رواية ادم و حواء الحلقه 15
🍎 الحلقة ١٥ 🍎
.
🍎🍎🍎🍎🍎🍎🍎🍎🍎🍎🍎🍎🍎🍎🍎🍎
.
ابتسام بتخرج وماسكة بطنهاا
ابتسام / شكلى اخت برد فى معدتى
ولسة هتتكلم وبترجع الحمام تانى وبتخرج كل الى فى معدتهاا وسراج بيروح عليها وبيجبلها الفوطة وبيغسلها وشها
سراج / حببتى خلينى اطلب الدكتور
ابتسام / لا بس انا اخت برد بس هنام وهكون بخير
سراج بيخدها على الاوضة وبينيمها وبيغطيها كويس
سراج / حببتى هروح اعملك حاجة سخنة تشربيهاا
ابتسام / لا انا كويسة عوزة انام بس
وسراج بيروح ينام جمبها وبيخدها فى حضنو وبيضمها اوى
فى الصباح
شمس بتصحى على صوت المنبه وبتطفية وبيشتغل تانى
شمس / يووة بس خلاص اسكت باة
وبتاخد الروب بتعها و بتخرج من اوضتها وبتاخد بلها ان رجليها بتمشى بيها و بتفرح اوى
شمس / رجلى الله هههههة
وبتشوف مريم قاعدة فى البلكونة وبنفس الفستان الى كانت
لبساة بالحفلة امبارح و بتروح عليها
شمس / مريم انتى كويسة
مريم / صباح الخيير
شمس/ انتى منمتيش من امبارح فضلتى سهرانا
مريم / مجنيش نوم
شمس بتروح عليها وبتضمها اوى و مريم بتحضن شمس من خصرها وهى قاعدة مكانها
شمس / فى اية مين مزعلك ياروحى
مريم / هاني هيسافر لبنان
شمس / واية المشكلة مهو انتى كنتى عارفة من فترة انو مسافر
مريم / بس كان اسبوع بس مش لمدة سنة
شمس / سنة
مريم / اة هو مضى على عقد برنامج عنائى لمدة سنة.
مريم / وجااى امبارح يقولى انا مسافر تعالى نتجوز ونسافر
فكرنى لعبة فى ايدو يحركها زى ما هو عاوز وكانى مليش كيان ابدا
مريم بتعيط
شمس / خلاص اهدى ياروحى اكيد انتو هتقاعدو مع بعض وهتتكلمو ويكون فى حل وسط اكيد
مريم / انا تعبانة هروح اتصل بالمكتب وهبلغهم انى مش هروح
شمس / وخدى دوش ونامى شوية وابعدى اى تفكير عنك
لحد ما ترتاحى
مريم بتبوس شمس من خدها وبتروح على اوضتها و شمس بتبص للسماء وبتشوف الجو مغيم اوى
شمس / هيكون فى مطر النهاردة
شمس بتحس بالبرد وبتدخل بسرعة وبتروح على المطبخ وبتفتح التلاجة وبتطلع عسل ابيض وقشطة وبتدور على توست
شمس / يووة اووف باة مفيش توست انا جعاانة
بتروح تغير هدومها وبتروح على أوضة مريم وبتشفها نايمة وبتقفل عليها الباب وبتخرج بتشوف لينا بتوصل سعود على الباب
شمس / صباح الخير
سعود / صباح الخير بعد ازنكو
لينا / صباح النور يا فنانة
شمس / الجو بيمطر بلاش تنزلى انا كمان لسة هفطر تعالى افطرى معايا
شمس / لا هاخد الشمسية وهنزل انا
لينا / شمس تعالى افطرى معايا زياد نايم ومش عوز يصحى
وسعود راح على الشركة وانا لوحدى
ولينا بتروح تاخد شمس من اديها وبتخدها على الشقة بسرعة
لينا / تعالى نجهز الفطار انا وانتى يلا تعالى
شمس بتدخل المطبخ مع لينا
لينا / بتحبى فطار معين
شمس / لا عادى بس اهم حااجة العسل انا مش بقاعج على السفرة غير لما يكون العسل موجوود
لينا / احلا عسل لعيون شمس
شمس بتضحك اوى وفهد بيدخل المطبخ بيعيط
فهد / امى
لينا / حبيبى انا هناا
شمس بتروح علية وبتشيلو وبتبوسو
شمس / صباح الخيير كوكوو
فهد بيضحك و شمس بتزغزغز وبيجرى على برة و شمس بتجرى ورى وبيضحكو اوى ولينا بتبص عليهم وهى بتحط الفطار على السفرة وبتضحك و شمس بتطلع على الكنبة وفهد مستخبي وبيضحك اوى
