يكفي ان يحبك قلبها (الحلقة ٥)❤❤
يكفي أن يحبك قلبها
بقلم_ولاءيحيي
الحلقة (٥)
إبراهيم دخل الجنينة .....و معه ميرنا ومايا ...واول ما دخلوا لقوا الكل في الجنينة وبيضحكوا .......و شاف عمر وهو وقف قدم ريم و سرحان .... وميرنا ظهر عليها الغضب وكانت هطق من الغيرة
( مش غيرت حب..... لا دي غيرة انانيه....... هي مابتحبش عمر .... بس شيفه حاجه ملكها...... ازي بقي واحده تفكر تاخد حاجه ملكها )
إبراهيم بغيظ : مساء الخير
عمر و ريم لفو الاتنين علي مصدر الصوت زاي ما لف كل القاعدين
إبراهيم بابتسامه مزيفه : انتم عندكم حفله ولا ايه....... كويس ان احنا جينا دلوقتي يا ميرنا.....اهو نحتفل معاهم
امل قامت وهي مخنوقة ومضايقه........ من ظهورهم المفاجأ..... و رحت لعندهم ومعها شريف....... وعمر فضل وقف مصدوم وبيص لريم....... ريم بصتله ونظرتها بقيت كلها حزن........ و اخدت الايس كريم وبعدت عنه..... ورحت لعند تقي وهاجر وساندي وحسن.... وقعدت معاهم
امل بضيق: اهلا يا إبراهيم ايه المفاجأة دي
إبراهيم بيقرب منها : وحشتيني جيت اشوفك
امل وهي بتسلم وتتريق : طيب قول حاجه تتصدق
إبراهيم بضحك عالية : ظلمني دايما يا امل....... ما انتي عارف انا ما بيمنعني عنك غير الشغل
امل تبصله بضيق : ربنا يقويك يابرهيم.... ازيكم يا بنات عاملين ايه...... ازيك يا مايا من زمان مشفتكيش
مايا بضيق فهي جيه معاهم غصب عنها : I am fine
شريف : ازيك يا خالي عاش من شافك
ابراهيم يقرب ويحط ايده علي كتف شريف : وشافك يا شريف..... ان ما في مره تقول اروح اشوف خالي .... واللي اطمن علي مايا بنته
شريف باستهزاء : كفاية عليك عمر بيطمن يا خالي.... واهو وبيطمنا
إبراهيم بضحك: وانا عاوزك انت وعمر يا ابن اختي...... هو انت هتلقي احسن مني فين
( ويبص لعمر.....اللي عمر وقف سرحان وعينه علي ريم..... اللي بعدت عنه وقعدت واديته ظهرها..... وإبراهيم لاحظ نظراته ) بتبص فين يا عمر...... احنا هنا ايه مش ها تسلم علينا ...... طب لو مش ها تسلم عليا...... سلام علي خطيبتك...
عمر يقرب بضيق : اهلا يا خالي..... ازيك يا ميرنا
ميرنا تقرب منه وتقف تقريبا في حضنه
ميرنا بدلع : زعلانه منك ومخصماك ..... مسالتش عليا طول الاسبوع الفات ..... ايه موحشتكيش....( وتحط راسها علي صدره) كل يوم اقول النهارده هيسأل النهاردة هيجي .... لكن انت مسألتش والا جيت ......وكل يوم انام معيطه عشان انت نسيني
عمر يبعدها عن حضنه ويبص ليها بضيق : معلش كنت مشغول
ميرنا تمسك ايده تاني وتنام علي كتفه : خالص سامحتك بس لازم تعوضني..... وتخرجني النهارده نتعشا ونسهر .....
عمر بضيق : ان شاء الله .....بس مش النهارده لأني تعشيت خلاص
ابرهيم بغيظ : هو احنا هنفضل واقفين هنا ولا ايه ......
( ويمشي لمكان مع ريم وكلهم قاعدين وتروح وره امل وكل اللي معاهم ويقرب منهم ..... فا ريم وقفت والكل عمل زيها ) ابرهيم : مش تعرفونا علي ضيوفكم
امل بضيق : ضيوف مين يا ابرهيم .......احنا معندناش ضيوف دول اصحاب البيت
ابرهيم بتريقه : اصحاب البيت بردك مافيش فايدة... مش هتتغيري يا امل هتفضلي طول عمرك....... طيبه
ابرهيم يبص على ريم بغيظ وقرف :بس دا في وجهه جديدة ( ويبص لأمل) امال ليه بتقولي ما فيش ضيوف
تقي تقف جنب ريم : دول مش ضيوف..... دول ولاد عمي عبد الرحمن يا انكل
ابرهيم باستهزاء : بجد هو انتم لقيتهم
امل تقرب من ريم وتقف جمبها وتبص لبرهيم بشده
امل بغضب : الحمد الله الشمل اتلم من تاني يا ابراهيم..
