماد بص لهاله بابتسامه واخد منها التلفون واده لهشام : بس اكيد هيبقي مغلق ...
هشام يسجل الرقم ويحاول يتصل من تلفونه
هشام : فعلا مغلق .....واضح انها عملت منه المكالمه وقفلته....بس ممكن هتفتحه تاني وقتها هنوصلهم
هشام قفل المحضر....و رجال الشرطة مشيو....و هو قعد معاهم يتكلمو عن القضيه
عمر بابتسامه : تشرب ايه يا هشام..... معلش انشغلنا ونسينا واجب الضيافه
تقي تقف وتبصله ببتسامه : انا اسفه جدا.... حضرتك تحب تشرب ايه
هشام يبصلها ويبتسم : اسفه علي بس......متتعبيش نفسك دا كفايه الخضه اللي عشتيها النهارده
تقي برقه : مافيش تعب ولا حاجه.... تحب تشرب ايه
هشام يبصلها : صدقيني مش هقدر اشرب حاجه .... اصلي طول اليوم في الشغل .....ومقضيها شاي وقهوه ومن غير اكل ..... ومعدتي نشفت
عماد بضحك : متقول يا عم انك جعان.... انت مكسوف
هشام بضحك : بصراحة ايوه .....ووقع من الجوع كمان
(الكل يضحك)
تقي ببتسامه رقيقه خطفت قلب هشام اللي مش قادر يشايل عينه من عليها : ثواني والعشا.... يكون جاهز
وتمشي تروح لمطبخ....وروح ورها ريم والبنات
و في المطبخ و هم بيساعده بعض
ريم بتريقه تقلد هشام :مش عاوز اتعبك ...كفايه الخضه اللي عيشتها النهارد ( وتخبط تقي في كتفها وهي بتضحك ) رقيق اوي حض ظابط دا
تقي بكسوف وغيظ تضربها: يارخمه... هو انتي هتفوقي عليه... روحي اعملي العصير
ريم بتريقه وتقلد تقي : ثواني ... والعصير يكون جاهز
..البنات يضحكه كلهم ...وتقي تتغاظ وتكسف
ريم تفتح التلاجه.... بتطلع العصير.... بصت لقيت كل واحده من البنات بتعمل حاجه.... وهي سرحانه وعلي وشها ابتسامه حب
ريم تضحك : عاجبني اوي جو والحب و الاكشن اللي عايشينوا .... ينفع فيلم رومانسي اكشن ... بس الخوف يقلب دراما ...ربنا يستر
يضحكوا البنات.... ويفضله يهزره وهم بيجهزه العشا ...
تروح تقي تحط الاكل علي السفره.... والبنات يفضلوا قاعدين بيتكلموا في المطبخ..... وتروح تقي علشان تقولهم ان العشا جاهز ..... لقيت هشام قعد بيتكلم مع عمر .....وعماد بيتكلم في التلفون .....وشريف مش موجود...
تقي بكسوف : اتفضل العشا جاهز
عمر يقوم يقف : اتفضل يا هشام انت مش غريب.... انا بس هروح اصلي العشا.... لاني مصلتش لسه وهجي
هشام بابتسامه : تقبل الله
عمر بيمشي : منا ومنكم (ويروح هشام مع تقي لسفره)
هشام وهو بيقعد : انا متشكر جدا ... تعبتك
تقي ببتسامه : مافيش تعب.... دي حاجه بسيطه
هشام ياكل ويغمض عنيه بأعجاب بلاكل : الله ....حلو اوي ... احلي حاجه الاكل اللي بيتعمل في البيت ....بصراحه اللي واحد تعب ...من اكل المطاعم والساندوتشات ...وحشني اكل البيت
تقي بابتسامه : هو حضرتك عايش لوحدك
هشام يبصلها ويبتسم : ايوه اصلي.... عازب لسه متجوزتش ....وامي في البلد ....وانا عايش هنا في شقه جميله اوي .... في برج حلو ..علي النيل
تقي بكسوف : ربنا يوفقك...