شمس / انا همسكك انا مش هسيبك النهاردة
شمس بتتكعبل وكانت هتقع وبتصرخ وفجاة بتلقى نفسها فى حضن زياد ولينا بتشهق من الخضة على شمس
زياد بكل بروود
زياد / اية الدوشة دى الى على الصبح
شمس بتبصلو اوى وبتستغرب هو وصلها ازااى قبل ما تقع
شمس / نزلنى
زياد بينزلهاا و شمس بتظبط هدومها ومتوترة اوى و زياد بيبص على لينا الى بتبصلهم ومبتسمة اوى و بيحط ايدو على علي شعرو بتوتر
لينا/ زياد يلا خلينا نفطر مع بعض انا وانت و شمس
فهد / واناا
لينا / لا انت روح اغسل سنانك الاول يلا على الحمام
شمس / انا انا هروح هروح اساعد فهد
شمس بتهرب بسرعة وبتروح لفهد و زياد بيبصلها اوى
لينا / عيونك
زياد بيرتبك وبيروح على اوضته
بعد شوية
لينا / زياد زياد
زياد بيخرج من اوضته و شمس بتلاعب فهد وهو قاعد على السفرة
لينا / زياد اية الى انت عملو دة مفيش فايدة فيك ابدا
ولينا بتروح بتجيب فوطة وبتحدفها لزياد
لينا / نشف شعرك كويس هتاخد برد
زياد بيبتسم للينا وبينشف شعرو كويس وشعرو مش مرتب
و شمس بتبصلو اوى بس طالع جذا وبيحرك شعرو على جهة واحدة شمس مركزة مع حركاتو اوى
لينا / شمس انتى وقفة لية اقاعدي يلا
وبيقاعدو على السفرة و شمس و زياد هما الاتنين بيمسكو طبق العسل شمس بتمسك ايد زياد و بتسحب اديها بسرعة
و زياد بيقرب لشمس العسل
شمس / شكرا
وبيفطرو كلهم مع بعض
شمس / انا شبعت
زياد /انتى ماكلتيش حااجة
شمس / لا اكلت الحمد لله
موبيل شمس بيرن وبتكون مريم
شمس / مريم انا عند لينا
مريم / شمس انا لازم اروح المكتب كان عندى محكمة النهاردة ونسيت الميعااد
شمس / بس انتى تعبانة
مريم / لا انا كويسة سلام
لينا / فى حاجة شمس مريم فيهاا حااجة
شمس / لا بس هى راحت المكتب
لينا / طب يلا خلينا نشيل السفرة انا وانتى
شمس ولينا بيدخلو الاطباق
زياد / لينا القهوة
لينا / شمس سيبى الى فى ايدك واعملى قهوة لزياد انتى
شمس بتتوتر اوى وبتبص للينا
شمس / بس اصل انا معملتش قهوة قبل كدة
لينا بتضحك عليها و بتجيب القهوة وبتقول لشمس تعمل اية
لينا / على نار هادية
زياد / لينا القهوة
شمس / هو مستعجل لية كدة
لينا / زياد متعود انو يشرب القهوة بعد الفطار على طول
شمس بتخلص القهوة وبتخرج و زياد بيشفها بيبعد فهد عنو بسرعة وبيروح على شمس وبياخد منها فنجان القهوة
زياد / لية تعبتى نفسك تسلم ايدك
لينا / دة مجرد فنجان قهوة دة انا مستحملاك ٢٤ سنة مفيش مرة قولتلى كلمة واحدة
فهد / خالو هيخدنى الملاهى
لينا / لا اكيد خالك عندو شغل خليها وقت تانى
زياد / لا جهزى نفسك خلينا نروح الاستاذ دة مخرجش من اليوم الى وصلنا فية مصر
شمس / انا لازم امشى تسلم ايدك لينا على الفطار الجميل دة
لينا / تسلمى يا شمس انتى عندك معهد
شمس / لا النهاردة اجاازة
لينا / تعالى معانا نغير جو مع فهد و زياد ونلعب انا وانتى شوية
شمس / خليها يوم تانى
لينا / يلا خلينا نروح نغير جو
شمس / لو البش مهندس الصغير يسمحلنا نروح معاة معنديش مانع
زياد / هغير هدومي ونخرج
لينا / هروح البس انا كمان