ابرهيم يعقد : ااااه الشمل .وهو فين عبد الحميد ومديحه ... مش شايفهم يعني
(الكل يعقد وريم حسه بخانقه..... وهي شايفه ميرنا مسكه في ايد عمر...... وزاد خنقتها...... من برود ابرهيم واستفزازه )
شريف بضيق : عمي عبد الحميد وعمتي مسافرين بره
ابرهيم بتريقه : اه هو يروح يتفسح هو ومراته.. ويقعدك انتي بولادة وولاد اخوه.....ايه يا امل انتي بقيتي داده
تقي بغضب : دا علي اساس ان احنا اطفال .....وعاوزين نرضع ولا عاوزين حد يغير لينا ...... احنا كبار يا انكل وقاعدين في بيتنا.......
ابرهيم يمد ايده و يأخذ من الايس كريم اللي علي التربيزا ويأكل
ابرهيم بتريقه : بيتكم والله حاجه حلوه اوي
امل بضيق شديد : خير يا ابرهيم ايه اللي فكرك بينا
ابرهيم بغضب : هنتكلم كده قدام الناس الغريب عاوزين نقعد احنا وأولادك لوحدينا من غير ما يكون في حد غريب وسطينا
ريم ضايقت وتكسفت..... وحس بيها الكل..... من وشها التغير
عمر بغضب وزعيق : احنا معندهاش حد غريب يا عمي....... ولو حضرتك حبب انك تكلم مع ماما بينك وبينها كأخوات.... فاتفضل في شقتنا فوق ..... احنا اللي نطلع ونمشي مش حد تاني
ابرهيم باستهزاء وهو بيقف : وماله يأبن اختي...... نطلع احنا فوق مع اني مبحبش كتمه الشقق ....... تعالي يا ميرنا نطلع وانت يا عمر هات امك واخوك وتعالوا ورايا .....
ميرنا بغيظ تبص لمايا اللي اندمجت مع فيلم الكارتون : يلا يا مايا نطلع
مايا بحزن : لا انا هقعد استنكم هنا
امل بابتسامه : كملوا انتم الفيلم يا ولاد لحد ما نرجع (وتحط ايدها علي كتف ريم وتبتسم )حقك عليه يا ريم..... بس وحياتك لجبيلك حقك...... خالي معاكي ساندي علي ما ارجع
ريم تبتسم ليها : حاضر يا طنط
عمر يمشي ......وهو يبص علي ريم...ونفسوا ترفع وشها وتبص في عينها...... كان نفسه يعرف هي بتفكر في ايه..... بس ريم كانت بتبص بعيد عنه........ عشان ما يشوف دموعها اللي متجمعة في عينها من لما شافت ميرنا ......
يطلع ابرهيم وميرنا فوق لشقه....... مع امل وعمر وشريف
امل بضيق : في ايه يابرهيم ايه اللي جابك خير
ابرهيم بغضب : هيجي منين الخير....... وانتي فتحه بيتك لكل من هب ودب لا وايه بتكتبوا ليه املاكم
عمر بضيق : تقصد مين يا خالي
ابرهيم بنرفزة : قصدي القاعدين تحت يا ابن اختي...... طيب عبد الحميد وقولنا ماشي....... اهو جوز عمتكم....... لكن يروح يجيب ولاد اخوه ويقعدوا هنا معاكم ... لا وايه يكتب ليهم كمان نصيب في الفيلا
امل بعصبيه : حقهم ...... وبعدين احنا مالنا دي فلوسهم . محدش خد مننا حاجه ( وتسكت شويه وتبصله باستغراب ) وهو انت عرفت منين ان كتبلهم تمليك..( وترجع تبصله بغضب). انت بترقبنا يا ابراهيم
ابرهيم بعصبيه : اسمها بطمن عليكم يا امل........ ومش سيبكم لوحدكم للغرب يأكلوكم ....... باخد بالي علشان محدش يضحك عليكم ويأخذ فلوسكم........... عبدالحميد طول عمره بيسرقكم........امال انتم فكرين كل اللي عندوا دا جابوا منين........ دا كان شحات....... تقدروا تقوليلي وصل للهو فيه دا ازاي ..... مش من فلوسكم.... طول عمره بيسرقكم
