رواية ادم و حواء الحلقه 59

🍎   الحلقة     ٥٩   🍎

. 

 

🍎🍎🍎🍎🍎🍎🍎🍎🍎🍎🍎🍎🍎🍎🍎🍎

. 

علي / حببتى اسف بس

ريهام بتقاعدد على الارض وبتعيط اوى  و علي بيروح عليهاا

ريهام / ابعد عنى متلنسنيش

علي / حياتى اسف بس دى كانت الفكرة الوحيدة علشان تفهمى ان انا وانتى مستحيل اننا نبعد عن بعض ابدا

ريهام / ودى فكرة غبية غبية

ريهام بتترمى فى حضن علي اوى وبتعيط  و علي بيضمهاا

شمس قاعدة  فى البلكونة طول لليل لحد الصبح و زياد بيدخل الاوضة وبيشفها وبيروح عليها وبيبسها من خدها

زياد / اكيد زعلانة منى صح

شمس / هروح اجهزلك الحمام اكيد راجع تعبان

شمس بتمشى وبتسيبو وبتروح على الحمام وبتجهزلو الحمام 

 و زياد بيروح عليها وبيحضنها

زياد / حببتى كان فى مشكلة كبيرة فى قسم الصيانة وكان لازم اكون موجود مع المهندسين طول الليل

شمس / كدة حمامك جااهز خد شور برحتك هروح اشوف الولاد

زياد بيمسك اديهاا

زياد / حياتى انتى عارفة انى مقدرش على زعلك منى ابدا

شمس / زياد لو سمحت خلينى اروح

زياد بيشدها من درعهاا وبيحضنها

زياد/ هدوئك دة مدايقنى

شمس بتبصلو اوى بحزن  و زياد بيضمها

زياد / اسف

شمس / ولا حتى تلفون اطمن عليك وانت عارف ان انا والولاد لوحدنا فى البيت وانا بخااف

زياد بيمسحلها دموعهاا وبيبسها من خدهاا

زياد / اسف اخر مرة حرمت يلا اضحكى باة

شمس /  المياة دفية خد دوش وانا علقتلك البيجامه هناك

زياد بيمسك شمس من خصرهاا

زياد / مش هتخرجى من هناا غير ما اشوف ضحكتك

شمس بتبتسم و زياد بيضمهاا وبيرفع عيونها فى عيونو

زياد / بحبك اوى يا شمس

زياد بيبسها من شفايفها و شمس بتسمع صوت كريم بيعيط  و شمس بتدفع زياد عنهاا  و زياد بيتزحلق وبيقع فى الماة فى قلب البانيو وبيصرخ  و شمس بتبصلو وبتشوفو وبتضحك اوى علية  و زياد مصدوم من الى حصلو وبيبص لشمس بغضب وبيحدفهاا بفقاقيع الصابون

شمس بتجرى على برة وبتضحك اوى علية وبتخرج  بتتصدم لما بتشوف فى شخص ماسك كريم وحاطط فى دماغو مسدس

الشخص /لو طلعتى صوت هفجر راس ابنك قدمك

شمس عيونها على كريم الى بيعيط من الخوف 

شمس / عااوز اية سيب ابنى انت عاوز فلووس فى هنااك خزنة فيها فلوس وووكمان فى العلبة الى هنااك دى فيها مجوهرات خدها بس سبلى ابنى

شمس بتحاول تقرب من كريم

الشخص / خليكى مكاانك

شمس / سيب ابنى

شمس بتعيط اوى

الشخص/ ميين جوة

شمس / دة جوزى

الشخص / فين هاني

زياد بيخرج من الحماام

زياد / حياتى الوالد بيعيط لية

شمس / زياد

زياد بيبص ورى شمس وبيشوف المجرم ماسك كريم وحاطط المسدس فى دماغو ولسة زياد هيهجم علية

المجرم / خليك مكانك بدل ما تندم

زياد / انت الى هتندم لو ابنى حصلو حااجة

شمس عنيها على كريم وبتعيط و كريم بيمد ايدو لشمس وبيصرخ

كريم / ماامى ماااامى

شمس/ ارجوك دة مجرد طفل صغير ملهوش اى زمب

وفجاة بتدخل الشرطة ورى المجرم ومعاهم هاني  و المجرم مصدووم وبيوجة المسدس فى وش هاني

