يكفي ان يحبك قلبها (الحلقه ٨)❤❤
يكفي ان يحبك قلبها
بقلم_ولاءيحيي
الحلقه(٨)
ريم دخلت الجنينه....... وهي مسكه كلب شكله جميل...... ساندي اول ما شافتها صرخت .......من الفرحه ونزلت جري من علي رجل امل 😲
ساندي وقفت قدم الكلب وفضلت تلمسوا......ريم نزلت لمستوها وبستها في خدها .......واديتها السلسل بتاعت الكلب.....
ريم بابتسامه : كل سنه وانتي طعمه وجميله وزاي السكر يا سوني ......العمر كله ليكي يا حبيبتي
ساندي بفرحه تحضنها: حلو اوي ريم و زاي سيمبا
ريم بضحك : ما انا ملقيتش عندهم سيمبا........ بس لقيت دا قولت انت هتحبيه
ساندي تحضن الكلب بفرحة : انا بحبه اووووي
تقي تقرب منهم :الله دا حلو اوي
هاجر بخوف: انا خاف
ريم مسكت ايدها : لا يا جوجو دا جميل تعالي (وخليتها تلمسه)
شريف بيلمس الكلب ومبسوط :الله .......انا كان نفسي في كلب من زمان .....بس ماما كانت بترفض 😔
ريم تبص لامل اللي واقفه مربعه ايدها : امممممم..... شكلنا كده هنرجعوا ( وترفع كتفها لامل وهي بتقول) دا بوبي صغنن
امل بضحك: دا كله صغير
ريم بضحك : ما حضرتك مش عارفه هي كانت طلبه ايه
عماد باستغرب :ليه هي كانت طلبه حاجه غير الكلب
ريم بضحك : كنت طلبه الاسد سيمبا
عمر بضحك: ومالقيتيش الاسد واللي ايه
ريم ببتسامه : لا أصله شحح من السواق
ماجده بقلق : بس انا خايفه يعوضها....... او يجيب امراض
ريم بابتسامه : اطمني يا عمتو انا اخدته العياده البيطريه قبل ما اجي........ وكشفوا عليه.... واخد تطعيماته كلها
ماجده باستغرب : هي الكلب بتاخد تطعيمات زاي العيال الصغيره
تقي بضحك : طبعا يا خالتوا مش روح....... وهيعيش معانا لازم يكون مطعم
ساندي تاخده وتجري بيه وهي مسكه السلسله
شريف يجري وراها : استني انا هلعب بيه الاول
تقي وهاجر..... يجروا معاهم
عماد بابتسامه : جميل اوي..و ساندي فرحت بيه (و بص لريم) بتعرفي ازي تفرحيها ياريم
ريم بابتسامه : ساندي فرحت البيت كله .... ولازم تفضل مبسوطه وفرحانه
ماجده تقرب وتحضنها :ربنا يسعدك يا حبيبتي......
يرجعوا كلهم يعقدوا مكانهم......... وريم لسه هتروح معاهم لقيت عمر بيقرب منها و بيبص ليها وبصوت واطي
عمر بيتصنع الزعل والغضب : اخر مره تعمليها انت سامعه
ريم باستغراب :هو ايه؟ انا عملت ايه
عمر يبصلها بحب : تقلقيني عليكي كده وتخرجي من غير ماتقولي رايحه فين .....وكمان مش بتردي علي الفون...... ( ويبص ليها اوي ويبتسم) انا كنت هتجنن
ريم اتكسفت وابتسمت : وليه القلق دا كله .......دي هي ساعه اللي اتاخرتها ...... وبعدين كنت حبه افرح ساندي وجيب ليها الهديه اللي تسعدها
عمر بابتسامه : يعني انتي علشان تفرحي ساندي ......تجنني ابوها
ريم بكسوف : وهو يتجنن ليه يعني
عمر يتصنع الاستغراب : ليه هو انتي ماتعرفيش....هو يتجنن ليه
ريم بضحك : لا معرفش
عمر يتنهد ويقرب منها ويبص ليها بحب : اصلوا بيموت فيكي .......وبيحبك اووووي ....وبيخاف جدا لما بتغيبي عن عينه
ريم كانت واقفه ومش مصدقه اللي بيقوله....... وانه اعترف بحبه ليها....... فضلت واقفه دقيقه.... ورحت جري من قدامه
عمر بينادي عليها وبيضحك : طب ايه ريييييم .....استني بس هقولك....مش هتردي على اللي قولته