شريف بعصبيه : عمي عبد الحميد عمره ما خد حاجه مش من حقه... فلوسه من شغله وتعبه........ عمي عبد الحميد شريك لبابا الله يرحمه في الشركة من اول ما اتفتحت ....... ووقفه سووا ايدهم في أيد بعض...... لحد ما كبروا وكبروا الشركة
ابرهيم باستهزاء : ااااه شريك........ ما دا هو الكلام الفارغ اللي امكم فهمته ليكم.. مهي هبله طول عمرها
عمر بغضب : خاااااالي ....... انا مسمحش لحد يغلط في امي .......حتي لو اخوها
ميرنا تقرب من ابرهيم وتغمز ليه : اهدي يا بابي..( وترح لعمر وتمسك ايده) اهدي يا عمر يا حبيبي...... بابي خايف عليكم...... وعاوز يحميكم من اللي يسرقكم
عمر بغضب يشد ايده منها : احنا مش محتاجين حماية من حد ...اظن لا انا ولا شريف صغيرين..... عشان يتخاف علينا .....احنا رجال أعمال ولينا اسمنا ...ومحدش يقدر يسرقنا
ابرهيم بضيق : يعني الحق عليا اللي عاوز مصلحتكم......... عبد الحميد دا كان شحات....... محلتوش حاجة.......... ولما رح لأبوكم هو الساعدة وشغلوا عنده
امل بغضب : عبد الحميد مكنش بيشتغل عند محمد........ عبد الحميد كان شريك وليه نسبة في الشركة........ وهو اللي وقف جمب محمد وساعدوا........ لما لقه مش عارف يكمل المشروع....... وادله فلوسه وفلوس اخوه عبد الرحمن........ ووقفوا سووا وبنوا الشركة وهم كتفهم بكتف بعض
ابرهيم بغضب : بقي الملليم اللي دافعها ...... تعمل كل الفلوس اللي عندوا دي...... دي بقي عنده ملايين من السرقة كان بيسرق محمد ولسه بيسرقكم....... ادوله فلوسه اللي دافعها.... ويخرج من الشركة وانا هدخل شريك مكانه
عمر بنرفزة : عمي عبد الحميد عمره ما خد قرش مش حقه... واللي نصيب مش بتاعه........ حتي الفيلا دي ......يوم معملها هو وبابا اتقسمت فلوسها علي التلاته( بابا وعمي عبد الحميد و ولاد عمي عبد الرحمن) ودفعه زي بعض بظبط........ بابا و عمي عبد الحميد عمرهم ما اتعملوا......... غير علي انهم اخوات مش ولاد عم
ابرهيم باستهزاء : ضحك عليكم...... عبد الحميد ضحك عليكم...... زاي ما ضحك علي ابوكم وامكم......و بكرا تعرفه الحقيقة ....وتقولو خالي ابراهيم قالنا ونصاحنا
ميرنا بضيق : خالص يا بابي انت قولتلهم..... وهم حرين خلينا في المهم بقي
امل باستهزاء : وايه هو المهم يا ميرنا
ميرنا وهي بتميل علي عمر وتحضن دراعه :فرحنا يا انطي....... فرحنا كمان شهر........ واحنا لسه مجهز ناش حاجه
عمر انصدم وافتكر....... انه المفروض هيتجوز ميرنا كمان شهر........ وحس انه مخنوق .......ومضايق من قربها ليه...... وبقي بيبص لأمل وشريف عشان ينقذوه ...... بس هم واقفين و سكتين..... مش عارفين يقول ايه ......لان خطوبته لميرنا...... كان قراره هو
ابرهيم بغيظ : انا كنت مستنيكم انتم اللي تيجوا ...... علشان نتفق علي التفاصيل....ولما ما جيتش قولت اجي انا ما انت ابني برده ( ويعقد ويحط رجل علي رجل) انا جي عشان نشوف الفيلا اللي هتجوز فيها جهزت واللي لسه .......ونشوف هنعمل الفرح فين
ميرنا بدلع : انا عاوزه فرحي في اكبر واجمل مكان في مصر
عمر بغضب : احنا هنأجل الفرح شويه