الشرطة / نزل سلاحك

والمجرم بيرتبك اوى وفجاة زياد بيهجم على المجرم وبيمسك ايدو الى فيهاا السلاااح و شمس بتصرخ والشرطة بتتدخل وبيمسكووة  و زياد. بيحضن كريم و شمس بتجرى علية وبتاخد منو كريم وبتعيط اوى

المجرم / مش هسيبك يا هاني حق اختى مش هسيبو ابداا

زياد بيروح على شمس وكريم وبيبوس جبين شمس وبيضمهم

هاني / زياد انا مش عارف اشكرك ازااى

شمس بتبص لزياد

شمس / انت كنت عارف ان المجرم دة هيجى هنااا

زياد / كنت عارف انو هيجى يدور على هاني بس 

مكنتش متوقع انو يقدر يدخل البيت

شمس / مكنتش متوقع لااا بجد

شمس بتعيط اوى وبتاخد كريم وبتجرى على أوضة رودى 

وبتشوف سالى على الارض مربوط اديهاا ورجليهاا ورودى فى سريرهاا وبتعيط  و شمس بتشلها هى وكريم وبتحضنهم اوى وبتروح تفك ايد ساالى ورجليهاا

سالى / مدام فى حراامى فى حراامى

سالى بتخرج من الاوضة و زياد بيدخل الاوضة

زياد /  شمس

 

زياد بتصوت بغضب شديد

شمس / اخرج برررررة

زياد بيبصلها بحزن وبيخرج وبيسبهاا و شمس حضنة رودى وكريم وبتعيط اوى

هاني / زياد انا لازم ارجع الفندق لمريم اطمن عليهم

زياد / ربنا معااك

هاني/ انا اسف لان بسببى اتعرضتو للخطر كلكو

زياد / مفيش حد متوقع انو يقدر يدخل هناا بس الحمدلله مفيش حد اتازاا

هاني / انا قولت مريم على كل حااجة وعن منة 

زياد / كدة افضل

هاني / انا متاكد ان مع الوقت هتسامحنى

هاني بيمشى

.

            **********************************

.

فى الليل

زياد معاة العشاء لشمس وبيخبط عليها الباب فى أوضة كريم ورودى وبيدخل وبيشوف شمس نايمة على سرير كريم بيقرب منهاا وبيلمس خدها بحنية و شمس بتفتح عنيها وبتشوفو وبتعيط و زياد بيمسك اديها وبيبسهاا وبيضمها على صدرو بحنية و شمس بتبعدو عنهاا وبتلف وشها فى الاتجاة التانى  و زياد بيملس على شعرها وبيخرج وبيسبهاا 

 و لينا بتشوفه بتروح علية بسرعة

 

لينا / زياد صح الى سمعتو دة

زياد / اهدى مفيش حاجة حصلت كلنا بخير

لينا / ازااى مجرم زى دة يدخل البيت والحرس الى برة كانو بيعملو اية

زياد / ليناا انا عندى صداع خلى سالى تجبلى حاجة للصداع

لينا / حاضر

زياد بيروح على الاوضة ويقاعد على الكرسى وماسك دماغو

 و لينا بتدخل ومعاها  عصير وادوية الصداع

لينا / انا حاولت اتكلم مع شمس بس هى مديقة اوى

زياد / وعندهاا حق خليهاا لما تهدى

لينا / انت كويس وشك اصفر لية

زياد / باين كدة اخدت برد دلوقتى هنام ساعة وهصحى كويس

زياد لسة هيقف وبيحس بدوخة ولينا بتسندو بسرعة

لينا / زياد

لينا بتسند زياد وبتوصلو للسرير وبتغطية كويس

 

لينا / انت جسمك حرارتو عليا اوى انا هتصل بالدكتور

زياد / ليناا لاا انا مفيش حاجة خلينى انام شوية

لينا / زياد لية تعاند انت تعبان

زياد / لينا قولتلك خلاص

 

لينا بتدايق وبتخرج وبتسيبو

. 

            **********************************

. 

