رواية احببت طباخة 💠الحلقة الخامسة💠
الحلقة 5 (أحببت طباخة)
وقفنا لما كانت رانيا و مازن و مامتها مروة قلقانين علي خالد جدا و في اللحظة دي الدكتور خرج
رانيا و مازن جريو عليه و قالوله :خير يا دكتور خالد عامل ايه دلوقتي
الدكتور :خالد للاسف الخبطة كانت شديدة عليه و حصله نزيف و محتاجين دم
رانيا :طب يا دكتور انا موافقة حضرتك ممكن تنقل من دمي
الدكتور :للاسف مش متوفر الفصيلة دي هنا و مش اي حد نقدر ناخد منه لازم نفس فصيلة دمه
مازن:فصيلة دمه نوعها ايه يا دكتور وانا هتصرف و اجيبها
الدكتور :فصيلة دمه نادرة O سالب
مازن :دي نفس فصيلة دمي الحمدلله
الدكتور :طب تمام حضرتك عندك مشاكل او أمراض
مازن قاطعه:لا لا لا الحمد لله معنديش اي مشاكل
الدكتور : طيب تمام يلا تعالي معايا
رانيا ابتسمت ل مازن :بجد يا مازن مش عارفة اقولك ايه ربنا يخليك بجد
مازن :بعدين الكلام ده نطمن علي خالد الأول
و دخل مازن مع الدكتور و مازن ساب مفاتيحه و موبايله مع رانيا
_______
عند رباب (مامت زياد )
كانت لسة راجعة من الاتيليه بتاعها ودخلت الفيلا و قاعدة في الليفنج بتتفرج علي أحدث صيحات الموضة
رباب ندهت علي دادة فاطمة
رباب :يا فاطمة فااطمة
فاطمة :أيوة يا ست هانم تؤمري بحاجة
رباب :اعمليلي عصير اورانج فريش
فاطمة :حاضر يا هانم ثواني و يكون جاهز
في اللحظة دي كانت ريماس نازلة تحت
ريماس :هاي ماما ازيك
رباب :انا قولت 100 مرة اسمي مامي مش ماما
ريماس :حاضر يا مامي انا زهقانة
رباب :يعني اعملك ايه اقعدي اتفرجي علي ال Tv
ريماس :ماشي
في اللحظة دي كانت نوال مامت (ميار )اتصلت علي رباب
رباب:هاي ناني
ازيك و ميار عاملة ايه؟
نوال:مش كويسة خالص
رباب :ليه كدا مالك
نوال :شوفتي زياد عمل ايه معاها
رباب:انا لسة جاية من الاتيليه و مش عارفة حصل ايه
نوال :حكتلها اللي حصل
و في الوقت ده دادة فاطمة قدمتلها العصير
رباب ل فاطمة :ميرسي يا دادة روحي انتي دلوقتي
معاكي يا ناني. ... متقلقيش انا هتصرف مع زياد و هعلمه الأدب ازاي يعمل كدا مع ميار متقلقيش انتي و قولي ل ميار متزعلش و انا هجبلها حقها
نوال :ميار من ساعتها بتعيط و مودها وحش جدا دي حتي مش عايزة تخرج معايا نعمل شوبينج
رباب :لا طبعا ازاي انا هتصرف مع زياد و هخليه هو اللي يوديها تعمل شوبينج
نوال :ماشي يا ريري تسلميلي يارب هقفل اشوف ميار و اكلمك تاني سلام
______
نوال كانت قاعدة في أوضة ميار
و بتكلمها
نوال :شوفتي بقا عايزاكي متضيعيش زياد ده متنسيش انه الولد الوحيد و ريماس مش هتاخد زيه ده غير أنه ماسك الشركة بتاعة باباه و فلوسه كتيرة و هيجبلك كل اللي نفسك فيه
ميار:ربنا يخليكي ليا يا مامي بس انا بحب زياد مش عشان فلوسه
نوال :اومال عشان عيونه يعني
ميار:لا يا مامي بس بجد انا بحب زياد
نوال :ميار انا عارفاكي كويس زياد ده يا فقير عمرك ما كنتي هتبصيله
ميار :سكتت دقيقة :لا انا مفكرتش في كدا بس انا بحب زياد اوي
نوال :من يوم ما ابوكي مات وانا بحاول احافظ علي مستوانا الاجتماعي و الفلوس قربت تخلص شدي حيلك بقا عشان تعيشي احلي من كدا كمان
_________
ريماس حست ان مازن فيه حاجة و طلعت اوضتها عشان زهقت من قعدة مامتها و كانت عايزة تكلم مازن و تطمن عليه
في الوقت ده كان مازن بينقل ل خالد من دمه و موبايله رن و الموبايل كان مع رانيا رنت مرتين و رانيا مردتش
ريماس: رد بقا يا مازن اول مرة متردش دايما بيكنسل لو مشغول حاسة ان في حاجة
ريماس اتصلت تاني و المرة دي رانيا ردت
ريماس :ايه يا مازن مبتردش ليه
رانيا :ازيك يا انسة ريماس
ريماس ب نرفزة :انتي مين اصلا و مازن سايب موبايله مع مين
رانيا :انا رانيا يا انسة ريماس
ريماس :اه رانيا و فين مازن بقا ان شاء الله و سايب فونه معاكي ليه
رانيا :أستاذ مازن في مستشفي عشان...
