قصة عمار البيت الجزء الرابع

عمار_البيت
الجزء_الرابع
الشى المرعب دة محاوطنى قعدت اصرخ اصرخ واحاول افك نفسى منة مش قادرة مرة وحدة باب الاوضة اتفتح لقيت نفسى بقيت .حرقة قمت جريت من ع السرير لقيت عاصم فى وشى عمال يقولى ف اى اهدى مالك مالك اهدى العيال كويسين ولا ف حاجة ...
انا بصيتله وبرقتله وقعدت اصرخ حاول يحضنى وبهدينى زقيتة وفتحت باب الاوضة وجريت
كنت خايفة منة اكيد دة مش عاصم برضو اكيد دة حاجة مرعبة ..
جريت افتح باب الشقة بلبس البيت وكنت عاوزة انزل اجرى فى الشارع منة
راح شدنى ومسكنى وقفل الباب وفضل يرج فيا اهدى فى اي انتى اتجنيتى يا سارة قعدت اصرخ واضربة ف صدرة واحاول ابعد عنة واجرى منة
وجريت ع باب الشقة برضو وفتحتة راح شدنى وقفل الباب وشالنى من ع الارض ودخلنى الاوضة وقفل الباب
رحت ضربتة ف صدرة. تانى وبعدتة عنة وعاوزة اهرب منة
انا فعلا خايفة منة دة مش عاصم
راح ضربنى بالقلم ع وشى وشخط فيا اهدى
انتى اتجنيتى عاوزة تفضحينا فى البيت ولا اى اى لعب العيال دة انتى مجنونة..
لحظتها بدأت اصدق انة عاصم وانهارت بالعياط ...
وقعدت اعيط وانهج وابصلة بخوف ورعب ...
واتنهد بصوت عالى ..  قعد يلف عاصم حواليا كتير رايح جاي وانا عماله اعيط بصوت .وبعدين هبد رجلة بالارض وقرب منى ونزل قعد ع الارض قدامى
ومسك ايدى وقالى انا اسف ...مكنش قدامى غير انى اضربك بالقلم عشان تفوقى .
وراح شد راسى وحطها على كتفة وحضنى وطبطب عليا وقعد يقول اسف.مش هتتكرر تانى
اهدى وفهمينى فى اى ..
سكتنا حوالى دقيقة وبعدين بدأت اهدى ورجعت بضهرى لورا ..
ويدأت احكى  له الى حصل.
قالى على فكرة انا مش فاهم حاجة منك بطلى عياط واحكى ...
مسحت دموعى وبدات احكيلة..
لما خلصت قعد يضحك يضحك يخربيت عقلك يا سارة ..
كل دة عشان حلم .. تحلمى حلم مفزع تقومى تفضحينى بالعمارة وتتجنى كدة ..
وقعد يضحك  قلتله وحياه ولادى ما حلم دة حقيقى وحياه ولادى حقيقة ...
قالى ماتحلفيش دى حاجة اسمها العلمى الجاثوم بتحصل لما تبقى نايمة مجهدة فممكن تحسى ان حد رابطك او حاضنك جامد او انك مشلولة ومش عارفه تفكى نفسك لحد م الحاله تخلص بعد كدة الجسم بيفك
قعدت اقوله والله ابدا وحياه ولادى كان فى حد حاضنى انا كنت صاحية والله العظي
طيب انا لسة محكيتلكش نزلتلى جارتى وووو   ....
قاطعنى وقالى والله يا سارة هموت من الجوع ممكن تهدى كدة دلوقت وتقومى تحضرى العشا واحنا بناكل تحكيلى ..
قاتله حاضر ...
قمت مشيت نحية المطبخ قبل موصل سمعت صوت جوة اوضة الولاد .قربت من الباب شوية وركزت مع الصوت سمعت صوت سليم بيكلم حد وفى حد بيضحك معاه بس مش صوت ادم .. استعذت بالله واتخضيت وفتحت الباب بسرعة لقيت سليم واقف بنص الاوضة وماسك ف ايدة العروسة المرعبة دى
وبيقولى اى الى جابك ..
اهى زعلت ومشت مش تخبطى يا ست هانم الاول...
اتسمرت مكانى وبعدين قربت منة وقلتله بتتكلم عن مين يا سليم ..
قالى زعفرانة يا ماما كانت بتلعب معايا وبعدين لما جيتى وراح اتاوب وجرى ع السرير واتغطى وعمل نفسة نايم..
حسيتة بيطرقنى . طلعت ومقفلتش الباب بس رديتة
لقيت سليم بص اتاكد انى مشيت راح قام من ع السرير ووقف مدى الباب ضهرة وماسك العروسة وبيديها لحد قدامة ..
مرة وحدة الباب اترزع بوشى ..
وحد خبط ع كتفى .. اتخضيت واتنفضت جامد
طلع عاصم ...
اهدى يا سارة يادى النيله انتى مش طبيعية خالص كدة مينفعش
اى موقفك عند اوضة الولاد
قلتله ابنك بيكلم حد بالاوضة جوة ووو.
قاطعنى وراح فتح باب اوضة الولاد لقيتها ضلمة وسليم نايم فى سابع نومة
قلتله والله كان....
قاطعنة وقالى سديتى نفسى يا شيخة مش عاوز اكل تصبحى ع خير...
ندهتلة راح مشاور بايدة كانة بيقولى غورى بقى ..
ودخل اوضتة وقفل عليه..
زعلت جدا منة ..ودخلت اوضة الولاد خدت بطانية ومخدة وطلعت نمت ع الركنة يالليفنج
قلت مش هنام جمبة
طلعت نورت النور وشغلت التلفزيون على قناه افلام ..
وحاولت اهدى واتمالك نفسى ومفكرش فى الى حصل
قلت الصبح هحكى لماما وحماتى يشوفولى حل..
نمت ع نفسى
بعد وفت مش طويل ممكن ساعة او 2 مش عارفة
قمت مفجوعة لقيت الدنيا ضالمة ..
مين طفى النور والتلفزيون . دققت النظر فى الضلمة وانا خايفة اتحرك من مكانى
حسيت كان فى خيالات سودة وبيضة بتجرى بالضلمة ...
قمت جريت ودورت ع مكان النور ..
لسة محفظتش مكان الزراير بتاعة الكهربة ..
قعدت اتخبط فى العفش واحس كان فى حد بيلمسنى وحد بيجرى قدامى لحد ملقيت زورار النور دوست عليه لقيت بوشى بنت صغيرة شعرها طويل واصل للارض ومغطى وشها  وعنيها مدورة كبيرة مافيهاش الجزء الابيض برضو وبتنور احمر
ووشها مليان دم ولابسة.. فستان ابيض قصير مليان دم ورجليها حافية
بصتلى وضحكت بشكل مرعب ورفعت اديها واديتنى العروسة  وقالتلى ..مرحبا.. انا زعفرانة ..
اى الى مصحيكى لو زهقانة ممكن نلعب سوا.....
راح ظهر بضهرها مرة وحدة ست سودة شعرها طويل واصلل للارض برضو وفى جرج كبير فى رقبتها  وعنيها بيضا وفيها نقطة سودة  مسكت العروسة من البنت الصغيرة وقالتلى مرحبا انا ..موهينى .. اتمنى ان ترحلوا من منزلنا سريعا
يتبع
مستنية رئيكم 😍