رواية ادم و حواء الحلقه 18
🍎 الحلقة ١٨ 🍎
.
🍎🍎🍎🍎🍎🍎🍎🍎🍎🍎🍎🍎🍎🍎🍎🍎
.
زياد / يلا كملى اكلك علشان تلحقى باقى المحاضرات
شمس / لا انا شبعت خلاص
زياد / دى لو عصفورة بتاكل كانت اكلت اكتر من كدة
سهي بتروح عليهم
سهي /شمس يلااا المحاضر
زياد و شمس بيقفو
زياد / وانا كمان هادى عوزنى قبل ما اروح
شمس / تعالة خلينى اوصلك
زياد / لا روحى انتى على محاضراتك متتاخريش
شمس / لا لسة عشر دقايق
سهي / اوكى متتاخريش يا شمس سلام
شمس و زياد بيمشو مع بعض وبيقبلو محمد و زياد بيدايق
محمد / شمس عاملة اية
شمس / اناالحمد للة بخيير
ومحمد بيبص لزياد
محمد/ اهلا يابش مهندس
زياد / اهلا بيك
شمس / خلينا نروح يا زياد علشان متتاخرش على هادى
محمد / كلمينى بعد ماتخلصى
شمس / اوكى
شمس و زياد بيمشو ومحمد بيبص عليهم وهم مشين
و شمس بتاخد زياد على مكتب وبتسال على هادى وبيقوللها فى المسرح وبيروحو على المسرح وهادى معاة بنات بيتدربو على الرقص
شمس/ زياد انا لازم اروح
زياد / ربنا معااكى
وهادى بيشوف زياد وبييدى البنات استراحة وبيروح على زياد وبيسلم علية
.
**********************************
.
مريم فى البلكونة وفى رسالة على الموبيل من هاني
هاني / مريم انا طيرتى بكرة الصبح
مريم دموعها بتنزل و ابتسام بتروح عليها
ابتسام / مريم
مريم بتمسح دموعها بسرعة
مريم / ابتسام انتى لية نزلتى من السرير يلا على الاوضة
ابتسام / مريم فى اية
مريم بتبص لابتسام وبتحضنها وبتعيط
مريم / هاني هيسافر اختار انو يسافر ويسبنى
ابتسام بتطبطب على مريم وبتحاول تهديهاا
.
**********************************
.
فى الليل
شمس قاعدة قدم التلفزيون والباب بيخبط و شمس بتجرى بسرعة وقبل ما تفتح بتظبط شعرها وبتفتح وبيكون سراج
شمس / سراج
سراج / فى اية كنتى مستنية حد ولا حاجة
شمس / انا لا ابدا وهستني ميين
شمس عنيها على باب شقة زياد وسراج بيدخل
سراج / ابتسام نايمة ولا صحية
شمس وقفة عند الباب لسة وبتكلم نفسها
شمس / يمكن حصلت مشكلة بسبب انه محضرتش الاجتماع
علشان كدة مش باين طول النهار خالص
سراج / فى اية انتى يا قزمة
شمس بتبص لسراج بغضب
شمس / فى اية
سراج / انتى الى فى اية مالك متوترة لية كدة
شمس / ولا متوترة ولا حاجة ولا روح من هناا دة مكانى يلا
شمس بتبعد سراج عن الكرسى الى هى بتقاعد علية وسراج بيضحك عليها وبيروح على أوضة ابتسام
شمس / وانا شغلة بالى علية لية هوووف هووف
و بتروح البلكونة وزهقانة اوى
شمس / شمس اهدى شوية اية الحالة الى انتى فيها دى ولية
انا حاسة ان فى حاجة نقصانى
موبيل شمس بيرن وبتكون ريهام
شمس / ريهام وحشتينى باة هترجعى امتى
ريهام / انا لسة وصله البيت من دقيقتين بس
شمس / اخيرا
ريهام / مالك فى اية
شمس / مش عارفة حاسة انى متلغبطة اوى
ريهام / لااا انتى لازم تيجى ونتكلم
شمس / بس الوقت اتاخر
ريهام / يلا تعالى بسرعة
شمس / اوكى
شمس بتروح أوضة مريم بسرعة وبتدخل على طول و مريم كانت بتعيط وبتمسح دموعها بسرعة
مريم / انا مش قولتلك قبل كدة تخبطى قبل ما تدخلى
شمس / مريم
مريم / انتى كبيرة كفاية انك تكونى عارفة ان فى حاجة
اسمها خصوصية
شمس بتزعل اوى
شمس / اسفة
شمس بتقفل الباب تانى وبتقاعد على السفرة و مريم بتنهار من العياط وبعد دقايق بتخرج وبتروح لشمس وبتمسك اديها
مريم / اسفة
شمس بترفع عيونها وبتشوف الدموع فى عيون مريم
و بتحضن مريم اوى
شمس/ صدقينى هاني بيحبك مش هيقدر يسافر ويسيبك
مريم / هاني مسافر بكرة الصبح سيبك منى انا انتى كنتى عوزة اية
شمس / بس ريهام رجعت من السفر وكنت حبة اروح يعنى
مريم /بس الوقت متاخر
شمس / دى العمارة فى وش العمارة خمس دقايق ومش هتاخر
مريم / متتاخريش
شمس بتبوس مريم من خدها وبتخرج بسرعة وبتروح لريهام البيت
.
