رواية ادم و حواء الحلقه 75
🍎 الحلقة ٧٥ 🍎
.
🍎🍎🍎🍎🍎🍎🍎🍎🍎🍎🍎🍎🍎🍎🍎🍎
.
كريم بيخرج من الجامعة هو و رامي مع بعض
رامي / اية رايك تيجى البيت عندى وتاخد كمان المحاضرات
الى ناقصاك
كريم بيبص فى الساعة
كريم / للاسف انا لازم اروح الشركة والدى مستنيني ولو اتاخرت هيحصل مشكلة
رامي / خلاص انا هجبلك المحاضرات معايا بكرة
كريم / خلاص اتفقناا سلاام
ولسة كريم بيعدى الطريق والموبيل بيرن وبيشوف اسم ريم وبيبتسم اوى وفى عربية سريعة وكانت هتخبط كريم
و رامي بيجرى على كريم بسرعة وبيشدو بعيد على الرصيف بسرعة والعربية بتضرب رامي
كريم بيصرخ / رامي رامي
وامن الجامعة بيروحو علية بسرعة
كريم / رامي رامي اسعااف اطلبو الاسعااف
.
**********************************
.
حسام واقف قدم فلا زياد مستني رودى ورودى بتخرج وبتروح على حسام
رودى / حسام انا مش فاهمة يعنى انا هعمل اية بالظبط
حسام / هترسمى بس
رودى / كدة انا فهمت يعنى
حسام / انتى يعنى مستعدة تساعدينى ولا لااا
رودى بتبص لحسام
رودى / اة طبعاا
ورودى بتروح مع حساام وبيركبو العربية وبيمشو
.
**********************************
.
كريم بيوصل المستشفى مع علي ومخضوض اوى من الى حصل
الظابط / انت الى كنت معااة
كريم / انا ااة اناا
الظابط / عوزين بيناتو
كريم / انا معرفش غير اسمو احنا بندرس فى كلية هندسة
هو اسمو على محمد اب ابراهيم هى دى كل المعلومات عنو
الممرضة / ياحضرة الظابط دى محفظة المصاب
الظابط بياخد المحفظة بتاعت رامي وكريم بيتصل زياد
زياد خارج من شركة سراج ومعاة علي و محمود و هاني
كريم / باباا
زياد / كريم ابنى فيك اية كريم
وكريم منهاار وبيقول زياد على الى حصل
.
**********************************
.
فهد بيروح المعرض الرئيس وبيدخل المكتب و زين مدير الفرع باين علية مدايق من وجود فهد فى المكان
فهد / البش مهندس كلمنى انت بتكون ابنو صح
فهد / اة ابنو دة لو معندكش مانع طبعاا
زين / بس انت اسمك فهد سعود
فهد / انا بكون ابن اختو بس خالى هو الى مربينى
زين / بص بقي يا فهد انا معنديش هزار فى الشغل ابدا ومش هيفرق معايا انت ابن ميين وهتبدا زى ما انا هقولك بالظبط
فهد بيبص لزين اوى
فهد / للاسف انت فهمت غلط انا هناا المدير انت هناا علشان
اخد الخبرة منك طبعاا وجودك فى المكان شئ يشرفنى يا استاذ زين وياريت نحافظ على الالقاب
زين بيبصلو بغضب
فهد / لو فى حاجة فى كلامى مش عجباك ممكن تشتكى
للبش مهندس زياد
زين / بعد ازنك عندى شغل
وزين بيخرج ومدايق اوى
.
**********************************
.