ريم تطلع تجري علي شقتهم......... وهي مكسوفه وقلبها بيدق ودخلت شقتهم...... لقيت حسن بيذاكر
حسن بقلق : مالك يا ريم بتجري ليه..... ووشك احمر ليه كده انتي تعبتي تاني
ريم تبتسم : لا يا حبيبي انا كويسه اخبار المذاكره ايه
حسن بضيق : اهو بذاكر بس اتخانقت اوي وزهقت
ريم تقرب وتحط ايدها علي كتفه : هانت يا حبيبي....يلا خد راحه شويه ........ وانزل شوف سيمبا
حسن باستغراب : سيمبا مين
ريم ببتسامه : الكلب الجديد بتاع ساندي
حسن بفرحه : كلب بجد...... انا بحبهم اوي
وقام جري نزل تحت .......وريم صلاة وغيرت هدومها ونزلت .....وبدأ يجهزوا للحفله اللي عملنهاا لساندي ....وكل شويه عمر يقرب منها.......ويبصله ويبتسم.......وريم تكسوف وتبعد عنه
وقعدو كلهم مع بعض واتعشوا.......وبعد العشا......... ريم دخلت تجيب التورته....... وعمر قام بسرعه راح وراها
ريم جابت التورته.... ولسه طلعه من المطبخ..... لقيت عمر قدامها .... حاولت تخرج وقف قدامها
ريم بكسوف وبصه للارض : ممكن اعدي
عمر ببتسامه : لاااا...... انسي انك تعدي....قبل ما تقولي ردك على اللي قولته الصبح
ريم بكسوف : كلام ايه
عمر بضحك : دا انتي عاوزه تسمعيها تاني بقي
ريم بكسوف : لا.... بس اللي كلام دا اصلا ماينفعش ارد عليه
عمر بابتسامه : طيب نقول حاجه تانيه..... ينفع تردي عليها(وقرب منها بس هي اتكسفت فبعدت وبصتله تتجوزيني
ريم اكسفت وحطت وشها في الارض وابتسمت : ودي كمان ماينفعش ارد عليه اللي لو ماما وعمي هم اللي سألوني
عمر بفرح : يعني اكلم عمي عبد الحميد ...... واطلبك منه
ريم بكسوف وابتسامه : ماعرفش ........ عن ازنك
وتخرج بسرعه من قدامه وتروح للجنينه وهي وشها احمر وايدها بتترعش ...وتروح علي الترابيزه ويجهزوها
تقي تقرب منها ببتسامه وتغمزلها : هو ايه النظام .....وايه اللي حمرلك وشك كده
ريم تكسف وتبتسم : ولا احمر واللي حاجه .....انتي اللي بيتهيقلك
تقي ببتسامه : ااااه بيتهيألي..... يا بت عليه انا برده.... اعترف بسرعه
ريم ببتسامه : اعترف با ايه انتي كمان ...... بت اشتغلي وبطل رغي
عمر بعد ما ريم خرجت....... اتصل بعبد الحميد وطلب منه ايد ريم ......وعبد الحميد فرح جدا ووافق....... وسأل فاطمه .....اللي فرحت اوي بس قالت لازم يعرفوا راي ريم الاول
عمر خرج قدام الكل.....راح لريم وهو ماسك التلفون و بيبتسم ...... ووقف قدم ريم
عمر بابتسامه . : ريم عمي عبد الحميد عاوزك
ريم انصدمت وبرقت عينيها ..... وبصت لكل الموجودين
عمر بضحك : هتاخدي الفون واللي افتح الاسبيكر
ريم رحت شده التلفون بسرعه من ايده....... وهو وقف قدامها مبتسم وباصص عليها والكل مش فاهم حاجه
امل بقلق : في ايه يا عمر .....هي فاطمه كويسه
عمر بابتسامه يطمن الكل : الحمد الله طنط فاطمه بخير .......بس عم عبد الحميد بياخد رائي ريم في طلب انا طلبته منه
الكل ضحك وفهموا ......وريم مكسوفه ومسكه التلفون
عمر لقها مسكه التلفون وسكته ولسه مرديتش
عمر بابتسامه : هو اي نعم المكالمه دولي...... وانا بدافع في كل دقيقه فلوس كتير ....... بس فدكي و معاكي لصبح..... لحد ما تقولي موافقه .......