قاطعتها ريماس و دموعها نزلت :مازن حصله ايه في مستشفي ايه قولي
رانيا :اهدي بس هو مش حصله حاجة أخويا خالد في المستشفي و هو كان نفس فصيلة دمه و اتبرعله بالدم
ريماس :بجد طب هو كويس
رانيا :ولله هو بخير الحمد لله و اول ما يخرج هخليه يكلمك
ريماس :اااه طيب و هو في مستشفي ايه
رانيا :مستشفي السلام
ريماس :ماشي سلام
و قفلت ريماس مع رانيا
و قالت لنفسها :ولله يا استاذ مازن بتسيب موبايلك معاها كمان انا مش مرتاحة ل رانيا دي يارب طمني عليه يارب و يكون كويس
_______
في الوقت ده كانت شهد خلصت الغدا و قاعدة هي و وفاء مامت شيماء و شيماء بياكلو وكان كريم بيلعب في الشارع تحت مع ملك و شادي و جني
وفاء :الله بجد يا دودو الاكل يجنن ماشاء الله
شيماء :انتي لازم تكرريها كل يوم بقا هه
شهد بتضحك :حاضر من عيوني بجد الاكل عجبكم
شيماء :عجبنا دي كلمة قليلة عليه يا بنتي الاكل ماشاء الله فعلا
وفاء :تسلم ايدك يا دودو بجد
شهد :فوفا انا عايزة منك طلب و انتي الوحيدة اللي تقدري تعمليه
وفاء :قولي يا دودو
شهد :انا عايزة اشتغل
شيماء و وفاء اندهشو لما سمعو كدا و بصوت واحد :نعم
شهد :فيها ايه يعني انا مش صغيرة و من حقي اشيل مسؤلية نفسي و اخفف الحمل شوية من علي ماما و بابا و كمان الشغل مش عيب ولا حرام
وفاء :شهد انتي محتاجة حاجة ناقصاكي قوليلي يا حبيبتي انتي زي شيماء بنتي
شهد :ربنا يخليكي ليا انتي امي التانية ولله
انا عايزة منك تقنعي ماما لو موافقتش ممكن ولا ايه
وفاء:حاضر يا شهد بس قوليلي هو ده السبب اللي خلاكي تفكري في الشغل ولا حاجة تاني
شهد :اااه هو ده بس
شيماء :طب و هتشتغلي ايه
شهد :انا لقيت وظيفة هروح اعمل انترفيو و اشوف كدا هتقبل ولا لا
انا شبعت الحمدلله هقوم هغسل ايدي
شيماء :انا مش بشبع من اكلك الصراحة
شهد : ههههههه ماشي
و خلصو اكل شهد قضت اليوم عند شيماء بهزار و ضحك
___________
في فيلا زياد
ريماس كانت قلقانة لان مازن متصلش قررت تلبس و تروحله تطمن عليه
___________
عند كريم و ملك و شادي و جني كانو بيلعبو مع بعض في الحديقة اللي جمب العمارة ايجا ولد صاحبهم في المدرسة اسمه سيف و كريم مش بيحبه
ملك كانت واقفة بتتفرج علي الورد و كريم كان بيشتري حاجات
سيف :ممكن العب معاكي يا ملك
ملك كانت لسة هترد كريم ايجا
كريم :عايز ايه يا سيف ملك مش هتلعب معاك
سيف :اشمعنا يعني بتلعب معاك انت
كريم:وانت مالك انت روح العب بعيد عننا يلا امشي بقا
سيف:بقا كدا ماشي يا ملك عموما هنلعب مع بعض
و سابهم و ماشي
ملك :انت كنت فين يا كريم
كريم :كنت بجبلك شوكليت
ملك :بس دي غالية اوي يا كريم جبتها ازاي