حسام بيوصل الشركة مع رودى وبيروحو على قاعة الاجتماعات و رودى بتشوف ناس كتير ببدل وحسام بيبص ورى بيشوف رودى وقفة على الباب و حسام بيرجع لرودى بسرعة
حسام / رودى وقفتى لية يلاا ادخلى
رودى / دول شكلهم يخوف اوى انا خايفة
حسام / هما مين الى شكلهم يخوف يلاا تعالى
رودى / حساام استنى
رودى بتمسك ايد حسام وحسام بيبص على ايد رودى اوى
رودى / حسام
حسام / رودى متخفيش انا جمبك ماشى وهتكونى قريبة منى
وبيجى شاب على حساام ومتعصب
جوني / بش مهندس حسام ازااى تجيبو رسام غيرى
حسام / والله احنا مستحيل نقف على شخص عديم الثقة زيك
جوني / انا مش هسمح لاى حد ياخد مكانى ابدا
جوني بيبص لرودى وبيشوف مسكة اللوحة فى اديهاا
رودى بتخطى خطوة على حسام
جوني / هى دى الى جبتها بدالى
حسام / روح من هنا بدل ما اجيب الامن يخرجك
جوني بيبص لرودى بعصبية وبيمشى و رودى مخضوضة اوى
حسام / رودى يلاا
رودى مبتردش علية وعنيهاا على جوني وهو ماشى
حسام / روودى
ورودى بتتفزع اوى
رودى / ادخلى ورى على طول
رودى / حاضر ياحسام حااضر
حسام / اولا جوة اسمى البش مهندس حسام ماشى
رودى بتهز رسها بنعم وحسام بيدخل القاعة وسراج موجود وبيقاعد جمب سراج ورودى بتدخل القاعة والكل بيبص عليهاا باستغراب و سراج بياخد بالو ان الكل منتبة للباب وبيبص على الباب بيشوف رودى وقفة و سراج بيبتسم لرودى و حسام بيشاور لرودى تقاعد جمبو ورودى بتجرى
بسرعة على حسام وبتحاول تهرب من عيون الموجودين وبتقاعد جمب حساام و حسام بيبصلهاا وبيشفها انها خيفة
بيقربلها عصير علشان تشرب منهاا و سراج بيبدا الاجتماع
.
**********************************
.
زياد معاة محمود و علي و هاني بيروحو على المستشفى وكريم واقف فى الاستقباال
زياد / كريم
كريم بيروح على زياد بسرعة زياد بيحضنو اوى
زياد / انت كويس فيك حااجة
زياد بيشوف جرح فى راس كريم جرح صغير
كريم / بابا رامي انا مش عارف حللتو اية انا
علي / اهدى شوية متقلقش
محمود / انا هروح اسال الدكاترة الاول
هاني بيشاور للممرضة
هاني / لو سمحتى شوفى الجرح دة
الممرضة بتنضف الجرح لكريم
هاني / مقدرتوش تعرفو العربية الى خبطتو
كريم / العربية كانت من غير لوحة خالص
علي / متاكد ان العربية كانت قصداك انت
زياد / اكيد حادثة ولية هتقصد انها تخبط ابنى
محمود بيروح عليهم
محمود / الشاب المصاب هو حالتو مش خطيرة خالص اطمن
وكمان نقلوة على اوضة عادية بس كسر فى دراعو وخدوش بسيطة فى جسمو
زياد / خلينا نروح نتطمن علية
وبيروحو كلهم على الاوضة الى علي فيهاا بيدخلو
كريم / رامي انت كويس
علي / الحمد لله
زياد / انت انقذت ابنى من الموت ربنا يبارك فيك
رامي / دة واجبى واى حد فى مكان على انا كنت هعمل نفس الى عملتو
والباب بيتفتح وبيدخل محمد بسرعة
محمد / ابنى رامي
محمد بيروح على رامي بسرعة
محمد / رامي انت كويس اية الى حصل
زياد / محمد
علي / محمد
محمد بيبص ورى بيشوف زياد و علي و محمود و هاني
و محمد بيبص لزياد
محمد / زياد
علي / رامي ابنك
محمد / رامي بيكون تؤام شمس
وبتدخل بنت شابة وبتروح على رامي بسرعة
رامي / شمس
زياد بيبص لمحمد بغضب
رامي / انا كويس متخفيش
زياد / كريم يلاا لازم نمشى
كريم / بابا انا هفضل مع رامي
زياد / كريم قولتلك لازم نمشى يلااا حالاا
علي / كريم يلاا
وكريم بيخرج ومدايق اوى وبيخرجو كلهم و علي بيقف
علي / محمد انت رجعت امتى
محمد / هتصل بيك ونتكلم مش وقتو الكلام دلوقتى
علي / الف سلامة علية
علي بيخرج
.
