رواية دموع الورد الحلقة الرابعه
الفصل الأول
فى إحدى دور رعايه المسنين فى عروس البحر المتوسط تعيش بطلتنا فى هذا المكان لتعطي الحب والحنان والرعايه لكل الموجودين
تستيقظ مع اذان الفجر تتوضىء وتصلي فرضها وتقرأ وردها وتخرج الى البحر فهذا هو رتم حياتها منذ أن أتيت إلى الإسكندرية وتحديدا لدور الرعايه منذ ثلاث سنوات فهى تركت القاهرة وعملها وفضلت العيش فى هذا المكان لتقدم الحب والحنان ...تظل بطلتنا تتمشى على البحر حتى الساعة الثامنه صباحا تتذكر فيها ماضيها واحلامها وفى الأخر ترجع وبداخلها حزن كبير لكن برغم ذلك فإنها تبث الامل والفرحه لكل الموجودين فى دار
فريده وهى تدخل إحدى الغرف: صباح الفل على ست الكل
ماما سعاد وهى متصنعه الزعل; صباح الخير
فريده وهى بتقرب منها: الجميل زعلان ليه
ماما سعاد: وهى بتبص فى ساعتها متأخره عليا عشر دقايق
فريدة وهى بتقرب منها بحب: اولا أنا متأخرتش عشر دقايق حضرتك ساعتك هي اللي مش مظبوطه وبعدين انا مش عايزة الجميل يزعل منى
ماما سعاد: وهى بتحضنها وانا مقدرش ازعل منك انتي بنتي
فريدة: إنتي احلى ماما يلا بقى ناخد العلاج وبعدها نطلع نفطر معاهم فى الجنينه
فريده ( فتاه جميله ذات بشره قمحيه وعيون عسلى تعمل ممرضة فى الدار منذ ثلاث سنوات الكل بيحبها وبيعتبرها بنته وهى كمان بتعتبر كل النزلاء اهلها وتبلغ من العمر ثلاثون عاما )
(ماما سعاد أقدم سيده فى هذه الدار هى اللي جاءت بنفسها الدار بعد ولادها مااتجوزو وسابوها تعانى من الوحده لكن عندما جاءت فريده للدار خرجت هذه السيده من وحدتها)
خرجت فريده مع ماما سعاد الى حديقه الدار وذهبت لإكمال باقى مهامها فى الدار
وبعد فترة اتجمعوا كلهم فى الجنينه يفطروا ويضحكون
فريده : حرام عليك كده يابابا كمال
بابا كمال: لازم اتكلم على كوثر اول ماجيت واخذ يقلد كوثر فهى كانت مديره بإحدى المدارس وكانت تحب النظام والانضباط فى أول يوم لها اخذت تعطى لها درسا قويا فى النظام
كوثر: تصدق انا غلطانه انى قاعدة معاكم
كمال: اه غلطانه اتفضلي قومى
كوثر تقوم لكى تذهب لكن تلاحقها فريدة وهى تحاول كتم ضحكاتها فهى كالعاده كل يوم بينها وبين كمال فهما كما القط والفار
فريده: خلاص ياماما كوثر اهدي
كوثر: انتي شايفانى بشد فى شعر يافريده
فريده: ابدا بس انتي عارفه بابا كمال لو معملش كده مش هيسكت
كوثر: انا عارفه بس خلاص زهقت
فريده : معلش هو بيحب يعاكسك
رجعت فريده وكوثر على القاعدة تانى
سعاد: مش تكبري بقى ياكوثر ايه شغل العيال ده
كوثر:انا بعمل شغل عيال اومال الا بيعملوا كمال ايه
سيده أخرى: احنا مش هنخلص من اسطوانه كل يوم
سعاد بغضب: وانتي مالك مضايقه من قعدتنا امشى ..صح ياكوثر
كوثر : عندك حق ياسعاد ياختى
كمال وهوبيوشوش فريدة: اتلمت سعاد على كوثر خلاص الست ماتت
فريده وهى بتكتم ضحكاتها : عندك حق
كوثر وسعاد فى نفس واحد: سامعينكم على فكرة
كمال وهو بيقوم: انا امشى احسن الزفه عليا
فريده : خدني معاك
ومشيت فريده وكمال
سعاد:نفسى ربنا يعوض فريده خير
كوثر: وانا كمان اللي شافته صعب
سعاد: بس هى لو تخرج بره الدار ده شويه
كوثر: سبينى افكر نعملها ازاى