ورح قعد قدامها علي الارض...... مربع رجله وحطط وشه علي كف ايده وبصص ليه بحب .....وهي اتكسفت وكل ضحك عليهم
ماجد بضحك : وانت فاكر.....انها بقعدتك دي هتعرف ترد....... دي واللي هتعرف هتنطق حرف...... قوم يا واد سيبها براحتها
شريف ضحك..... ورح قعد وعمل زي عمر
شريف بضحك: كلنا قاعدين هنا ......وهنعمل اعتصام لحد لما تقولي موافقه
وعملت زيهم تقي وحسن ......وساندي وهاجر قلدتهم ..... وقعدوا كلهم قدام ريم جمب عمر .....
عماد بضحك : مهمتك صعبه اوي يا ريم...... بس مافيش منها مهرب مش هيسبوكي......
ريم حطت السماعه علي ودانها ......وطلعت صوتها بالعافيه وعينها مدمعه ......وببترعش وقلبها بيدق ومكسوفه
ريم بصوة واطي : ايوه يا عمي
عبد الحميد بفرحه : ايوه يا حبيبت عمك ........عمر طلب ايدك مني وفاطمه وافقت........ بس المهم رائيك ....( ويضحك بصوة عالي)...... وهو مش صابر...... ومصمم يعرف رائيك دلوقتي...... هااأ اقولتي ايه
ريم مكسوفه وهي قعده .....والكل بصص عليها مستنين ردها
عبد الحميده بقلق : ايه ياريم ساكته ليه ....اقوله ايه
ريم بكسوف : اللي حضرتك وماما ......تشوفوا يا عمي
الكل سقف بفرحه....... وشريف وعماد صافروا...... وريم ابتسامت وعينها في الارض..... وعمر نام علي ظهره في الارض بفرحه.... وفرد ايده
ريم : بس ( اول ما قالت بس الكل سكت... وعمر رفع جسمه نص رافعه ..... وسند علي كوعه وبصلها بخوف..... فهي ابتسمت) مافيش حاجه رسمي هتحصل....... غير لما ماما وحضرتك وطنط ترجعوا بسلام
الكل اتنهد بارتياح وضحكوا ..... وعمر بصلها بحب وعلي وشه ابتسامه جميله
عبد الحميد بفرحه : طبعا يا حبيبتي وان شاء الله هنرجع قريب ونفرح بيكم .......مبروك يا ريم خدي ماما ومديحه عاوزين يباركولك
الكل بارك لي ريم....... وفاطمه بقيت تعيط من السعاده...... هو دا اليوم اللي بتحلام بيه طول عمرها ....
ويمر يوم بفرحه وسعاده ...... وتفضل الفرحه ماليا البيت كله باقي الايام ....... وعمر كل شويه يتلكك..... و يرح يكلم ريم.... اللي كانت بتكسف ودايما تهرب منه..... وعلشان تهرب بتتحجج بمذاكرتها لحسن .......وهربت منه وقعدت في شقتهم
ويوم الاحد ......ريم رجعت الشغل بعد الاجازه
نهي بفرحه : وحشتيني اوي يا ريم
ريم بابتسامه : وانتي كمان يا حبيبتي..... معلش غيبت عنك وسبت الشغل كله عليكي اكيد تعبتي
نهي : المهم سلامتك يا حبي ........و بعدين البت هاله استجدعت معايا........ وكانت بتطلع تساعدني
هاله بابتسامه وهي داخله الصيدليه : انا سامعه حد بيجيب في سيرتي ( وتروح ليهم)...... حمدالله علي سلامتك يا ريم
ريم بجمود :الله يسلامك متشكره يا هاله
هاله بحزن : انتي زعلانه مني ياريم
ريم تبصلها بحزن : لا يا هاله انا زعلانه عليكي....... انتي بقيتي واحده تانيه انا معرفهاش ......سهر وخروج ولبس ميتلبس مابقتيش هاله صحبتى
هاله بحزن : انا عارفه ان عندك حق يا ريم ......وصدقيني هحاول ارجع لنفسي تاني..... بس متسبونيش خليكي جمبي ....( ودموعها تنزل)..... اوعي تتخلي عني يا ريم انا محتاجكم اوي....افضلي فوق راسي.... وسمعيني كلامك اللي بيفوقني .... لحد ما ارجع لنفسي
ريم تقرب منها بابتسامه تحط ايدها علي كتفها : ومدام انتي عاوزه ترجعي .....احنا مش هنسيبك ....وهنرجعك حتي لو هنكتفك ونضربك علقت موت....... ونرجعك غصب عنك
فضلوا يتكلموا يضحكوا سوا شويه......... وهاله نزلت وسابت ريم ونهي يشتغلوا
هاله قبل ما تدخل مكتبها ....... سمعت سمر وهي بتكلم في التلفون .......وجيبه سيرة ريم ......فوقفت تسمع من غير ما سمر تاخد بالها
سمر بضيق : ايوه رجعت النهارده ...و ايه السعاده هتنط من عينيها
ميرنا بغضب : واحنا مش عاوزين السعاده تستمر...... اكتر من كده انتم مستنين ايه
سمر بابتسامه : كنا مستنينها ترجع ........ وهي رجعت...... والنهارده هنبداء اول خطوه في الخطه
ميرنا : هو حازم جاب الهكر ولا لسه
سمر :ايوه كلمني وقالي انه جي في الطريق ....... علي مجيب التلفونها يكون وصل
ميرنا: وانتي هتعرفي تجيبي التلفون بسهوله
سمر : عيب عليكي دا انا سمر
ميرنا : طيب هسيبك تشوفي هتعملي ايه..... وابقي طمنيني ....