**********************************
.
سارة قاعدة مستنية محمود يرجع من المكتب واتاخر اوى وقلقانة علية وباب الاوضة بيتفتح وبيدخل محمود وماسك جاكيد البدلة فى ايدو وباين علية التعب
سارة / محمود حمدالله على السلامة انت لية اتاخرت كدة
محمود / اااة دماغى هتنفجر كان فى طلبيات بتتسلم النهاردة وكان لازم وجودى
سارة / هروح اجهزلك حاجة تاكلهاا
محمود / لاا انا اكلت فى الشركة بس هروح اخد شور يمكن افوق
محمود بياخد شور وبيخرج وبيقاعد وماسك دماغو
سارة / ثوانى ماما كانت جبتلى زيت كويس جدا للصداع
وسارة بتجيب ازازة زيت صغيرة
سارة /الزيت دة بتحطو على مكان الصداع وبتدلكو كويس
وبعد ثوانى هيختفى انا جربتو صدقنى كويس جدا
محمود / مستنية اية يلا هاتى حطيلى منو
وسارة بتبصلو وبتقرب منو وبتحطلو زيت على دماغو وبتدلكو بحنية
محمود / ااة ايدك نعمة اوى
سارة بتتكسف وبتبتسم اوى
سارة / تعالة انت لازم تنام على السرير هترتاح اكتر
محمود / لاا انتى روحى نامى انا هنام هناا
سارة / لا انت تعبان ونوم على الكنبة دى هتتعبك اوى
سارة بتشد ايدو وبتخلية يروح على السرير
محمود / بس انا كدة مش هكون مرتاح وانتى نايمة هنااك
على الكنبة
سارة / ممكن ترتاح انت انا هنام هناك متقلقش تصبح على خير
محمود بيمسك ايد سارة
محمود / شكرا ياا سارة
سارة بتسحب اديها بسرعة بتوتر وقلبها بيدق بسرعة
سارة و وبتروح على الكنبة و محمود بيبص عليهاا
وسارة بتقلع الروب وبتكون لبسة قميص نوم ابيض لون بشرتها ناعم اوى و محمود بيبصلها اوى و سارة لسة هتنام وبتتقلب على جمبها التانى كانت هتقع و محمود بيدايق وبيروح عليها وبيمسك اديهاا
محمود / سارة يلا تعالى معايا
وسارة بقف بسرعة و محمود بيسحبها من اديهاا
محمود / السرير كبير ممكن يكفينا احنا الاتنين يلا نامى هناا مش هسمح لك انك تنامى على الكنبة
سارة / بس انا
محمود / سارة يلا نامى اكيد انتى مش خايفة منى
سارة بتبتسم وبتنام جمبو على السرير
محمود / تصبحى على خير
سارة / وانت من اهل الخير
.
**********************************
.