ولينا بتروح على اوضتها و زياد بيغير هدومه وبيروح على فهد وهو قاعد فى حضن شمس وبيلعبلو فى شعرو و شمس بتشم البرفان بتاعو وبتبتسم اوى
زياد / لينااا اتاخرنا
شمس / هروح اشفها اتاخرت لية
شمس بتروح للينا الغرفة وبتشوف لينا نايمة على السرير
زياد / ليناا انتى كويسة
لينا / حسيت بدوخة
شمس / زياد زياد
لينا / شمس انا بخيير
زياد بيدخل الاوضة
لينا / دى مجرد دوخة بسيطة علشان الحمل بس
زياد / خلينى اخدك المستشفى
لينا / يووة انا بخير وكمان سعود كلمنى وقالى انو خلص
اجتماع وجاى على البيت خدو انتو فهد وروحو
شمس بتبص لزياد
زياد / لا خلينى انا كمان معاكى
لينا / معلش يا شمس زياد مش هيعرف يتصرف مع فهد لوحدو وفهد هيزعل لو مرحش الملاهى النهاردة
زياد / متاكدة انك بخير
لينا / اة طبعا يلا روحو انتو باة
شمس بتخرج و زياد بيبص للينا اوى
لينا /متخليش شمس تستني برة اكتر من كدة
زياد بيضحك وبيبوس لينا من جبنها وبيخرج وفهد
ماسك فى ايد شمس وبيتنطط وفرحان اوى
.
**********************************
.
سراج بيفتح عنية و بيبص جمبو وابتسام مش موجودة
سراج / بسومة بسووومة
ابتسام مبتردش علية وبيخرج من الاوضة وبيشوف ابتسام قاعدة فى الصالة باين عليها مديقة اوى
سراج / حببتى انتى كنتى برة
ابتسام / روحت اجيب حاجة من الصيدلية
سراج بيحط ايدو على جبنها وبيشوف حرارتها
سراج / حببتى فى اية قلقتينى
ابتسام بتشاور على جهاز صغير على التربيظة وسراج بيبص علية
ابتسام / انا حامل
سراج / حامل بجد
ابتسام / مش عارفة انا عاملة احتياطاتى كويس جدا مش عارفة
وابتسام بتقف ومديقة اوى
ابتسام / مش وقتو خاالص احنا لسة فى بداية حياتنا
انا مش فاهمة ازاى دة حصل انا وخدة احتياطاتى كويس جدا
سراج بيمسك اديها ومتعصب
سراج / احتياطات اية انتى كنتى بتخدى مانع حمل
ابتسام دموعها بتنزل وسراج بيتعصب اوى وبيروح على الاوضة وبيخبط الباب بقوة ورى
.
**********************************
.
محمود بينزل الجنينة وبيروح على سارة الى قاعدة لوحدهاا
محمود / صباح الخير
سارة / صباح النور هخلى خديجة تجهزلك الفطار
محمود / انتى فطرتى
سارة بتبص لمحمود اول مرة يسالها ان كانت اكلت ولا لا
سارة / مليش نفس
محمود / انا بعتزر على الى حصل منى امبارح انا
سارة / متتعبش نفسك انا مش زعلانة.
محمود / يباة نفطر مع بعض قبل ما اروح على الشركة
سارة بتبتسم اوى لمحمود
سارة / هخلى خديجة تجهز الفطار علشان متتاخرش على الشركة
وسارة بتروح بسرعة على الفيلا ومبسوطة اوى وبتخبط فى سلمي
سارة / اسفة اسفة يا سلمي
سلمي / فى اية مالك واية السعادة الى فى عيونك دى كلهاا
سارة/ محمود طلب ان انا وهو نفطر مع بعض
سلمي / دة كلو علشان طلب تفطرو مع بعض امال لو طلب منك بوسة
سارة بتضحك
سارة / مجنونة انتى
وسارة بتمشى وبتسيب سلمي وبتروح على المطبخ بسرعة
.
**********************************
.
زياد و شمس بيوصلو على مدينة الملاهى و شمس بتبص للملاهى اوى و زياد بيبص لشمس وبيشوف لمعة عيونها
زياد / شكلك فرحانة اكتر من فهد
شمس بتتكسف اوى وبتحاول تخبى فرحتها
.
**********************************
.