( وقبل ما تقفل)
سمر : ميرنا صحيح.....انتي جيبتي مواعيد تمارين حسن اخوها ..... من اختك
ميرنا : ايوه هبعتهالك علي الواتس
سمر : ماشي يلا سلام
قفلت سمر..... وهاله كانت واقفه و سمعه كلام سمر بس مش فهمه الكلام .... بس كل اللي فهمته ان الكلام كان علي ريم ....... بس مش فهمه حاجه..... ومش عارفه مين ميرنا دي...... وتعرف ريم منين ...... بس هاله قلقت وخافت
هاله لنفسها : استرها يا رب........ يا تري بتخططي لايه يا سمر انت وحازم .........ومين ميرنا دي انا لازم اعرف بيعملوا ايه
هاله دخلت المكتب ورسمة ابتسامه : ايه يا سمور بتعملي ايه
سمر ببتسامه : ولا حاجه كنت بكلام واحده صحبتي........ نزلتي من عند اصحابك علي طول يعني
هاله تقعد : انشغلو .....ما انتي عارفه اول شهر والشغل بيبقي كتير عندهم
سمر ببتسامه وهي بتقوم : اااه ربنا معاهم ......هقوم اتمشي شويه واجيب حاجه اشربها ......عاوزه حاجه
هاله : لا شكرا
سمر خرجت و طلعت الدور الفوق ....... وبصت من بعيد علي الصيدلية ولقيت ريم ونهي مشغولين جدا...... والدنيا زحمه عندهم رحت مشيه عند العيادات
سمر : عفاف ( عفاف ممرضه في المستشفي)
عفاف تجري عليه : عيوني يا دكتوره سمر أمريني
سمر مسكت عفاف ومشيت بيها بعيد شويه
سمر : عاوزكي تعملي حاجه وهديكي 100 ج
عفاف بفرح : عنيه عاوزه ايه
سمر : هتروحي الصيدليه...... اكنك عاوزه حاجه من هناك ...... وتاخدي تلفون ريم...... من غير ما حد ياخد باله......( لسه عفاف هتعترض) ........ هي نص ساعه هاخد منه حاجه ضروري.... واديهولك ترجعيه ........ بس انا ومش عاوزها حد يعرف .........هم مشغولين دلوقتي .....وقدامها ساعتين علي ما يعرفه يبعده عن الشباك ......مش هتاخد بالها .........هاااااا تعرفي واللي اشوف حد تاني
عفاف ببتسامه : عيب دا انا عفاف هجيبهولك بس خليها 150
سمر بضيق: 150لم يعفرتوكي ...........هم 100 جنيه القولت عليهم........ والا اقولك بلاش خالص هشوف حد تاني
عفاف: لا خلاص يا دكتوره موافقه
سمر : طيب اخلصي وهاتهولي تحت في الصيدليه .......بس اوعي حد ياخد باله
ونزلت سمر وسابت عفاف تنفذ المهمه
وعند ريم ونهي وهم مشغولين جدا باب الصيدلية خبط
نهي تفتح :خير يا عفاف عاوزه ايه
عفاف : عاوزين قطن ومطهر يا دكتوره
نهي : طيب خشي خديهم بسرعه وقفلي الباب
ورجعت نهي لشباك وريم كانت واقفه علي شباك........ وعمله تايد الدوا ومش واخده بالها
عفاف اتسحبت ورحت جمب المكتب....... وشافت شنطة ريم الكانت مسكها وهي جيه الصبح........ فتحتها وهي مستخبيه ورا رف للادويه .......واخدت التلفون وقفلته وحطته في صدرها .......ورجعت الشنطه مكانها ورحت خدت قطن ومطهر
عفاف : اهم يا دكتوره اخدت القطن
نهي من غير ما تلف : طيب اخرجي واقفلي الباب كويس
عفاف خرجت ونزلت عند سمر ......لقيت سمر وهاله قاعدين
عفاف :دكتوره سمر عاوزكي