**********************************
.
فى شركة سراج الاجتماع بينتهى
وسراج بيخرج وبيبدا مدراء الشركات بيتكلمو مع سراج وحسام كلام خارج الاجتماع ورودى بتجمع الاوراق
وفى شخص بيقرب منهاا
الشخص / انتى رسمك حلو جداا
رودى بتبسم اوى
رودى / شكرا بس انا لسة قدمي مشوار طويل اوى
الشخص / ممكن نتعرف انا فادى مدير شركة الفادى للمعمار
رودى / انا رودى زياد عبدالعزيز
حسام بيبص على رودى بيشفها وقفة مع فادى وحسام عيونو عليها وبيشفها بتضحك اوى هى وفادى وبيروح على رودى
حسام / رودى لو جاهزة خلينى اوصلك
فادى / انا ممكن اوصلك معايا
حسام. / شكرا لخدماتك
حسام بيمسك دراع رودى وبيسحبهاا بسرعة برة القاعة
رودى / حسااام حسااام
رودى / انت اية الى عملتو دة احرجتنى قدم فادى
حسام / وانتى تعرفية منين علشان تقفى معااة وتضحكو بالشكل دة
رودى / انا اتعرفت علية دلوقتى وباين علية انسان محترم
حسام / الشخص دة تبعدى عنو خالص انتى فاهمة
رودى / والله انا كبيرة كفاية انى اخد قرار اعرف مين وابعد عن مين
حسام / انتى هناا امانة عندى انا وانا المسؤال عنك اتفضلى خلينى اوصلك
ورودى مديقة اوى وبتمشى بعصبية وفادى بيخرج من القاعة وبيكون سامع كل حاجة بين حسام ورودى وبيبتسم ابتسامة سخيفة اوى
.
**********************************
.
ريم بتتصل بكريم وكريم مع زياد فى العربية و كريم مبيردش على التليفون
كريم / بابا عندى مشوار مهم ممكن تنزلنى هناا
زياد / مشوار اية انت لازم ترتااح
كريم / انا كويس بس كنت مدى ميعاد لواحد صحبى ونسيت بسبب الى حصل
زياد / كريم خلى بالك من نفسك ومتتاخرش لازم اتكلم معاك
كريم / حاضر
وكريم بينزل فى الطريق وبيوقف تاكسى وبيمشى و زياد بيوصل الفيلاا و ورى محمود و علي
علي / زياد
زياد بيقف قبل ما يدخل..
علي / زياد انت بتفكر فى اية
زياد / الى بفكر فية ان ابنى يبعد عن الشخص دة وبس
محمود / زياد انت مكبر الحكاية لية دى مجرد صدفة والى حصل زمان خلاص فاات واتنساا
زياد / علشان كدة مسمى ابنتو على اسم مراتى يا محمود
علي / بلاش نشوش عقلنا على الفاضى
شمس بتخرج
شمس / انتو وقفين هنا لية فى حاجة
زياد / لاا
وبيدخلو و شمس بتبص لزياد باستغراب شديد
.
**********************************
.
حسام فى العربية مع رودى ورودى مديقة اوى ومبتتكلمش ولا كلمة
.
**********************************
كريم بيروح يجيب العربية بتعتو وبيروح لريم وريم كانت مستنية قدم الفيلا بتاعتها وبتركب العربية مع كريم
ريم / كريم اية دى انت كويس حصل اية كريم اتكلم
كريم بيمسك اديهاا
كريم / اهدى انا كويس بس حادثة بسيطة
كريم بيبوس ايد ريم وريم بتتكسف اوى وبتسحب اديها منو بسرعة
ريم / كريم لو سمحت انا مش حبة كدة
كريم / حاضر اسف
ريم بتبتسم لكريم اوى
.
**********************************
.