ريهام قاعدة فى اوضتها مع شمس
ريهام / يعنى افهم من كدة ان دة حب يعنى
شمس / حب اية لا طبعا
ريهام / يعنى دقات قلبك الى بتزيد لما بيلمسك او يقرب منك
وتفكيرك الى على طول فية دة بتسمية اية
شمس / تصدقى انا غلطانة انى جيت هناا اصلااا
ريهام / بتهربى
شمس / انا لا وههرب لية كل الى فى الحكاية انو ساعدنى كتير ولة معزة فى قلبى علشان خالتو سعاد الله يرحمها
ريهام /طب وقلقك علية انو مرجعش البيت لحد دلوقتى
شمس / لا يمكن رجع وانا ماختش بالى
ريهام / وانتى بس شغلة بالك
شمس / انا همشى احسن انتى بداتى تخرفى
شمس بتخرج من عند ريهام وبتفكر فى الكلام وفجاة
بتشوف نور عربية بيضرب فى عنيها وهى بتعدى الطريق
وفى حد بيشدهااا بسرعة علية
زياد / انتى بخير
شمس بتبصلو اوى وبتشوف ملمحو
رنا / زياد
زياد / انتى فيكى حااجة
شمس / انا كويسة محصلش حاجة انت انت
زياد / انتى ازاى تمشى كدة من غير ما تبصى حوليكى كويس انا شفتك خارجة من العمارة سرحاانة حاوالت اشاورلك وانتى ولا هناا
شمس / اسفة انا كنت
زياد بياخد بالو انو ماسك شمس من خصرها وانو قريب منها وبيبص على ملامحها الهادية و بيبعد عنها باحراج
زياد / خلينا نروح
وبيعدو الطريق وبيروحو على العمارة بتاعتهم
شمس /انت اتاخرت اوى النهاردة لية
زياد بيبصلها وبيرفع حاجب
شمس / لابقصد يعنى بسببى راح عليك الاجتماع النهاردة علشان كدة بسالك
زياد / لا متقلقيش
شمس / انا بس كنت حبة اطمن بس
زياد / تتطمنى عليا ولا على الاجتماع
شمس بتبصلو اوى بنرفزة
شمس / تصبح على خيير
زياد بيضحك وبيطلع وره وبيدخل الاسنسير معاها
زياد / انتى كنتى عند ريهام
شمس / اة رجعت النهاردة
زياد / باين انك بتحبيها اوى علشان تروحى عندها فى وقت زى دة
شمس / عادى الوقت مش متاخر ولا حاجة وكمان انا حرة
زياد / طبعا حرة بس واحدة زيك تخرج من بتها فى وقت زى دة وبالشكل دة
شمس بتبص لنفسها ولبسة جيب جينز قصير وتيشيرت نص كوم
شمس / دى اخر مرة تعلق على هدومي انت فااهم
والاسنسير بيقف وبيخرجو و زياد بيبصلها بغضب
زياد / حاضر اى اوامر تانى
شمس بتتعصب اوى وبتخبط الارض وبتروح على شقتها وبتدخل وبتبص لزياد إلى واقف مكانو وبتقفل الباب بقوة
شمس / مغروور ودب
.
**********************************
.
فى الصباح
محمود واقف قدم العمارة بتاعت سهي و سهي بتنزل وبتشوفو واقف و محمود بيروح عليها ومعاة بوكية ورد
محمود / وحشتينى
سهي بتبتسم لمحمود و محمود بيقدم الورد لسهي
سهي / ورد بس انت عارف انى عندى حساسية من الورد
محمود / حساسية اول مرة اعرف من امتى
سهي / يووة خلاص
سهي بتروح تحطو فى سلة القمامة وبترجع
سهي / خلاص يلا خلينا نروح
محمود بيدايق اوى من تصرفها
سهي / يلا بينا هنقف هنا كتيير
محمود / لاياحببتى يلا تحبى نفطر فين النهاردة
سهي/ اى مكان مش هيفرق
سهي بتمشى مع محمود وبتبص لبوكية الورد اوى بحزن
.
**********************************
.
مريم منمتش طول الليل و شمس بتدخل عليها
شمس/ مريم انا هروح المعهد محتاجة حاجة
مريم / انا لاا انا كمان هروح المكتب عندى شوية شغل
شمس / مريم خليكى ارتاحى احسن اية رايك انا كمان مش هروح المعهد ونخرج مع بعض
مريم / لااا يلا روحى على محاضراتك يلا بلاش دلع
شمس بتحضن مريم الى بتحاول تبتسم اوى و بتخرج
و ريهام بتتصل بيها
شمس / ايوة يا بنتى انا اهو نزلة حالا
شمس لسة هتركب الاسنسير زياد بيخرج وبيبصلها اوى
زياد / صباح الخير
شمس / صباح الخير
وبينزلو مع بعض من غير ماحد فيهم يتكلم و شمس اول ما بتنزل بتشوف ريهام وقفة ومعاها علي ومحمد و شمس بتبص لزياد الى ملمحو كلها اتغيرت فجاة وبيتجاهل وجود محمد وبيروح على عربيتو
محمد / دة كلو تاخير فيين النشااط والحيوية
شمس بتبتسم لمحمد و زياد بيبص لشمس اوى وهو فى العربية وبيمشى بسرعة جدا
علي / مالو زياد باين علية متعصب اوى
شمس بتروح على ريهام وبتضربها فى جمبها
شمس/ مقولتيش ان محمد جاى لية
ريهام / مكنتش اعرف
محمد / يلا اركبو خلونا نروح فى مفاجاة جامدة جدا
ريهام / مفاجاة اية
علي / انتى كدة على طوول مستعجلة
وبيركبو مع بعض وبيروحو على المعهد
.
**********************************
.