كريم :مانا بحوش كل يوم عشان عارف انك بتحبيها
ملك :شكرا يا كريم اوي
و بصت ملك علي الوردة اللي عاجباها
كريم :هي عاجباكي يا ملك
ملك :الوردة الصغيرة دي حلوة اوي عاجباني جدا
كريم مد ايه يقطفها
ملك بصوت عالي :لا لا يا كريم اوعي تقطعها
كريم :ليه يا ملك
ملك :عشان لو قطعتها هتعيش يومين و تدبل ة تموت خليها تكبر يا كريم
كريم :طب ايه رايك نهتم بيها و نخليها تكبر و تكون وردتنا و كل ما تكبر احنا هنكبر معاها
ملك :يعني دي وردتنا
كريم :لا انتي وردتي و دي وردتنا اللي هتكبر معانا
في الوقت ده شادي و جني ايجو
شادي :يلا نلعب بقا بطلو رغي
كريم وملك :يلا بينا
و بدءو يلعبو مع بعض و يضحكو
_________
ريماس كانت غيرت هدومها و نزلت لمامتها تقولها
ريماس:مامي انا رايحة المستشفى
رباب:ليه في ايه حصل اخوكي حصله حاجة
ريماس :لا يا ماما ده ابيه مازن
رباب:ماله مازن
ريماس حكت اللي حصل
رباب:طيب روحي و متتاخريش و لو كان لسة تعبان اتصلي بيا و هروحله
ريماس :حاضر يا مامي
__________
شهد روحت البيت و دخلت اوضتها
تنام شوية و قررت لما تصحي تقول لمامتها و باباه
_________
عند رانيا و مازن
الدكتور خرج و رانيا جريت عليه
رانيا :ها يا دكتور هو خالد عامل ايه دلوقتي
الدكتور :الحمدلله خالد بقا كويس و اديته منوم يرتاح شوية لكن هيفضل تحت الملاحظة و الأستاذ اللي اتبرعله بالدم ده اللي أنقذ حياته
رانيا :طب و استاذ مازن كويس دلوقتي
الدكتور :اه الحمدلله بقا كويس لكن جاله هبوط و هبعت اجيبله حاجة يشربها و ياكل حاجة عشان نقلنا منه كمية كبيرة
رانيا:انا هروح اجيبله يا دكتور حاجات من الكانتين
رانيا طمنت مامتها علي اخوها و قالتلها هتروح تجيب اكل و عصير ل مازن
و هي نازلة تحت قابلت ريماس.
ريماس كانت بتعيط و خايفة عليه:رانيا مازن فيه
رانيا:ريماس اهدي بس مفيش حاجة ولله ده نقل دم يا بنتي
ريماس :طب عايزة اشوفه هو فين
رانيا:في أوضة رقم 66 في الدور الثاني
و لسة رانيا بتكمل كلامها كانت ريماس طلعت فوق
________
دخلت ريماس الأوضة ل مازن
ريماس بقلق:ابيه مازن انت كويس
مازن مندهش:ريماس انتي جيتي ازاي و عرفتي ان انا هنا منين
ريماس :من رانيا اتصلت عليك و هي ردت عليا و قالتلي انك هنا
مازن:انا كويس يا بنتي
انتي بتعيطي ليه
ريماس:كنت خايفة عليك
مازن:طب اهدي يا ريمو..... خالتي عارفة انك هنا و زياد عارف
ريماس:لا زياد مش في البيت و ماما عارفة اه
في الوقت ده رانيا دخلت و كانت جابتله عصير و حاجات من الكانتين
رانيا:حمدلله علي سلامتك يا مازن
عمري ما هنسالك الجميل ده انت انقذت حياة خالد و ....