ميرنا وقفت بعصبيه :نأجل ليه ....... انا مش هأجل الفرح ....... فرحنا هيتعمل في ميعادوا
عمر بتريقه : خلاص ابقي روحي احضري الفرح لوحدك
ابرهيم بغضب : عاوز تأجل ليه يا عمر
عمر بضيق : لان عمي عبد الحميد وعمتي مديحه مسافرين مع طنط فاطمه للعلاج....... ومش هيرجعوا دلوقتي هيقعدوا فتره هناك...... لما يرجعه بقي نبقي نحدد معاد تاني
ميرنا بغضب : واحنا مالنا بيهم يرجعوا واللي عنهم ما رجعوا الفرح يتأجل ليه
عمر بغضب يقف قدمها : عشان دول اهلي......طنط مديحه عمتي الباقية ليه من ابويه....... وعم عبدالحميد هو اللي مربياني وانا مش هتجوز وهم مش موجودين معايا
ابرهيم بغضب : احنا مش تحت امرك يأبن اختي...... عشان تأجل علي مزاجك...... احنا كمان مش فاضين
عمر : خالص لما تفضو انتم كمان...... ونلقي وقت مناسب لينا كلنا نبقي نحدد
ميرنا بغضب : ايه الكلام الفارغ دا يا عمر........ انا مش موافقه علي التأجيل....... انا كل اصحابي عرفوا اني هتجوز الشهر الجاي..... وعملوا حسابهم وجهزوا فلازم نتجوز الشهر الجاي
عمر بغضب : انا مالي ومال اصحابك يعرفوا واللي مايعرفوش...... وجهزوا والي مجهزوش...... انا مليش دعوي بصحابك ......انا اللي هتجوز مش هم ......ولو مش عاوزه تأجيل يبقي نلغي خالص ... ويبقي احسن
( طبعا امل وشريف في اللحظه دي كانت فرحتهم كبيره جدا..... لدرجه ان الابتسامة ارتسمت علي وشهم من السعادة )
ابرهيم بغضب : انت اكيد اتجننت........ انت عاوز تسيب بنتي قبل الفرح بأسابيع........ انت عارف الناس هتقول ايه ....
عمر : ايو عارف...... بس كده احسن ليها.... انا مش هعرف اسعدها..
ابرهيم يوقف بغضب : قومي يا ميرنا ......( ويبص لعمر بغضب) بس انا مش هسكت انا ليا تصرف تاني.... وهدفعك تمن عملتك دي غالي اوي
وخرج ابرهيم غضبان وخد بناته ومشي
شريف بفرحه وهو بينط علي عمر : ااااايوه بقي ...... ابوسك اخير خلصنا منها
عمر بابتسامه : لدرجه دي فرحان اني مش هتجوز
امل بفرحه : احنا فرحانين انك مش هتجوز حد ميستهلكش يا حبيبي
عمر بابتسامه : طب يلا ننزل نكمل السهرة
امل بابتسامه : يلا يا حبيبي.......
عمر وامل نزله لقي حسن وتقي وهاجر ..... هم اللي قاعدين يكملوا الفيلم .....و ريم وساندي مش موجودين
امل باستغراب : فين ريم وساندي
تقي : ريم قالت انها تعبانه وعاوزه تنام....... وساندي شبطت انها تنام معاها....... فأخدتها وطلعت...... وقالت اقولكم ان ساندي هتنام عندها النهارده
عمر علي قد ما فرحا..... ان ساندي متعلقة بريم..... لدرجه انها لأول مره هتنام بعيد عنه....... بس زعل ان ريم طلعت وهي مضايقه....... وكان حابب يعقد معها ويحكي ليها حكايته...... ويعتذر ليها
ريم طلعت وهي مضايقه...... ونايمه ساندي وهي فضلت قعده جمبها وتمسح علي شعرها بحنان....... وبقيت قعده مضايقه من كلام ابرهيم....ومن ميرنا ومضايقه من نفسها اكتر حاجه......لأنها سابت مشاعرها تتعلق بعمر ..... هي مش فهمه طبيعة مشاعرها... و ايه اللي خلها تضايق ..... اول ما شافت ميرنا وهي مسكه ايد عمر...... مكنتش عارفه تحكم علي مشاعرها بس كل العارفة انها لازم تبعد عن عمر .....