مريم بتغير هدومها و بتقاعد قدام المراياا وبتحط كريم على اديها ودموعها بتنزل على كف اديهاا من غير ما تحس
و بتحط اديها على خدها وبتمسح دموعها وبتتعصب وبترمى الكريم على الارض وبتعيظ و جرز الباب بيرن مريم بتمسح دموعها وبتروح تفتح الباب وبيكون هاني
مريم / هاني انت مسافرتش
هاني / مقدرتش اسافر
مريم بتعيط وبتترمى فى حضنو و هاني بيضمها اوى
مريم / كنت خايفة احسن تختار العقد وتسبنى اناا
هاني / انتى عندى اهم من الف عقد
.
**********************************
.
فى المعهد محمد بيخدهم على اعلان متعلق
ريهام / رحلة
علي / مش اى رحلة سفارى يعنى خيم وصحرة وبدو وامسيات ليلية
شمس / جميل جدا انا عمرى ماروحت حاجة زى كدة ابدا
محمد بيطلع تذاكر من جيبو
محمد / وانا حجزتلكو كمان
شمس / بس مش عارفة ان كانت مريم وابتسام هيوفقو انى اروح
ريهام / بشوية محايلة منى انا وانتى اكيد هيوفقو
.
**********************************
.
شمس بتروح البيت وبتشوف سراج معاة شنطة ابتسام
شمس / اية دة انتو هتروحو
وبتخرج مريم من الاوضة مع ابتسام
ابتسام/ يعنى عوزانا نفضل هناا على طول ولا اية
شمس / بس خليكو كام يوم كمان
الباب بيخبط و مريم بتفتح الباب وبتكون ليناا
لينا/ خلاص هتروحى
ولينا بتروح على ابتسام وبتبسها
ابتسام/ هو انا هسافر بلد تانية ولا اية دى ربع ساعة
لينا/ انا الى هروح بلد تانية
مريم / انتو هتسافرو
لينا / اة سعود اتصل بيا وقالى اننا هنسافر بكرة الصبح
هو خلص شغلو هناا ولازم نسافر
شمس / هتسافرو كلكو يعنى
لينا بتبص لشمس
لينا / مش عارفة زياد هيسافر ولا لاا
شمس بتسبهم وبتروح على اوضتها
ابتسام. / يبقي انتو لازم تيجى تتعش معانا النهاردة
لينا / مش هينفع لازم اجهز الشنط وكمان
سراج / انا هكلم زياد لازم النهاردة تيجو عندنا هتكلو سمك
جاى من اسكندية على السفرة عدل
وبيضحكو
لينا / ان شاء الله
ابتسام / مريم فين شمس مش كانت هناا
مريم / مش عارفة
سراج / ابتسام يلا خلينى اوصلك والحق الاجتماع بتاعى
ابتسام / مريم كلمى هاني وخلية يجى هو كمان خلونا نتجمع
مريم / حاضر
وابتسام بتمشى هى وسراج ولينا بتروح على شقتها علشان تجهز الشنط
.
.
**********************************
.
محمود مع سهي بيتمشو مع بعض
سهي / لاا انا مليش فى جو الحفلات دى خالص
محمود / عوزك تكونى معايا وانا بمضى على اول عقد ليا مع الشركة دى
سهي / لاابلييز يا محمود انا مش بحب النوع دة من الحفلات وكمان الوقت اتاخر يلا خلينا نمشى
محمود مدايق وبيروحو على العربية
سهي / انت ادايقت منى صح
محمود / لا يا حببتى
سهي / اية رايك تاخد سارة معااك
محمود بيبص لسهي اوى باستغراب
سهي / عادى يعنى سارة متربية فى الوسط دة وممكن يكون
النوع دة من الحفلات عادية بالنسبلها
محمود / بس كنت حابب انك تكونى معايا
سهي / وقت تانى انا لازم اروح معاك اكيد يلا ابتسم بقي
محمود بيبوس ايد سهي وبيبتسم
.
**********************************
.
.
مريم بتروح لشمس الاوضة و شمس قاعدة على السرير
مريم / شمس فى اية مالك
شمس / انا لا مفيش بس رجعة تعبانة من المعهد
مريم / ولا ادايقتى لما عرفتى انهم هيسافرو خلاص
شمس / انا لا ابدا اكيد كان فى يوم من الايام هيسافرو
بس علشان اتعودنا على لينا وفهد
مريم / زياد هو كمان
شمس بتبص لمريم
مريم / اوعى تفكرى ان انا عامية ولا هبلة ومش حاسة
شمس/ بتقصدى اية
مريم / عارفة انك معجبة بزياد ومش مجرد اعجاب بس كمان
شمس / انا هروح اخد شور انا مش مطرة اسمع منك الكلام دة
شمس بتدخل على الحمام بسرعة وبتدايق اوى وبتشغل صوت الدوش وبتقاعد على البانيو وبتفتكر لحظة لما زياد انقذها من العربية ونظراتو ليها ونظرتها لية
وردة ✍️
التعليقات على الموضوع