سمر وقفت وخرجت مع عفاف ......وهاله فضلت بصه عليهم من تحت لتحت....... عشان سمر متاخدش بالها ......وشافت عفاف بطلع تلفون من صدرها وبتديه لسمر....... اللي حطته في جيب البلطو بتعها ......وعفاف مشيت وسمر نزلت علي السلم .........فقامت هاله بسرعه ونزلت ورا سمر وشافتها خرجت بره المستشفي.......... خرجت وراها لقيتها رايحه علي عربية حازم اللي واقف قدام المستشفي ....و قعد معه واحد جمبه ........وحطط لاب قدامه ......وشافت سمر بتفتح الباب الورا وبتركب....... و طلعت التلفون واديته لشخص للجمب حازم .......وهو وصله بلاب وقعد يلعب فيه
طبعا هاله مش عارفه تلفون مين دا........ واللي فهمه هم بيعمله ايه ........... بس حسه انهم بيلعبه لعبة ...... ... فقررت انها تفضل مراقبهم لما تعرف هم بيعملوا ايه
وبعد نص ساعه الهكر ادي التلفون لسمر .......بعد ما فصله .......وواتكلمت معاهم شويه وبعدين نزلت...... وحططت اللي التلفون تاني في جيبها .........وحازم مشي بلعربيه وهي رجعه علي المستشفي......... ف هاله دخلت بسرعه وطلعت علي مكتبها قبل ما سمر تشوفها .......... سمر طلعت و راحت لعفاف....... واديتها التلفون وفلوس ونزلت .......وعفاف رحت لصيدليه عند ريم ونهي...... والتلفون في صدرها .......عند ريم كانوا لسه مشغولين الباب خبط تاني
نهي بضيق : في ايه تاني يا عفاف احنا مش فاضين
عفاف : معلش يا دكتوره ما الحالات كتير....... والحاجه بتخلص عاوزين شاش وقطن تاني
نهي بنفذ صبر : ادخل بسرعه واخلصي ورجعت لشباك
فعفاف اتسحبت..... وراحت حطه التلفون تاني بسرعه في شنطه ريم ..........وخدت الحاجه زي المره الفاتت وخرجت
ويمر بقي اليوم عادي وريم تخلص شغل .......وتنزل هي ونهي عشان يروحوا فقابلوا هاله علي السلم ومعها سمر
سمر بضحكه خبيثه : ريم عش من شافك....... ايه الغيبه دي حمدالله علي السلامه
ريم باستغراب : الله يسلامك ( ورحت بصه لهاله......ريم كانت قررت انها هتبعدها عن سمر) ما تيجي يا هاله تروحي معايا انا ونهي
هاله تسكت وتبص لسمر....... فهي مش عاوز تبعد عنها ........ غير لما تعرف هي بتخطط لايه...... بس سمر اتكلمت بسرعه
سمر : روحي يا هاله معاهم .......... انا اصلي عندي مشوار فمش همشي في طريقك
هاله ابتسمت : ماشي ابقي طمنيني عليكي ......سلام اشوفك بكرا
ومشيت هاله مع ريم ونهي....... و رحوا يشربه حاجه ويقعدوا شويه سوا قبل ما يروحوا ........وفي كافيه وبعد ما طلبوا عصير وكانوا بيتكلمه ......بس هاله كانت سرحانه
ريم : ايه يا بنتي سرحانه في ايه
هاله بحيره : مش مرتاحه لسمر..... وبصراحه يا ريم حسه انه هي وحازم.... بيخططوا ليكي لحاجه... بس مش عارفه ايه هي
ريم بضحك : سيبك منهم يا هاله..... مش هيقدره يعملوا حاجه..... واديكي شوفتي لما رح يشتكي للمدير هو اللي اترفد.... يا هاله عمر الشر ما هينتصر ابد......