حسام بيوصل رودى للفيلاا و رودى بتحاول تفتح الباب علشان تنزل والباب مقفول
رودى / ممكن تفتح الباب لو سمحت
حسام/ انا بعتزرلك على المعاملة الى عاملتك فيها
رودى مبتردش علية وزعلانة
حسام / شكرا انك ساعدتينى النهاردة اتفضلى
وحسام بيدى رودى ظرف
رودى / اية دة
حسام / يعنى انتى فاكرة انك هتسعدينا ببلاش ولا اية
رودى / انا مش عوزة حاجة انا ساعتك علشان انت طلبت منى المساعدة وبس ممكن تفتح الباب باة
وحسام بيفتح الباب ورودى بتنزل وحسام بيبص عليهاا لحد.
ما بتدخل الفيلا
.
**********************************
.
ياسين بيروح النادى وساندى بتروح علية
ساندى / اول مرة تيجى النادى بالنهار يعنى
ياسين/ والله مفيش حد قالى انك اشتغلتى مع الامن هناا
ياسين بيمشى وبيسبهاا وساندى بتبص عليه اوى
يارا / ساندى انتى مش عوزة تشيلى ياسين دة من دماغك لية بس
ساندى /انتى مش فاهمة حااجة مش فاهمة حاجة
يارا / طب فهمينى يمكن اساعدك
ساندى / انا حاامل يا ياارا
وساندى بتعيط اوى
يارا / انتى ازاى تعملى كدة ازااى انتى مجنونة
ساندى / مش عارفة دة حصل ازااى مش عارفة اتورطت وحصل
يارا / دى مصيبة والاستاذ ياسين عرف
ساندى / لاا انتى شايفة هو رافض حتى يتكلم معايا يباة هقلو انا حامل منك ازااى يعنى
يارا / طبعا هو اخد الى هو عوزو منك ورماكى زى اى وحدة بيعرفها
ساندى / بس انا مش هسيبو ابدا مش هسيبو يا ياارا
.
**********************************
.
ياسين بيروح على ملعب التنس وليا بتكون بتلعب هنااك وبتشوفه وبتروح علية
ليا / ياسين اية الى جابك
ياسين / فى اية مالكو كل الى يشفنى بيستغرب اوى
ليا / اصل انت مبتجيش النادى هناا غير باليل وبتيجى لو فى حفلة بس
ياسين / جاى العب ريااضة شوية عندك مانع
ليا / لا طبعاا تعالة لما اعلمك تلعب ازااى تعالة
ياسين بينزل يلعب مع لياا تنس مع بعض
.
**********************************
.
زياد فى الاوضة ومدايق اوى و شمس بتدخل علية ومعاها
فنجان قهوة
شمس / حبيبى عملتلك قهوة
زياد بيمسك اديهاا وبيبسهاا وبيسحب شمس فى حضنو وبتقاعد على رجلو وبيبعد شعرهاا بحنية عن كتفهاا
شمس / حبيبى مالك فى اية مدايق لية كدة
زياد / قابلت محمد عباس
شمس / محمد مين
شمس بيبصلهاا
شمس / محمد الى نعرفو بتاع الجامعة
زياد بيهز راسو بنعم
شمس / واية المشكلة يعنى
زياد بيحكلها عن حادثة كريم وعن رامي
شمس / كريم ابنى
شمس لسة هتخرج بسرعة زياد بيوقفهااا
زياد / متقلقيش كريم بخير وكمان خرج مع زميلو
شمس / لازم اشوفو بعينى الاول
زياد / شمس حببتى بقولك ابننا بخيير
شمس بتحضن زياد اوى
شمس/ لو كريم كان حصلو حاجة انا مش عارفة كان حصلى اية
زياد / رامي دة بيكون ابن محمد
شمس / مش مهم هو ابن مين المهم انو انقذ ابناا من حادثة لقدر الله
زياد / وكمان عندو بنت وسماهاا شمس
شمس / اسمها شمس علشان كدة انت مدايق
زياد بيسكت
شمس / حبيبى دة كان زمان ودلوقتى كل حاجة اختلفت اكيد احنا كبار كفاية
زياد / المهم ان محمد دة مش عوزو يقرب من ابنى باى طريقة
شمس / خلاص اهدى شوية لية العصبية
.
**********************************
.