مريم بتروح المحكمة متاخر وبتطلب من القاضى انو ياجل المحكمة والقاضى بيوافق على التاجيل و مريم مديقة اوى وبتخرج من المحكمة
هاني واقف بالعربية قدم المحكمةوو مريم بتتنهد لما بتشوفو
وبتقف تتكلم مع واحد عن القضية و هاني فى العربية مستنيها وبينزل من العربية وبيقف قدمها بتخلص كلمها وبتروح على هاني و هاني بيروح عليهاا
هاني / انا من الصبح بحاول اكلمك
مريم / وانا مش عوزة اتكلم بعد ازنك عندى شغل
هاني بيمسك اديها بيوقفهاا
هاني /مريم تجاهلك ليا دة بيعصبنى اكتر
مريم / سيب ايدى احنا قدم المحكمة
وفى بنتين بيروحو على هاني وبيطلبو منو يتصورو معااة
و مريم بتمشى وبتسيبو و هاني مدايق اوى
.
**********************************
.
شمس و زياد وقفين بيتفرجو على فهد وبيشجعوة وهو بيلعب وفهد بيجرى عليهم وفرحان اوى وبيروحو على لعبة الحصان و زياد بيمد ايدو لشمس علشان تركب مع فهد
و شمس بتبص حوليها
شمس / بس دى بتاعت اطفال
زياد بيبتسم لشمس
زياد / يلا تعاالى
شمس بتمسك ايدو وبتطلع معااة ومش عارفة تطلع على الحصان زياد بيمسكها من خصرها وبيرفعها لفوق و شمس بتبصلو اوى و زياد بيبصلها
فهد / انا الفاارس عاااا هجووم
شمس و زياد بيضحكو علية واللعبة بتتحرك زياد واقف
جمب شمس وفهد وبيضحكو اوى وفهد عامل نفسو فى حرب
وبيتعبو من اللعب
فهد / ايس كريم
زياد / لااا الجو برد هتتعب
فهد بيزعل و شمس بتبص لفهد وبتغمزو
شمس وفهد / عوزين ايس كريم عوزيين ايس كريم عوزين ايس كريم
زياد / هشش خلاص الناس بتبص علينا
شمس / احنا هنعتصم هناا عوزين ايس كريم
زياد / ياالله انا الى جبتو لنفسي جايب معايا اتنين
الله يعلم بيهم
شمس / عوزيين ايس كريم
زياد بيروح على الايس كريم وبيجبلهم ايس كريم
شمس وفهد / هاااااة هااااة
وفجاة فى واحد بيخبط شمس فى كتفهاا بقوة وهو بيجرى مع اصحابه و شمس كانت هتقع
شمس / انت اعمى مش بتشوف
الشاب / انتى الى وقفة فى نص الطريق ولا انتى وقفة مستنيني يامزة
زياد بيتعصب وبيرمى الايس كريم من ايدو وبيروح عليهم
ومن غير كلام بيضربو بالبكس فى وشو و شمس بتصرخ
شمس / زياد
زياد / انت ازااى تكلمها بالطريقة دى
زياد لسة هيهجم علية تانى و شمس بتبعد زياد بسرعة
واصحاب الشاب بيخدوة وبيمشو بعيد
شمس / زياد دة كان سوء تفااهم بس مش اكتر
زياد بيبص شمس اوى وبيبص لاديها الى حطاها على صدرو
و شمس بتبص لاديها وهى حاسة بنبضات قلبو بتتصارع
و بتشيل اديها بسرعة
زياد / خلونا نتحرك
.
**********************************
.
ابتسام بتدخل الاوضة لسراج وسراج قاعد على السرير وباين علية متعصب اوى وبيضغط بايدو بقوة على السرير و ابتسام بتبص لايدو اوى
ابتسام / سراج ممكن نتكلم
سراج مبيردش عليهاا
ابتسام / انا بس كنت حبة اننا نعيش حياتنا
سراج بيتحرك من مكانو وبيتجاهل كلام ابتسام وبيروح
على الدولاب وبيطلع هدوم وبيغير
ابتسام / سراج انت رايح فيين
سراج مبيردش عليهاا
ابتسام / سراج انا بتكلم معااك لو سمحت متعاملنيش بتجااهل بالطريقة دى
سراج بيغير هدومه بسرعة وبياخد محفظتو والمفاتيح بتعتو
وبيخرج من الاوضة وابتسام بتخرج ورى بسرعة
ابتسام / سراج سرااج
وسراج بيخرج من الشقة وبيقفل الباب بقوة و ابتسام بتقاعد على الارض وبتعيط
وردة. ✍️
التعليقات على الموضوع