سعاد وهى بتميل على كوثر: الا صحيح ايه حكايتك مع كمال الراجل مش مبطل معاكسه فيكى شكله بيحبك
كوثر وهى بتقوم: وبعدين معاكى ياسعاد انا اللي غلطانه انى قعدت معاكى انا ماشيه
سعاد بضحك : شكلها بتحبه هى كمان
---------------------------------------------------------------------------------------
فى إحدى الدول الاوربيه تدخل سيده فى العقد الرابع من عمرها تفتح الستائر على فتاه نائمه
الفتاه: من فضلك ياداده اقفلى الشباك
سميحه: اصحي يابنتي باباكي اتصل اكتر من مرة بيسأل عليكى
الفتاه: عايزه إيه دادي
سمحيه :معرفش أصحي كلميه
صحيت الفتاه وأخذت تليفونها تطلب والدها
الاب: صباح الخير ياعائشه
عائشه:صباح النور
الاب: أنتي لسه صاحيه دلوقتي
عائشه: اه
الاب: طب افطري وجهزى نفسك انا هبعت السواق يجيبك
عائشه : حاضر
(عائشه فتاه فى السابعة عشر من عمرها يتيمة الام تعيش مع والدها رجل الأعمال المعروف مراد الحناوى يعيش فى لندن من أكثر من 15 عاما طايشه مجنونه تحب السهر وتكره من يقول لها عائشه لكن عندما يقول لها الاب كده تفهم انها يريدها فى أمر هام )
دخلت شوشو الحمام وخرجت من الحمام لبست هوت شورت وبدى كات وخرجت : صباح الخير ياداده
سميحه وهى بتبص عليها : صباح النور ياعائشه
شوشو بنرفزة: شوشو شوشو ياداده
سميحه :وماله عائشه بقى
شوشو: قديم وبعدين ايه الحكايه النهارده بابا يقولي عائشه وإنتي كمان
سميحه: هو الباشا قال كده يبقى أكيد فى حاجه
شوشو وهى بتاكل كله هيبان انا هنزل اروح ليه
سميحه باستغراب : هتنزلي كده
شوشو وهى بتبص على نفسها : وماله كده ماانا قمر
سميحه:يابنتي مينفعش تنزلي كده احنا مصريين
شوشو: مصرين انتي أنا لا.. أنا عايشه هنا فى لندن هى دي بلدي وسلام قبل ماسمع منك كلام كل يوم
خرجت شوشو من البيت تحت نظرات سميحه وهى بتدعي ليها بالهدايه
(سميحه سيده تبلغ من العمر اربعين عاما تعمل لدى مراد الحناوى منذ اكتر من عشرون عاما وهى اللي اتولت تربيه شوشو بعد وفاه والداتها )
بعد فترة وصلت شوشو الى مقر الشركه الخاص بوالدها مراد الحناوى فهو من كبار رجال الأعمال رغم سنه الصغير فهو فى أواخر الثلاثينات39سنة لكن ذا قوة ونفوذ)
تدخل شوشو تحت أنظار كل الموجودين فى الشركة توصل إلى الاسانسير الخاص بالطابق الذى يوجد به مكتب والداها لكن قبل غلق باب المصعد يدخل معها شاب يبتسم حينما رأها لكن سرعان ما دارى البسمه من أسلوب شوشو
شوشو بغضب: انت مين علشان تدخل معايا
الشاب: أنتي اللي مين بلبس الالعاب ده هنا شركه محترمه مش نادي وحتى النادي مش بيتلبس فيه كده المكان الوحيد الا بيتلبس فيه كده هو وغمز بعينه
شوشو وهى تحاول تضربه بالقلم لكنه سرعان ما قبض على يدها بقبضة فولاذية وقرب منها وعينيه عبارة عن شرار دم إيدك دي لو اترفعت عليا تانى صدقينى هنسى إنك بنت وراح منزل ايدها.. مفهوم وسابها وخرج من المصعد وهى هتنفجر من الغيظ وضغطت على زرار المصعد بعنف وصعدت الى مكتب والداها وهى تقسم بأنها سوف تجعله يندم على كل حرف قاله لها ووصلت المكتب
مادلين سكرتيرة والداها: صباح الخير ياشوشو
شوشو : صباح النور دادى موجود
مادلين:فى انتظارك
دخلت شوشو مندفعة لوالدها :دادى انا