كريم وريم فى كفترية و كريم بيبص لريم اوى
ريم / ممكن متبصيش اوى كدة بتربكنى
كريم / اعمل اية مش عارف اشيل عيونى من عليكى
ريم بتبص فى الساعة
ريم / ياة انا اتاخرت على ماما انا وعدتها انى مش هتاخر
كريم / بس انا ملحقتش اشوفك
ريم / كلهاا شهرين وتشفنى طول الوقت احنا هنعيش فى بيت مشترك
كريم / بس انا امنيتى اننا نعيش فى اوضة واحدة كمان
ريم بترتبك اوى
ريم / اظن ان لسة بدرى على الكلام دة ممكن توصلنى
كريم / ممكن طبعا اتفضلى يا زوجتى المستقبلية
ريم / كريم
كريم / خلاص خلاص
وكريم بيضحك اوى وريم بتمشى وبتسيبو
كريم / ريم استنى
كريم بيروح وره بسرعة
.
**********************************
.
فى الليل
فهد بيوصل الفيلااا و شمس بتخرج من المطبخ
شمس / فهد وصلت امتى
فهد / لسة واصل هطلع انام
شمس / تنام اية استنى علشان تتعشا
فهد / لا مليش نفس
وفهد باين علية مدايق وبيطلع على اوضة كريم وكريم فى الاوضة
كريم / فهد انت وصلت
فهد / لا لسة زمانى جااى دلوقتى
كريم / مالك مدايق لية كدة
فهد / يعنى مش متعود على الشغل الجديد لسة انى اقاعد على مكتب بس دة متعب بالنسبة لياا طفى النور خلينى اناام
زياد بيدخل الاوضة وفهد بيقف بسرعة
زياد / انت لما وصلت مجتش تطمنى لية
فهد / خالى معرفش انك مستنيني
زياد / هاا اخبار الشغل الجديد اية
فهد / تمام فى البداية شوية مشاكل مع زين دة بس بعد كدة وقفتو عند حدو على طوول
زياد / مش عاوز مشاكل يافهد
فهد / خليك واثق فياا يا خاالى
زياد / يلا انت وهو خلوناا نتعشا مع بعض الكل مستني تحت
فهد / انا مليش نفس خلينى ارتاح احسن
زياد / هخلى رودى تجبلك الاكل هناا
فهد / لاا مليش نفس
زياد بيطبطب على كتف فهد
زياد / ماشى يا اسد
زياد بيخرج وكريم بيخرج ورى وبينزلو تحت والكل متجمع
على العشااء.
.
**********************************
.
فى الصباح فهد بيغير هدومه
كريم / الساعة كام
فهد /الساعة ٩
كريم بيتفزع من سريرو
كريم / ٩ وازاى سيبنى لحد دلوقتى نايم
فهد / والله حضرتك مقولتليش اصحيك تحب اعملك القهوة بتعتك
كريم / يلاا بسرعة
وفهد بيحدف كريم بشماعة الهدوم وكريم بيتفاداهاا وبيضحك
كريم / وانت رايح فين
فهد / رايح اتزحلق على الجليد لو حابب تيجى معايا
كريم / لاانا مش فاضى
فهد / والله انت صاحى فايق اوى يعنى
الباب بيخبط
كريم / ادخل
رودى بتدخل
رودى / كريم قول لفهد ان ماما عوزاة فى اوضتها
كريم بيبص لفهد ورودى عاملة نفسهاا مش شايفة فهد
فهد / دة انتى زعلانة منى بقي
رودى / كريم قول للاستاذ دة انى مبكلموش اوكى
كريم بياخد الهدوم بتعتو
كريم / والله انا مش هدخل بينكو ابدا
وكريم بيروح على الحمام وفهد بيروح على رودى وبيلف دراعو حولين رقبتهاا وبيبسهاا من جبنهاا
فهد / والله مقدرش على زعلك ابدا انتى اختى الصغيرة
رودى / يعنى عارف انا زعلانة من اية
فهد / تق
رودى / انت وعدتنى انك تعلمنى السواقة وحضرتك رجعت
بالليل و روحت نمت على طول
فهد / يااة والله فعلا نسيت الشغل اخد كل واقتى اوعدك فى
اقرب وقت هخدك واعلمك السواقة واول عربية هتكون منى اناا كمان
رودى / بجد