هاله بعدم راحه : مش عارفه يا ريم.... مش مرتاحه ومصدعه جدا من التفكير في الموضوع دا
نهي بضحك : لا ياختي انتي مصدعه من قلة الشغل......... والقعده لكن ........لو طالع روحك زينا طول اليوم كان زمان الصداع دا شيء بسيط ......جمب وجع ظهري ورجل
هاله بضحك : ابقي انقعيها في مياه بملح لما تروحي...... بطلي قر شويه يا بت
نهي بغيظ : انقعها .....ماشي يا بيئه....... يارب ارحمني وحنن قلب ريم عليا ........وخليها تكلم ابن عمها يشغلني عنده في الشركه...... واترحم بقي
ريم بضحك : شكل دعوتك هتستجاب قريب ...... اصل انا قريب هسيب الشغل وروح الشركة ......... وقررت اخدك معايا
هاله باستغراب : انا مش فهمه حاجه........ تسبيه الشغل وشركه ايه .......وابن عمك مين ...... انتي ليكي ولاد عم
ريم : طبعا يا هانم ما انتي بعيد عننا بقالك فتره....... متعرفيش حاجه عن التطورات الجديده
هاله ببتسامه : تطورات.....لا ماعرفش بس عرفيني بقي
نهي ببتسامه : هقولك انا ......عارفه الشاب الحيلوه...... اللي قالوا ان هو السبب في رفد حازم
ريم تضربها علي كتفها وتتصنع الضيق :انتي بتعاكسيه قدمي يا بت.......... احترمي نفسك
نهي باستغراب : ايه دي غيره واللي ايه
ريم ببتسامه : وماغيرش ليه ........مش خطيبي وهيبقي جوزي
نهي وهاله انصدمه : اااايه ....... خطيبك
نهي تبرق عنيها : امتي دا .......وحصل ازي...... ( وتمسك طفايه من علي الترابيزه ... وتعمل انا هتضربها بيها) و مقولتيش ليا لحد دلوقتي يا بت انتي
ريم بضحك : حيلك بس .......ما انا بقولك اهو..... وبعدين دا لسه مكلم عمي من يومين ....... وانا لسه راجعه النهارده........ ومقعدناش خالص من الصبح .......... وانا اصلا جيبتكم هنا علشان اقولكم......... امال انتم فاكرين انا عزمكم ليه
هاله: لا بقي انا مش فهمه حاجه ......واحكولي من الاول
ريم حكيت لهاله عن عمها .......وظهوره وفلوسهم اللي رجعها ليهم........ وانها قعده دلوقتي مع عيلتها.......... وتحكي ليها وعن عمر .......وصلته بيها .......وعن سافر مامتها والمشكله اللي حصلت مع حازم
ريم : بس يا ستي .......واول امبارح طلب ايدي من عمي....... بس هنستنا ماما ترجع بسلامه ان شاء الله ......ونتجوز ونعمل فرح
نهي بفرحه : مبروك يا ريم........ ربنا يسعدك وعقبالي يارب
هاله ببتسامه وسعاده : الف ما مبروك يا ريم ........بجد فرحتلك اوي ......انتي طيبه وتستهلي كل خير ........بس مليش دعوي عاوزه اشوف شكل عمر......... الكل عمل يقول حلو ومز.........وانا عاوزه اتفرج بقي .... اصلي ملحقتش اشوفه
ريم بضحك : هي سينما يا ماما .......قال اتفرج عليه قال قال .......غضي بصرك يا حبيبتي منك ليها
نهي بضحك : طيب وريها صوركم كلكم........ وانتم رسمين علي وشكم
ريم : اه استني اوريكي العيله كلها ( وفتحت الشنطه عشان تطلع التلفون)
ريم باستغراب : دا التلفون مقفول ...... ايه القفله و انا مخدتش بالي خالص
نهي : تاخدي بالك ازي في الطحونه اللي كنا فيها طول اليوم
ريم ببتسامه : علي رائيك ( وفتحت التلفون وفضلت تلعب فيه ) بصي يا ستي ....... دا عمر والجمبه دا شريف اخوه....... ودي طنط امل مامتهم....... ودي هاجر بنت عمي والجمبها تقي اخته....... ودا حسن طبعا ودي انا...... والقمر اللي علي رجلي دي ساندي
هاله ببتسامه : شكلكم حلو اوي...... واضح انك انتي وحسن مبسوطين وسطيهم