هشام باهتمام : هو بابكي فين.... انا جيت كام مره هنا ... بس مشفتوش خالص
تقي : بابا وماما مسافرين مع طنط فاطمه مامة ريم....اصلها بتتعالج بره
هشام : ربنا يشفيها ...ويرجعهم بسلامه... يعني هو هيتاخره في السفر دا
تقي ببتسامه : لا الحمد الله هم اتصلوا امبارح.... وقالوا ان طنط فاطمه حالتها اتحسنت.... وهيرجعوا كمان 15 يوم وهتكمل العلاج هنا.... وتبقي ترحلهم كل فتره
هشام بابتسامه : الحمد الله.... ربنا يكمل شفاها علي خير.... وانا ان شاء الله اول ما يجي بسلامه هاجي ازركم .....لاني احب اتعرف عليه.....( ويبصلها اوي بحب ) ونفسي ابقي واحد من العيله ....دا لو انتي ماعندكيش مانع...
تقي تكسف ووشها يحمر: تشرف البيت بيتك... عن ازنك
وتمشي بسرعه وهي مكسوفه.... وفرحانها في نفس الوقت وقلبها عمل يدق..... وهشام كان مبسوط لما حس بالقبول من ناحيتها..... فسمي الله وكمل أكلوا .... وهو في منتهي السعاده
وتاني يوم ابرهيم نازل علي السلام بكل غرور...بعد ما بلغوا ان البوليس عاوزه تحت ... هو كان مفكر انه تحقيق بسبب ضرب النار .... ومايا كانت نزله وراه
ابرهيم بغرور وتكبر : في ايه يا حضرت الظابط
الظابط : حضرتك الاستاذ ابرهيم
ابرهيم : ايوه انا
الظابط : معانا امر بلقبض عليك
ابرهيم بعصبيه : تقبض عليه ليه شايفني مجرم
الظابط : عندنا بلاغات من رجال أعمال..... بشيكات وعقود وغرمات باسمك ...... والنيابه امرت بالقبض عليك .....ومنعك من السافر
ابرهيم بصدمه : ايه قدموا الشيكات لنيابه (في الوقت دا ويدخل واحد من البنك)
ابراهيم بغضب : انتم مين
موظف البنك :احنا من البنك..... جينا نتحفظ علي الفيلا وكل اللي فيها....واتحفظنا علي الشركه.... وكل املاكك
يدخل عمر في الوقت دا ويبص لابراهيم بستحقار :بس الفيلا دي مش بتعتوا ..... الفيلا ملك لسيده امل
( ويقدم ورق الفيلا ... اللي بتثت ملكيتها لامل )
ابرهيم بغضب : عملتها يا عمر.... انت اللي خليتهم يقدموا البلاغات خربت بيتي
عمر باستهزاء : لا مش انا دي عميلك اللي ........ هي اللي خربت بيتك مش حد تاني.....انا جي علشان استلم الفيلا بتاعت امي ( ويبصله بقرف )واشوفك وانت مقبوض عليك
ابرهيم بصدمه : انت فاهم انت عملت ايه ... انت بتشرد عيالي.... بترميم في الشارع
عمر باستهزاء وعدم اهتمام : مش مشكلتي ( ويبص لموظف البنك)... الفيلا دي مش من املاكوا .... ودا العقد اللي يثبت ملكيتها ( ويبص لبرهيم بقرف ) انا هرجع استلم الفيلا كمان نص ساعه....حتي تكون نظفت ....واخدتم الزباله اللي فيها
يخرج عمر ويسيبهم ..... وابراهيم يعقد علي السلام بصدمه ... هو متكنش متصور ان عمر يعمل كده فيه ..... مايا تقعد جمبه وهي بتعيط
مايا بدموع وخوف : بابي.... متسبنيش انا هاروح في لوحدي
ابرهيم يبصلها بصدمه .....وهو مش عارفه مصيرها ايه ....واللي مصيروا هو هيكون ايه
الظابط بغضب : اتفضل معانا لو سمحت
ابرهيم يبصله بانكسار : طيب تسمحلي اكلم مراتي... علشان ترجع من السافر ..... انا بنتي صغيره ...وهتبقي لوحدها
ظابط : بسرعه لو سمحت
يتصل ابرهيم بمراته ويبلغها ......ويخرج مقبوض عليه وهو بيبص لمايا اللي بتعيط وتصرخ وبتمسك فيه ....والدموع اتملت في عينه وهو مش عارفه هي هتعمل ايه لوحدها .... والا هتروح فين .....وبعد ما خرج ابراهيم .. مايا قعدت علي الارض بدموع .... ويرن التلفون الارضي
مايا تجري علي التلفون وترد بدموع : الوووووو
ميرنا بقلق : ايوه يا مايا...انتي بتعيطي ليه
مايا بصريخ : انتي فين يا ميرنا..... قبضوا علي بابي...واشهرو افلسه...... وعمر جي ياخد الفيلا.وهيطردني منها.... وانا لوحدي مش عارفه اعمل ايه ولا هروح فين.... تعالي خديني يا ميرنا .... انا خايفه ومش معايا حد ...تعالي خديني ونبي
ميرنا تمسك التلفون وهي مصدومه..... بعد ما عرفت ان ابوها اتقبض عليه ... ومبقاش عندهم فلوس والا بيت و مبقاش ليها مكان غير الشقه اللي هي فيها..... يا السجن......