فهد / اة بجد والعربية الى هتختريهاا كمان
رودى فرحانة اوى وبتحضن فهد اوى
فهد / خلينا نروح التحقيق الى هيتم معايا دلوقتى
وفهد ورودى بيخرجو وفهد بيروح على اوضة شمس
شمس / تعالة يافهد ادخل
شمس بتظبط هدوم زياد وبتحطها فى الدولاب
فهد / صباح الخير
شمس / تعالة هناا جمبى
وفهد بيقاعد جمب شمس
شمس / قولى بقي فى اية مالك
فهد / مفيش حاجة مين قالك ان فى حااجة يعنى
شمس / فهد انا الى ربيتك وعرفااك كويس
فهد بيبوس ايد شمس
شمس / قول فى اية مالك اية الى مخليك مش مرتااح
فهد / يعنى انا بس متعود على حياة الشرطى وانى فجاة
كدة اقاعد على مكتب دة الى مش هستحملو
شمس / بس انت الى اخترت دة
فهد / مكنتش اعرف انى هتعب بالشكل دة
شمس / متشلش هم هتكلم انا وخالك واكيد هنشوف حل
وفهد بيبوس شمس من جبنهاا
فهد / هتاخر لازم امشى
شمس/ هستنك على الغداء
فهد / مش هتاخر
.
**********************************
.
كريم نازل من اوضته وبيشوف ياسين
كريم / فينك مفيش حد بيشفوك خالص يعنى
ياسين / كريم صحبي اتمسك فى اليوم الى كنا هنااك فية
كريم / هششش وطى صوتك
ياسين / حاضر حاضر
كريم / واحنا ملناا بية
ياسين / بس دة صحبى
كريم / خلاص روح اتسجن معااة اهو بالمرة تواسية فى سجنو
ياسين/ سجن اية ما يولع سلام
كريم / استنى ياسين
ياسين / اية غيرت رايك
كريم / النهاردة عيد ميلاد ريم
ياسين / النهاردة اة النهاردة فعلا
كريم بيضرب ياسين على دماغو
كريم / هو انا بسالك
ياسين /خلاص النهاردة عيد ميلاد ريم وبعدين
كريم / انت متعرفش اية يعنى الحاجات الى ريم بتحب ان
تكون موجودة فى يوم زى دة
ياسينهاني / مش عارف بس ريم مبتحبش تحتفل بعيد ميلادهاا
كريم / انا غلطان انى بسالك انت ياراس التوم
ياسين / انا عملت حااجة انت سالتنى وانا جاوبت
ليا / اية بتتخنقو على اية من الصبح كدة
ياسين / يا سيتى بيسالنى اية الى ريم بتحبو فى عيد ميلادها
كريم بيبص لياسين بغضب
كريم / ياسين امشى من هناا بدل ما افتح دماغك
ياسين / انا ماشى احسن سلام
ليا / كريم انا كنت حبة اعتزرلك على الكلام الى قلتو ليك انت وريم
كريم / انا نسيت كل حااجة انتى بتتكلمى عن اية
ليا بتبتسم اوى لكريم
كريم / عاوز مساعدتك
ليا / وانا مستعدة
كريم / النهاردة عيد ميلاد ريم كنت حابب اجهزلها مفاجاة
ليا/ انا اقدر اساعدك فى حاجة واحدة انى اقولك ان ريم بتحب البساطة ومبتحبش التجمعات والدوشة
كريم / خلاص انا فهمت هعمل اية
وكريم بيخرج بسرعة ومستعجل
.
**********************************
.
فهد / خالتو شمس انا همشى محتاجة حاجة منى
ليا بتشوف فهد نازل بتخرج برة بسرعة قدم الفيلااا
وفهد بيخرج
ليا / فهد ممكن لو سمحت توصلنى معااك اصل طلبة تاكسى
ومجاش لحد دلوقتى
فهد / اة طبعا اتفضلى
وليا بتركب مع فهد العربية وباين عليها السعادة
ليا / مبرووك على الشغل الجديد
فهد / شكرا
ليا / مالك باين كدة انك مش مرتاح فى الشغل الجديد
فهد / يعنى الى واخد على حياة معينة صعب يغيرهاا
ليا / اة طبعا
فهد / انتى مقولتليش هتروحى فيين
ليا / مين اة انا الجامعة اصل انا فى كلية اعلام
فهد / ربنا يوفقك
ليا بتبص لفهد اوى
.