ريم لنفسها : لما انت خاطب وهتجوز..... تتقرب مني ليه عاوز ايه ......معقول شايف اني بنت من اياهم..... و ممكن تلعب بيه وبمشاعرها....... بس لا انا مش هسمحلك ولازم اعمل حدود بينا..... وهبعد عنك
ريم فضلت تكلم وتحاسب نفسها لحد ما نامت من التعب
وتاني يوم كان عمر وشريف وحسن رحو يصلي الجمعة
وتقي وهاجر بليل كانوا طلعه نامو عند ريم
ريم وتقي نايمين علي السرير...... وهاجر وساندي دخلين بشويش ويتسحبوا...... ومعهم كيس كبير مليان بلالين فيها مايه...... وقربوا من ريم وتقي وهم بيتسحبوا .....وبدأه يحدفه عليهم البلالين وهم نايمين...... وغرقهم مايه....... ريم وتقي قاموا وهم يصرخوا وبينطوا علي السرير من المياه وساندي وهاجر عملين يضحكه
ريم : ااااه حرام عليكم كفاية
كده يا ساندي
تقي : والله لموتك يا هاجر بطلو بقي غرقنا
هاجر وساندي... بعد ما خلصه المياه خرجه يجري
تقي وريم نزله جري هم الاتنين وهم بيجري ورهم........ امل طلعت علي صوت صراخهم ........وضحك هاجر وساندي وريم وتقي عملين يجري ورهم........ امل خبطت ففتحت ليها ريم وهي غرقانه مايه
امل : ايه دا ايه العمل فيكي كده
ريم بغيظ : اتفضلي يا طنط دي هاجر وساندي
هاجر بتضحك : انا غرقتهم مايه بلبونه
تقي بنرفزة : فرحانه بس امسكك وانا هموتك تعالي هنا وفضله يجري تاني وامل تضحك
امل : وساندي فين
ريم بصت تحت الكنبة
ساندي بضحك : مستخبيه من ريم
ريم : اتفقت معها عليه يا ساندي احنا مش متفقين ان انا وانتي عليهم كده تتفقي مع جوجو
ساندي : ما انتي نايمه ومش عاوزه تصحي
امل. بضحك : روحوا غيره هدمكم لتبرده..... وانتي تعالي يا قرده أغير ليكي
ساندي طلعت واول ما طلعت مسكتها ريم ........وفضلت تزغزغ وتعض بطنها وهي تضحك وتصرخ
ساندي بضحك : خالص خالص يا ريم مث هعملها تاني
ريم بضحك : يعني حرمتي
ساندي : حرمت
ريم : طيب قومي غيري بسرعه
امل خدت ساندي تغير لها وتقي كانت مسكت هاجر وفضلت تقرص وتزغزغ فيها .......وبعدين نزلوا يغيروا وريم دخلت اخدت شاور وصلاة وغيرت هدومها....... وبقيت مش عارفه تعمل ايه هي مش عاوزه تنزل وتقابل عمر
الباب خبط رحت ريم تفتح
حسن : سلام عليكم
ريم : عليكم السلام تقبل الله
حسن : منا ومنكم قعده هنا ليه....... طنط مستنياكي بتقولك انزلي عشان...... يتصلوا علي عمي عبد الحميد
ريم بفرحه : طيب يلا عشان اطمن علي ماما
وتنزل ريم وتجري عليها ساندي فتمسك ايدها وتروح مكان ما هم متجمعين ....... بس تحاول متبصيش لعمر اللي اول ما شافها فضل مبتسم وعينه عليها
امل : اتأخرت ليه يا حبيبتي
ريم : كنت بصلي يا طنط
امل بابتسامه :تقبل الله يلا يا عمر اتصل علي عمك نطمن عليهم
اتصل عمر واطمن عليهم وكلامهم كلهم...... وريم فضلت للأخر وكلمت مامتها واطمنت عليها .....وفضلت توصيها تاخد بالها من صحتها وقفلت
ريم : الحمد الله
امل : يارب يكمل شفاها علي خير .....وترجع بألف سلامه
ريم : اللهم امين
شريف : هاااا ناوين تعاملوا ايه النهارده
حسن : انا هطلع البس وهروح التمارين
ريم بقلق : لوحدك
شريف : لا متقلقيش انا هكون معه
حسن وهو بيعقد جمبها : ما تيجي معنا يا ريموا وتشوفيني وانا بتمارن وشوفي اخوكي وهو مبهدلهم كلهم
ريم تضحك :و لو خسرت بقي...... تكسفني
حسن : عيب عليكي انا حسن ابو علي
تقي بضحك : خالص تعالوا نروح معهم ونشاجعه
هاجر : وانا روح عاكم
ساندي : وانا كمان
عمر : طيب ما نروح كلنا...... واهو نتغدا هناك ايه رأيك يا ماما
امل : ماعنديش مانع انا عاوزه اشوف حسن وهو بيلعب
حسن بفرحه : بس تشجعوا بقوه
تقي : هنظبتك متقلقش
شريف : طيب يلا الكل يطلع يلبس
وطلع الكل يجهز عشان يروح النادي
ريم لبست ترنج نيك رياضي........ عباره عن تشير طويل لحد الركبة نبيتي في رصاصي وبنطلون رصاصي وكوتشي وطرحه رصاصي...... ونزلت هي وحسن وفاتت علي تقي وهاجر واخدت هاجر...... ونزلت لان تقي ماكنتش خلصت
ريم كان كل اللي بتفكر فيه....... انها تركب العربية مع شريف وحسن..... مش مع عمر..... لما نزلت عمر كان لسه منزلش ......وشريف وقف يضبط العربية
ريم : يلا يا جوجو بسرعه...... نركب العربية ونحجز مكان قبل ساندي وتقي
فرحت هاجر و مسكت ايدها ......وجريت زي الاطفال وفتحت عربيه شريف وركبوا