ريم تتنهد :جدا الحمد الله....... في الاول كنت خايفه من أننا نروح نعيش معاهم وكنت هارفض .......... بس هم بحبهم لينا مدونيش فرصه اني ارفض......... ولما رحت وعيشت وسطيهم بعد سفر ماما مع عمي ومراته......... بقيت خايفه اوي بس بصراحه لقيت اهتمام كبير جدا ....... مش اهتمام لينا وبس ........لا هم اصلا بيهتموا ببعضهم جدا وحسن الكنت خايفه عليه........ لقيت شريف وعمر ودلوقتي عماد....... شايلين المسؤليه حسن عني حتي هم اللي بيذاكره ليه هم .......وبيفضله يتكلموا معاه ويشجعوا....... و شريف مبيسبش تمارين ليه غير لما يحضر.......حتي ماما لما بكلمها بحسن ان نفسيتها اتحسنت جدا...واطمنت لدرجه اني كنت هسافر ليها بعد امتحانات حسن ..... لقيتها بتقول خليكي ومتجيش وان طنط مديحه وعمي عبد الحميد مش سيبنها ........وبيهتموا بيها اكتر مني
نهي ببتسامه : انتي طيبه يا ريم.......... وتعبتي كتير وطنط كمان تعبت وربنا بيعوضكم خير
هاله بابتسامه : ربنا يسعدك يا حبيبتي..... ويبعد عنك الشر ويحميكي
ووهم قاعدين ........ تلفون ريم رن ..... بصت عليه بكسوف
ريم ببتسامه : دا عمر
نهي بضحك : طبب ردي .....انتي هتسبيه يرن
ريم ترد : سلام عليكم
عمر بقلق : وعليكم السلام ورحمه الله وبركاته ..... انتي فين يا ريم.....و تلفونك مقفول ليه........ انا بقالي كتير بتصل بيكي....... ورحتلك الشغل قالوا مشيتي
ريم ببتسامه : التلفون كان في الشنطه ......وكان عندي شغل كتير...... مخدتش بالي انه مقفول....... وخلصت الشغل وخرجت مع نهي وهاله ......وقاعدين بنشرب حاجه و شويه وهروح البيت
عمر ببتسامه: حرام عليكي يعني انتي قاعده مع اصحابك و انا من الصبح هتجنن... وعمل اتصل بيكي
ريم بقلق : خير حصل حاجه
عمر ببتسامه : لا ما فيش بطمن علي حبيبتي وقلبي.... في مانع واللي ايه
ريم تبتسم وتكسف وتسكت
عمر بضحك : اموت واشوفك وانتي مكسوفه .......دلوقتي قدم اصحابك
ريم : بعد الشر عنك......متقولش كده تاني
عمر بحب : خايفه عليه
ريم بكسوف : انا هقفل بقي
عمر ببتسامه : لا استني....... انتي فين عشان اجي اخدك
ريم ببتسامه : لا.......عشان ماينفعش اركب معك العربيه لوحدي.... .... انا شويه وهروح ........ اشوفك في البيت
عمر بحب : طيب يا حبيبي...... انا كمان هروح..... واستناكي في البيت...... متتاخريش خمس دقائق كده وتقومي
ريم ببتسامه : حاضر مع السلامه
وقفلت التلفون....... لقيت هاله ونهي...... حطين ايدهم علي خدودهم........ وبصين عليها ......واول ما قفلت اتنهده سوا
هاله ونهي : هيييييييييييييييح ........اوعدنا يا رب
ويضحكه هم التلاته ..... ويقعده شويه ويقومه يروحو
وتوصل ريم الفيلا تلقي ......عمر قعد مستنيها في الجنينه....... واول ما تدخل يروح عليها ووشه بيبتسم
عمر بحب : اخيرا وصلتي ......يا شيخه هتجنني من القلق ......
ريم بضحك : لا لو سمحت .....متلبسنيش تهمه..... انا وخدك مجنون لوحدك
عمر بحب : مجننتش غير لما شوفتك
ريم تكسف اوي....... وتيجي تمشي فيقف قدامها
عمر ببتسامه : مش هتمشي من قدامي....... لمده ساعتين عقاب ليكي ........علي القلق الكنت فيه طول اليوم....... ( ويبصلها بحب) وعشان وحشتيني اوي
ريم تكسف اكتر ......وتفضل بصه في الارض ......وكل ما تحاول تبعد يقف قدامها .......وهو بيضحك....... فرفعت راسها شافت ساندي وجوجو بيلعبه مع سيمبا
ريم بصوة عالي : ساندي جوجو انا جيت
ساندي وجوجو يشفوها يجري عليها ....... وهم بينادي اسمها من الفرحه
عمر بضحك : بقي كده .......بتطلبي مساعده خارجيه... ماشي عموما هانت ومحدش هيحوشك مني...... ( ويرفع ايده لسما) يارب ترجعي بسلامه يا طنط فاطمه
ريم تضحك وتبعد عنه ........وتروح علي هاجر وساندي...... وهو يفضل بصص عليها و مبتسم
وفي النادي مايا واصحابه..... قاعدين علي ترابيزه
سمر : مساء الخير انتي مايا مش كده
مايا بستغراب : ايوه انا
سمر وهي بتعقد معهم : انا سمر صاحبه ميرنا .....هي مجتش النادي النهارده وال ايه
مايا بعدم اهتمام : مشوفتهاش هي قالتلك جيه
سمر : ايوه متفقين نتقابل هنا ......هعقد استنها معاكم علي ما تيجي
وتفضل سمر قعده نص ساعه.... وهي عمله تبص حاوليها........ مستنيه حسن يظهر ....