**********************************
.
رودى / ماامامااماا
شمس فى المطبخ وبتخرج بسرعة
شمس / فى اية فى اية
رودى / الفورش بتعتى راحت فين
شمس / كانت عندك جمب اللوحات عندك
رودى/ لاا لاا مش موجدين دلوقتى حسام جاى يخدنى اقولو اية يعنى معلش اصل الفورش بتعتى مشيت لوحدهاا
شمس / رودى روحى هاتى الى انتى عوزاة وسبينى اشوف شغلى
رودى بتخبط فى الارض بعصبية وبترجع اوضتها
سهي / شمس شوفى الفستان دة يجنن وكمان سعرو مناسب جدا
شمس / احنا خلاص كبرنا على الحاجات دى
سهي / لا كبرنا اية
شمس / دة انتى عندك بنت فى طولك
سهي / احنا الى اتجوزنا بدرى دة انا لحد دلوقتى بيجيلى عرسان
سهي / لا ياشيخة
سهي و شمس بيضحكو و ريهام قاعدة سرحانة وهى بتقطع الخضار فى المطبخ و شمس و سهي بيدخلو المطبخ
شمس / ريهام خلصتى
ريهام مبتردش عليهم وسرحان و شمس بتقرب عليهاا
شمس / ريهام انتى كويسة
ريهام / نعم
سهي / نعم فى اية مالك
ريهام / مفيش حاجة بس سرحت شوية
شمس و سهي بيبصو لريهام اوى
.
**********************************
.
رودى بتخرج من الفيلااا وريحة تجيب فورش للرسم وفجاة فى عربية بتقف قدمعا ورودى بتتخض
فادى / دى صدفة غريبة
رودى بتبتسم
رودى /فادى فعلا صدفة غريبة
فادى / انتى ريحة فيين
رودى / كنت محتاجة فورش للرسم
فادى / تعالى اوصلك
ورودى بتوافق بسرعة من غير اى تردد وبتركب مع فادى وبتمشى
.
**********************************
.
محمد بيحاسب المسشفى وبيروح على اوضة رامي
مخمد / جاهز
شمس* / بابا بس رامي لسة تعبان
محمد / متتدخليش انتى يلاا هستنك فى العربية
رامي بيبص لابوة بحزن
شمس */انت كويس
رامي/ متقلقيش انا كويس
شمس* بتسند اخوهاا وبيخرجو من الاوضة وبيخرجو ومحمد مستنيهم فى العربية
.
محمد بيوصل الفيلا بتعتو و شمس* سندة اخوهاا وبتطلعو على اوضته
محمد / شمس*انتى انزلى تحت
شمس* بتبص لاخوهاا وابوهاا بقلق
شمس */ بابا فى حاجة
محمد / قولتلك انزلى تحت يلاا عاوز اتكلم مع اخوكى فى موضوع
وبتخرج من الاوضة وقلقانة اوى ومحمد بيروح على رامي وبيمسكو من هدومه بقوة وبيوقعو على السرير و رامي بيتالم اوى من دراعو المكسور والجروح الى فى جسمو
شمس *بتسمع صوت اخوهاا بيتالم وبتحط اديهاا على شفايفها وبتجرى على تحت بسرعة
محمد / انت اية الى عملتو دة مش هو دة الى اتفقنا علية
رامي / مقدرتش يابابااا مقدرتش
محمد بيضربو بالقلم على وشو بقوة و رامي بيتالم اوى
محمد / لازم زياد يدفع تمن الى عملو فياا لازم يدفع التمن قريب جدا والتمن هيكون غاالى اوى هيكون اقرب الناس لية كمان ولو وقفت قصادى انا هنسفك انت فااهم
وردة ✍️
التعليقات على الموضوع