تفضل مسكه التلفون.... ومايا بتصرخ وتنادي عليها .وهي مبتردش ورحت حطه السماعه.... من غير ما ترد علي مايا...اللي انهارت وفضلت تعيط
يرجع عمر الفيلا..... يلقي مايا قعده علي الارض بتعيط بحزن وانكسار .... فتصعب عليه... ويقرب منها..... مايا اول ما تشوفه تقوم تقف
مايا بدموع وخوف : انت عاوزني امشي صح ..... بس انا مش عارفه هروح فين....انا مليش مكان اروحو ... ومش معايا حد كلهم سابوني لوحدي
عمر يبتسم بحزن يحط ايده علي كتفها : لا انتي مش لوحدك ....وهتروح معايا وهتعيشي في بيت عمتك...... هتقعدي معانا لحد ما مامتك ترجع.....ومش هتبقي لوحدك ... احنا هنفضل جمبك
مايا بابتسامه ودموع : بجد هتاخدني معك ... مش هتسيبني لوحدي ( وتبصله بخوف )بس هي عمتو هترضي اقعد عندكم ...... بعد اللي بابي وميرنا عملوا فيكم
عمر يبتسم ليها ويقرب منها: بس انتي معملتيش حاجه ..... ملكيش ذنب في اللي هم عملوا.... احنا زعلانين منهم هما مش منك وهم بيتحاسبوا علي تصرفتهم اللي عملها ..... لكن انتي هتفضلي بنت خالي واختي الصغيره.... وانا هفضل جمبك ومش هسيبك ابدا
مايا بدموع : بجد يعني هتخلوني عندكم..... لحد ما مامي ترجع ....مش هتسيبوني
عمر بحنان: طبعا يا مايا مش هنسيبك ......وحتى بعد ما مامتك ترجع مش هنسيبك و اي حاجه تعوزيها..... اطلبيها مني انا علي طول ( ويقرب منها بحنان ويمسح دموعها )يلا اطلعي هاتي شويه هدوم ليكي ..... وانا هستناكي هنا
مايا تضحك من بين دموعها : حاضر حاضر ( وتجري خطوتين... وترجع ليه تاني وتبصله بخوف) اوعي تمشي وتسيبني .... انا هاجي بسرعه ... مش هتاخر والله
عمر بابتسامه يطمنها ..... فرغم مظهرها اللي كانت دايما بيتحاول تظهر انها اكبر من سنها .....لا انها في الاخر طفله عندها 13 سنه ....ومحتاجه اهتمام وامان
الخدم : واحنا يا عمر بيه هنمشي
عمر يبصلهم : انتم مين.... بتشتغله ايه هنا
البواب : انا عوض البواب..... ودي سعديه مراتي..... وحبيبه بنتي اللي بينظفه ويطبخه
عمر : وانت عايشين فين
سعديه بحزن وخوف : في الاوضه البره في الجنينه ملناش مكان تاني غيرها
عمر : يبقي خليكم زي مانتم..... بس ممنوع حد يدخل الفيلا هنا من غير علمي..... ولو عرفت ان حد دخل..... أين كان هو مين ..... تاخده بعضكم وتمشوا
عوض: لا يا بيه مش هندخل حد واصل
عمر : يبقي اتفقنا.... انت هتفضل بوابه ومرتبكم زاي ما هو هيوصل ليكم كل شهر ... وماحدش يدخل جوه الفيلا.... غير لوانا طلبت منكم ( ويطلع كارت برقم تلفونه )واي حاجه تانيه تعوزها اتصلوا بيا علي طول
عوض بفرحه :متشكرين يا بيه عن اذنك