شمس قاعدة فى أوضة كريم مع رودى وكريم بتنيمهم وبتهز سرير رودى  و لينا بتدخل الاوضة على شمس

لينا / شمس حولى تقنعى زياد يروح المستشفى

شمس بتبص للينا

شمس / زياد

لينا / زياد حررتو عليا وتعبان اوى ورافض

ولسة لينا بتتكلم شمس بتبعدهاا عن الباب وبتخرج بسرعة 

وبتجرى على الاوضة وبتشوف زياد نايم على السرير بيترعش و بتجرى علية بسرعة

شمس/زياد

زياد بيفح عنية وبيبص لشمس  وشمس بتزعق

شمس / ولية مقلتليش

لينا /انتى عارفة جوزك اكتر منى

شمس / دكتور بسرعة

شمس بتحط اديها على خدو ودموعها بتنزل

زياد / قولتلك لو بعتى عنى انا ميت اكيد

شمس بتعيط اوى

الدكتور بيوصل البيت لزياد وبيكشف علية و شمس معااة   

 و الدكتور بيبص لشمس

شمس / مجرد شوية برد مش كدة يا دكتور

الدكتور / خلينا ننقلو المستشفى وهنااك اتاكد

الدكتور لسة هيخرج

شمس / تتاكد من اية انا مش فاهمة حااجة

الدكتور / لما اشوف الاشاعات والتحليل هنعرف انا مقدرش اقولك حاجة

شمس بتبص لزياد الى تقريبا غايب عن الوعى  و الدكتور بيكلم المستشفى وبيطلب اسعاف  و شمس بتروح على زياد بسرعة

شمس / حبيبى زياد فتح عنيك كلمنى

زياد مش قادر يتحرك وبينزل دم من مناخيرو  و شمس بتصرخ وبتبعد  بسرعة والدكتور بيرجع الاوضة تانى 

وبيفتح عيون زياد بايدو وبيبص فى عيونو الاتنين بدقة 

وبيطلع ابرة من الشنطة بتعتو وبيغرزها فى دراع زياد 

 و شمس وقفة مصدومة ومش قادرة تتحرك وعيونهاا على زياد

. 

            **********************************

. 

سهي بتروح فيلا اهل محمود

سلمي / ليا حبيبت عمتو

سلمي بتجرى عليها وبتاخد منها لياا وبتبوس فيهاا

سهي / يعنى خلاص انتى اختى الى ليكى خلاص بنت اخوكى

سلمي / حببتى انتى بتغيرى يعنى

سهي / خلى خديجة تاخد ليا وانتى تعالى معايا عوزاكى

سلمي / فى اية

سهي / فين طنط

سلمي / راحت الجمعية الخيرية

سهي / طب يلا تعالى انا فى الجنينة

سهي بتخرج الجنينة و سلمي بتودى ليا لخديجة وبتروح

لسهي الجنينة

سلمي / تقريبا كدة انا عارفة انتى عوزانى فى اية

سهي / مستحيل يعني هتفضلى طول عمرك كدة من غير جواز

سلمي / سهي مش قادرة ارتبط بحد وانا قلبى مع حد تانى

 

سهي / بس الحد دة سابك من زمان من ٤ سنين

سلمي دموعها بتنزل

سلمي / وهستنى طول العمر متاكدة ان هيجى يوم وهرجع اقبلو

سهي بتحضنهاا اوى  و محمود بيدخل الفيلا بالعربية

 

سهي / محمود

سهي و سلمي بيروحو عليه وليا بتخرج من الفيلا وبتجرى على محمود

ليا / بااابى باابى

وبيشيل ليا فى حضنو وبيبسها

سهي / حبيبى انت مقولتليش انك جاى بدرى

محمود / خلصت شغلى قولت اجى وحشتونى

سهي / حمدالله على السلامة

سلمي / هتصل بماما هقلها تيجى بدرى هتفرح انك جيت

اعمل حسابك هى زعلانة علشان مبتسالش عليهاا

محمود / يعنى احضر نفسى للعقاب

وبيضحكو

محمود / سلمي جهزى نفسك فى ضيف جاى النهاردة عاوز يتعرف عليكى

سلمي / ضيف ويتعرف عليا انا

محمود / اة طالب ايدك من بابا وبابا ادالو معاد النهاردة 

يعنى تقاعدو وتتكلمو

سلمي / انا مش عارفة لية انتو بتتصرفو من غير ما تسالونى انا مش هقابل حد اعمل حسابك على كدة

سلمي بتروح على الفيلاا وبتعيط

 

سهي / يعنى كان لازم بالطريقة دى

محمود / ممكن تخدى البنت وتدخلى  عندى مكالمة مهمة

سهي بتاخد ليا وبتروح على أوضة سلمي

.

            **********************************

. 

.

            **********************************

. 