مازن قاطعها :بس يا روكا جميل ايه و هبل ايه يا بت انتي عيب علي فكرة خالد ده اخويا
ريماس:هو انتي اسمك روكا ولا رانيا
رانيا ابتسمت :لا رانيا يا ريمو انتي مش عارفة اسمي يعني
و روكا ده يا ستي دلعي
ريماس:ااااه بيدلعك يعني
رانيا :اه بالظبط
مازن انا جبتلك عصير وكب كيك و مولتو عشان الدكتور قال لازم تاكل حاجة عشان تعوض
و رانيا قربت و السرير راحت ريماس اخدت منها الحاجة
ريماس:شكرا يا رانيا انا هشربه و اكله
رانيا (حست ان ريماس متضايقة منها ):ها اااه طيب بعد اذنك يا مازن هروح اشوف خالد و ماما هطمنها عليك عشان قلقانة عليك
مازن:ماشي يا روكا هو خالد بقا كويس صح
رانيا:اه الحمدلله بخير
ريماس:يلا يا ابيه أشرب العصير
و ريماس بتشربه و اكلته كب كيك
و خرجت رانيا و الدكتور دخل يشوف مازن
الدكتور :لا الحمد لله بقيت كويس و تقدر تخرج انهاردة
مازن :دكتور هو الحساب كام
الدكتور :الحساب هسالك محمد اللي ماسك الحسابات و ارجعلك بعد اذنك
مازن :طيب يا دكتور اتفضل
و خرج الدكتور و مازن بص في الساعة و قال ل ريماس : روحي دلوقتي
ريماس :لا طبعا مش هروح الا اما تيجي معايا
مازن ب عصبية:سمعتي انا قولت ايه روحي عشان الوقت هيتاخر و مش هينفع اسيبك معايا كل ده انا الصبح هاجي عندكو و اطمنكم عليا
ريماس بتعيط :انت بتزعقلي ليه
مازن:ريماس روحي قولت مش هعيد كلامي مرتين
في اللحظة دي رانيا دخلت و الدكتور دخل وراها
و قال :أستاذ مازن الحساب. ....
مازن :طلع من جيبه فلوس و حاسب الدكتور و خرج
رانيا :ايه اللي انت عملته ده يا مازن مينفعش انا معايا و لسة بتطلع من شنطتها
مازن اتعصب :رانيا انتي بتعملي ايه خالد ده اخويا و انتو مسؤليين مني انتي فاهمة
رانيا :يا مازن مينفعش انا معايا ولله
مازن :لما اكون معاكي متفكريش تطلعي جنيه واحد عيب يعني
رانيا:ربنا يخليك لينا يا مازن
ريماس اتضايقت و حست ان فيه حاجة بين مازن و رانيا
مازن بص ل ريماس:سمعتي انا قولت ايه
ريماس خافت :و قالتله حاضر انا ماشية
و خرجت
_________
تعالو نشوف بطل قصتنا زياد
زياد كان في الفيلا وقتها و بياكل هو و باباه و مامته و ريماس دخلت الفيلا و طمنتهم علي مازن و طلعت اوضتها
ريماس لنفسها :بقا كدا يا مازن بتزعقلي انا كنت حاسة ان في حاجة بينك و بين رانيا دي بس كنت بقول لأ يمكن صحاب فعلا
و بعدين فتحت اللاب توب و حطت الهاند فري تسمع اغاني
__________
اما زياد كانو خلصو اكل و قعد في الليفنج مع باباه بيتكلمو عن الشغل
و دخلت مامته عندهم و هي بتعمل ضوافرها بالمبرد
رباب:انتو ايه لغاية دلوقتي بتشتغلو يلا روحو نامو
زياد:طيب يلا تصبحو علي خير
رباب :استني هنا
و بصت ل جوزها و ابتسمت و قالت :اطلع انت يا حبيبي وانا هاجي وراك
طلع شاهر و بصت رباب ب غضب لزياد
رباب:انت زعلت ميار ليه