ويخرجوا ويسبه وقف بيبص حواليه .......وتنزل مايا وهي بتجري .....وياخده عمر ويمشوا...... بعد ما قفل الفيلا..... ويروح بيها لفيلاتهم بعد ما كان اتصل بامل..... وبلاغها بحال مايا....وتزعل لحالها ....بس تفرح لما تعرف ان عمر هيجبها معاه
و في الجنينه كان الكل قاعدين ... وامل بلغتهم بان عمر هيجيب مايا
امل ببتسامه : يعني مش هتزعلي يا ريم
ريم باستغراب : ازعل ؟ حضرتك ليه بتقولي كده يا طنط هي ذنبها ايه دي طفله..... ملهاش ذنب بتصرفات اهلها.....
ماجده تبتسم وتطبطب عليها : يسلم قلبك الابيض يا ريم .....ربنا يكملك بعقلك ياحبيبتي
تقي بقلق : بس يا طنط مايا واخده علي حياة وطريقة عيشه مختلفه عنا ..... حضرتك هتعرفي تتعملي معاها
امل بقلق : والله دا اللي بفكر فيه...... خايفه لما امنعها من تصرفات هي واخده عليه تفتكر اني بتحكم فيها ...علشان قعده في بيتنا
ماجده : خديها برحه يا امل .... وبهدوء كده ابقي فهميها الصح من الغلط وان شاء الله يتصلح حالها...ومين عارف يمكن ربنا عمل كده علشان ينقذها من انها تطلع زي اختها...ان شاء الله ربنا هيهديها
امل تتنهد : يارب يا ابله ماجده
يوصل عماد وشريف:السلام عليكم
الجميع :عليكم السلام ورحمه الله وبركاته
عماد يتلفت حواليه وبعدين يبص لريم : امل فين اصحابك
ريم بابتسامه : روحتهم.... اخدنا العربيه بسواق ....رحنا اشترينا شويه حاجات وروحتهم
عماد بقلق : طيب وصتيهم ياخده بالهم من نفسهم وميخرجوش الايام دي لوحدهم
ريم بابتسامه : متقلقش عليهم .......مافيش واحده فيهم هتروح مكان...... من غير ماعرف...... اصلي بقيت ارقبهم
شريف يضحك : انتي بعتي مخبرين معاهم واللي ايه
ريم بابتسامه : لا برقبهم بلاسلكي
عماد بقلق : لا بجد يا ريم.... انا قلقان علي هاله ( ويبص لكل اللي بصوا عليه وابتسم ).... عليكم كلكم يعني
ماجده بضحك : يا واد ما خلاص.... كلمه الحق طلعت الاول وشكلك طبيت علي بوزك
امل بابتسامه : ربنا يسعدك ويقدملك الخير يا عماد..... وينولك اللي في بالك
ريم بضحك : متقلقش علي عروسه يا دكتور ......كله تحت السيطره زي ما بقولك...... بقيت اعرف كل واحده فيهم مكانها فين..... من غير حتي ما يقولوا ... مرقبهم 24 ساعه
تقي باستغراب : ازاي بقي
ريم بضحك : اصل امبارح كنت قعده بتكلم مع حسن بليل ولقيته بيقولي
( فلاش بك)
ريم ببتسامه : ايه يا ابو علي صاحي لدلوقتي ليه
حسن بخوف : خايف عليكي اوي يا ريم
ريم تقرب وتحضنه : خايف من ايه بس يا حبيبي.... ما انا معك اهو
حسن ينام في حضنها : خايف يخطفوكي..... ومعرفش طريقك اويعمله فيكي حاجه (ويحضنها اوي بخوف ) انا مليش غيرك انتي وماما لو جرلك حاجه بعد الشر.... مش هعرف اعيش من غيرك