سهي بتدخل أوضة سلمي

سهي / سلمي الضيف على وصول محمود بيقولك جهزى نفسكعلشان تقبلية

 

سلمي / يعنى محمود هيجوزنى غصب عنى

سهي / حببتى ممكن تهدى مش يمكن لما تشوفية يعجبك

مفيش حد هنا بيغصب عليكى ابدا بس محمود بيدور على سعاتك

سلمي / انا سعيدة كدة انا مشتكتش لحد

محمود بيدخل 

محمود / الضيف وصل تحت يلا

سلمي / انا مش هقابل حد وياريت الضيف بتاعك دة يروح 

من هناا قبل ما انا الى انزل اطردو

محمود / سلمي اتعلمى ازااى تكلمى اخوكى الكبير

سلمي / محمود براحة

محمود بيروح على سلمي وبيخدها من اديها على برة 

 و سلمي بتصرخ

سلمي / محمود محمود سبنى سهي

وبيخدهاا على تحت بسرعة و سلمي وقفة مصدومة

سلمي / فوزي

فوزي بيقف قدمها ومبتسم اوى

سهي / مش قولتلك يمكن يعجبك

سلمي دموعها بتنزل

فوزي /وحشتينى

محمود / فوزي عندو كلام كتير عاوز يحكهولك

سلمي / لااا لاااااا  اتاخرت كتيير

سهي / سلمي حببتى

سلمي بتعيط وبتروح على الاوضة بسرعة

.

        

. 

.

            **********************************

. 

فوزي بيخبط على أوضة سلمي

سلمي / سهي انا مش عوزة اشوفو

وبيدخل فوزي و سلمي بتبصلو اوى وبتعيط وبتجرى علية بتحضنو اوى

سلمي / لية سبتنى لوحدى للدرجة دى هنت عليك

فوزي / سمحينى

سلمي / انا انا دورت عليك فى كل حتة

فوزي بيمسك اديهاا وبيخليها تقاعد وبيقاعد قدمها

 

فوزي / انا هحكيلك على كل حاجة

فوزي بيحكى سلمي انو قابل محمود وعن الكلام الى محمود قالو لفوزي انو طمعان فى فلوس سلمي

سلمي / ازااى محمود يقولك كدة وانت بالسهولة دى اتخليت عنى

فوزي / كنت مجرووح روحت على البيت وهنااك اتكسرت لما عرفت ان امى اتوفت قبل حتى ما اشفهاا وحسيت ان الدنيا اخدت منى كل حااجة كل حاجة انتى وامى ومن اليوم دة قررت انى لازم استردك لياا تانى وبعت المصنع بتاعى

 وسافرت كندة وفتحت ورشة صغيرة هنااك والورشة كبرت لحد ما باة عندى سلسلة مصانع هنااك وسافرت دبى فى اجتماع وهناك محمود جالى الفندق واعتزر منى على الى قالو 

وكمان طلب ايدى ليكى

سلمي بتضحك وبتحضن فوزي اوى وبيدخل محمود

محمود / لاااامش للدرجة دى يعنى

سلمي بتروح على محمود وبتحضنو اوى

.

            **********************************

.

. 

شمس وليناا وعم زياد حافظ فى المستشفى ومستنين راى 

الدكتور بعد الشكف

شمس / هما اتاخرو لية مفيش حد بيخرج يقول حاجة لية

حافظ / اهدى يا ام كريم اهدى يا بنتى

ولينا بتاخد شمس فى حضنهاا

ليناا / زياد مش هيسبنا ابداا

شمس بتعيط اوى وبيخرج الدكتور

 

حافظ / دكتور طمنى

الدكتور / للاسف زى ما اتوقعت عندو ورم فى المخ

شمس بيغما عليهاا ولينا بتصرخ و الدكتور بيجرى شمس بسرعة وبيشوف نبضهاا و هاني و مريم بيوصلو المستشفى 

وبينقلو شمس على أوضة عادية

.

.

            **********************************

. 

حافظ و هاني مع الدكتور فى المكتب

حافظ / واية الحل يا دكتور

الدكتور / مفيش غير العملية مفيش طريقة تانية ومن حسن حظو ان الورم بعيد عن مراكز المخ

عيسى / خلينا نعمل العملية حالا لو استعدادات المستشفى 

لو حضرتك شايف ان برة البلد فى امكانيات افضل معندناش اى مانع

الدكتور / متقلقوش هناا فى المستشفى هنقدر نعمل الازم

حافظ / على بركة اللله اعمل العملية يا دكتور

الدكتور / انا فعلا امرت بتجهيز  العملياات بعد ازنكو

.