سمر بضيق : هو حسن فين..... مش شايفه معاكم يعني
مايا برخمه :معرفش هو اصله .....مش صاحبنا اوي
سمر بضيق : يعني هو مش بيقعد معاكم ..... ( مايا تهز راسها ب لا) طيب هو مجاش النادي...... اصل كنت عاوزه
مايا : استني هاسالك صاحبه عادل ..... ( وتبص علي عادل اللي قعد...... بيرغي مع بنت تانيه) .....عدول
عادل وهو بيقرب ويعقد جمبه : قلب عادل يا ناس....... عيوني يا جميل
مايا بدلع : حبيبي انت........دي سمر صاحبة اختي......... بتسال علي حسن عشان عاوزه
عادل يبص لسمر : حسن زمانه خلص تمارين...... وروح يذاكر عشان احنا بنمتحان دلوقتي ....
سمر بضيق : يعني هو هيجي يعقد معاكم
عادل بضحك: لا زمان ابله ريم....... عمله عليه حصار ......ومسكه العصايه وبترجعلوا
كل الشباب القاعدين يضحكوا
سمر بضيق وتفكير .....وبعد شويه ابتسمت بخبث
سمر ببتسامه : هو انت تعرف ريم يا عادل
عادل : اه طبعا .....حسن صاحبي الانتيم ......ابله ريم دايما كانت بتذاكر لينا معه .... بعد ما بنرجع سوا من المدرسه
سمر ببتسامه : يعني هي معها رقم تلفونك ....وانت معك رقمها ......
عادل : ايوه طبعا...... ودايما بتتصل تطمن عليه.... وتسالني عملة ايه في الامتحان ........... دي ابله ريم حبيبتي
سمر بصوة واطي : حلو اوي
عادل : بتقولي حاجه
سمر بدلع عليه ونظره جريئه : لا يا قمر...... دا انا بقول انك حلو .......وشكلك اكبر من حسن... اصل حسن بحس انه لسه طفل ... لكن انت لا
عادل يفرح ويقوم يعقد جمبها : طفل مين...... لا طبعا دا انا راجل راجل اوي
سمر تضحك : مهو واضح يا حبيبي ..... قولي هتخلصوا امتحانات امتي
عادل : احنا اول يوم النهارده..... فضلنا اسبوع
سمر ببتسامه : طيب اكتبلي رقمك علي الفون ....... عشان ابقي اطمن عليك
عادل بفرحه : حبيبي والله .....( ويكتب الرقم) ....... اتفضلي يا قمر ......ورني عليه عشان احفظ الرقم......... واول ما ترني ارد علي طول
وتفضل سمر قعده معاهم .....وهي بتكلم عادل
في الفيلا كانوا قاعدين في الجنينه...... بيضحكوا تلفون عمر رن
عمر : سلام عليكم
احمد: استاذ عمر انا احمد ......من امن مخازن الادويه..... لا في العاشر
عمر يقوم بتلفون .......وهو بيبص لشريف اللي بص ليه هو وعماد ....... ويبعد بعيد شويه
عمر بقلق: خير ...... حصل حاجه
احمد : ايوه يا فندم........ كان فيه ناس بتحاول تسرق وتولع في المخزن .......بس احنا مسكناهم...... نسلمهم للبوليس ولا نعمل ايه
عمر بضيق : خليهم عندكم ....انا جي حالا ..... وماحدش يعمل ليهم حاجه
شريف يروح ليه هو وعماد
عماد بقلق : في ايه يا عمر
عمر بغضب : الامن اللي في مخزن العاشر اتصل مسكوا ناس كانت عاوزه تسرق مخزن الادويه...... وعاوزين يحرقه
شريف بضيق: اكيد ابرهيم هو اللي بعتهم
عمر بضيق : لو طلع هو... مش هرحموا........ انا ريح اشوف.... هم مين.... ومين اللي بعتهم
عماد وشريف : واحنا جين معك
ويمشي كلهم ويروحوا المخزن ........
ونكمل بكرا ونشوف سمر ناويه علي ايه.... ومين اللي عاوز يحرق المخازن.......
التعليقات على الموضوع