زياد ببرود و حاطط ايده في جيبه:الله هي لحقت اشتكتلك
رباب :نوال (مامت ميار )هي اللي قالتلي
زياد :ماما هي لحد دلوقتي ميار مش خطيبتي عشان تحاسبيني
رباب:هي كلمة واحدة يا زياد انت هتتصل بيها و تصالحها فاهم
زياد :ماما انا مش عيل صغير عشان تقوليلي اعمل ايه و معملش ايه وانتي عارفة اني مش بتاع دلع و تفاهات زيها .... تصبحي علي خير
عن أذنك
وسابها و طلع
رباب :زياد تعالي هنا
زياد طلع اوضته لكن شاف اوضة اخته النور شغال
خبط الباب و هي مردتش
خبط كذا مرة و هي مردتش ف قرر يدخل
ريماس كانت حاطة الهاند فري و فاتحة اللاب توب قرب منها زياد و خلع الهاند فري و ريماس اتخضت و اتفزعت
ريماس بنرفزة:أنت دخلت امتي
زياد :بقالي ساعة بخبط ع الباب وانتي مش سامعة
ريماس بتضحك :انا سمحتلك تدخل
زياد:عاملة ايه يا حبيبتي
ريماس:تمام يا ابيه ... بس انا زعلانة منك مبقتش بتقعد معايا زي زمان ..بقيت بزهق من القاعدة لوحدي. ..... ماما بتروح الاتيليه و النادي ولو مش رايحة و قاعدة في البيت بتكون لوحدها و مشغولة عني و بابا دايما في الشركة
زياد نام علي سريرها :ولله يا حبيبتي انتي متعرفيش اللي بشوفه و ضغط الشغل ...خصوصا الأيام دي مضغوط جدا ولله .... و معنديش وقت حتي أخرج مع صحابي
قفلت ريماس اللاب توب و قعدت جمبه
ريماس:ولا يهمك يا ابيه مانا عارفة بابا مبيعرفش حد في الشغل
ياعيني عليها اللي هتتجوزك مش هتعرف تتكلم معاك بسبب شغلك ده
صحيح هي ميار مستحملاك ازاي
زياد اتضايق :سيبك من الكلام ده انتي و نامي بقا
ريماس :علي فكرة انا سمعت ماما و هي بتكلم طنط نوال و عرفت انك زعلت ميار
زياد:مش عيب تسمعي حد بيتكلم
ريماس:لا ابدا ولله دي كانت بتكلمها جمبي بس انا عايزة اقولك حاجة يا زياد .... ميار طيبة اوي و ولو قولتلها حاجة هتسمع كلامك بس هي دلوعة شوية
قام زياد من علي السرير :كفاية رغي بقا و نامي يلا تصبحي علي خير يا حبيبتي
و باس راسها
ريماس:وانت من اهله
زياد:صحيح مازن عامل ايه
ريماس:كويس الحمد لله هو اكيد روح البيت
زياد:هتصل عليه اشوفه عامل ايه
و خرج زياد و ريماس كانت مخنوقة من رانيا و فضلت صاحية تفكر لحد ما نامت
_________
اما شهد صحيت و شافت مامتها و باباها قاعدين في الصالة بيتفرجو علي Tv و قررت تتجرا و تقولهم
شهد:ماما بابا عايزة اقولكم علي حاجة
مامتها :واحنا كمان عايزين نقولك حاجة
بس قولي يا حبيبتي انتي لأول
شهد قررت تقولهم الأول عشان ميفكروش أنها سمعتهم :انا قررت اشتغل و جريت علي اوضتها
مامتها و باباها :ايييه
و فجأة. ........
تفتكره هيوافقو شهد تشتغل ولا لا
و عايزاكو تخمنو ايه طبيعة العلاقة بين مازن و ريماس و رانيا من ناحيةكل حد فيهم
و إبراهيم تفتكره بيحب شيماء ؟؟
و ميار بتحب زياد بجد ولا لا ؟؟؟
التعليقات على الموضوع