وحينا لف ليها مراد وشاف لبسها امتلكه غضب شديد : ايه إلا أنتي لبسها ده ياعائشه
عائشه بخوف فهى ميزة جيدآ نظرات الغضب فى أعين والدها ونطق اسمها عائشه فعلمت إنها اخطئت
شوشو: فى ايه يادادي
مراد: ده لبس انت ناسيه إنتي جايه فين
شوشو: دادي احنا هنا فى لندن مش فى مصر وبعدين كل اصحابى بيلبسوا كده
مراد بغضب: كل صحابك دول مش زينا إنتي خلاص كبرتى احمدى ربنا أني مامرتش تلبسى الحجاب
شوشو بصدمة: حجاب زى الإرهابيين
مراد بغضب اكتر: شووووشو
وفجأة الباب خبط ودخلت مادلين : اسفه مستر مراد بس بشمهندس اسر بره وعايزة حضرتك
مراد : خليه يدخل
وحينما دخل اسر عند مراد وشاف شوشو
مراد : تعالى يااسر دي شوشو بنتى
اسر وهو بيمد أيده ليها اهلا
وحينما لفت شوشو له : انت
مراد : إنتو تعرفوا بعض
شوشو: لا معرفهوش
مراد : ده بقى بشمهندس أسر ابن صحبي وشريكي الجديد
شوشو بنظرات احتقار: اهلا
اسر بتوعد: اهلا
مراد وهو بيعقد على كرسى المكتب: صحيح ياعائشه كنتي بتقولي إيه
شوشو: شوشو يادادى
اسر لمحاوله غيظها: اسمك عائشه جميل اوى احلى من شوشو
شوشو بغضب: بارد
مراد بحده: هو مين الا بارد
شوشو لمعالجه الموقف:وهى تنظر لأسر: شخص همجى كان بيحاول يعذب الكلب بتاعه بس انا مسكتلهوش
اسر لمحاوله غيظها: مش يمكن الكلب يستاهل
شوشو: معتقدش هو شخص همجى بس هيروح منى فينا انا وراه
مراد: انتي مالك ياعائشه النهاردة
اسر :صحيح انتي مالك
شوشو: انا لازم اجيب حقي
مراد : سيبك من الموضوع ده وياريت تخرجي تعقدى بره مع مادلين لحد ماخلص شغل مع البشمهندس
شوشو قبل ماتخرج انحنت على أسر وبصوت خافت: اعمل حسابك المره الجايه هنزلها صح سلام
وخرجت تحت نظرات اسر وهما الاتنين بيتوعدو لبعض
اسر فاق من سرحانه على صوت مراد: اسر اسر
اسر: ايوه
مراد:روحت فين
اسر: مع حضرتك
مراد: طب يلا نشوف شغلنا -
----------------------------------------------------------------------------------------
فى دار المسنين
بعد ما فريده خلصت كل اللي بتعمله كل يوم من رعايه المسنين الموجودين فى الدار من متابعة اكلهم والادويه الخاصه بيهم راحت على اوضتها تفكر فى حالها ياترى لو كانت عاشت زى أي بنت فى سنها وحبت واتجوزت وخلفت كانت حياتها هتبقى إزاي لو اتخلت عن دورها ومعملتش اللي عملته كانت حياتها هتبقا إزاي سؤال بيلح عليها بس حاجه واحده متأكده منها أنها سعيده بحياتها دلوقتي
اثناء تذكرها لحياتها فاقت من سرحانها على خبط على الباب
فتحت الباب لقت إحدى المشرفات : ميس زينات عايزة حضرتك
فريده:: حاضر
وذهبت فريده لمكتب ميس زينات وهى مديرة الدار سيده يبان من هيئتها انها شديده لكن هى طيبه وحكيمة فى تصرفاتها وهى مسكت الدار من حوالى شهرين بعد ما المديرة القديمه طلعت معاش وكانت مستغربه من وجود فريدة وظلت طوال شهرين تراقب فريده من بعيد لكن لم تفهم شخصيتها فقررت استدعائها لمكتبها لمعرفه سبب وجودها دائما هنا
خبطت فريدة وأذنت ميس زينات بدخولها
فريدة:حضرتك طلبتينى
زينات وهى تجلس على مكتبها :اه
فريده: خير
زينا,ت: بجديه إنتي مين؟
ياترى حكايه فريده إيه ؟
هنعرف الحلقه الجايه
التعليقات على الموضوع