            **********************************

. 

مريم مع شمس فى الاوضة و شمس بتبدا تفتح عنيها وبتبص حوليها

شمس / زياد زياد

شمس بتنزل من على السرير بسرعة و مريم بتمسكهاا

 

شمس / مريم زياد فيين انا انا كنت بحلم اكيد دة حلم قوليلى انو حلم ومش حقيقة قوليلى ان زياد مش هيسبنى

 

مريم / حببتى اهدى ان شاء الله ربنا مش هيبعدكو عن بعض

 

شمس/  زياد 

مريم / هو فى  العمليات

شمس بتجرى على برة بسرعة وبتروح على  العملياات 

وبتشوف لينا قاعدة بتعيط وعمها بيهديهاا

شمس / فين زياد

شمس بتبص على باب العمليات وبتجرى علية بسرعة وبتحاول تفتحو بس الباب مقفول من جوة و مريم بتروح عليهاا وبتحضنهاا و شمس بتعيط اوى

شمس / لية كل حااجة حلوة فى حياتى بتروح منى لية انا عملت اية علشان ربنا يعمل فيا كدة

حافظ / وحدى الله يا بنتى وادعيلو

مريم بتحضنهاا اوى

.

            **********************************

. 

سهي بترجع الفيلاا وبتدخل بسرعة على ريهام و علي

سهي / ريهام عرفتى الى حصل

ريهام / اة عرفنا

سهي /شمس اكيد تعبانة اوى

ريهام / مفيش فى ادينا حاجة غير الدعااء وبس

.

            **********************************

. 

ابتسام قاعدة فى الاوضة وسراج بيدخل

 

سراج / ابتسام انا حجزت تذاكر الطيارة النهاردة باليل هنكون هناك

ابتسام / انا خايفة اوى يا سراج

سراج بيروح عليهاا وبيبوس جبنهاا

سراج / حببتى متخفيش ابدا ان شاء الله خير و زياد هيكون كويس

ابتساام / الى حصل لماما وخالتو كان صعب اوى يعنى

سراج / حببتى لية تفكرى كدة وكمان انا مش قولتلك ان 

المرض كان فى المرحلة الاولى يعنى فى امل كبير جدا

ابتسام بتحضن سراج

ابتسام / اكيد شمس تعبانة اوى

حسام بيدخل الاوضة ومعاة شنطة على كتفو

. 

حسام / بابى مامى

ابتسام بتحضنو اوى.

ابتسام / حبيبى انت مش هتتعب تيتة انت فاهم خليك هادى

حسام / حاضر يا ماما.

سراج / يلا بينا انا هوصل حسام عند ماما وانتى جهزى الشنط

وابتسام بتبوس حسام اوى وبتحضنو بقوة وسراج بيخدو وبيمشى

.

.

            **********************************

. 

بعد اكتر من ٥ ساعات فى  العمليات بيخرج الدكتور

شمس / دكتور زياد

 

الدكتور / حمدالله على سلامتو هو عدى مرحلة الخطر 

ونقلناة على  العنايااا

 

وسعود بيوصل المستشفى ولينا بتجرى علية وبتعيط 

 و مريم بتحضن شمس

مريم / الحمد لله يا حببتى الحمد لله

.

            **********************************

. 

سلمي بتتكلم فى التليفون مع فوزي ومبسوطة اوى

سلمي/ يعنى اول ما بابا يرجع هو وماما من المزرعة هنكتب الكتاب انا مش مصدقة

فوزي / ولا انا ياروحى خلاص انا هعوضك عن كل السنين دى كلهاالى راحت مننا

سلمي / انا كنت مستعدة استنا العمر كلو

فوزي/بكرة هعدى عليكى خلينا اوريكى كام مكان كدة 

شفتهم من على النت عجبونى واكيد هيعجبوكى وخصوصا 

فى بيت فى الهرم عبارة عن دورين وجنينة صغيرة هيعجبك اوى

سلمي / مدام عجبك انت اكيد هيعجبنى

فوزي / نفسى اسعدك مخليش الحزن يدخل قلبك ابدا

سلمي / وجودك جمبى هو اكبر سعادة لياا

.

            **********************************

. 