شريف : مالك يا جوجو بتجري ليه
هاجر بضحك : بحجز مكان قبل تقي وساندي..... اركبي ريم بسرعه
شريف ضحك وفتح الباب : اركبي يا ريم بسرعه
في الوقت دا .......عمر كان نزل و ماسك ايد ساندي ........ وشاف شريف وهو بيضحك مع ريم........ و بيفتح ليها باب العربية وهي ركبت....... فكان هايتجنن ونزل هو وساندي بسرعه
ساندي : هركب مع ريم ورحت تجري (لشريف اللي شالها بضحك وحدفها لفوق )
شريف : هتركبي معايا اخد بوسه كبيره جدا الأول ( ساندي باسته اوي).........اااااخراشي دا انتي لو عاوزه....... تسوقي العربية هتسوقي
عمر بضيق : انتي هتركبي معايا يا ساندي
ساندي بزعل : لا هركب مع ريم
عمر يقرب من باب ريم : ريم تعالى اركبي معانا ......علشان ساندي
هاجر مسكت دراع ريم اوي : لااااااا ريم اركب مع جوجو
ريم بصه لساندي : هاتها معانا متقلقش عليها
في الوقت دا نزلت تقي وامل
تقي : ايه النداله دي واسعوا شويه
هاجر بتغيظها : فيش مكان اركبي وحدك
تقي : بقي كده طيب... ام وريتكم..... تعالي يا ساندي معايا انا
ساندي بزعل وهتعيط : لا هروح مع ريم
امل بضحك : ركبها يا عمر معاهم احسن مش هنخلص
عمر كان هايتجنن وعاوز ينزل ريم ويأخذها معه
شريف : ما تجيب البت يا عم هو احنا هناكلها ( ورح شايل ساندي من عمر) خديها يا ريم جمبكم اركب.يا حسن يلا يا عمر خد ماما وتقي
تقي تمشي بغيظ : ماشي ماشي افتكروها
ويروح عمر علي عربيته........ وهو غيران ويتحرك بالعربيات ويوصله النادي ويروح المدرجات مع شريف......... وحسن نزل التمارين......... وريم لقيت فيه ناس كتير موجوده بتتفرج
شريف : يلا اقعده عشان نتفرج .........دخلت تقي فدخلت ورها ريم وهي شايله ساندي....... وعمر جي يدخل ورها عشان يعقد جمبها
هاجر : لا انا قعد جمب ريم ( ورحت شده عمر ودخلت هي وعمر اتغاظ ) .امل بقيت بتضحك علي عمر اللي مشاعره واضحه ليها ......وحسه بكل اللي بيدور جوه
شريف : عمر روح اقعد جمب تقي.من الناحية التانيه ........وانا هقعد من هنا عشان محدش يضايقهم
عمر : تمام اتفضلي يا ماما ( عمر وهو بيلف سمع صوة)
مايا : عمر مش معقول بتعمل ايه هنا
عمر : ازيك يا مايا....... جي مع العيلة نتفرج علي حسن في التمارين
مايا : مين حسن
عمر : حسن ابن عمي الهناك دا....... مش انتي شوفتيه امبارح في الفيلا
مايا : اممممم ماخدتش بالي......... دي طنط امل هنا وكمان شريف
عمر : كل العيلة هنا........ يلا اسيبك وروح اتفرج
( ويروح عمر ويعقد جمب تقي وكل شويه يبص علي ريم اللي بتضحك مع ساندي وتشاجع اخوها )
ميرنا : عاوزه ايه بتتصلي ليه....... مش عارفه اني نايمه
مايا: قولت اساعدك..... عشان صعبتي عليه بعد البهدلة اللي بابي بهدلها ليكي امبارح
ميرنا : تساعدينني ازي يا فالحه
مايا : عمر وعيلته كلها هنا في النادي....... وفي ملعب كوره القدم بتتفرجو ا علي واحد اسمه حسن قريبه بتمارين
ميرنا قامت قعدت : طيب اقفلي انا جيه
فضلوا بيتفرجو ..... وحسن كان هايل وحماسه زاد بوجود عيلته........ وكل اللي كانوا يتفرجوا عليه لفت نظرهم........ وبقي يساله مين دا ........ريم كانت كل ما تبص ل تقي تلقي عمر بصص ليها........ بس عملت نفسها مش واخده بالها وهو كان نفسه يتكلم معها......... لان حس انها بتهرب منه
وبعد ما التمارين خلص والكل وقفوا يسقفوا
شريف : تعالوا نرح نعقد برها ونطلب اللي غدا علي مع حسن يغير ويجي
تقي : ايوه يلا احسن انا جعانه اوي
هاجر : انا عاوزه بيتزا
عمر : يلا نروح ونجيب كل اللي عاوزينه
ووهم ماشين ريم كانت مسكه ايد ساندي...... و طالعين السلالم فعمر قرب منها .......ومسك ايد ساندي التانيه فريم بصت عليه لقيته بيبص ليها بحب ومبتسم ........ فكسفت وحطت وشها في الارض وطلعت
شريف بيقرب من امل..... وبيبص علي عمر وريم : هو اللي انا شافوا وحسه بجد واللي تهياءات
امل تبتسم : امال انت فاكر عمر ساب ميرنا ليه
شريف : ااااه ......وعشان كده قولتي قدامه انها عروسه ليا........ ااااه منك يا امول مش سهله انتي
امل بضحك : المهم بس تكمل علي خير .......ويتكلم معاها احسن ريم لسه متعرفش انه ساب ميرنا.... وشكلها زعلانه من امبارح .......وطول اليوم بتهرب منه....... وهو هايتجنن عاوزين نخليهم يتكلموا لوحدهم.