ريم بدموع جوه عنيها وتبوس راسه : متقولش كده يا حسن ....مهم حصل انت لازم تعيش وتكمل حياتك وتحقق حلمنا بيك.....خليك دايما متاكد ان ربنا مبيعملش حاجه وحشه...... يعني لو حصل ليا اي حاجه..... فاكيد ربنا عاوز كده ....وليه حكمه فيها ..... ولازم دايما نقول اللهم لا اعتراض.... والحمد الله علي كل حال
حسن بيعيط : بس انا لازم احميكي..... انا اخوكي وانا اللي لازم احميكي .....ولو خطفوكي انا اللي لازم اعرف طريقك وانقذك منهم
ريم بضحك: وهتعرف طريقي ازي يا حضرت الظابط
حسن يبصله: بتتريقي ..... طب لعلمك بقى انا عرف طريقك وهعرف اوصلك مكان ما تكوني
ريم ياستغراب : ازاي بقي
حسن :هجيبلك اي حاجه .... تلبسيها وتكون معاكي علي طول ...... ويكون فيها GPS ....وهنزل البرنامج بتعه علي فوني و اللاب وظبطه ..... وبكده هعرف طريقك
ريم تعقد قدمه باهتمام : ازي يعني مش فاهمه مش ال GPS دا بيبقي في الفون والعربيات بس
حسن : لا دلوقتي.... ممكن يبقي في سلسله أو خاتم أو اي اكسسوار بتستخدميه .....انا بس هروح الشركه اللي بتعملوا و هطلب منهم ياعمل اي اكسسوار ... سلسله مثلا ......وانت متقلعهاش من رقبتك ابدا ..وكده لو اختفيتي انا اعرف طريقك منه ... واوصلك
ريم عجبتها الفكر فتضحك : انت عرفت الكلام دا منين يا قرد انت
حسن بابتسامه : كله علي النت دلوقتي... وانا دخلت كلمت مسؤل المبيعات في الشركه... وقالي اختار الاكسسوار الانت عاوزه..... وهم هيركبه ليه ال Gps..... ويسطبوا الابلكيشن بتاعواغ علي الفون ... و اللي لاب
ريم بابتسامه : طيب افتح اللي لاب.... لما نختار السلسله ..... ونتفق معاهم عاشان ناخدهم منه بكرا الصبح
حسن يفتح اللي لاب...... وريم تختار سلسله..... ويكلمه الشركه وريم تطلب منه 6 سلاسل
#بك
ريم بابتسامه : بس والصبح ...راحت اخدت منهم ست سلسل شكل بعض.....ولبست لهاله ونهي اتنين ...... واتفقت معاهم ماحدش فيهم تشلها من رقبته...... ونزلت الابليكشن علي الا لاب والفون
عماد يضحك : والله حسن دا عبقري..... انا اول مره اعرف المعلومه دي ...وان ال Gps بقي في الاكسسوارات
شريف بابتسامه : الجيل دا غيرنا....... النت والمواقع الإلكترونية بيعرفهم كل حاجه ......ومعلومتهم اكتر من معلومتنا بكتير
في الوقت دا يدخل عمر ومعه مايا.... اللي حطه وشها في الارض بكسوفه ودموع
امل تقوم وتروح عليها و تحضنها بحنان : ازيك يا حبيبتي
مايا كتمه دموعها: كويس الحمد الله
امل بابتسامه : الحمد الله يلا يا حبيبتي...... تعالي الكل قعد مستنيكي
مايا رفعت راسها وبصت لكل بخوف
تفتكره مايا هتتأقلم معهم...... ولا هيكون ايه مصيرها .... وميرنا هتتصرف ازاي بعد القبض علي ابراهيم ...وياتري هتسلم نفسها ...واللي هتفضل في شقه الهرم نعرف الحلقه الجايه ان شاء الله
التعليقات على الموضوع