فى الليل

 مريم و هاني وسراج وابتسام فى الكفترية بيشربو قهوة

مريم/ هاني خلينا ناخد اكل للينا و شمس ماكلوش اى حاجة من الصبح

سراج / انا طلبت الاكل

مريم / هاني اتصل بالمربية الى انت جبتها دى علشان ريم 

قلقانة عليها اوى

هاني / انا لسة مكلمها والبنت نايمة هى ورودى متقلقيش

والاكل الى سراج طلبو بيوصل وبيخدوة وبيروحو و شمس نايمة على كتف لينا وقاعدين قدم  العناية  و شمس بتفتكر اللحظات الحلوة الى مرت عليها هى و زياد  و سعود وعمو حافظ وقفين بيتكلمو مع بعض

مريم /شمس حببتى خدى كلى حاجة

شمس / مش عوزة اكل

ابتسام / ليناا خدى لازم تاكلى حااجة انتو هناا من الصبح وماكلتوش حاجة يعنى زياد لما يشفكو بالشكل دة اكيد هيزعل

وبتخرج ممرضة من الاوضة

 

الممرضة / فين مدام شمس

شمس بتبصلها بخوف وبتروح عليها بسرعة

شمس / انا انا شمس

الممرضة / تعالى معايا المريض فاق وعاوز يشوفك

شمس بتبتسم اوى وبتتنهد وبتروح ورى الممرضة بسرعة 

 و ابتسام بتمسك ايد ليناا

لينا / الحمد لله الحمد لله

الممرضة بتلبس شمس هدوم التعقيم وماسك التنفس 

وبتخدها وبتدخل لزياد وبتشوفو نايم على السرير وحولية 

اجهزة كتيير دموعها بتنزل

الممرضة / قربى منو بس متلمسيش اى حااجة هما دقيقتان بس

شمس بتهز رسها بنعم وبتقرب من زياد وبتبصلو اوى وشو 

متغير شوية وحلقين شعرو كلو وصدرو مليان أجهزة

 و شمس بتلمس ايدو  و زياد بيفتح عينو وبيبصلهاا و شمس دموعها بتنزل  و زياد بيبتسم اوى زياد و مش قادر يتكلم وبيغمض عنية تانى وبيفتحهاا

شمس / حبيبى انا انا هناا جمبك

زياد بيضغط على اديهاا و شمس بتعيط وبتبوس ايدو

زياد / شيلى

 

شمس مش فاهمة وبتقرب منو

شمس / حبيبى انادى الدكتور

زياد بيشاور على وشهاا بايدو على خفيف  و شمس بتشيل الماسك الى على وشهاا  و زياد بيتنهد اوى وبيبصلهاا بتامل  و شمس بتمسح دموعها وبتحط اديها على خدو وبتقرب منو وبتبوسو من خدو

الممرضة / كفاية كدة يا مدام

زياد بيبص للممرضة بيشاورلها لااا بايدو

 

شمس / حبيبى كلناا جمبك وسراج وابتسام الكل برة مستنين خروجك

زياد / بحبك

شمس / وانا بحبك ياروحى

شمس بتبوس ايدو والممرضة بتخرج  شمس والكل بيروح على شمس  و شمس اول ما بتخرج بتنهار من العياط والكل بيجرى عليهاا

لينا / شمس زياد حصلو حااجة اتكلمى

شمس/ لاا هو بخير بس انا كان صعب عليا اوى اشوفو كدة

وابتسام بتحضن شمس و شمس بتعيط

.

.

            **********************************

.

فى الصباح

شمس رفضت انها تروح على البيت وفضلت قدم الاوضة 

الى فيها زياد ومعاها سعود و هاني

هاني / شمس انتى هنا من امبارح روحى نامي ساعتين

شمس / لاا مش همشى من هناا من غير زياد معاياا

سعود بيروح لشمس و هاني

. 

سعود / يا ام كريم فى اوضة  هنا جاهزة لزياد ارتااحى فيهاا

شمس / انا مرتاحة كدة

هاني / شمس اسمعى الكلام لو سمحتى

شمس بتبص لهاني وسعود وبتستسلم لرغبتهم وبتروح على الاوضة وبتشوف الهدوم الى كان لبسهاا نضيفة ومحطوطة على السرير و شمس بتروح عليهاا وبتلمسهاا وبتشوف الدبلة بتعتو جمب الهدوم وبتخدها وبتبسها وبتعيط وبتاخد الهدوم فى حضنهاا وبتنام على السرير ودموعها نزلة

وردة ✍️