شريف : سبيها عليا دي هظبطها
امل مسكه ايده وطلعه : لما نشوف
بس قبل ما يخرجه من المدرج....... لقي ميرنا قدامهم واول ما شافت عمر و ريم طالعين وبنهم ساندي ........اضايقت وقررت لازم تبعدهم .......ومش واحده زي ريم تأخذه منها وافتكرت بابها وهو بيقول لها ........ (وعمله فيها البت اللي هجيبوا علي ملي وشه......... ومافيش زيها وتيجي ......حتت بت متساوي اربع قروش...... تأخذوا في لحظه طلعت اشطر منك) .....ميرنا قربت منهم وتعلقت في ايد عمر
ميرنا : عمر حياتي سوري اتأخرت
امل وشريف انصدموا ..... وبقي مش فاهمين ميرنا تقصد ايه بتأخرت عليك...... عمر سابها قدمهم امبارح
ريم اضايقت....... ورحت سايبه ايد ساندي....... وراحت تحصل تقي وهاجر...... اللي كانوا سابقهم....... بس ساندي سابت ايد عمر ........وجريت ورا ريم...... وعمر كان هيعمل زي ساندي....... بس ميرنا....... مسكته وهو كان هايتجنن..... وهو شايف ريم بتبعد عنه
عمر بضيق وغضب : اتأخرتي علي ايه يا ميرنا........ هو احنا كنا اتفقنا أن احنا نتقابل ....... احنا مش سيبنا بعض امبارح واللي موضوع انتهى
ميرنا تقرب منه بدلع : انت قولت يا نأجل الفرح........ يا نسيب بعض ........وانا ماقدرش ابعد عنك يا حبيبي.. وهفضل معك .......وهستني لما انكل عبد الحميد وطنط مديحه يرجعوا...... ونعمل فرحنا انت كان عندك حق ماينفعش.......... نتجوز وهم مش موجودين
شريف و امل كان وقفين قريب.... وسمعه كل الحصل
شريف بصوة واطي متسمعوش غير امل : يابنت اللي لئيمة( ويبص لأمل) البت دي مش سهله ........وزي ما اخدنا بالنا من عمر وريم....... هي اخدت بالها ومش هتسيبهم
امل بحزن : ريم كده فهمت اخوك غلط ....اكيد بتفكر انه بيلعب بيها......... ومش هتديله فرصه يكلمها
عمر كان وقف مصدوم .......مش عارف يقول ايه لميرنا
ميرنا تقرب منه وتحضن ايده : ماتسبنيش يا عمر........ انا علي طول لوحدي......... ومليش غيرك وهعمل كل ال يعجبك ويرضيك ..........انا قولت لبابي امبارح اني مقدرش اعيش من غير عمر........... انا اموت نفسي لو بعدت عني
عمر لما قالت اموت نفسي.......... افتكر فرح وازي ضحت بحياتها عشان....... يقرب منها ويحبه........ وماتت بعد ما جابت ساندي........
طبعا ميرنا كانت عارفه ايه الحاجه........ اللي عمر هيخاف يعيشها تاني .. وكانت قاصده تفكره وخوفه انها تعمل زي فرح
امل وشريف كمان فاهمين لعبت ميرنا وبصوا لبعض بضيق
ميرنا تبص لامل وشريف ورحت سيبه ايد عمر
ميرنا : انطي حبيبتي......... ايم سوري علي الحصل امبارح انا
مليش دعوي ببابي...... انا كل اللي يهمني عمر وانتم وب.. (وتبص لعمر) يلا نلحق ساندي........ و العيلة وتقعد معهم
ورحت راجعه ومسكه ايد عمر وخدته ومشيت
ريم مشيه مضايقه وبتكلم نفسها : بيتسلي بيا .........فكرني لعبه بيلعب بيها و خطبته مش موجوده..... بس انا الغلطانه .ولازم وقفه عند حدود ويعرف مين ريم
ويروحه يعقده علي التربيزا ...ويحصلهم عمر وميرنا وامل وشريف
ميرنا : هاي ازيكم
وتقرب من ساندي اللي قعده علي رجل ريم....... وتحاول
تشيلها بس ساندي تصرخ ......وتستخبي في حضن ريم
ميرنا لريم بضيق : ممكن تسبيها عشان ابوسها
ريم بضيق : انا مش مسكها...... هي اللي مسكة فيا
ميرنا بتشد ساندي بالعافيه...... وساندي بتصوت ومسكه في ريم
امل : خلص يا ميرنا سبيها...
عمر بضيق : سبيها برحتها يا ميرنا...... ساندي مابتحبش حد يبوسها بالعافية
ميرنا بغيظ : انا عاوزه اقرب منها بس ريم مسكها
شريف بضيق : ريم مش مسكها....... هي اللي مسكه ريم... وخلاص سبيها..... هي مش عاوزه تجيلك
امل بغضب : ميرنا اقعدي بقي ......الناس بتبص علينا
ميرنا تعقد متنرفزة .......وتمسك ايد عمر وتقعده جمبها....... وهو عينه علي ريم....... اللي مش بتفكر تبص عليهم........ وراح شريف قعد جمب ريم........ ودا جنن عمر
قعده شويه يتكلموا كل اتنين سووا......... وطلبه الغدا .......وساندي رجعت طبيعية....... بس قعده علي رجل ريم وتلعب ... وريم بدأ تقلق لتأخير حسن و شريف حس انها قلقانه ..... فقرب منها
شريف : مالك يا ريم
ريم بخوف : حسن أتأخر اوي انا قلقانه عليه
شريف : تحبي تقومي نشوفه
ريم : ياريت لو سمحت
وتقوم ريم مع شريف .. وتدي ساندي لامل .....ووهم ماشين
عمر بضيق وغيره : علي فين يا ريم
ريم بصتله بس قبل ما ترد رد شريف
شريف وهو قاصد يغيظه : هنروح نتمشى شويه ( ويغمز له وهو قاصد يغيظوا )...يلا يا ريموا
ميرنا حست بغيرة عمر
ميرنا بخبث : شريف شكله معجب بريم ..وهي كمان شكلها معجبه بيه... عارف احنا ممكن نتجوز كلنا سووا في نفس اليوم
عمر غار زياده... وبقي عاوز يروح ورهم ويرجع ريم
ريم وشريف ماشين....... وريم بتفكر ومضايقه
شريف : متقلقيش تلقيه وقف....... مع زميله بيرغي
ريم : انا قلقانه بس ليكون بيدور علينا ........ومعرفش مكانا
شريف بضحك : انتي محاسسني انه ابنك مش اخوكي
ريم بابتسامه : هو فعلا ابني......من بعد موت بابا الله يرحمه انا اللي بقيت مسؤوله عنه
شريف : عارفه انتي وعمر متشبهين جدا علي فكره
ريم اضايقت لما جاب سيرة عمر
شريف : بس عمر اتغير بعد اللي حصلوا .......... وبقي فريسه سهله لميرنا اللي ظهرت وقت صدمته واستغلتها عشان تقرب منه وتخليه يتجوزها ( ويقف ويبصلها ) بس من اول ما ظهرتي انتي بدأ يرجع عمر بتاع زمان ... انتي عارفه انه فسخ خطوبته من ميرنا امبارح
ريم بصتله بصدمه : ازي هي معاه النهارده ......وواضح انهم كانوا متافقين يتقابلوا
شريف : لا خالص دي جيه علشان ......تكمل استغلال ليه.......... عمر فسخ خطوبته منها امبارح ........قدمنا ( ويبصلها)....... هو انتي تعرفي حكاية عمر ومين مامتها لساندي
ريم تهز راسها بنفي
شريف: انا هحكيلك يمكن تلقي حل يساعدنا
ونسيب شريف يحكي لريم
بس ياترى ريم هتعمل ايه لما تعرف وياتري هتفضل مصممه علي البعد عن عمر
التعليقات على الموضوع